Preek deur ds. Jaco van Sittert Vrydag, 14 April Skriflesing: Johannes 19:17-37 Van die eenkant na die anderkant van die kruis.

Transcriptie

1 Vrydag, 14 April 2017 Skriflesing: Johannes 19:17-37 Tema: Van die eenkant na die anderkant van die kruis. Skriflesing Johannes 19:17-37 Jesus word gekruisig 17 Jesus het self sy kruis gedra en uitgegaan na Kopbeenplek toe, soos dit genoem is, in Hebreeus Golgota. 18 Daar het hulle Hom gekruisig en saam met Hom twee ander, een aan elke kant, met Jesus in die middel. 19 Pilatus het ook 'n opskrif geskrywe en dit aan die kruis gesit. Daar het geskrywe gestaan: "Jesus van Nasaret, die Koning van die Jode." 20 Baie van die Jode het hierdie opskrif gelees, omdat die plek waar Jesus gekruisig is, naby die stad was. Die opskrif was in Hebreeus, Latyn en Grieks. 21 Die priesterhoofde van die Jode het toe vir Pilatus gesê: "Moenie skrywe: `Die Koning van die Jode' nie, maar skrywe: Hy het gesê: Ek is die Koning van die Jode." 22 Pilatus het vir hulle gesê: "Wat ek geskrywe het, het ek geskrywe." 23 Toe die soldate Jesus dan gekruisig het, het hulle sy boklere gevat en dit in vier dele verdeel, vir elke soldaat 'n deel. Hulle het ook sy onderkleed gevat. Dit was sonder naat van bo af in een stuk geweef. 24 Hulle sê toe vir mekaar: "Ons moet dit nie skeur nie. Kom ons loot wie dit moet kry." Dit het gebeur sodat die Skrif vervul kan word waar dit sê: "Hulle het my klere onder mekaar verdeel, en vir my kleed het hulle geloot." Dit is wat die soldate gedoen het. 25 By die kruis van Jesus het ook nog sy moeder en sy moeder se suster en Maria, die vrou van Klopas, en Maria Magdalena gestaan. 26 Toe Jesus sy moeder sien en die dissipel vir wie Hy baie lief was, wat by haar staan, sê Hy vir haar: "Daar is u seun." 27 Daarna sê Hy vir die dissipel: "Daar is jou moeder." Van daardie oomblik af het die dissipel haar in sy huis geneem. Jesus sterwe 28 Hierna het Jesus, met die wete dat alles klaar volbring is en sodat die Skrif vervul kan word, gesê: "Ek is dors." 29 Daar het 'n kan vol suur wyn gestaan. Die soldate het toe 'n spons vol suur wyn op 'n hisoptakkie gesit en dit teen sy mond gehou. 30 Nadat Jesus die suur wyn gekry het, het Hy gesê: "Dit is volbring!" Toe het Hy sy kop vooroor laat sak en die laaste asem uitgeblaas. 31 Dit was Vrydag, en die Jode wou nie hê dat die liggame op die sabbatdag aan die kruis moes bly nie, want daardie sabbatdag was' n groot dag. Daarom het hulle vir Pilatus gevra dat die mense wat gekruisig is, se bene gebreek en die liggame weggevat moes word. 32 Toe het die soldate gekom en die bene van die eerste een gebreek en ook dié van die tweede een wat saam met Jesus gekruisig is. 33 Toe hulle egter by Jesus kom en sien dat Hy al klaar dood is, het hulle nie sy bene gebreek nie. 34 Maar een van die soldate het met 'n spies in sy sy gesteek, en daar het dadelik 1

2 bloed en water uitgekom. 35 Hy wat dit gesien het, lê daarvan getuienis af, en sy getuienis is waar. Hy weet dat hy die waarheid praat, sodat julle ook kan glo. 36 Dit het gebeur sodat die Skrif vervul kan word: "Geen been van Hom sal gebreek word nie." 37 En verder sê die Skrif op 'n ander plek: "Hulle sal Hom sien vir wie hulle deurboor het." PREEK Broers en susters in onse Here Jesus Christus: Gaan jy deur n moeilike tyd? Miskien het jy jou werk verloor of jy hervaar die verlies van n geliefde. Miskien dink y maar net dat niks goeds kan met jou gebeur in jou lewe nie. Wat ook al met jou aan die gebeur is, wil ek hê u moet weet dat jy nie alleen is nie en dat iets goeds kan kom vanuit die oomblik waarin jy jou bevind. God het belowe dat dit sal. Jesus het ook in sy bestaan op aarde harde tye beleef. Sy pad na die kruis toe wat nie maar net n eenvoudige weg nie. Maar Jesus het n keuse gemaak om aan te stap op hierdie moeilike pad. Jesus het selfs vir God gevra of dit nodig is vir Hom om deur hierdie lyding te gaan. En net soos Jesus die keuse gemaak het, moet u en ek ook besluit om deur ons moeilike omstandighede te gaan. Is goeie Vrydag goed? Oor hierdie naweek vier ons Jesus se opstanding uit die dood en kom ons kyk na hoe ons deur ons eie moeilike omstandighede kan kom. Elke een van ons gaan maar, op n meer gereelde basis, deur ons eie klein kruisigings en opstandings. In die gees van Paasfees sal ek sê: Vrydag kom voor Saterdag. Die pyn kom voor die verlossing. Het u al gewonder waarom daar gepraat word van Goeie Vrydag met Jesus se kruisiging, want dit is n dat wat gelaai is met pyn, angs en hartseer? Dis omdat die resultate van hierdie Vrydag Jesus se opstanding uit die dood op Sondag wat goed. In daaglikse lewe is dit van kardinale belang dat ons sal glo dat as ons deur moeilike tye gaan sal die resultate goed uitdraai. En tog, wanneer ons seer het, is die uitdaging daar dat ons moet onthou dat God sal dit laat uitwerk te goede. Die Enigste Een wat jy kan vertrou 2

3 Romeine 8: 28 lees so 28 Ons weet dat God alles ten goede laat meewerk vir dié wat Hom liefhet, dié wat volgens sy besluit geroep is. Alle dinge werk saam tot ons voordeel! Hierdie is n baie belangrike skrifgedeelte vir elke Christen gelowige. Wanneer iets nie gebeur soos wat ons graag wil het dit moet gebeur nie, kan ons maar glo dat God sal dit laat meewerk tot iets goeds. In enige lewens toets waardeur ons gaan kan jy weer kyk na Romeine 8:28. Dit beteken nie dat die toets goed sal wees nie, maar God sal dit laat omwerk dat die resultaat op die ou einde goed is. Dit praat van die liefde wat God vir ons het. Vir God om ons in ons swaarkry te lei tot vrede, getuig van Sy liefde en bemoeienis met die mens. As ons God lief het en regtig Sy wil laat geskied in ons lewens dan, dink ek, is dit veilig om te sê dat ons God kan vertrou om die goeie uit die slegte vir ons te bring maak nie saak wat gebeur nie. Selfs al moet ons ompaaie loop as gevolg van ons eie onnoselheid of as ons onskuldig is maar iemand anders het betrokke geraak en het pyn en seer in ons lewens gebring, selfs dan kan ons God vertrou om die goeie uiteinde te bring. Geen persoon op aarde of duiwel in die hel kan ons weg hou van God se wil nie! Die kruisiging: Groei in harde tye Dit is troostend om vandag te hoor dat dinge kan uitwerk... selfs op n dag soos vandag Goeie Vrydag. Toe alles onverstaanbaar was en alles wat moeilik het God dit laat uitwerk Hy het die grootste seëning gegee aan die hele mensdom! Ons kan glo dat Vrydag was goed as gevolg van die resultaat daarvan en nie as gevolg van die wat gebeur het nie. Ek weet toe ek deur n harde tyd gegaan het, het ek terug gekyk en ek kan agter kom dat ek as mens gegroei het. Ek sou nie kon gegroei het as ek nie deur daardie pyn gegaan het nie. baie van u sal dit ook kan getuig, nie waar nie? n Mens wens dat jy maar net kan groei in die goeie tye, nè? Maar ons groei eers regtig wanneer dit harde tye is. Ek glo dis omdat ons in daardie tye gedruk word om naby God te kom en dan dieper te lewe in ons verhouding met God. Hoekom? Want ons moet. Dit is jou enigste keuse as jy deur die moeilike omstandighede wil kom. Wanneer ons vir God vertrou, gee Hy ons die troos van sekerheid dat Hy die goeie kan laat kom uit dit wat sleg is. 3

4 Twee kante van die kruis Daar is gewoonlik twee kante aan elke saak. Die kruis het ook twee kante: n Kruisigings kant en n opstandings kant. En Jesus moes die eenkant deurstaan om by die ander kant uit te kom. Maar as Hy dit nie deurstaan het nie, dan was ons almal verlore sonder n Verlosser en daar sou gee vergifnis wees vir ons sondes nie. Hebreërs 12:2 lees 2 die oog gevestig op Jesus, die Begin en Voleinder van die geloof. Ter wille van die vreugde wat vir Hom in die vooruitsig was, het Hy die kruis verduur sonder om vir die skande daarvan terug te deins, en Hy sit nou aan die regterkant van die troon van God. Soos Jesus moet ons die slegte tye deurstaan en verduur. Om te verduur beteken dat ons die duiwel sal uitwag; om lank genoeg te verduur dat die beproewing doen wat dit moet doen in ons lewens, sodat ons kan kom van een kant na die ander kant; van die een kant van die kruis tot na die ander kant van die kruis. Die graf: Wag vir n Goeie einde Nou, ons beweeg nie nou net van Vrydag na Sondag nie. Ons moet leer om Saterdag te verduur en ek dink dit is somtyds die moeilikste om te doen. Ons noem dit die middel. In enige iets is daar n begin, n einde en n middel. Die begin is baiekeer n bietjie nuut en opwindend want dit is iets nuuts. Die einde is verseker die mees opwindende want dit is waar ons die oorwinning beleef. Maar, die Middel! Saterdag mag dalk moeiliker as Vrydag wees want Saterdag is ons in die graf en ons is nie seker wat gaan gebeur nie. Meeste van die tyd weet ons nie hoe lank die middel gaan duur nie. Al weet God hoe lank dit gaan duur... vertel Hy nie vir ons nie. So ons moet onthou dat as ons deur die middel van iets gaan, kan ons verseker weet dat Sondag altyd na Vrydag kom. Maar ons moet Saterdag verduur ons moet die duiwel oorleef wees standvastig en moet nie opgee of ophou nie. En wanneer ons die stryd deurstaan het sal ons die voordele en seëninge van die opstanding beleef wat met die Sondag kom. Die Opstanding: Maak dit deur Slot Dus, ek wil u daaraan herinner dat Jesus het die Kruis verduur. Hy het geweet wat wag aan die ander kant. In ons alledaagse lewens sal ons sekere dinge moet verduur en deurstaan en ons sal swaar tye in die gesig staar. Maar die enigste manier om dit te doen is om deur dit te gaan. 4

5 Of ons nou getref word deur n onverwagte omstandigheid, swaarkry deur dat ons iets verkeerd gedoen het of die weerstaan van versoekings en sonde deur te doen wat reg is, moet ons ongelukkig deur sekere dinge gaan. Maar wat vir jou wag aan die ander kant van die harde, moeilike tye is die vreugde van die prys die goeie resultaat. Kom ons sien uit na Sondag, vanaf nou, deur Saterdag. En ons sien vandag se goedheid weens die God wat vir ons en Christus die Rots en vaste vesting vir ons lewens is. Amen 5