6. Ek glo in Jesus Christus Johannes 3:16-18 en Matteus 1:18-25

Transcriptie

1 1 6. Ek glo in Jesus Christus Johannes 3:16-18 en Matteus 1:18-25 Tema Ons glo in Jesus Christus, die God-mens, ons Here wat ons verlos. Agtergrond en interpretasie Ons is besig om oor die Apostoliese Geloofsbelydenis te gesels. In die vorige ontmoeting het ons gesels oor: Ek glo in God, die Vader, die Almagtige, die Skepper van die hemel en die aarde. In hierdie ontmoeting en die volgende vyf ontmoetings gaan ons gesels oor wat ons oor Jesus Christus bely. Vandag val die fokus op Jesus as die enigste Seun van God, wat ontvang is van die Heilige Gees en gebore is uit die maagd Maria. Die baie bekende gedeelte in Johannes 3:16-18 word as Skrifgedeelte gebruik. Dit is ook reeds in Ontmoeting 2 behandel. Saam met die verse in Johannes, gaan ons Matteus 1:18-25 gebruik. Hierdie verse vertel vir ons Jesus is ontvang van die Heilige Gees en gebore uit die maagd Maria. Johannes 3 vertel vir ons van God se liefde vir die wêreld en dat Hy sy Seun, Jesus, gestuur het om die wêreld te red. Die klem val hier op God se liefde en redding. In Matteus 1 is dit ook die redding van mense wat belangrik is (1:21). Matteus 1 sê Jesus se koms het gebeur soos dit voorspel is deur die profeet Jesaja (Jes 7:14 ev; 8:8). Verder verduidelik dit vir ons dat Jesus anders as gewone mense is wat uit aardse ouers gebore is: Maria het swanger geraak deur die werk van die Heilige Gees. Sy was ongetroud en het nog nie met ʼn man omgang gehad nie (Matt 1:25). Uit die Skrifgedeeltes kan die volgende beklemtoon word: Jesus is God se enigste Seun. Jesus is deur ʼn gewone, ongetroude (maagd) vrou, Maria, in die wêreld gebring. Die swangerskap is deur die Heilige Gees bewerk. Jesus is deur God gegee of gestuur om mense te red omdat God die wêreld liefhet.

2 2 Bybelgedeeltes en hoofgedagtes Bybelgedeelte (lees of vertel) Lees Johannes 3:16-18 Vertel Matteus 1:18-25 Hoofgedagtes van die ontmoeting 1. God stuur uit liefde sy enigste Seun, Jesus, na die wêreld om mense te red. 2. Jesus is anders as gewone mense. Maria het deur die werk van die Heilige Gees vir Jesus verwag nog voordat sy met Josef getrou het. Uitkoms 1. Insig: God het vir Jesus aarde toe gestuur omdat Hy die wêreld liefhet. Jesus is God se enigste Seun. Maria het vir Jesus verwag deur die werk van die Heilige Gees. Jesus is waarlik God en waarlik mens. 2. Respons: Erken Jesus as Here en Verlosser. Hulpmiddels by die storie 1. Skyfies om te gebruik saam met die Apostoliese Geloofsbelydenis. Hulpmiddels vir kleingroepvaslegging Junior kleingroep Bring saam 1. ʼn Kaartjie vir elkeen. Maak dit volgens die aanwysings hieronder. 2. Potlode, penne of kryte. Voor die tyd 1. Maak soos volg vir elkeen ʼn kaartjie: Aan die een kant staan daar geskryf: Jesus is God. Aan die ander kant staan daar: Jesus is mens. 2. Ryg ʼn toutjie deur elke kaartjie sodat die kinders dit iewers kan ophang. Senior kleingroep Bring saam 1. ʼn Glas vol water. 2. Skêre, gom en tou as die kinders die koevertjie onder Werksaam tydens die ontmoeting gaan maak. Voor die tyd

3 3 Die storie Begin Het iemand al vir jou gevra wie se kind jy is? Jy het dan seker geantwoord deur te sê wie jou pa of jou ma is. Maar niemand het seker al ooit vir jou gevra of jy ʼn mens is nie, of hoe? Toe Jesus aarde toe gekom het, het die mense ontdek Hy is anders as gewone mense. Wat vertel die Bybel vir ons oor Jesus? Kom ons kyk wat Johannes oor Jesus geskryf het Hoor Moment 1: Johannes 3:16-18 God stuur uit liefde sy enigste Seun, Jesus, na die wêreld om mense te red Johannes vertel vir ons Jesus is God se enigste Seun. God het vir Jesus na die wêreld toe gestuur om mense te red. Almal wat in Jesus glo, het die ewige lewe. En wat het Matteus oor Jesus geskryf? Moment 2: Matteus 1:18-25 Jesus is anders as gewone mense. Maria het deur die werk van die Heilige Gees vir Jesus verwag nog voordat sy met Josef getrou het In Matteus lees ons dat Maria ʼn baba verwag het toe sy nog net aan Josef verloof was, voordat hulle getroud was. Hierdie baba wat in Maria verwek is, het van die Heilige Gees gekom. Daarom sê ons Jesus is van die Heilige Gees ontvang. Dit is soos ʼn present wat Maria van God gekry het. Daarom het ʼn engel in ʼn droom vir Josef gesê hy moenie vir Maria kwaad wees nie. Die baba wat Maria verwag het, was nie ʼn ander man se kind nie. Hierdie baba het van die Heilige Gees gekom. Josef moes Hom Jesus noem. Jesus beteken Redder, want dit sou Jesus wees wat die mense van hulle sondes sou verlos. Josef het toe met Maria getrou. Toe die baba gebore is, het hulle hom Jesus genoem. Dink As ʼn mens vir Jesus sou vra wie se kind Hy is, sou Hy antwoord dat Maria sy ma is, dat God sy Pa (Vader) is, en dat Josef sy pa hier op aarde was wat hom help grootmaak het. Ons glo Jesus het gekom om ons sonde weg te neem en ons te red. Ons sê ook Hy is ons Koning, ons Here. Leef Dit maak ons baie bly wanneer ons ontdek Jesus neem ons sonde weg. Dan is ons nie meer vir God bang nie. Wanneer ons in Jesus glo, is sy Vader ook ons Vader. Kyk net wat sê 1 Johannes 3:1-2: Kyk watter groot liefde die Vader aan ons bewys het: Hy noem ons kinders van God, en ons is dit ook Geliefdes, ons is nou reeds kinders van God wanneer Jesus kom, (sal) ons soos Hy wees. In die Karoo was daar vroeër jare ʼn gebruik wat só gewerk het: Elke skaapooi wat ʼn lam kry, weet hoe haar lam ruik. Voordat die lam aan haar mag drink, ruik sy eers of dit haar eie lam is. Partykeer gebeur dit dat ʼn lam met geboorte of kort ná geboorte doodgaan. Terselfdertyd is daar dalk ʼn ooi wat doodgaan en haar lammetjie wees agterlaat. Dan neem die boer die dooie lammetjie, slag sy vel versigtig af en sit dit bo-oor die lewende lam. Hy werk dan die vel se oop kant onder die lam se maag toe sodat dit amper soos ʼn jassie is.

4 4 Wanneer die ooi wie se lam dood is aan die ander lam ruik, ruik dit soos haar eie lam. Dan kan die lam aan haar drink en bly leef. Ek dink dit is amper wat met ons en God gebeur. Wanneer ons Jesus bo-oor ons aantrek, wanneer ons in Jesus glo, neem God ons as sy kinders aan. Dan kan ons soos Jesus begin leef. Kom ons sê nou die Apostoliese Geloofsbelydenis twee keer saam op. (Gebruik die skyfies wat voorsien word.)

5 5 Kleingroepvaslegging: Junior groep Welkom Groet elkeen met die vraag: Wie se kind is jy? Luister na hulle antwoorde, selfs al maak hulle ʼn grap daarvan. Jy sou ook die vraag in ʼn stelling kon verander: Ek weet jy is Pieter en Sandra se kind. Wegspring Gee aan elkeen ʼn kaartjie waarop jy aan weerskante geskryf het: Jesus is waarlik God en Jesus is waarlik mens. Vra vir die groep of hulle al twee kante gelyk kan lees. (Laat hulle antwoord.) Wanneer ons in die Bybel oor Jesus lees, lyk dit partykeer vir ons of Hy net God is. Ander kere lyk dit weer vir ons of Hy net mens was. Ons verstaan dit nie heeltemal nie, maar ons lees in die Bybel dat Jesus waarlik God én waarlik mens is. Ons glo dit omdat die Bybel dit vir ons sê. Werksaam Lees die sinne hieronder. As ʼn sin jou daaraan laat dink dat Jesus God is, teken ʼn in die eerste kolom. As die sin jou daaraan laat dink dat Jesus regtig mens was, teken ʼn in die tweede kolom. As jy nie kan besluit nie, kan jy dalk al twee teken. 1. Toe Jesus gebore is, het daar ʼn groot ster verskyn. 2. Maria het Jesus in doeke toegedraai en Hom in ʼn krip neergelê. 3. Jesus het honger geword toe Hy in die woestyn was. 4. Jesus het water in wyn verander. 5. Jesus het vir ʼn man gesê sy sonde is vergewe. 6. Jesus is gekruisig en het uitgeroep: My God, my God, waarom het U My verlaat? 7. Jesus het uit die dood opgestaan. Jesus is God Jesus is mens Wegstuur/Huisgeloof Gesels by die huis saam hieroor: 1. Wat beteken dit vir julle om die volgende woorde te bely? Ek glo in Jesus Christus, die eniggebore Seun van God, ons Here. 2. As Jesus Christus net mens was 3. Romeine 5:12-16 sê dis Adam se skuld dat almal sonde doen. Hy het nie na God geluister nie. Gelukkig het Christus gekom om Adam se foute reg te maak. Omdat Hy so lief is vir ons, het Hy vir Jesus gestuur om ons te verlos.

6 6 Kleingroepvaslegging: Senior groep Welkom Groet elkeen met die vraag: Wie se kind is jy? Luister na hulle antwoorde, selfs al maak hulle ʼn grap daarvan. Jy sou ook die vraag in ʼn stelling kon verander: Ek weet jy is Pieter en Sandra se kind. Wegspring Hou die glas met water in die lug sodat almal dit kan sien. Vra dan: Hierdie glas vol water kan op nog twee heeltemal verskillende maniere in die natuur voorkom. Watter twee maniere is dit? (Laat die kinders antwoord. Regte antwoord: ys en stoom.) In die skepping is daar nog sulke verskynsels wat vir ons leer dat wat ons op daardie oomblik sien, glad nie vir ons alles van daardie spesifieke voorwerp vertel nie. Ek kan vir julle ʼn stuk ys wys en vra of dit hard of sag is. Julle sal sê dit is hard. Ek kan ook vir julle vra of ʼn mens die ys kan sien, en julle sal sê julle kan dit sien. Maar as ek die ys sou smelt, word dit weer water, en as ek die water nog warmer sou maak, sou dit stoom word. ʼn Mens kan nie altyd stoom sien nie. Toe Jesus, die Seun van God, wat self God is, mens geword het, het Hy sigbaar geword en onder ons kom woon. Wonder Maak julle oë toe en wonder hieroor: Rondom ons is baie dinge wat ons kan sien en voel. Daar is egter ook dinge in die lug wat ons nie kan sien nie, soos die suurstof wat ons inasem. Ons kan nie alles verstaan nie, maar ons leer al hoe meer. Ons kan Jesus ook nooit ten volle verstaan nie. Ons dink egter saam met die Bybelskrywers oor Hom en praat oor Hom. Ons praat oor Jesus met die woorde wat ons ken, maar Hy is baie meer en baie groter as wat ons in woorde kan sê. Werksaam Maak die koevertjie op bladsy in jou werkboek. Al die stappe wat jy moet volg, sal jy daar kry. Wanneer jy dit klaar gemaak het, kan jy dit in jou kamer ophang. (Opmerking: Die groep kan dit tydens die ontmoeting of by die huis gaan maak.) Só maak jy hierdie koevertjie wat jy kan ophang: 1. Knip die 16 blokkies met sinne en Bybelverse daarop uit. Daar is 2 leë blokkies waarop jy self iets kan skryf as jy wil. 2. Sorteer nou die uitgeknipte blokkies. Sit al die blokkies wat jou daaraan laat dink dat Jesus mens is op een hopie, en al die blokkies wat jou daaraan laat dink dat Jesus God is op ʼn ander hopie. 3. Rangskik nou al die blokkies wat jou daaraan laat dink dat Jesus mens is op die groen kant en plak dit vas. 4. Rangskik nou al die blokkies wat jou daaraan laat dink dat Jesus God is op die blou kant en plak dit vas. 5. Knip nou die blou en groen blokke saam met die omvoukante as een groot geheel uit. 6. Vou dit dubbel sodat die woorde aan die buitekant staan. 7. Vou die wit kante by die blou kant om en smeer gom daaraan.

7 7 8. Sit nou die twee punt van ʼn toutjie op die pyltjie op die groen blok neer. Plak die blou en groen kante teen mekaar vas sodat die tou tussen die twee kante is. Dit moet soos ʼn oop koevert lyk wat opgehang kan word. 9. Teken nou ʼn prentjie van jouself in die sirkel, knip dit uit en skryf daarop: Jesus is my Here. Ek glo in Hom. 10. Bêre jou prentjie van jouself binne-in die koevert en gaan hang dit in jou kamer op.

8 8 Wegstuur/Huisgeloof Gesels by die huis saam hieroor: 1. Wat beteken dit vir julle om die volgende woorde te bely? Ek glo in Jesus Christus, die eniggebore Seun van God, ons Here. 2. As Jesus Christus net mens was 3. Romeine 5:12-16 sê dis Adam se skuld dat almal sonde doen. Hy het nie na God geluister nie. Gelukkig het Christus gekom om Adam se foute reg te maak. Omdat Hy so lief is vir ons, het Hy vir Jesus gestuur om ons te verlos.