Vir die Here is die hoofsaak dat ons sal glo en gehoorsaam.

Transcriptie

1 SKRIFLESING: Prediker 11:9 12:14 TEKS: Prediker 12:13 (OAV) TEMA: INHOUD: Vir die Here is die hoofsaak dat ons sal glo en gehoorsaam. Die hoofsaak Psalm 146 : 1, 4, 8 Psalm 19 : 7 Skrifberyming 12-3 : 1, 2 (na belydenisaflegging) Skrifberyming 14 (8-1) : 1 (na doop) Psalm 2 : 6

2 Dis tog goed om partykeer weer na die basiese te gaan kyk - die basiese van jou lewe, - die basiese van jou godsdiens. n Mens kan so maklik deur al die ingewikkelde vraagstukke van die lewe en deur al die moeilike kwessies in die kerke en selfs deur al die baie dinge wat in die Bybel staan deurmekaar gemaak word soveel so dat jy naderhand vergeet waaroor dit alles eintlik gaan. Kom ons praat maar net oor godsdiens: - van al die Bybelhoofstukke wat u lees - en van al die preke wat u hoor - en van al die katkisasie wat jy kry of gekry het - en van alles wat jy met wie ook al oor God en godsdiens praat wat is die basiese / kern / hoofsaak? waar bring dit alles jou uit? In hierdie vers gee die Prediker vir ons n kort en n kragtige antwoord op hierdie vraag: - dit alles behoort ons uit te bring by Vrees God en hou sy gebooie Kom ons hoor vanoggend van hierdie hoofsaak van alles. Ons gaan aan drie spesifieke punte aandag gee: 1. dat daar n hoofsaak is; 2. wat die hoofsaak is; 3. vir wie dit geld. 1. DAT DAAR n HOOFSAAK IS Die Heilige Gees het die Prediker vir ons n boek laat skrywe oor sy soektog na die sin van die lewe: - hoekom is ons hier? - hoekom lewe ons? - watter sin het alles wat ons doen? Hy was (so kom ons in sy boek agter) n eerlike soeker. Hy t hom nie laat flous deur skyn-antwoorde nie. Hy s eintlik partykeer ontstellend eerlik, selfs brutaal eerlik. 2

3 Maar nou klink dit amper asof sy soektog nie baie suksesvol was nie, want hy skryf bv. - oor hoe alles in die wéreld altyd maar net op dieselfde trant voortgaan; 1 - en oor hoe n mens jou jou lewe lank kan doodwerk, en dan tog maar niks daarvan het nie; 2 - oor hoe selfs die mooi en lekker van die aardse lewe maar net tydelik is; 3 - oor al die onreg in die wéreld, waaraan n mens maar min kan doen, 4 ens. Dit klink nog minder of hy by n antwoord uitgekom het as hy aanmekaar sé: - Alles tevergeefs... - Alles kom tot niks... En tog hoor ons nou hier aan die einde van sy boek dat hy wel by n soort van antwoord uitgekom het, by n eindresultaat, by n slotsom, by (letterlik) n laaste woord van alles wat gehoor is : - uit alles wat hy gedink het en beleef het en waaroor hy vir ons geskryf het, is daar tog iets wat uitstaan as die kern van alles; - tussen al die baie en ingewikkelde fasette van die lewe, is daar tog iets wat basies is; - al is daar baie lewensvrae wat se antwoorde hy nie kon kry nie, weet hy tog wat dit is wat uiteindelik saak maak. = daar Ñs in die menslike bestaan n hoofsaak. In al die baie wat n mens in hierdie lewe kan dink en kan doen en kan beleef, is daar tog een saak wat bo die ander uittroon as die heel belangrikste. Die lewe höt n kern, n hoofsaak 2. WAT DIE HOOFSAAK IS Die Prediker sé dit kort en eenvoudig: Vrees God en hou sy gebooie. In Hebreeus, die taal waarin hierdie boek oorspronklik geskryf is, tref hierdie sinnetjie n mens omdat die woord God voorop staan: - God moet jy vrees en Sy gebooie hou. As daar oor die hoofsaak van ons lewe gepraat word, dan kom Gàd voorop. 1 Pr 1: Pr 2:11 3 Pr 2; 12:1 e.v.; 4 Pr 4:1, 15-16; 5:8; 7:15; 8:10, 14 3

4 Hy is die Hoofsaak van ons lewe! Maar nou is dit so, en dwarsdeur die Bybel sien ons dit, dat ons lewe met God twee bene het: om Hom te vrees en om Sy gebooie te hou. Om God te vrees beteken in die OT nie dat jy vir Hom moet bang wees nie, dat jy in angs vir Hom moet lewe nie. Om God te vrees beteken dat jy heilige ontsag vir Hom sal hé, vir Sy majesteit en grootheid, vir Sy mag en gesag, vir Sy heiligheid. Om God te vrees beteken dat jy met Hom sal lewe in die regte perspektief: - Hy groot, ek klein; - Hy die almagtige Vader, ek die kind. Om God te vrees is n uitdrukking wat praat van hoe jy kind van God moet wees. En daarom is dit n uitdrukking wat met ons praat oor Jesus Christus, want sonder Hom kan ons mos nie kinders van God wees nie: - sonder Jesus staan ons mos nog met ons sondes voor God, is ons nog Sy vyande, is ons nog kinders van die toorn ; 5 - maar as jy deel geword het van Jesus en dit gebeur wanneer n mens jou sondes erken en bely en glo dat Hy aan die kruis die straf daarop vir jou gedra het dan kom daar mos n nuwe verhouding tussen jou en God, dan is jy nie meer n kind van die toorn nie, maar dan het God jou weer as Sy kind aangeneem, en dan is jy weer iemand wat met kinderlike respek en vertroue na God opsien dan vrees jy God weer Dis die eerste been van die hoofsaak van ons lewens: - dat jy Gàd sal vrees; - dat jy in die regte verhouding met Hom sal staan; - dat jy Sy kind sal wees deur in Jesus te glo. Die tweede been van die hoofsaak van ons lewens is dat Sy gebooie gehou moet word. 5 Ef 2:3 4

5 U weet wat dit beteken. Dit beteken - dat jy vir God sal luister; - dat jy Sy opdragte oor hoe n mens Hom moet dien en oor hoe jy met jou medemense moet saamleef, sal gehoorsaam; - dat jy nie net Sy kind sal wöös nie, maar ook as Sy kind sal lööf! En daarom is hierdie uitdrukking Sy gebooie hou n uitdrukking wat met ons praat oor die werk van die Heilige Gees, want sonder die werk van die Heilige Gees in jou binneste kan jy mos nie Sy gebooie hou nie; - sonder die werk van die Heilige Gees is ons nog slawe van die sonde; - maar as Hy jou weergebore laat word, geestelik nuut maak, dan is jy n nuwe mens wat nie net jou sonde erken en in Jesus as Verlosser glo nie, maar wat ook met die sonde in jou lewe breek en begin om God se opdragte vir die mens uit te voer Die hoofsaak waarby die Heilige Gees die Prediker in sy soektog laat uitkom het, is dñt: - vrees God en hou Sy gebooie; - betoon respek vir God deur Hom te glo en te gehoorsaam; - in NT-taal: gryp aan Christus vas en pleit om die werk van die Gees in jou; - wees n kind van God en leef as n kind van God 3. VIR WIE DIT GELD Dit geld vir alle mense, skryf die Prediker. Dit waaroor ons nou praat, geld vir elkeen van ons. In ons elkeen se lewe en godsdiens is dit die hoofsaak en moet dit die hoofsaak wees, dat ons God sal glo en Sy gebooie sal gehoorsaam. Maar dit geld nie net vir Christene nie. Dit geld vir elke mens op hierdie aarde. Vir elke mens op hierdie aarde behoort dit die hoofsaak te wees: om God te vrees en Sy gebooie te hou! Die feit dat miljoene mense hulle nie daaraan steur nie, beteken nie dat dit nie vir hulle geld nie. Daar s nie verskillende hoofsake vir verskillende mense/groepe nie: 5

6 - dis nie so dat hierdie die hoofsaak is vir Christene, maar dat die hoofsaak vir Moslems is dat hulle aan Allah en aan die Koran getrou moet wees nie; - dis ook nie so dat vir mense wat nie in Christus glo nie en wat nie die Bybel as God se Woord aanvaar nie, dit dan maar net kernbelangrik is dat hulle mensliewend en eerbaar moet probeer wees nie. HÑÖrdie (of jy God vrees en Sy gebooie hou, of nie) is vir elke mens die kern, dit wat rögtig saak maak: - want elke mens wat kind van God is en so leef, het n sinvolle lewe en n wonderlike toekoms; - maar elke mens wat nie die God van die Bybel ken en glo en volg nie, se lewe is n groot mislukking al lyk dit hoe blink hier op aarde en stuur af op n ewige ramp! Wat hier staan, is vir âlle mense die hoofsaak. Maar as dit nou gesé is, is alles nog nie gesé oor hierdie Hebreeuse sinnetjie nie. Hierdie sinnetjie het meer as een betekenis in hom: - jy kân dit vertaal met dit geld vir alle mense ; - maar jy kan dit ook vertaal met dit is die geheel van die mens. En dan beteken hierdie sinnetjie: - dis die alles van menswees; - dis waaroor menswees eintlik gaan; - hñör is die geheim van die lewe; - wie God vrees en Sy gebooie hou, het by die kern/hart van ons bestaan as mense uitgekom. Dit maak hierdie n wonderlike vers in die Bybel, een van diö wat n mens gerus iewers kan opskryf waar jy dit elke dag sal sien. Om God te vrees en Sy gebooie te gehoorsaam, is die hoofsaak van ons lewens en màöt die hoofsaak van ons elkeen se lewe wees TOEPASSING n Paar woorde van toepassing. Begin by julle wat vandag julle geloof hier bely het. Julle het in die jare wat verby is, baie dinge van die Here en van godsdiens geleer. 6

7 En julle gaan hopelik ook vorentoe deur getrou julle Bybels te lees en te bestudeer en deur getrou aan eredienste te kom deelneem, nog baie ander dinge ook byleer. Moenie dat die baie dinge julle deurmekaar maak nie. Daar is in al die baie dinge, tog n kern, n hoofsaak: God. Alles wat julle gehoor het en nog sal lees en hoor, is bedoel om julle na een punt toe te lei: - dat julle God sal vrees en Sy gebooie sal gehoorsaam; - dat julle deur in Jesus te glo n kind van God sal wees en dat julle, deur die Heilige Gees gelei, God se gebooie sal gehoorsaam. Dââroor gaan dit alles! Ook julle kinders wat nog katkisasie het, moet dit onthou: - julle leer baie dinge by die katkisasie (hoop ek!), - maar jy leer dit alles sodat jy ook in die Here sal glo en sal doen wat Hy vir ons sé; - dis die bedoeling van katkisasie: dat jy (soos dit in hierdie vers staan) God sal vrees en Sy gebooie sal gehoorsaam. Maar hierdie vers spreek ons almal op allerhande maniere aan. Ons leef in n tyd waarin daar ook op godsdienstige gebied soveel vrae en beskouings en kwessies en kritiek en bedenkinge is genoeg om enige iemand deurmekaar te maak. Behalwe dit gebeur dit mos partykeer met mense dat hulle lewe regtig deurmekaar raak as daar allerhande dinge gebeur wat hulle nie verstaan nie en wat hulle sukkel; om te hanteer; so deurmekaar dat hulle perspektief verloor en nie meer sin in die lewe sien nie. Behalwe dñt is party mense se lewe so n dol gejaag van dag tot dag om tog net hulle werk gedoen te kry en hulle verantwoordelikhede na te kom, dat hulle nie eers meer tyd het om te probeer dink waaroor alles gaan en waarheen hulle op pad is nie. Ander mense (dink bv. aan bejaardes) se lewens kan weer so stil en eenvoudig word dat hulle kan begin wonder of sà n lewe nog enige sin en betekenis het. Maar besef u wat ons vanoggend gehoor het? 7

8 As jy maar in die deurmekaarheid of gejaagdheid of eenvoud van jou lewe as n kind van God aangaan en in jou lewensomstandighede God se gebooie gehoorsaam, dan höt jou lewe sin, dan leef jy tog nog die eintlike lewe, dan is jy in die deurmekaarheid en gejaagdheid en eenvoudigheid tog nog op die hoofpad van die lewe! Ons gaan op hierdie aarde nooit alles in die lewe verstaan en alles in die lewe reg kry nie; dis een van die duidelikste resultate wa die Prediker se soektog opgelewer het, en hy t dit baie skerp in sy boek vir ons geskryf ook. Maar ons is darem nie sonder enige lig nie. Ons is nie soekers wat nooit gaan vind nie. Ons dobber nie sonder n roer of n kompas op die oseaan van die lewe rond nie. Ons weet waaroor alles uiteindelik gaan. Ons weet wat regtig saak maak. Ons ken die basiese geheim van die lewe, die hoofsaak van alles: - dat ons God kinderlik moet vrees en gehoorsaam. As ons dit nou maar net sal gaan doen AMEN 8