SKRIFLESING: Johannes 4:1-30. TEKS: Johannes 4:10. Die Here les mense se diepste dors. Psalm 84 : 2, 3. Psalm 139 : 1, 3. Skrifberyming 6 (5-1) : 5

Transcriptie

1 SKRIFLESING: Johannes 4:1-30 TEKS: Johannes 4:10 TEMA: Die Here les mense se diepste dors Psalm 84 : 2, 3 Psalm 139 : 1, 3 Skrifberyming 6 (5-1) : 5 Skrifberyming 9 (18-1) : 1, 6 Skrifberyming 78 (13-3) Ook: Ps 42 : 1 Ps 63 : 1 Sb 57 (18-6) : 4, 5

2 2 Ken u die ware dors, die diepste dors wat n mens kan hê: die dors na God? Dit ís n vraag om ook vir kerkmense te vra, want dit kán wees dat jy jou Bybel lees en jou gebede opsê en eredienste van jou gemeente bywoon dat jy bý die Fontein van die lewe is en dat jou dors tog nie geles is nie, dat jy dalk nog nie eers agtergekom het hoe dors jy eintlik is nie! Vanoggend se preek wil Jesus Christus aan u verkondig as die Een wat mense se diepste dors les. Ons gaan dit doen deur te kyk na wat ons in hierdie hoofstuk lees: 1. van hierdie vrou, wat dors was sonder dat sy dit besef het; 2. van die Here, wat die lewende water gee; 3. van haar dors wat geles is. 1. DIE VROU Hierdie vrou was hier besig met iets wat waarskynlik deel van haar dagtaak was: om water te gaan skep uit n put. 1 Sy was n Samaritaan, n deel van die bevolkingsgroep wat ontstaan het nadat die Assiriërs die tien stamme in ballingskap weggevoer het, toe ingevoerde heidene met die paar Israeliete wat oorgebly het, vermeng het. 2 Sy was op n manier n godsdienstige vrou: - die Samaritane was in godsdienstige opsig min of meer dit wat ons in vandag se taal n sekte sal noem n groep mense met allerhande skewe sienings, maar tog godsdienstig; - die Here Jesus praat dan ook met haar asof sy soort van n aanbidder van God is; 3 - sy s op hoogte van die godsdienstige twispunte tussen die Jode en die Samaritane, byvoorbeeld waar die eintlike aanbiddingsplek van die Here in daardie tyd was; 4 1 Hierdie put was al baie lank daar, ongeveer 1800 jaar. 2 2 Kon 17: Joh 4: Joh 4:20

3 3 - sy weet van die Messias wat gaan kom. 5 Sy was tog op n manier n godsdienstige mens. Maar nou het haar lewe gewys dat sy die Here se gebooie nie regtig ernstig opgevat het nie. Sy t al vyf mans gehad, vyf mislukte huwelike (waarskynlik) en op hierdie stadium was sy betrokke in n saamwonery of in n verhouding met n ander vrou se man n verhaal van n immorele lewe. Daarom ook dat sy, toe die Here Jesus daarna verwys, so gou as moontlik die onderwerp verander het al het dit haar diep getref dat Hy geweet het wat in haar lewe aangaan, 6 sonder dat sy Hom daarvan vertel het. Dit val ook op hoe vlak sy geestelik is: - as die Here Jesus oor geestelike dinge met haar praat, bly sy by die aardse vashaak; - Hy wil met haar praat oor die ware dors en oor geestelike water, maar sy bly net praat oor die gewone put en die gewone water; - selfs as sy op n stadium vir Hom vra om haar dan tog van die water waarvan Hý praat, te gee, dan dink sy maar nog steeds aan water wat haar aardse dors sal wegvat, sodat sy nie die langer die moeite sal hê om by die put hoef te kom water skep nie! 7 Dis tipies van mense wat net uiterlik met godsdiens besig is en nog nie regtig deur die Gees van God n nuwe hart gegee is nie 8 hulle bly so bolangs. Die Here Jesus sê presies vir ons waar sy geestelik staan: - sy ken nie die gawe van God nie, m.a.w. sy weet nie wat die eintlike geskenk is wat God vir mense gee nie; - en daarom besef sy nie Wie hier besig is om met haar te praat nie. Hier s n vrou wat weet dat haar liggaam water nodig het, maar nie besef dat daar n dieper dors is waaraan elke mens ly nie; en sy s in die teenwoordigheid van die Een wat hierdie ware dors kan les, en sy besef dit nie! n Vrou wat dors was sonder dat sy dit besef het. 5 Joh 4:25 6 Joh 4:29 7 Joh 4:15 8 Vgl ook Nikodemus Joh 3:4

4 4 2. DIE HERE WAT DIE LEWENDE WATER GEE Die Een wat hier met hierdie vrou praat, is n egte mens: - Hy was moeg van die reis; - Hy was dors vir gewone water; - en Hy t daar by die put gewag vir Sy dissipels wat kosvoorrade in die dorp gaan koop het. Hierdie vrou het Hom dan ook aanvanklik vir n gewone Judeër/Jood aangesien. Maar Hy was ook méér as net n mens. En as hierdie vrou die hele Ou Testament, die Bybel van daardie tyd geken het (maar sy het nie, want die Samaritane het net die eerste vyf boeke van die Ou Testament as Woord van God aanvaar), sou sy besef het wat dit inhou as Jesus sê dat Hy lewende water kan gee. o Ons lees byvoorbeeld in die boek van die profeet Jeremia hierdie klagte oor die Here se volk: - dat hulle die HERE, die fontein van die lewende water verlaat het. 9 o En ons lees in Psalm 36 dat Dawid vir die Here sing: U laat hulle drink uit die stroom van u genietinge. Want by U is die fontein van die lewe 10 Dis die Here wat vir mense lewende water gee! As sy die Bybel geken het, sou sy verstaan het dat Jesus, as Hy sê dat Hy vir haar lewende water kan gee, daarmee vir haar sê dat dit nie net n mens is wat met haar praat nie, maar ook die Here die God wat sy sê sy aanbid! Die lewende water wat Hy vir mense gee, is beeldspraak wat verwys na die hele verlossingspakket wat die Here vir mense gee. Dit verwys na al die groot dinge wat elke mens wat in die Here Jesus glo, kry: - dat jou sondes vergewe word, omdat die straf daarop klaar gedra is; - dat jy weer vrede met God het, dat Sy band met jou herstel is; 9 Jer 17:13; vgl ook 2:13 10 Ps 36:9-190

5 5 - dat jy n nuwe hart kry n nuwe manier van kyk na die lewe en n nuwe styl van lewe; - dat jy kan leef as iemand wat die volmaakte lewe hierna gaan erf daardie lewe met n volmaakte liggaam en n volmaakte siel by die Here wat jou so oneindig liefhet. En veral verwys hierdie lewende water na die Heilige Gees, die eerste en die grootste Gawe 11 wat Jesus vir ons verdien het God self wat by ons en in ons kom woon. Die Here Jesus het mos na Sy dood en opstanding en hemelvaart die Heilige Gees oor Sy kerk uitgestort die Een wat in ons harte die geloof bring en wat ons op die pad van die Here laat aanhou, totdat ons hierdie lewe verlaat en die ewige saligheid by die Here ingaan. Die Heilige Gees is die water waarvan die Here Jesus hier in vers 14 praat, wat in die mens n fontein sal wees met water wat opborrel en wat vir hom/haar die ewige lewe gee! 12 Voor hierdie vrou staan die Here, die ware God, wat sondaars verlos en hulle die geskenk van die ewige lewe gee. Dit sou Hom baie kos om dit vir mense te kan gee. Om mense van hulle dors te verlos, moes Hy hulle dors ly die verskriklike dors van God se straf oor hulle sonde. 13 Hy moes in hulle plek daardie woestyn (die plek van dors-word) in die woestyn van Godverlatenheid, daardie woestyn waar God die mens, wat sy rug op Hom gedraai het, verlaat, aan sy eie lot oorlaat, aan die magte van die duisternis oorlaat, aan die verskriklike angs en lyding van die hel oorgee. Onthou u hoe die Here Jesus aan die kruis uitgeroep het: Ek het dors! Kor 1:21-22; Efes 1: Vgl ook Joh 7:37-39; 1 Kor 12:13 (lg veral in NIV) 13 Vgl bv Luk 16:24 14 Joh 19:28

6 6 Om mense se ware dors te kon les, moes Hy eers hulle dors dra. Wat Hy gedoen het en so die Een geword het wat vir dors mense die lewende water kan gee Voor hierdie vrou, wat haar werklike dors nie besef nie, staan die Here God self, wat die water gee wat hierdie dors kan les. En haar dors word geles. 3. HAAR DORS GELES Dit staan nêrens hier in soveel woorde dat hierdie vrou tot geloof in Jesus gekom het nie, maar alles wys in daardie rigting. Daar s byvoorbeeld haar groeiende besef dat sy hier met meer as net nog n mens te doen het; - eers is Hy vir haar maar net n Joodse man, wat, snaaks genoeg, met haar praat; 15 - dan begin sy wonder, al glo sy dit nog nie, of Hy dan nou groter is as Jakob, die voorvader van die Israeliete? 16 - naderhand moet sy toegee dat Hy n profeet is! 17 - en uiteindelik gaan roep sy die mense om te kom kyk of Hy nie dalk die Christus, die beloofde Verlosser, is nie! 18 Hoe verder die gesprek gegaan het, hoe groter het Hy in haar oë geword: van mens, tot dalk spesiale mens, tot gestuurde van God, tot dalk God self! Álles dui daarop dat die Heilige Gees haar uiteindelik saam met die mense van haar dorp laat sê het: ons weet dat Hy waarlik die Christus, die Saligmaker van die wêreld is. 19 n Ander teken, subtiel, maar tog sprekend, van die radikale verandering wat daar in hierdie vrou se binneste gekom het, is in die eenvoudige sinnetjie in vers 28: Die vrou het toe haar waterkruik net daar laat staan en na die dorp toe gegaan en die ander mense gaan roep. 15 Joh 4:9 16 Joh 4:12 17 Joh 4:19 18 Joh 4:29 19 Joh 4:42

7 7 Hierdie vrou, wie se geestelike besef so vlak was, dat sy in die begin van die gesprek glad nie kon loskom van gewone dors en n gewone put en gewone water nie nóú s die gewone water so onbelangrik dat dit sy dit net daar los om met ander mense oor Jesus te gaan praat! Haar hele fokus het verskuif van gewone water af na die Fontein van die lewende water toe! Is dit nie die verandering wat daar kom by elke mens wat n kind van die Here word nie? - jou hele ingesteldheid verander; - waar die gewone aardse dinge jou eers heeltemal oorheers het en eintlik blind gemaak het vir die hemelse, word hierdie aardse dinge vir n kind van die Here onbenullig en word die Here self die fokuspunt van jou lewe. Op hierdie dag, wat vir haar as n gewone dag met sy gewone sleur begin het, het daar in hierdie vrou se lewe die grootste gebeur wat met n mens kan gebeur: - die Here het haar ware dors begin les met die lewende water wat Hy gee TOEPASSING Ken ons die ware dors, die diepste dors wat n mens kan hê: die dors na God? Of is hier van ons wat is soos wat hierdie vrou eers was? - godsdienstig, ja, in die sin dat ons darem so n basiese kennis van die Bybel het, al sien ons party dinge daarin ook maar n bietjie skeef; - godsdienstig in die sin dat ons kan saampraat oor die godsdienstige kwessies van ons tyd; - mense wat darem weet van Jesus en dat daar gesê word dat Hy eendag weer gaan kom; - mense wat aanbidders van God genoem kan word in die sin dat ons ons Bybel lees, ons gebede opsê, eredienste bywoon; - maar ook mense wat geestelik maar vlak is,

8 8 wat selfs in ons godsdiens eintlik maar net besig is met die dinge van hierdie aardse lewe; dit wat ons van die Here vra en verwag, is eintlik maar net dinge wat ons aardse lewe makliker en lekkerder kan maak; ons belangstellings, dit wat ons lees en kyk, dit waaroor ons praat, is maar net die alledaagse dinge; daar s geen geestelike diepte in ons lewens nie, baie min belangstelling in die breedte en lengte en diepte en hoogte van die liefde van die Here Jesus Christus vir ons; - mense wat heel gemaklik die gebooie van die Here oortree en wat dit vinnig probeer wegpraat as iemand n gesprek in daardie rigting wil stuur. Is van ons nie so nie? mense wat bý die Fontein van die lewende water is, maar dit nie besef nie, eintlik nog nie eers besef hoe dors ons regtig is nie! Wat kan n mens doen as jy so n mens is? Die Here Jesus het vir hierdie vrou gesê dat Hy vir haar lewende water sou gee as sy vir hom sou vra. 20 Hy s Iemand wat lewende water gee vir mense wat vra. Dís dan wat n mens kan doen as jy jou diepste dors geles wil hê: - jy gaan vra vir die Here Jesus; nie vir alles wat die lewe vir jou maklik en lekker kan maak nie, maar vir die water wat jou diepste dors tot in ewigheid wegvat. En as jy eers uit hierdie Fontein gedrink het, sal jou lewe nooit weer dieselfde wees nie AMEN 20 Joh 4:10