Die Here tree op teen dié wat terugdraai sonde toe

Transcriptie

1 SKRIFLESING: Genesis 19:1-30 TEKS: Genesis 19:26 TEMA: Die Here tree op teen dié wat terugdraai sonde toe Psalm 48 : 4 Psalm 7 : 6, 7 Psalm 1 : 1 Skrifberyming 78 (13-3) Ook: Sb 38 (15-2) : 2, 3

2 As n mens begin verstaan wat Lot se vrou gedoen het, dan besef jy dat baie van die dinge wat in ons tyd op geestelike terrein gebeur, eintlik maar dieselfde is: - mense wat begin wonder of hulle op die Here se pad moet aanhou; - mense wat moeg word om die pad van geloof te loop, wat nie meer lus het daarvoor nie, wat nie meer kans sien daarvoor nie, wat begin twyfel of dit regtig n beter pad is; - mense wat terugkyk en terugverlang na n deel van hulle lewe waarin die Here nie so n allesoorheersende rol gespeel het nie 2 Die Heilige Gees het dit wat met Lot se vrou gebeur het, as n blywende waarskuwing vir ons laat opskryf: dat die Here optree teen mense wat terugdraai na die sonde toe. En so spoor Hy ons aan om te volhard op die pad wat die Here vir ons wys die pad wat ons wegvat van God se oordeel af. Kom ons gee aan die volgende aandag: 1. aan die pad wat die Here vir Lot se vrou wys; 2. aan hoe sy omkyk; 3. aan wat dan met haar gebeur. 1. DIE PAD WAT DIE HERE WYS Die Here het besluit om Sodom en die ander dorpe van daardie omgewing te verwoes, omdat hulle sondigheid net eenvoudig te erg geword het. Hierdie hoofstuk beskryf hoe skandelik en skaamteloos sleg die héle bevolking van Sodom geword het. Selfs God se geduld kon dit nie langer verdra nie en daarom het Hy besluit om daardie hele streek te verwoes as n voorbeeld van hoe Hy sulke slegtigheid haat! Maar vir Lot en sy gesin is daar nog genade. Al was Lot ook al aangetas deur die slegtigheid Hy was dan bereid om toe te laat dat sy dogters seksueel misbruik word was hy darem n gelowige, n kind van God, iemand vir wie die slegtigheid van die mense van Sodom gepla het Pet 2:7-8

3 3 En vir kinders van die Here is daar redding uit Sy oordele; en daarom stuur die Here twee engele om Lot en sy gesin te waarsku om betyds te vlug uit die plek uit wat God wil verwoes. Hulle was nie baie lus om te vlug nie. Selfs Lot, die kind van die Here, het nog getalm, soveel so dat die engele hulle teen dagbreek met geweld uit die stad moes uitvat. Dit ís seker nie maklik om jou blyplek van jare en alles wat jy daar bymekaargemaak het, net so te laat staan en pad te gee nie. Dis waarskynlik nog moeiliker vir n vrou as vir n man om jou huis net so te los. Maar hulle moes vlug dringend! Wanneer die Here se oordele kom, is daar nie tyd om te mors nie. Daar s net een ding om te doen: - vlug vir hierdie oordeel op die vlugpad wat die Here vir jou wys so gou as moontlik! En jy mag nie êrens bly staan op hierdie vlugpad nie. Jy mag nie eers omkyk nie! Jy moet net een doel voor oë hê: - om sou gou as moontlik by die wegkruipplek te kom wat die Here vir jou aangewys het. Dit val n mens op dat die Here Jesus, wanneer Hy ook praat van tye wanneer die gelowiges sal moet vlug, dieselfde soort opdragte gegee het. Hy sê byvoorbeeld: In daardie dag moet hy wat op die dak sal wees, terwyl sy huisraad in die huis is, nie afkom om dit weg te neem nie; en so ook moet hy wat op die land sal wees, nie omdraai na wat agter is nie. 2 Die pad wat God vir n mens weg van Sy oordele af gee, is n eenrigting-pad: - jy mag nie talm of terugkyk of omdraai nie; - jy moet so vinnig as moontlik so ver as moontlik van God se oordele af wegkom! Dis die pad wat die Here ook vir Lot se vrou wys: - die pad weg van God se straf af; - die pad na n nuwe lewe toe. 2 Luk 17:31; ook Mat 24:16-18

4 4 2. LOT SE VROU KYK OM Lot se vrou het nie omgekyk omdat sy haar nuuskierigheid nie meer kon inhou nie. Die Here vernietig mense nie sommer oor blote nuuskierigheid nie. Haar omkyk (so lei ons af uit die manier waarop die Here Jesus haar as n waarskuwing gebruik 3 ) was n terugverlang en n terugdraai na Sodom toe. Haar omkyk was n ophou-vlug, n gaan-stil-staan op die pad waarop die Here haar gelei het, omdat sy wou teruggaan na waar sy was. Van dit wat sy in Sodom gehad het haar huis, haar besittings, haar vriende, haar lewe daar kon sy haar nie regtig losmaak om die nuwe lewe te gaan lewe waarheen die Here haar nou gevat het nie. Liewers met-sodom maar sonder-god, as met-god en sonder-sodom. Haar omkyk het gewys dat haar voete wel die vlugpad, die pad van verlossing van God se oordele, n ent geloop het, maar dat haar hart in die goddelose Sodom agtergebly het. Dis een van die konsekwensies van die verkeerde keuse wat Lot gemaak het. Onthou u dit? 4 - hy t gekies om in die vrugbare Jordaanstreek te gaan bly toe hy en Abraham uitmekaar gegaan het; - maar sonder om te dink aan die effek wat die berugte goddeloosheid van die mense van daardie gebied op hom en sy familie sou hê. En hier hét hy dit: - sy vrou, sy lewensmaat, die een wat sy sielsgenoot moes wees, raak verknog aan die Sodom-lewe; - soveel so dat sy nie wil aangaan met die vlugpad wat die Here vir haar gewys het nie; - soveel so dat sy ongehoorsaam is aan n duidelike en direkte opdrag van die Here: Moenie omkyk nie 5 3 Luk 17: \ Gen 13: Vers 17

5 5 Sy loop God se pad nie enduit nie. Die lewe in sondige Sodom roep haar terug en haar hart wat daarna terugverlang laat haar oë soontoe omkyk 3. GOD SE OORDEEL TREF HAAR Die oordeel van die Here oor Sodom en Gomorra tref Lot se vrou ook. As sy haar dan met Sodom vereenselwig, verdien sy ook Sodom se straf: - sy verloor haar lewe; - en sy word in n soutpilaar verander as n teken daarvan dat dit God se spesiale straf is wat oor haar kom. Dis n verskriklike straf. Maar in die Bybel word hierdie sonde, wat Lot se vrou gedoen het, as n verskriklike sonde beskou. Om oënskynlik op die Here se pad te wees, soos wat sy was die pad wat jou van God se oordele vrymaak en na n nuwe lewe toe vat, en dan terug te draai na die sondelewe toe die lewe wat jou onder God se oordeel bring en na die dood toe vat, dis verskriklik! Die apostel Petrus skryf: - dis soos n hond wat teruggaan na sy braaksel toe; - dis soos n gewaste vark wat weer in die modder gaan rol. 6 Die skrywer aan die Hebreërs praat van sulke mense as mense wat terugdeins en van wie God dan sê dat Hy niks meer aan hulle het nie. 7 Dis verskriklik as God niks meer aan jou het nie. Dit beteken - dat jy in Sy wêreld geen rol meer het om te speel nie; - dat jy vir Hom niks meer beteken nie; - dat jy so nutteloos is soos n soutpilaar in die veld! Die Here se oordeel tref n mens wat terugdraai na die sondelewe toe. 6 2 Pet 2:22 7 Hebr 10:38

6 6 n Verskriklike sonde kry n verskriklike straf. TOEPASSING Daar s in ons tyd ook hierdie pad weg van God se oordele af: - n pad weg vanaf die ewige straf van God wat oor die goddeloosheid van die grootste deel van die mensdom gaan kom, waarvan die straf oor Sodom en Gomorra maar net n klein voorsmakie was! - n pad wat die Here Jesus met Sy lyding en dood gebou het vir elkeen wat regtig op Hom vertrou vir hulle saligheid en wat uitloop in die ewige lewe waarvan Hy die poorte oopgemaak het toe Hy lewendig uit die dood opgestaan het. Maar daar s ook in ons tyd hierdie mense, wat gehoor het hoe die Gees jou roep om op hierdie pad te gaan en wat die trekkrag van hierdie roepstem gevoel het en wat n ent skynbaar maar saamgegaan het op hierdie pad die voete sonder die hart! maar wat dan terugdraai, wat die Christelike lewe weer verruil vir n lewe-sonder-god. As Lot se vrou getref is, wat (dink u) gaan van sulke mense word? En daarom is hierdie gedeelte n oproep: - hou vol op die Here se pad! - moenie terugdraai na die sondelewe toe nie! Dis n oproep (byvoorbeeld) tot mense wat op n stadium in hulle lewe weer met nuwe entoesiasme die Here begin dien het begin Bybellees en bid en kerk toe kom het, begin het om hulle alledaagse lewe op Bybelse spore te probeer kry: - moenie weer terugsak in die ou lewe waar jy die dinge van die Here verwaarloos het nie! - bly entoesiasties! Dis n oproep tot mense wat een of ander spesifieke sonde in hulle lewe met die krag wat die Here gee, oorkom het een of ander verslawing, of liefdelose gedragspatrone, of oneerlike praktyke,

7 en wat die pad van gehoorsaamheid aan die Here en van liefde vir medemense begin loop het - moenie teruggaan as die ou sondes u weer roep nie! - waar wil u hê dat die Here u moet kry as Hy eendag kom: op die pad weg van Sodom af? of op die pad terug na Sodom toe? - hou vol op die pad van die lewe waarop die Here u lei! - gaan voluit vir n lewe soos die Here dit wil hê; - moenie n weifelende Christen wees nie, een wat moeg geword het vir die goeie pad en nie meer lus het daarvoor nie en wat begin wonder of die lewe-sonder-god nie dalk tog beter is nie! Sê soos die apostel Paulus: ek vergeet die dinge wat agter is en strek my uit na wat voor is, en jaag na die doel 8 Hiervoor kan ons altyd met vrymoedigheid by die Here krag vra 7 AMEN 8 Filip 3:14 (AV 1933/53)