NAGMAAL. SKRIFLESING: 1 Petrus 2: TEKS: 1 Petrus 2:24a. Jesus Christus het ons sondes gedra. Psalm 89 : 1. Psalm 40 : 3

Transcriptie

1 NAGMAAL SKRIFLESING: 1 Petrus 2:18-25 TEKS: 1 Petrus 2:24a TEMA: Jesus Christus het ons sondes gedra Psalm 89 : 1 Psalm 40 : 3 Skrifberyming 10 (5-4) : 1, 2 Psalm 116 : 1, 2, 3, 4, 5, 7 Psalm 89 : 7 Voor tafels: Jesaja 55:1 By tafels: Hand 2:22-32/36 Hand 3:13-21 Hand 10:36-43 Hand 13:26-33 Hand 13:34-41

2 2 Dis tog die kern van alles. Dis waaroor dit in die Bybel gaan. Dis die goeie nuus van die evangelie. Dis waarom ons mense geword het wat die Here dien omdat Jesus Christus self ons sondes in Sy liggaam aan die kruis gedra het. En u kén hierdie goeie nuus. Maar nou moet ons nooit die fout maak om te dink dat hierdie paar eenvoudige woorde (Jesus Christus het self ons sondes in Sy liggaam aan die kruis gedra) só bekend kan word dat ons nie meer daaroor hoef te praat of te dink nie. Iemand wat dink dat n mens hierdie ou sinnetjie holrug kan ry, het nog nooit die ontsaglike diepte daarvan verstaan nie. Daar kan eintlik oor elkeen van hierdie woorde boekdele geskryf word Vat byvoorbeeld die woordjie sondes. Van watter wêreld van haat en onreg praat hierdie woordjie nie! Van hoeveel ontelbare goeie dinge wat nié gedoen is nie, vertel hierdie woordjie nie! Sonde is n woord wat sê dat mense die hele doel van hulle lewe (= om God met n heilige lewe te eer) mis. Sonde is n woord wat vertel hoe klein, nietige wesentjies, spikkeltjies in die heelal, dit gewaag het om die gesag uit te daag van die Een wat hierdie heelal net met n bevel van Sy mond gemaak het. Dis n woord wat sê dat kinders die volmaakte liefde van die Vader in die hemel minag. Dis n woord wat ons daaraan herinner watter verskriklik kwaad mense mekaar aandoen die koerante is elke dag vol van dié gru-verhale. Dis die een woord waarin al die verskeurdheid en gebrokenheid van die menslike bestaan op hierdie aarde saamgevat is. Sondes Óns sondes.

3 3 Hoe lank sal ons nie oor hiérdie woordjie kan praat nie. Wie s hierdie ons? Dis in die eerste plek ons as mense, in onderskeiding van diere of engele. Die apostel Petrus skryf hierdie brief vir mense: - die kroon van God se skepping; - die wese wat God geskep het na Sý beeld; - die een wat met Sy onvervalste sin vir regverdigheid waarmee hy geskep was en met sy inherente gebondenheid aan die wil van sy Skepper en met sy getroue werk as bestuurder van die skepping Gód moes grootmaak. En hierdie mens, hierdie ons, het gesondig en maak deur al die eeue op n daaglikse basis hierdie sondes net al hoe meer en al hoe groter! Maar die ons van wie die apostel hier in ons tekssin praat, is ook baie spesifiek die gelowiges in onderskeiding van ongelowiges. Hy skryf tog hierdie brief nie vir mense in die algemeen nie, maar vir gelowiges: - vir mense wat nie net God se Skepperliefde ken nie, maar ook Sy Verlosserliefde; - mense wat nie net die ewige krag en majesteit van God uit Sy werke ken nie, maar wat ook Sy genade en Sy trou uit Sy Woord ken. Dis nie net die mens in die algemeen wat sondes doen nie, of net die heidene en die ongelowiges nie, maar ook kerkmense, die verbondsvolk van die Here, die gelowiges, die mense vir wie God al van ewigheid af spesiaal liefhet ook óns doen baie sondes. Hierdie woordjie ons moet ons elkeen herinner aan al die skandes wat ons as kinders van God al in hierdie wêreld gepleeg het en waaroor ons so diep skaam behoort te wees En dink net aan die woordjie dra Christus het ons sondes gedra. As jy iets dra, dan beteken dit dat jy die las daarvan op jóú vat,

4 4 dat jy die gewig daarvan op jóú laat druk. Christus het al ons nalatigheid en al die onreg wat ons God en mekaar aangedoen het, op Sý skouers gevat en namens ons daarmee voor die regbank van die heilige God gaan staan. Hy t ons misdade op Hom laat druk, toe Hy die straf daarop, wat óns moes ly, vir ons volledig klaar gely het. En omdat Hy ons sondes en straf vir ons gedra het, hoef ons dit nou nooit weer self te dra nie. Hy t ons sondes gedra. Dink aan die woordjie self Hy het self ons sondes gedra. Het u dalk gedink hierdie woordjie self is hier nie baie belangrik nie? Die woordjie self onderskei die Here Jesus se offer aan die kruis van al die Ou Testamentiese offers, wat na Sý offer toe heengewys het. In die Ou Testamentiese bedeling het die priesters daar by die tempel elke keer iets anders as hulleself geoffer: n bul, of n ram, of n ander dier. Maar hier kom die eintlike Hoëpriester en Hy offer Homsélf! Hy dra self ons sondes. En Hy doen dit in Sy liggaam. Hy het self ons sondes in Sy liggaam gedra. Hy t dus n liggaam gehad en hoe baie sê dít nie! Sy lyding was egte lyding. Jesus was nie n soort skynmens, wat nie regtig verneder en verontreg en seergemaak kon word nie en wat nie regtig pyn gevoel het nie en wat nie regtig die allerverskriklikste benoudheid oor die hel wat Hy moes ly, deurgegaan het nie. Nee, Hy t n liggaam gehad.

5 5 Hy was n mens van vleis en bloed, net soos ons. Die pyn en die benoudheid en die dood wat deur ons sondes veroorsaak is, het Hy nie net in n figuurlike sin gedra nie, maar werklik, letterlik-fisies, in n ware menslike liggaam Dis bekende woorde in hierdie sinnetjie; maar elkeen van hulle 1 het n wêreld van betekenis daarin opgesluit: - Jesus Christus het self ons sondes in Sy liggaam aan die kruis gedra. En hieroor gaan dit per slot van rekening in die Bybel en in ons godsdiens. Aan hiérdie feit laat die Heilige Gees ons in die eerste plek gelowig vasgryp. Hiérvan praat die evangelie en hiérvan word ons in die nagmaal verseker. Dís wat uiteindelik regtig saak maak, permanent saak maak in n mens se lewe Jesus Christus, wat self jóú sondes in Sy liggaam vir jou gedra het daar aan die kruis. As jy dít glo, as jy dít weet, as jy dít in jou binneste dra, dan is jy n geseënde mens AMEN 1 En elkeen is nie eers bespreek nie