SKRIFLESING: Johannes 3:1-21. TEKS: Johannes 3:16. Psalm 149 : 1, 2. Psalm 25 : 3. Psalm 103 : 6 (na doop) Skrifberyming 33 (2-4) : 1

Transcriptie

1 SKRIFLESING: Johannes 3:1-21 TEKS: Johannes 3:16 INHOUD: Die liefde van God Psalm 149 : 1, 2 Psalm 25 : 3 Psalm 103 : 6 (na doop) Skrifberyming 33 (2-4) : 1

2 2 As ons sou weet dat die wêreld hierdie week gaan vergaan en dat vandag ons laaste rusdag op hierdie aarde sou wees en daar nog net een preek oor een teks sou kon wees watter teks sou ons kies? Sou Johannes 3:16 nie n uitstekende keuse wees nie, hierdie vers wat gaan oor die groot boodskap wat ons as kerk in hierdie wêreld, wat so vol haat is, moet indra: - die boodskap van die liefde van God vir die wêreld? Kom ons luister vanoggend na hierdie vers, wat een van die bekendste en duidelikste en aangrypendste uitsprake in die Bybel oor die liefde van God is. Ons gaan na die volgende kyk: 1. dat God die wêreld liefgehad het; 2. hoe Hy die wêreld liefgehad het; 3. met watter doel Hy die wêreld liefgehad het; 4. by watter mense hierdie doel bereik word. 1. DAT GOD DIE WÊRELD LIEFGEHAD HET In die geskrifte van Johannes het die Heilige Gees die woord wêreld gewoonlik in n baie spesifieke betekenis laat gebruik: - dit verwys na die wêreld wat in die sonde geval het. 1 Hierdie vers wil nie in die eerste plek sê hoe wyd God liefgehad het (Hy het die héle wêreld liefgehad) nie, maar hierdie vers wil sê dat God die wêreld wat in sonde lê, liefgehad het. God se liefde en dis die verstommende en unieke van die Christelike boodskap is nie n liefde, soos mense se liefde gewoonlik is en soos die heidene dit vir hulle voorgestel het dat die gode se liefde is, n liefde vir mense wanneer hulle dit werd is en n liefde vir die wêreld wanneer dié dit werd is nie, maar dis n liefde vir n wêreld, n mensdom, wat sleg geword het, wat afgode maak en laster en lieg en steel en moor wat vol haat is! En hier staan nie net dat God die wêreld jammer gekry het, soos wat ons ook n klomp misdadigers wat in n tronk van ellende krepeer, partykeer kan jammer kry, al weet ons dat dit hulle verdien nie, 1 Sien bv Joh 16:33; 1 Joh 2:15

3 3 maar dat Hy die wêreld liefgehad het. Die woord liefde wat hier gebruik word, praat van daardie liefde wat uit die hart van die Een wat liefhet kom, wat glad nie vra wat Hý daarby baat of wat Hý daarvoor kry nie, maar wat gegee word en bewys word, al is dié wat Hy liefhet, dit glad nie werd nie! God het die wêreld, wat in die slegte vasgevang is en waarvan ons elkeen met ons sondige nature en lewens deel is, liefgehad 2. HOE HY DIE WÊRELD LIEFGEHAD HET Dis wat hierdie vers eintlik wil beklemtoon: hóé God die wêreld liefgehad het. In die Grieks staan die woordjie so eerste in die sin: - Só lief het God die wêreld gehad Hoe lief? So lief dat Hy Sy enigste Seun gegee het. Nóg n verstommende uitspraak. In hierdie wêreld waar soveel-as-moontlik-vat-en-inpalm nog altyd die mode was, het daar iets anders gebeur: Iemand wat ongedwonge, uit eie vrye wil géé. Wat gee Hy? Hy kon allerhande dinge gegee het. o Hy kon byvoorbeeld vir die wêreld soveel kos gegee het dat niemand ooit weer honger hoef te gely het nie. o Of Hy kon die wêreld en alle lande se ekonomieë só laat blom het dat alle mense, ook die massas armes wat daar nou is, skatryk kon wees en almal die lekker lewe hier op aarde kon hê. Maar Hy t nie dinge gegee nie. Hy t Sy Seun gegee. Jou kind is die meeste wat jy kan gee. - wat is vir enige iemand kosbaarder as jou kind?

4 4 - n kind is so kosbaar dat selfs ons, wat maar onvolmaakte ouers is, waarskynlik al ons ander besittings sal weggee as dit nodig sou wees om n kind van ons te behou; - ouers sal selfs hulle eie lewens gee, as dit hulle kinders kan behou! Maar God gee Sy Seun, die kosbaarste wat Hy het. En wat hierdie gee nog verstommender maak, is die feit dat dit Sy enigste/eniggebore 2 Seun is. In die term wat hier met enigste vertaal is, lê daar twee begrippe opgesluit. o In die eerste plek dat dit God se enigste Seun is. Hy t nie nog ander Seuns ook nie. Hy gee nie soos wat ons geleer is om te gee nie: - Wie twee kledingstukke het, moet dit deel met iemand wat nie het nie 3 - as jy twéé het, word daar van jou verwag om een weg te gee. Hy gee die enigste wat Hy het. o En in die tweede plek beteken hierdie term dat hierdie Seun wat Hy gee, uniek is. Daar s in die ganse heelal nie nog een soos Hy nie. Dis nie soos by Eva, wat toe Abel vermoor is, weer n seun, Set, in Abel se plek kon kry nie. 4 Die Seun wat God gee, is die enigste van Sy soort. Hy s onvervangbaar! Hy gee Sy enigste en unieke Seun Wat beteken die gee hier? Dit beteken hier weggee, soos wanneer jy iets weggee, sodat iemand anders nou die voordeel daarvan kan kry. 2 AV 1933/53 3 Luk 3:11 4 Gen 4:25

5 5 Maar dit beteken ook oorgee. God gee Sy Seun oor aan hierdie slegte wêreld. En as n mens dit nou sê, moet u dink aan hoe ons ons kinders juis met alles wat ons kan uit die kloue van verkeerde maats en van misdadigers en van situasies waar verkeerde dinge gebeur, probeer hou. Maar God gee Sy Seun daaraan oor natuurlik nie sodat Hy deel van die slegte wêreld sal word nie, maar sodat Hy dit kan gaan red! Maar oorgee beteken dat Hy Sy Seun onder andere prysgee aan haat en verwerping, spot en minagting, belastering en aanranding, aan die skandalige prosedures van die valsegeworde kerk van daardie tyd, aan die gruwelike regsverdraaiing van n korrupte regter, Pilatus; aan die onmenslike wreedheid van n kruisdood, aan die onbeskryflike eensaamheid en angs van die hel Terloops, n mens hoor deesdae al hoe meer die argument dat God nie n liefdevollevader kan wees as Hy dít aan Sy Seun doen nie. Maar wie so praat, kyk die liefde van God vir die wêreld wat hierin lê, heeltemal mis. En wie so praat, verstaan nie dat dit wat gebeur het (om dit eenvoudig te probeer sê) deel van n hemelse ooreenkoms tussen Vader en Seun is nie en dat die Seun met Sy volle wese vrywillig hieraan deelneem nie Hy, die Seun, wíl so oorgegee word ter wille van die wêreld! Maar dit vat nie die verskriklike pyn weg wat dit die hemelse Vader moes gekos het om Sy Seun, Sy Enigste, wat Hy liefhet, so oor te gee aan n verskriklike wêreld nie, om Hom só in n nag van eindelose swaarkry in te stuur 5 nie Só lief het God die wêreld gehad, dat Hy Sy enigste Seun gegee het 3. MET WATTER DOEL HY DIE WÊRELD LIEFGEHAD HET Waarom het God Sy Seun so weggegee en oorgegee? Sodat mense nie verlore sal gaan nie, maar die ewige lewe sal hê. 5 Luk 20:13

6 6 Om verlore te gaan, is iets waaraan n mens eintlik nie eers wil dink nie. Dit praat van jou vernietiging as mens: - die vernietiging van jou band met God - en van jou bande met medemense - en van jou gesondheid en kragte - en van jou bestaan op n aarde met lewensmoontlikhede - en van alle hoop en vooruitsigte. Dit verwys uiteindelik na jou permanente vernietiging, as jy as ongelowige en onbekeerde mens jou aardse lewe klaarmaak en dan as straf van God die ewige vernietiging ingaan. God gee Sy Seun sodat dit nie met mense sal gebeur nie, maar die teendeel: dat hulle die ewige lewe sal hê. Die ewige lewe waarvan ons in die Bybel lees, is nie net n lewe wat nooit weer sal ophou nie. Dis n lewe in die volle sin van die woord lewe n lewe soos ons dit nou nog glad nie vir ons kan indink nie: - n lewe met God; jy en die Een wat jou laat ontstaan het, wat jou met jou gawes en geaardheid en uniekheid gemaak het en wat jou verlos het sodat jy Syne kan wees, vir altyd bymekaar; dit wat julle van mekaar geskei het jou sonde vir altyd weggevat; - n lewe met die ander kinders van God, in volmaakte liefde en harmonie, so een en so na aan mekaar soos wat ons mooiste drome nou dit nie kan voorstel nie; - n lewe waarin jou onvolmaakte en afgetakelde liggaam van nou onvernietigbaar volmaak sal wees, op n volmaakte aarde wat God vir ons sal gee, sonder dat ons ooit weer honger of dors of arm siek of swak sal wees; - n lewe waarin alles waarop ons as kinders van God gehoop het, werklikheid sal geword het

7 7 en ons selfs nie eers meer die vrees om dit weer te verloor, sal ken nie Die Vader het Sy Seun nie gegee om die wêreld oor die afgrond te stoot nie, 6 maar om vir mense hierdie ware lewe te gee. En mense wat van die Christelike boodskap in die eerste plek n sweep maak waarmee jy ander in n sekere lewenstyl wil inslaan, lê die aksent verkeerd. Natuurlik het dit wat hier in Joh 3:16 staan, ook n skadukant as jy hierdie liefde van God verwerp gaan jy die gevolge daarvan moet dra 7 maar die boodskap wat ons in die eerste plek moet laat hoor, terwyl dit nog genadetyd is, is die boodskap van God, wat uit liefde Sy Seun gegee het, sodat mense die ewige lewe kan hê. God gee nie maar sommer net dinge, sodat die hele wêreld se mae vol kan wees en almal ryk genoeg kan wees om vir n tydjie die sogenaame lekker lewe te kan hê nie. Hy gee Sy Seun met die doel dat mense die ware lewe kan hê vir ewig Watter mense? 4. BY WATTER MENSE HIERDIE DOEL BEREIK WORD By elkeen (so staan hier letterlik) wat in Jesus Christus glo. Om in die Seun van God te glo, is om te aanvaar dat Hy oorgegee is en gely het verskriklik gely het en aan die kruis gesterf het en uit die dood opgestaan het en in die hemel opgevaar het en die Heilige Gees uitgestort het, sodat ook jý, wat dit nou glo, die ewige lewe kan hê. En hierdie doel word bereik by elkeen wat in Hom glo. Net glo. En net glo beteken: al sou die wêreld later vandag vergaan, 6 Joh 3:17 7 Joh 3:18

8 8 en al sou jy tot vanoggend toe n leeftyd van sonde en rebellie teen God gehad het as jy nóú in die geloof aan die Here Jesus vasgryp, dan sal jy netnou, as die wêreld sou vergaan, as n geredde mens voor God se regterstoel staan, as iemand wat nie verlore gaan nie, maar die ewige lewe het. God het die wêreld kan jy dit glo? liefgehad. So lief dat Hy Sy enigste Seun oorgegee het, sodat mense nie verlore sal gaan nie, maar die ewige lewe sal hê élke mens wat die genade van die geloof in Hom gekry het. TEN SLOTTE As daar nog net geleentheid vir één preek sou wees om te hoor om te preek waaroor sou ons dit wou hê? Sou dit nie hieroor wees nie oor die liefde van God? AMEN