PINKSTER. SKRIFLESING: Handelinge 2:1-21. TEKS: Handelinge 2:2-3. God die Heilige Gees kom om soos wind en vuurtonge te werk.

Transcriptie

1 PINKSTER SKRIFLESING: Handelinge 2:1-21 TEKS: Handelinge 2:2-3 TEMA: God die Heilige Gees kom om soos wind en vuurtonge te werk. Psalm 47 : 3, 4 Skrifberyming 14 (8-1) : 1, 2 Skrifberyming 13 (8-2) : 1, 2, 3 Psalm 36 : 2 Skrifberyming 78 (13-3)

2 2 As n mens die aandag en entoesiasme wat Kersfees by Christene kry, vergelyk met die aandag en entoesiasme wat die herdenking van hemelvaart en Pinkster kry, is daar eintlik geen vergelyking nie. Dit kan dalk selfs wees dat daar Christene is wat nie eers geregistreer het dat dit vandag Pinkster is nie die dag waarop die Heilige Gees uitgestort is. En nou wil hierdie preek nie probeer uitpluis waarom dit so is nie, maar dit wil weer op u hart druk watter groot dinge God op daardie Pinksterdag lank gelede gedoen het en wat dit vir ons lewe as Christene beteken, sodat Pinksterdag ook sy regmatige plek in ons harte sal kry. Ons gaan dit vanoggend doen deur te kyk na wat die tekens waarmee die Heilige Gees uitgestort is, vir ons sê. Kan dit só saamvat: - God die Heilige Gees het gekom om soos wind en vuurtonge te werk. Kyk na 1. Dis God die Heilige Gees wat gekom het; 2. Hy werk soos wind en vuurtonge. 1. DIS GOD DIE HEILIGE GEES WAT GEKOM HET Dis wat op daardie Pinksterdag daar in Jerusalem, waarskynlik in een van die vertrekke by die tempel, gebeur het: - die Heilige Gees het na die Here se kinders en gemeente hier op aarde toe gekom. Hy s uitgestort, uitgegiet, 1 n term wat wys op die rykdom en die oorvloed van werkinge en gawes waarmee die Heilige Gees gekom het. Die Heilige Gees is mos vir God se mense hier op aarde belowe. Net soos wat die koms van die Here Jesus voor dit gebeur het, voorspel en belowe is, so ook die koms, die uitstorting van die Heilige Gees: o In Jes 44:3 lees ons hoe die Here deur die profeet vir Sy volk belowe: Ek sal my Gees uitgiet op jou kinders 1 Hand 2:17

3 3 o In Joël 2:28 hoor ons die profesie wat die apostel Petrus ook hier in sy verduideliking van wat hier gebeur het, aanhaal: En daarna sal Ek my Gees uitgiet op alle vlees 2 o En hoeveel kere het die Here Jesus nie toe Hy hier op aarde was, na die koms van die Gees verwys nie. Die aand voordat Hy gevang is en die volgende dag gekruisig sou word, het Hy vir Sy dissipels gesê (Joh 16:7): Dit is tot julle voordeel dat Ek weggaan, want as Ek nie weggaan nie, sal die Voorspraak, die Heilige Gees, nie na julle toe kom nie; maar as Ek gaan, sal Ek Hom na julle toe stuur. 3 En een van Sy heel laaste opdragte aan Sy dissipels voor Sy hemelvaart was dít: Moenie van Jerusalem af weggaan nie, maar bly wag op die gawe wat die Vader belowe het, soos julle van My gehoor het. Johannes het wel met water gedoop, maar julle sal binne n paar dae met die Heilige Gees gedoop word. 4 Wat nou op hierdie Sondagmôre gebeur, op die vyftigste dag (pinkster = 50ste) na die opstanding van Jesus Christus uit die dood uit, is dat Vader en die Here Jesus hierdie belofte nakom: die Heilige Gees kom na die aarde toe en kom neem Sy intrek in die gemeente en in elke kind van die Here. Wie is die Heilige Gees? Die tekens wat met Sy koms gepaard gaan en wat hier in verse 2-3 beskryf word, maak dit baie duidelik wie Hy is: Die eerste teken was n geluid soos van n geweldige rukwind die geluid van n stormagtige windvlaag; en hierdie geluid het die hele plek waar hulle bymekaar was, gevul. In die Bybel is wind meer as een keer by besondere geleenthede n teken van die Here se teenwoordigheid. o Daar in die paradys het die Here in die aandwindjie gewandel. 5 2 AV 1933/53 3 Joh 16:7 4 Hand 1:4-5 5 Gen 3:8

4 4 o As die Here met Job, wat so geworstel het in sy swaarkry, praat, doen Hy dit uit n stormwind uit. 6 o En as die profeet Esegiël moet profeteer van die Here wat Sy volk geestelik lewend sal maak, dan is die Gees wat die lewe bring, soos winde wat deur die lyke waai en hulle laat opstaan. 7 Die geluid van wind by hierdie spesiale geleentheid, wys dat dit God is wat hier kom. Die tweede teken is dié van tonge soos van vuur wat hulle verdeel en wat op elkeen van die gelowiges wat daar bymekaar was, gekom het. Ook vuur is meer as een keer in die Bybel by spesiale geleenthede en in besondere tye n teken van die Here se teenwoordigheid. o Die Here verskyn byvoorbeeld aan Moses in n bos wat nie uitbrand nie. 8 o Hy trek saam met sy volk in die woestyn onder andere in n vuurkolom. 9 o Daar by Sinai het die magtige teenwoordigheid van die Here vir die Israeliete gelyk soos n gloeiende vuur op die berg. 10 o As die profeet Maleagi profeteer van God wat na Sy tempel toe gaan kom, dan sê Hy: wie kan standhou wanneer Hy verskyn? Hy is soos die vuur van die smelters 11 Die tekens wys dis God self wat in hierdie plek inkom waar die gelowiges bymekaar was. Maar dis nie die Vader nie en dis nie die Seun nie, dis die derde Persoon van die drie-enige goddelike Wese, die Een wat ons in die Bybel leer ken as - die Heilige Gees; 12 - die Gees van God; 13 6 Job 38:1 7 Eseg 37:9. Vgl ook 2 Sam 5:24; 1 Kon 19:12; Eseg 1:4 8 Eks 3:2-3 9 Eks 13:21 10 Eks 24:17 11 Mal 3:3 12 Mat 28:19 13 Rom 8:9

5 5 - die Gees van Christus; 14 - die Gees. 15 Watter wonderlike dag! God Self kom na Sy kerk en kinders toe en kom woon in hulle. Die vuilheid en die rommel wat die sonde in ons lewens ingebring het en wat gemaak het dat die Heilige God nie in ons kon woon nie, is deur dit wat Jesus kom doen het, weggevat met Sy bloed is elkeen wat in Hom glo skoongemaak. En toe Hy na die hemel teruggegaan het, was die pad oop vir God die Gees om Sy intrek in hierdie skoongemaakte menslike tempels te kom neem. Op Pinksterdag só wys die tekens het God die Heilige Gees na ons toe gekom. Maar die tekens wys nie net wie Hy is nie, maar ook hoe Hy werk. 2. HY WERK SOOS WIND EN VUURTONGE Daar s verstommende ooreenkomste tussen hierdie tekens en die werkinge van die Heilige Gees soos wat dit in die Woord vir ons verduidelik word. Die Heilige Gees werk soos wind. Hy werk baie kere soos n stormwind. Die Heilige Gees werk kragtig, sterk. Jesus het vir die apostels gesê dat hulle krag sal kry wanneer die Heilige Gees oor hulle kom. 16 Wat is dit anders as die krag van die Heilige Gees n stormwind wat op daardie Pinksterdag daar deur Jerusalem gewaai het as daar op een dag duisende mense tot geloof en bekering kom! 17 Hy kom werk so kragtig soos n stormwind. 14 Rom 8:9 15 Openb 22:17 16 Hand 1:8 17 Hand 2:41

6 6 Maar Hy werk ook so onpeilbaar soos wind. Wind ís mos onpeilbaar. Jy kan wind nie sien nie. Jy kan wind nie vasvat nie. Jy kan nie bepaal waar n wind begin waai en waar hy ophou waai nie. Toe die Here Jesus met Nikodemus oor die wedergeboorte gepraat het oor hoe die Heilige Gees n mens se binneste radikaal moet vernuwe het Hy geïmpliseer dat daar n ooreenkoms is tussen die werk van die Heilige Gees en die onpeilbaarheid van wind. Net so min as wat jy wind kan vaspen en kan ontleed, net so min kan jy die die werk van die Heilige Gees vaspen met presiese datums en presiese definisies van wat Hy doen. Al wat n mens by wind waarneem, is die effek van die wind op die omgewing. Net so weet n mens baie kere net dat die Heilige Gees werk, omdat jy die verandering kan sien wat Hy bewerk. Maar Sy werk self is so onpeilbaar soos wind. En soos hierdie geluid van die wind die hele plek gevul het waar hulle bymekaar was, so kom die Heilige Gees met Sy werk ook in elke hoekie van n mens se lewe in. As Hy in jou inkom, kom Hy om jou hele lewe in te neem en onder Sy beheer te kry. Ons wil die Gees partykeer beperk, maar Hy wil nie beperk word nie. Hy keer jou hele lewe om. Hy laat niks wat nog deel van ons ou sondige natuur is, met rus nie..! Die Heilige Gees werk soos wind: kragtig, onpeilbaar, in elke hoekie en gaatjie van jou lewe En Hy werk ook soos vuur soos vuurtonge. Die tonge soos van vuur sê dat die Gees praat en dat Hy láát praat. Hy praat sélf: - dis mos Hý wat deur die profete gespreek het;

7 7 - en dis Hý wat die Bybel, die Woord van God, geïnspireer het. Hy praat self. En Hy láát praat. Dis Hý wat die apostels die woorde gegee het waarmee hulle die wêreld ingegaan het om Jesus Christus orals vreesloos te verkondig. Dis Hý wat (so lees ons net na ons teksverse) al die gelowiges in hulle eie taal oor die groot dade van God laat praat het, wat elke kind van God n getuie vir die Here Jesus maak. Hy kom soos n tong, omdat Hy praat en laat praat. En dat die tonge soos vuur lyk, vertel óók van die werk van die Gees. Hy brand ons skoon. Hy louter ons geloof dat dit soos suiwer goud word. En Hy steek in ons ook n vuur aan die brand Hy maak ons vurig van gees in ons liefde vir die Here, in die entoesiasme en geesdrif waarmee ons die Here wil dien. 18 Die feit dat die Gees soos n vuur werk, verklaar ook waarom die apostel Paulus gelowiges later vermaan het om die Gees nie uit te blus nie, soos wat n mens met n vuur maak wat jy dood wil hê. 19 Die Gees werk soos vuur. En dat die tonge soos van vuur verdeel het en op elkeen afsonderlik gekom het, wys dat die Gees met elke individu afsonderlik gaan werk. Elke mens het mos n eie geaardheid en swakhede en sondes en probleme en elke mens vereis n unieke benadering; en die Heilige Gees kom nou met elke mens werk soos daardie spesifieke mens dit nodig het. Hy ken die pad na elkeen se hart toe! 18 Rom 12: Tes 5:19 (AV 1993/53)

8 8 Tonge soos van vuur op elkeen só werk die Heilige Gees Dis wat op daardie Pinksterdag gebeur het: God het gekom God die Heilige Gees, om in ons te kom woon en soos wind en vuurtonge in ons te werk. TEN SLOTTE Ons kan mos nie Pinksterdag verwaarloos nie! Daar s al daarop gewys hoe agterstevoor die Christelike feestye eintlik deur Christene gesien word: 20 - Kersfees (geboorte) kry die volle aandag, Goeie Vrydag (kruisiging) en opstandingsdag n bietjie minder, hemelvaartdag nog minder, Pinkster dalk effens meer, terwyl daar geen fees is waarin ons uitsien na die wederkoms nie! Maar dit moes eintlik andersom wees: - die geboorte van Christus, hoe wonderlik en belangrik ook al, is nog maar net die begin van n pad, terwyl Sy kruisiging en opstanding eintlik ons redding is en hemelvaart en die uitstorting van die Heilige Gees die heerlike gevolge van Jesus se afgehandelde verlossingswerk is, en by die wederkoms, waarna ons so baie behoort uit te sien, die finale en volkome heerlikheid vir ons aanbreek! Maar hoe ook al gesien ons mag Pinkster nie verwaarloos nie. Dir ís n feesdag op die kalender van God se plan met hierdie wêreld die dag toe God die Heilige Gees in die kerk van God en in elke kind van God persoonlik kom intrek het en met Sy kragtige en onpeilbare werkinge ons lewens kom oorneem het, die tonge oor God losgemaak het en met Sy vuur in die harte kom brand het! As hierdie wind deur jou lewe gewaai het en hierdie vuur in jou gekom het, sal jy nie anders kan nie as om Pinksterdag ten minste met dieselfde opgewondenheid en entoesiasme as Kersfees te vier.. AMEN 20 J. Overduin: Het Onaantastbare