TEKS: Handelinge 2:39 HK 27:74. Die Here se belofte geld ook vir die kinders van gelowiges

Transcriptie

1 SKRIFLESING: Handelinge 2:37-47 TEKS: Handelinge 2:39 HK 27:74 TEMA: Die Here se belofte geld ook vir die kinders van gelowiges Psalm 90 : 1 Skrifberyming 15 (16-1) : 1, 2, 3 Psalm 90 : 9 1

2 Dit gebeur regtig partykeer: - dat goeie gereformeerde gelowiges n verdieping in hulle geloof beleef; - en dat hulle dit graag op een of ander konkrete, sigbare manier wil wys; - en dat hulle dan deur een van die grootdoop-groepe omgepraat word om hulle weer te laat doop om so hulle nuwe toewyding aan die Here te wys, met die bykomende argument dat hulle doop as kinders in elk geval nie n regte doop was nie, want kinders mag mos nie gedoop word nie. Is die kinderdoop verkeerd? En mag n mens jou laat oor-doop as jy n besondere geestelike ervaring gehad het en die behoefte het om dit sigbaar te wys? Die antwoord op altwee hierdie vrae is natuurlik nee. As n mens iets van jou geestelike verdieping sou wou wys, is die doop definitief nie die manier om dit te doen nie, want die doop is nie in die eerste plek n seremonie waarmee ons as mense iets wys nie; die doop is nie in die eerste plek n teken van my toewyding aan God nie; die doop is primér n seremonie waardeur God met ons praat; dis n teken van SÑ liefde. En die kinderdoop is niö verkeerd nie. Dis n praktyk wat stewig in die Skrif gewortel is. Kom ons hoor dit vanaand weer uit hierdie gedeelte van die Here se woord, en spesifiek uit ons teksvers wat sé dat die belofte van die Here ook vir gelowiges se kinders geld. Ons gaan kyk 1. watter belofte hier ter sprake is; 2. vir wie dit geld. 1. WATTER BELOFTE TER SPRAKE IS Die belofte waaroor dit in ons teksvers gaan, is een wat n mens sou kon noem: die kernbelofte van die Here aan Sy volk. Dis die belofte - dat Hy hulle sonde sal vergewe - en dat Sy Heilige Gees in hulle sal woon en werk. Onthou u wat daardie dag, toe hierdie woorde gesé is, gebeur het? 2

3 - Dit was die Pinksterdag, tien dae nadat Jesus in die hemel opgevaar het. - Die Heilige Gees is op daardie dag uitgestort oor die gelowiges wat daar by die tempel bymekaar was. - Die spesiale tekens waarmee hierdie uitstorting van die Heilige Gees plaasgevind het, het gemaak dat n groot klomp mense daar saamgedrom het. - En toe het die Heilige Gees die apostel Petrus n kragtige preek laat lewer waarin hy uit die Bybel uit (op daardie stadium nog net die OT) gewys het dat dit wat daar gebeur het, die uitstorting van die Heilige Gees was net soos God dit deur die profeet Joál laat voorspel het, Ön dat hierdie Jesus, wat hulle laat kruisig het maar wat uit die dood uit opgestaan het, die Here en die Christus is! - En toe die mense diep in die hart getref is deur hierdie kragtige verkondiging en vir Petrus-hulle vra wat hulle dan nou moet doen, toe gee Petrus die antwoord waarvan ons teksvers n onderdeeltjie is. Die eerste deel van sy antwoord klink so: Bekeer julle en laat elkeen van julle gedoop word in die Naam van Jesus Christus, en God sal julle sondes vergewe en julle sal die Heilige Gees as gawe ontvang. Hy gee vir hulle dus n opdrag met twee dele: - bekeer julle - en laat julle doop; en hy gee vir hulle n belofte met twee dele: - God sal julle sondes vergewe - en julle sal die Heilige Gees as gawe ontvang. En presies dàt, hierdie belofte met sy twee dele, is die kernbelofte van God wat Hy al van die Ou Testamentiese tye af vir Sy volk gemaak het. Luister maar net na enkele sinne uit Eseg. 36, waar die Here vir Sy volk sé: - Ek sal julle reinig van al julle onreinheid en van al julle afgodery. 1 - Ek sal my Gees in julle gee en Ek sal maak dat julle volgens my voorskrifte leef 2 1 Eseg 36:26 2 Eseg 36:27 3

4 Presies hierdie belofte gee die Here nou weer deur Petrus vir die Nuwe Testamentiese gelowiges: vergewing van sondes en die Heilige Gees. Dit gaan hier oor die kernbelofte wat die Here nog altyd vir Sy mense gegee het. Wat het die doop nou met hierdie belofte te doen? Alles! Die doop is juis van dit wat God met hierdie belofte vir ons toesé, n teken en n seál! - In HK 26 bely ons dat die Skrif ons leer dat die doop ons geestelike wassing met die bloed van Christus en ons innerlike vernuwing deur die Heilige Gees afbeeld presies hierdie kernbelofte van God! - Met die doop wys God juis vir jou wat gedoop word dit wat Hy met hierdie belofte vir jou sé en verseker Hy jou daarvan dat Hy dit regtig gaan doen. Dit gaan in hierdie vers oor die kernbelofte van God aan Sy volk, die belofte waarvan die doop ook getuig: die belofte dat God ons sondes sal vergewe en Sy Gees in ons sal gee. 2. VIR WIE HIERDIE BELOFTE GELD Vir wie is hierdie belofte van die Here bedoel? Dis bedoel so sien ons in die OT al vir die verbondsvolk van God, vir die mense aan wie die Here Homself verbind het Petrus sé hier: Wat God belowe het, is vir julle - hierdie julle is die mense wat daar na hom geluister het en toe diep in hulle harte getref is deur daardie verkondiging; - dis die mense wat op daardie dag tot die besef gebring is dat hierdie Jesus wat hulle laat kruisig het, eintlik hulle Here en Verlosser is! Vir hâlle, volwassenes, grootmense, wat tot geloof in Jesus gekom het, geld hierdie belofte in die eerste plek. Maar nie net vir hulle nie. Dit geld ook vir hulle kinders en vir almal wat daar ver is, vir almal wat die Here ons God na Hom sal roep. 4

5 Die mense wat daar ver is verwys na die heidennasies 3 wat die Here ook na Hom toe sou roep, bv, deur die verkondiging van iemand soos die apostel Paulus op sy sendingreise. Maar wat vanaand vir ons veral belangrik is, is die kinders: Wat God belowe het, is vir julle en vir julle kinders! Jou kinders is hier jou eie kinders, maar ook verdere nageslagte, jou kleinkinders en agterkleinkinders ens. Let ook op dat die apostel nie maar sommer net van kinders in die algemeen praat nie, maar van julle kinders die kinders van mense wat tot geloof in Jesus gekom het; - hierdie belofte van die Here word hier nie sommer vir enige kind gegee nie, maar spesifiek vir die kinders van gelowige ouers; - vir hâlle belowe die Here dat Hy hulle sonde sal vergewe en dat Sy Gees in hulle sal woon en werk. En nou is die argument van kerke, soos ons, wat die kinders van gelowiges doop dàt: as die belofte waaroor dit hier gaan (die belofte van die vergewing van sondes en van die Heilige Gees) dan aan die doop gekoppel is (soos ons netnou gesien het), en as juis hierdie belofte ook vir die kinders van gelowiges geld, hoe kan jy dan die doop wat aan hierdie belofte gekoppel is, van die kinders weerhou? Hoe kan n mens dit regverdig dat die belofte wat die Here in Sy woord ook vir die kinders van gelowiges toesé, nie deur die sakrament aan hierdie selfde kinders toegesé mag word nie? In elk geval word hierdie logiese afleiding uit Hand 2:39, waarop die kinderdoop berus, ook deur ander gegewens in die Skrif gesteun, bv.: Die besnydenis van die OT, n seremonie wat ook hierdie kernbelofte van God afgebeeld het, is nie net toegepas op grootmense wat tot geloof in God gekom het en hulle geloof klaar bely het nie, maar ook op die seuntjies van gelowige ouers, wanneer hulle maar net agt dae oud was! 4 3 Ef 2:13 4 Gn 17:12 5

6 En dink aan die Here Jesus, wat nie die ouers wat hulle kindertjies na Hom toe gebring het sodat Hy hulle kon seán, weggestuur het sodat die kindertjies eers grootmense kan word nie; Hy het hierdie gelowige ouers se kindertjies daar en dan Sy goddelike seán gegee! 5 Hoe kan n mens, nadat Jesus sulke kindertjies geseán het, die teken en seál van Sy seán van hulle af weghou? En hoe vreemd sal dit nie wees as daar in al die gesinne waarvan ons in die NT lees wat gedoop is, nie een kind was nie 6 God se kernbelofte geld ook vir die kinders van gelowige ouers, en daarom mag en mãöt die teken en die seál van dit wat God belowe, ook aan sulke kinders bedien word. Julle kinders wat hier is: - toe julle nog baie klein was, so klein dat jy niks daarvan kan onthou nie, toe is jy ook gedoop; - en daarmee het die Here vir jou gewys: Hy vergewe jou sondes ook; en Hy bly in jou hart ook. Die Here is ook die kinders in die gemeente se Verlosser en Here. TOEPASSING U doop as babatjie was nie n ongeldige en onbybelse seremonie, soos party Christelike groepe van die kinderdoop beweer nie. Dit was n bevestiging van die boodskap uit die Bybel waarmee u daarna grootgeword het, die boodskap dat al u sondes vergewe word en dat God se Gees in u sal woon en werk. En nou kan dit met n gedoopte mens gebeur dat jy op stadium in jou lewe hierdie genade van God skielik baie duideliker verstaan en baie dieper ervaar. 5 Mk 10:16 6 Hd 10:48; 16:15; 16:33 6

7 En as dit met jou gebeur, kan dit wees dat jy n behoefte het om jou met nuwe oortuiging opnuut, openlik aan die Here te wy. Om so n behoefte te hé, is nie verkeerd nie. Maar om jou te laat oor-doop, is nie die regte manier om jou opnuut aan die Here te wy nie. Hierdie mense in ons teksgedeelte, wat so diep in die hart getref was deur wat hulle gehoor het, het hulle nie weer en weer laat doop nie, maar nadat hulle een keer gedoop is, het hulle (so lees ons in v. 42) met groot erns die Bybel bestudeer en mekaar bygestaan en die nagmaal gevier en die armes gehelp en getrou gebid. Dàs wat n mens moet doen as jy jou aan die Here wil toewy. En as jy dan naas hierdie basiese dinge nog die behoefte het, die roeping voel, om op n spesiale manier uiting te gee aan jou geestelike verdieping, doen dit dan op maniere wat in die Bybel vir ons aanbeveel word, bv.: - skep n spesiale geleentheid om jou beloftes aan die Here te herhaal; - of bring spesiale offers aan die Here: offers van jou tyd; offers van diens aan medemense; offers van spesiale studie van die Woord; offers van spesiale gebede; offers van geld en goed; - of word al hoe meer n lewende lidmaat van die kerk, wat met die nuwe vuur wat in jou binneste brand help, om die koudheid en halfhartigheid wat so maklik in kerke insluip, te verdryf; - word n mens wat al hoe meer, in al die fasette van jou lewe, groei in gehoorsaamheid aan jou Verlosser en Koning, Jesus Christus. Maar moet jou nie in n oor-dopery laat inpraat nie. Wat die Here met jou doop vir jou toegesé het, al was jy toe n babatjie, bly geldig, want Hy lieg nooit: Hy sål jou die seán van Christus wat Hy belowe het, gee n skoon hart; en Hy sål jou die seán van die Heilige Gees gee n nuwe lewe 7 AMEN