HABAKUK 3: Ook: Ps 73 : 10

Transcriptie

1 HABAKUK 3: Votum Seën Psalm 31 : 17, 18, 19 Gebed Psalm 27 : 6 Skriflesing: Habakuk 3 (AV 1983/91) Teks: Habakuk 3:17-19 (AV 1983/91) Preek: Wie glo, jubel nogtans Gebed Kollekte Skrifberyming 14-2 (74) Seën Skrifberyming 13-3 (78) Ook: Ps 73 : 10 1

2 Alles het toe nie die afgelope jaar uitgewerk soos ons graag wou gehad het nie, nie waar nie? As dit by u anders was, moet u báie dankbaar wees. Daar s nie baie jare in n mens se leeftyd waarin alles glad en goed verloop nie! Maar vir die meeste mense was daar n kwota teëspoede die afgelope jaar, n hele paar teleurstellings, onverwagse pyne van die liggaam of van die gees, baie meer trane as waarvoor ons begroot het Wat maak n gelowige mens aan die einde van n jaar waarin alles nie net mooi en lekker was nie? Jy doen wat die Heilige Gees die profeet Habakuk laat doen het: - jy jubel nogtans; - wie glo, jubel nogtans. En dis wat vanaand vir u gepreek word: - selfs in moeilike tye, selfs aan die einde van moeilike jare, jubel kinders van die Here nogtans. Om hierdie tema te verstaan, moet ons eers kyk na dit wat die profeet sê wat daar nié gaan wees nie, en dan na wat hy nogtans gaan doen. 1. WAT DAAR NIE GAAN WEES NIE 2

3 In vers 17 voorsien die profeet n tyd van tekorte drastiese tekorte: - as die vyebome nie bot nie en daar geen druiwe aan die wingerde is nie en die olyfoes misluk, dan is daar nie meer luukse en lekkernye soos vye, wyn en olyfolie nie; - en as die lande geen oes lewer nie en die skaap- en beeskrale leeg staan, dan is daar selfs nie meer basiese noodsaaklikhede soos meel en vleis nie. Onthou u dat toe Habakuk by die Here gekla het oor hoe die verbondsvolk in sonde verval het die Here geantwoord het dat Hy die Babiloniërs gaan gebruik om Juda mee te oordeel, dat Hy hulle sou laat kom om oor die land te storm en om met brute mag alles en almal te oorwin en te vernietig? En nou kan n mens jou indink as hulle klaar oor die land getrek het, sou daar van normale bedrywighede (soos die bewerking van wingerde en olyfboorde en landerye) niks oorbly nie; en die Babiloniërs sou die skape en beeste, wat hulle nie self gebruik het nie, doodmaak, soos wat die gebruik in daardie tyd se militêre veldtogte maar was. En om alles te kroon, lei n mens af dat die Here ook nog n geweldige droogte sou stuur so erg dat die vyebome nie eers sou bot nie! Die Here se oordeel oor Sy afvallige volk sou vir hulle totale ruïnering beteken militêr, polities, maatskaplik, ekonomies, landboukundig en noem maar op! Dis die toekomsprentjie wat die profeet in sy kop sien: 3

4 - n tyd waarin dit waaraan almal gewoond was, net nie meer daar sal wees nie; - n tyd waarin daar selfs aan dit wat n mens nodig het om aan die lewe te bly, tekort sal wees; - n tyd van ondenkbare verliese en armoede en ontberings; - n tyd waarin dié mense wat so gelukkig sal wees om die oorlog te oorleef, sal sukkel om nie van hongersnood dood te gaan nie! Dis omtrent die heel ergste wat n mens jou in hierdie lewe kan voorstel, nie waar nie? Dis seker hoe dit sal lyk as n mens se ergste nagmerries waar sou word! Wat n mens graag sou wou hê, én selfs dit wat jy nodig het, sal net nie meer daar wees nie Maar al sou dit so word sê Habakuk sal hy nogtans jubel in die Here. 2. WAT DIE PROFEET NOGTANS GAAN DOEN Al sou hierdie heel ergste gebeur (sê Habakuk), sal hy nogtans in sy hart bly wees oor die Here, en dit ook met sy mond uitjubel. 1 Let wel, hy sal nie bly wees oor die teëspoede nie, maar in die teëspoede sal hy bly wees in en oor die Here. Hy sal bly wees bly omdat die Here daar is. Hy sal bly wees omdat die Here hom gespaar het. 4

5 Die feit dat hy dan nog in staat sal wees om te jubel beteken mos dat die Here sy lewe in daardie oorlog sal gespaar het en hom nog die moontlikheid gee om met sy lewe voort te gaan! Hy sal bly wees oor die Here wat regverdig is. Die Here het mos belowe dat Hy ook op n tyd die Babiloniërs gaan oordeel, en oordeel oor die vyande van die Here se volk beteken altyd weer bevryding vir die Here se volk. Hy sal bly wees oor die Here wat hom krag gee, wat eintlik so staan dit letterlik hier in vers 19 sy krag ís. Kyk net watter geestelike krag gee die Here hom in die verskriklike tye waarin hy was: - hy, wat begin het as iemand wat nie meer lig gesien het nie en wat by die Here gekla het oor die toestand in die land en wat met Hom geworstel het oor Sy manier van doen ( Hoe lank nog? en Waarom? ), 2 hy eindig nou as iemand wat sal jubel en juig! - die Here gee hom soveel krag dat hy soos n rats bok maklik oor die moeilikste terreine beweeg en by die hoogtes uitkom, die hoogtes van iemand wat moeilike tye deurstaan het, die hoogtes van iemand wat perspektief gekry het, 1 Vgl Hebreeuse werkwoorde in vers 18 2 Hab 1;2-3 5

6 wat leer verstaan het dat Gód se saak die groot saak in hierdie wêreld is... Al sou die heel ergste gebeur (dis wat die Heilige Gees Habakuk hier laat sê) sal hy nogtans juig en jubel oor die Here, wat dáár is, wat reg sal doen, wat krag gee. Nogtans. Letterlik staan hier: Maar ék... Hoor u wat hierdie nogtans beteken? Hierdie woordjie sê dat die twee stelle gegewens waarmee die profeet sit aan die een kant die werklikheid wat daar gaan wees van die vyebome wat nie bot nie en die wingerde wat nie druiwe het nie en die olyfoes wat misluk en die lande sonder kos en die krale sonder diere en aan die ander kant die werklikheid van die Here wat daar is en wat red en wat jou krag gee om selfs oor moeilike terrein bo uit te kom nie regtig vir hom n probleem is nie. Dit verwar hom nie. Dit bots vir hom nie met mekaar nie. Dit kry hom nie onder nie. Want die een weeg mos baie swaarder as die ander een. 6

7 Die een sluk as t ware die ander een in. Die een maak dat jy die ander een kan dra en kan deurleef. Die een is só oorheersend dat dit bepaal hoe ek dink en voel en optree selfs as ek midde in die ander een is. Die woordjie nogtans sê: - ek weet van die kaal wingerde en landerye en leë krale, maar ek sal nie daaronder sink nie, want ek weet ook van die Here wat daar is vir almal wat regtig op Hom vertrou, en dit tel vir my alles! Is dit nie wat die geloof is wat die Heilige Gees in ons harte bewerk nie hierdie nogtans? Dis mos geloof wat maak dat n mens, wat met twee stelle gegewens sit, kan insien watter een regtig tel. Dis mos geloof wat bepaal watter dinge die swaarste weeg. Dis mos geloof wat maak dat jou gedrag nie bepaal word deur die teëspoed en teleurstellings en pyn en trane van hierdie aarde nie, maar deur dit Hóm wat jy nie kan sien nie: die ware en lewende God. Dis mos geloof wat maak dat n mens nogtans jubel! Wie glo, jubel nogtans. 7

8 TOEPASSING Ons sit vanaand met die werklikheid van 2017, en met alles daarin wat nie was soos ons gedink en gehoop en gevra het nie. Vir baie mense n jaar van baie siekte en pyn. Vir party n jaar van werkloosheid en min geld. Vir baie n jaar van stukkende verhoudings en verpletterde drome. Vir ander nog n jaar van stryd teen allerhande sondes en twyfels waarvan hulle nie kon loskom nie, van angstigheid en depressie. Vir ons almal nog n jaar van die vreemde werklikhede van Afrika waarin ons bly. Vir kinders van die Here nog n jaar waarin daar orals tekens van die ryk, wat die antichris probeer bou, opgeduik het. Ons sit vanaand met hierdie werklikheid van Aan die ander kant is daar die werklikheid van die Here wat daar is - van Jesus Christus, wat met Sy kruisdood en Sy opstanding uit die dood uit ons Redder is; - van die Heilige Gees wat in ons woon en wat mag n mens dit so sê? ons krag is, 8

9 én ons troos en ons moed en ons vreugde... - van die oordeel wat gaan kom oor die antichris en sy ryk en van die blywende bevryding wat daarmee sal aanbreek vir al God se kinders; - van n nuutgemaakte aarde wat onkeerbaar gaan kom, en n nuutgemaakte mensdom, en n nuutgemaakte liggaam en siel vir elke kind van God. Ons sit ook met twee stelle gegewens. En Christene is nie mense wat (soos partykeer beweer word) hulle oë toemaak vir die harde werklikheid hier rondom hulle en dan dink dat as hulle hulle oë oopmaak, alles reg gaan wees nie: - dat al ons al ons siektes weg gaan wees; - dat ons sakke vol geld gaan wees; - dat die landspolitiek en die ekonomie in ons guns gedraai gaan wees; - dat al ons ideale en drome skielik binne ons bereik gaan wees. Vir ons is godsdiens nie n towerstaffie waarmee die aardse lewe vir ons maklik gemaak kan word nie. Maar ons is mense wat sê: - Nogtans. - Maar ék ten spyte van alles wat so anders is as wat ek dit graag sou wou hê sal jubel in die Here, sal juig in God, my Redder. - Hy s vir my oneindig meer as alles wat sleg en verkeerd is. 9

10 As u dit nie regkry om hierdie nogtans te sê nie, vra daarvoor sonder om moeg te word om te vra, want wie vra, kry mos by die Here. En as u dit gesê kry, maar nog net flou, vra dan dat die Heilige Gees u daarin sterker sal maak. En oefen om dit te kan sê. Oefen u doelbewus daarin om bly te wees oor die Here oor Wie Hy is en oor wat Hy vir ons gedoen het en beteken. Oefen dit om in u hart bly te voel. En oefen om dit met u mond ook te sê - in gebede - en ook in gesprekke met ander mense. Oefen om te jubel al is die wingerde en die bome sonder vrug en die landerye kaal en die krale leeg. Die Here gee juis sulke tye ook sodat ons sal kan oefen en sterk kan word in die geloof - die geloof wat by ons n lewenshouding moet wees; - die geloof waarsonder ons nie sal oorleef en bo sal uitkom nie. Bid daarvoor en werk daaraan altyd wanneer die lewensdinge seer maak om nogtans te kan jubel, 10

11 totdat Jesus kom, en daardie wêreld vir ons aanbreek waarin die woordjie nogtans nie meer nodig sal wees nie, omdat die ewige vreugde by die Here die enigste werklikheid daar sal wees... AMEN 11