SKRIFLESING: Lukas 8: TEKS: Lukas 8:25a. Geloof moet werk. Psalm 48 : 4. Psalm 119 : 36. Psalm 31 : 1, 2. Skrifberyming 74 (14-2)

Transcriptie

1 SKRIFLESING: Lukas 8:22-39 TEKS: Lukas 8:25a TEMA: Geloof moet werk. Psalm 48 : 4 Psalm 119 : 36 Psalm 31 : 1, 2 Skrifberyming 74 (14-2) Skrifberyming 78 (13-3)

2 2 Dis maklik, as ons veilig en rustig hier in die kerk is, om te sing: - die Here is my Rots; - Hy hou my veilig; en om te bely dat ons in Hom glo en om die begeerte te hê om Hom regtig reg en getrou te dien. Maar netnou en môre en oormôre, as die druk en die spanning ons weer vasvat en as die versoekings ons weer in die sonde wil insuig en as siekte en ongelukke en misdaad ons bedreig, dan s al hierdie mooi woorde sommer weg, dan tree ons baie kere net soos ongelowige mense op, dan s daar nie n geloof wat in die harde werklikheid van die lewe werk nie. Terwyl die Here Jesus met Sy vraag hier aan die dissipels juis wys dat Hy by ons geloof wil hê wat selfs in die storms van die lewe wérk! Geloof wat wérk - dís wat die Here by ons wil hê; - dis waaroor vanoggend se preek gaan. Ons kyk eers na wat storms aan mense doen en dan na die verskil wat geloof behoort te maak. 1. WAT STORMS AAN MENSE DOEN U moenie die nood van die dissipels hier onderskat nie. Ons sit rustig en veilig hier en ons weet dat hulle aan die einde gered word, maar húlle t dit nie geweet nie. Hulle t die angs beleef van n onverwagse storm wat so erg geword het dat dit hulle lewens bedreig het. 1 Die woord wat die wind wat hier opgekom het, beskryf, is n woord wat ook vir orkaan-agtige of tornado-agtige storms gebruik word. Dit was n verskriklike storm! Daar was selfs iets boosaardigs in hierdie wind. 1 Vers 23

3 3 Uit die feit dat die Here Jesus die wind en die golwe hier bestraf, lei ons af dat die duiwel agter hierdie storm gesit het. Satan was toegelaat om hierdie storm op te wek van sy kant af as n poging om die Here Jesus en Sy dissipels te vernietig en so die Here Jesus nie net te keer om daar in die land van die Gadaréners waarheen hulle op pad was, die bose geeste te gaan oorkom nie, maar veral om Hom te keer om uiteindelik Sy verlossingswerk beslissend daar aan die kruis te gaan doen. Dis regtig n angswekkende storm wat daar oor die skuit van die Here Jesus en Sy dissipels losgebars het. Markus skryf ook dat dit aand was toe hulle in die skuit geklim en begin vaar het. 2 Stel u dit voor: sonder kragopwekkers en radio s vir noodroepe en noodfakkels en selfone en nooddienste wat op gereedheidsgrondslag is in n skrikwekkende storm in die pikdonker nag, met golwe wat onbeheersd in die boot inslaan, sodat dit al hoe voller geword het en hulle gevaar geloop het om te sink en almal daar in die stormsee om te kom Dit gee ons as mense begrip vir hulle paniek, wat wys as hulle Jesus, wat deur dit alles gelê en slaap het iets wat wys hoe moeg Hy was én iets wat wys hoe volkome Hy Sy hemelse Vader vertrou het gaan wakker maak met uitroepe soos: - Meester, Meester, ons vergaan! en - Meester, gee U nie om dat ons vergaan nie? 3 Dis tipies van wat die storms van hierdie lewe aan mense doen die ontsettende druk en spanning wat mense partykeer beleef, die trauma van n ernstige siekte of ongeluk, die skrik van n doodsberig, die angs wanneer jou lewe in gevaar is: - jy verloor jou selfbeheersing; - jy raak paniekerig; - jy doen en sê wanhopige dinge; - jy bestorm partykeer sommer die Here met die verwyt: waarom doen U nie iets nie? 2 Mark 4:35 3 Mark 4:38

4 4 En dit terwyl jou geloof jou anders moes laat optree het 2. WATTER VERSKIL GELOOF BEHOORT TE MAAK Die Here Jesus se vraag impliseer dat die dissipels se optrede gebrek aan geloof wys. Nadat Hy die storm bestraf en stilgemaak het en alles kalm en rustig is, praat Hy met die dissipels, berispe Hy hulle eintlik met Sy vraag: - Waar is julle geloof? of soos Markus dit weergee: - Waarom is julle so bang? Hoe het julle dan geen geloof nie? 4 As hulle geloof gehad het, sou hulle anders opgetree het. Geloof sou in hierdie krisis-situasie gewérk het, sodat hulle anders sou gereageer het. Geloof sou n verskil gemaak het dit sou hulle bangheid oowin het! Wat is hierdie geloof waaroor dit hier gaan, die geloof wat n verskil sou gemaak het? - Dis om te vertrou op die Goddelike almag van die Here Jesus, waarvan hierdie dissipels in die wonderwerke wat Hy tot op hierdie stadium gedoen het, al soveel bewyse gesien het. Hy t byvoorbeeld al voor hulle oë n dooie lewendig gemaak! 5 - Dis om oortuig te wees dat Hy wat hulle as apostels geroep het, 6 mos nie nou Sy plan met hulle sal laat misluk deur hulle almal te laat verdrink nie, of dat Hy Sy eie werk hier op aarde onvoltooid sou los deur voortydig te sterf nie. - Dis om seker te wees dat Hy as Verlosser en Here jou lewe in Sy hande hou en niks oor jou sal laat kom wat nie vir jou ewige welsyn die beste is nie. - Dis om jou so oor te gee aan Hom wat jou nog altyd liefgehad het, dat jy weet dat as Hy by jou is, altyd alles reg is, al lyk dit ook vir jou hoe verkeerd 4 Mark 4:40 5 Lukas 7: Luk 6:12-16

5 5 - Dis daardie geloof wat net die Heilige Gees met Sy bewerking van jou gees in jou binneste kan inbring. As die dissipels hierdie geloof gehad het, sou dit in hierdie situasie gewerk het, sou dit hulle anders laat optree het, sou hulle byvoorbeeld rustig kon bly soos die Here Jesus. En met Sy vraag: Waar is julle geloof? wys die Here Jesus hulle op hulle gebrek aan hierdie ware geloof wat in hierdie situasie moes wys, moes werk, wat hulle gedrag moes beïnvloed het en beheers het. En deur hierdie vermaning van die dissipels te laat opteken het, praat die Heilige Gees ook met ons elkeen wat dit vandag lees en hoor; wys Hy ons dat die Here by ons n geloof wil hê wat selfs in die storms van die lewe werk. TOEPASSING As ons hier in die kerk is, of rustig daar in die sitkamer sit by huisbesoek, dan s dit maklik om te sê: - ek glo; - ek glo dat die Here Jesus my ook met Sy kruisdood vrygekoop het van alle skuld en straf wat ek met my sondes by God verdien het; - en ek glo dat Hy altyd by ons is soos wat Hy belowe het 7 en dat die Heilige Gees selfs binne in my woon en werk; 89 - en ek glo dat Hy nooit slaap nie en altyd oor my wag hou; - en ek glo dat Hy my so sal bewaar dat daar selfs nie een haar van my kop sal val as Hy dit nie vir my goedvind nie; 10 - en ek glo dat die verloop van my lewe die roete is waarmee die hemelse Vader my na die ewige saligheid, wat Jesus vir my verdien het, lei en dat ek veilig daar sál aankom, al is die reispad partykeer hoe moeilik en steil. 11 Ons sê dis ons geloof wanneer ons rustig en veilig voel. 7 Mat 28:20 8 Joh 14: Ps 121:4 10 Mat 10: Rom 8:31-39; 1 Pet 1:3-9

6 6 Maar waar was hierdie geloof die ander dag toe die tornado van versoeking ons in sonde ingesuig het? Waarom het ons nie vasgeskop en geweier om saamgesleep te word nie ons wat sê dat ons weet dat die Gees van God wat in ons woon, sterker is as die suigkrag van enige sonde? Waar was ons geloof dat God alles tot ons ewige beswil beskik die dag toe ons paniekbevange na die dokter se diagnose geluister het, of daardie kere wanneer ons angsbevange oor ons eie dood dink? Waar s ons geloof dat die Here Sy kerk liefhet en besig is om hierdie bruid van Hom voor te berei vir die huweliksfees as ons so geïrriteerd raak met die swakhede en tekortkominge van die kerk dat ons dit sommer in dieselfde koor as wêreldse mense afskryf? Waar was jou geloof dat die Here jou nooit alleen en nooit sonder hulp sal laat nie daardie dag toe jy so moeg geraak het vir die lewe se druk en probleme en vir die worsteling om stoflik en geestelik kop bo water te hou dat jy sommer wou boedel oorgee? As ons dan geloof het, behoort dit mos in hierdie situasies te wys, want n ware geloof wérk; - dit laat jou, juis ook in die storms van die lewe, anders optree as mense wat nie regtig geloof het nie; - dit praat in die krisis-situasies van die lewe harder met jou as enige ander stem, selfs harder as jou eie gedagtes en emosies wat dan so maklik dreig om hand-uit te ruk. Waar daar geloof is, behoort daar nooit onbeheersde angs en paniek en waansinnige vrees en lamgeslaandheid te wees nie, al is die wind hoe boosaardig en die golwe hoe hoog en die boot amper vol water al lyk die ondergang onvermydelik. As u hierdie geloof kortkom dis so naby soos wat jou knieë aan die grond is, n gebed ver 12 AMEN 12 Luk 11:13