MATTEUS 5:39. Votum en seën. Psalm 149 : 1, 2. Geloofsbelydenis: Nicea. Wet: Exodus 20:1-17 (AV 1933/53) Psalm 62 : 7 (by 8e gebod) Gebed

Transcriptie

1 MATTEUS 5:39 Votum en seën Psalm 149 : 1, 2 Geloofsbelydenis: Nicea Wet: Exodus 20:1-17 (AV 1933/53) Psalm 62 : 7 (by 8e gebod) Gebed Skriflesing: Matteus 5:38-48 (AV 1933/53) Teks: Matteus 5:39 Preek: Hy wat grensloos liefhet roep tot grenslose liefde Formulier vir die Bevestiging van Diakens Psalm 134 : 4 Gebed Kollekte Skrifberyming 10-1 (28) : 1, 2 Seën Skrifberyming 13-3 (78)

2 2 Hierdie opdragte in die Here se bergrede laat mense regop laat sit wanneer hulle dit die eerste keer hoor. En amper almal se eerste gevoel is: - Dít kan nie wees nie! - Niemand kan dít van n mens verwag nie! Selfs ons, wat hierdie hoofstuk al baie gehoor het, se koppe begin gewoonlik dadelik aan al die Ja, máár s dink wat ons by hierdie opdragte van die Here wil byvoeg: - Ja, maar dit geld darem nie altyd nie! - Ja, maar n mens hoef dit nie letterlik te doen nie. - Ja, maar in mý situasie kan dit nie werk nie. Die punt wat die Here met al hierdie opdragte maak, ook die een in ons teksvers, is dat burgers van die hemelse koninkryk radikaal anders leef as ander mense. Hulle het as t ware grensloos lief, soos wat hulle Koning húlle grensloos liefgehad het. Dis die kernsin van hierdie preek: - Hy wat ons grensloos liefhet, roep ons ook tot grenslose liefde. Kom ons gaan die volgende na as ons vanoggend na hierdie opdrag van ons Here luister: 1. dat hierdie opdragte nie n nuwe weg-tot-geregtigheid is nie; 2. wat hierdie spesifieke opdrag behels; 3. die Ja, maar s wat mense hieroor het; 4. die bedoeling van die Here met hierdie opdrag. 1. HIERDIE OPDRAGTE NIE n NUWE WEG TOT GEREGTIGHEID NIE Met weg-tot-geregtigheid word bedoel dat iets n manier is om jou geregtigheid voor God te kry, om jou saak met Hom reg te maak, om n plek in die hemel te kry. Die grootste gros van die Jode in die tyd toe Jesus hier op aarde was, het mos gedink dat die Ou Testamentiese wette vir hulle n weg-tot-geregtigheid was: - as hulle dit goed genoeg nakom, sal hulle vir God aanvaarbaar wees; - hulle wetsgehoorsaamheid sal vir hulle die weg/pad tot n reggestelde verhouding met die Here wees.

3 3 Net so is daar in ons tyd baie mense wat dink dat byvoorbeeld die bergrede van die Here Jesus die wette is waarmee ons as Nuwe Testamentiese gelowiges ons saak met God moet probeer regmaak. Vir Ou Testamentiese gelowiges was Moses se wette die weg-tot-geregtigheid. Vir Nuwe Testamentiese gelowiges is Jésus se opdragte dit. Maar dit werk glad nie so nie. Nie een van ons kan deur eie gehoorsaamheid aan God se wette en opdragte jou saak met Hom regmaak nie. Net Jesus Christus kan dit vir jou doen. Hy, wat self ware en ewige God is, het met n liefde wat ons nie kan peil nie, n ware mens ook geword, en in ons plek alle Ou en Nuwe Testamentiese opdragte van God aan die mens volmaak kom gehoorsaam, en Hy t in ons plek die beker van die toorn van God oor al ons sondes tot die laaste druppel toe kom leegdrink. En vir elkeen wat in Hom glo, tel dit wat Hy gedoen het, asof jy dit self gedoen het. In jou boekie van gehoorsaamheid is elke opdrag van die Here gemerk: klaar nagekom. In die beker van God se toorn oor jou sonde, is daar nie meer een druppel, wat jy hoef te drink, oor nie. Jou saak met God is reggestel. Nie die opdragte van God nie, maar Jésus is vir ons gegee as die weg tot geregtigheid. Wat n liefde van Sy kant af is dit nie! As jy dink wat dit wat Hy gedoen het, Hom gekos het, en as jy besef dat Hy dit gedoen het vir mense wat deur Sy oë gesien sondig was, geestelik vuil, vyande van Hom, dan besef jy watter liefde dit is: - onmeetlike liefde; - grenslose liefde.

4 4 En as Hy dan nou vir ons opdragte gee, dan gee Hy dit nie vir ons as n weg-totgeregtigheid nie ons saak met God is mos klaar deur Hom reggemaak! maar Hy gee dit vir ons as die bakens van die nuwe lewe waarin die Heilige Gees ons nou gaan laat lewe. Begenadigde mense, kinders van God, burgers van die hemelse koninkryk, saliges, geseëndes, is mense wat só behoort te lewe soos hierdie opdragte dit uitspel. Hulle wat grensloos liefgehê is deur Jesus, moet nou self grensloos gaan liefhê. Een voorbeeld van hierdie soort liefde is in die opdrag in ons teksvers. Kom ons kyk wat hierdie opdrag behels. 2. DIE OPDRAG HIER In die Ou Testament lees ons dat die Here Sy volk opdrag gegee het dat n oortreding van een mens teen n ander, met n straf wat dieselfde gewig as die oortreding het, gestraf moet word. Hierdie wet word só verwoord: En as iemand aan sy naaste n liggaamsgebrek toebring soos hy gedoen het, net so moet ook aan hom gedoen word: breuk vir breuk, oog vir oog, tand vir tand dieselfde liggaamsgebrek wat hy aan n mens toebring, moet ook aan hom toegebring word. 1 Maar dit was, let wel, gegee as die manier waarop die owerhede kwaad in die samelewing moet hanteer. 2 Maar nou t die skynheilige Godgeleerdes van Jesus se tyd hierdie voorskrif vir owerhede n reël gaan maak ook vir jóú optrede teenoor iemand wat jou persoonlik te na kom: - Jy mag hom gaan terugkry vir wat hy aan jou gedoen het! het hulle geleer; - God se wet sê mos: oog vir oog en tand vir tand! 1 Lev 24: Vgl ook Exod 21:23-25; Deut 19: Vgl bv Exod 21:22 ( skeidsregters); Deut 19:18, 21

5 5 Maar as die Een wat ons grensloos liefhet, met ons praat oor ons lewe as begenadigdes, geseëndes, dan leer Hy ons om heeltemal anders op te tree wanneer jy persoonlik verontreg word. Hy gebruik onder andere die voorbeeld wanneer iemand jou met absolute minagting so n hou met die agterkant van die hand deur jou gesig gee. 3 Dis die tipe situasie waarin amper enige mens dadelik sou terugslaan of op n ander ekstreme manier sou reageer om die ander een net so seer te maak en te verneder soos wat aan jou gedoen is! Die Here sê dat ons in so n situasie die ander wang ook na die slaner toe moet draai, om vir hom/haar te wys dat jy bereid is om nog n hou vat. Natuurlik bedoel die Here nie dat jy dit op n uittartende manier moet doen om vir die ander een te wys dat jy tog nie vir sy/haar houtjies bang is nie; ook nie op so n hoogmoedige ek sal jou wys dat ek n beter mens as jy is manier nie; maar om vir die ander een te sein dat hierdie klap deur die gesig nie jou gesindheid teenoor hom/haar vergiftig het nie; 4 dit het nie nou van jou iemand gemaak met haat en wraakgedagtes teenoor die klapper nie. Watse liefde verg dit nie! En dit vir n mens wat op daardie moment eintlik n haatlike mens is! Dít om haatlikheid met weerloosheid te antwoord, soos wat die Here ons hier opdrag gee om te doen verg iets soos grenslose liefde Dis die opdrag! Is dit al wat hieroor te sê is, of is daar tog n Ja, maar? 3. DIE MAAR S Natuurlik is hierdie vers nie al wat oor hierdie saak te sê is nie. 3 Die ander voorbeelde in hierdie les van die Here is aanslae op jou eiendom (v 40) en op jou vryheid (v 41). 4 Dit kan ook n sein wees in sekere situasies dat van dit, waarvoor jy geslaan is en wat na jou oortuiging iets is wat goed en reg is, gaan jy nie afsien nie, en dat jy bereid is om selfs nog meer pyn en vernedering en onreg daarvoor te ly.

6 6 Onthou nou dat die Here Jesus sake in die bergrede kort en skerp stel, amper soos die spreuke van die Ou Testament. De Here behandel in die Sy bergrede al die sake wat Hy aanraak volledig nie. Daar ís meer lig op hierdie soort situasie in die Bybel as net hiérdie uitspraak van Jesus. Daar ís geldige Ja, maar s, byvoorbeeld: Óns moet die ander wang draai, ja, maar nie die owerhede nie. Owerhede mag nie die ander wang draai vir misdadigers nie. Húlle opdrag van God is om die samelewing waaroor hulle regeer, met die swaardmag wat vir hulle gegee is, teen kwaaddoeners te beskerm, en hulle moet hulle swaard gebruik! Hierdie opdrag geld vir ons as individue, maar nié vir owerhede nie. 5 En ons moet die ander wang draai wanneer dit oor ons persoonlike eer en aansien gaan, maar ons moet dit nie noodwendig doen wanneer dit oor die eer van God of oor die waarheid van die evangelie of oor die belange van die hemelse koninkryk gaan nie. In situasies waar dit dáároor gaan, het sowel die Here Jesus as die apostel Paulus by geleentheid nie sonder meer die ander wang gedraai nie 6 As dit oor onsself gaan, geld hierdie uitspraak, maar as dit oor die Here gaan, is dit n ander saak. Daar is dus geldige Ja, maar s. Maar daar s ook ongeldige Ja, maar s. Jy kry dit by mense wat probeer loskom van hierdie opdrag van die Here deur argumente soos: - Ja, maar die Here bedoel dit seker nie letterlik nie. 5 Ook nie mense wat n opdrag tot die beskerming van ander het nie. n Pa mag bv nie by wyse van spreke die ander wang draai wanneer iemand sy kind bedreig nie. 6 Joh 18:23; Hand 16:37; 22:25; 23:3; 2 Kor 11:20. Jesus is natuurlik wel ook in die gesig geslaan sonder dat Hy gereageer het,. bv Mark 14:65; Joh 19:3

7 7 Of: - Ja, n mens kan dit seker partykeer doen, maar die Here verwag dit tog nie elke keer van my nie. Of: - Ja, maar dit gaan in mý situasie nie werk nie. Of: - Ja, maar wat word van gesonde selfhandhawing as ek die ander wang draai? Of - Ja, maar wat van my regte? En dan s daar selfs mense wat blatant sê: - Nee wat, hier kan ons nie die Bybel volg nie. - Dis lafhartig en ruggraatloos om die ander wang te draai! Wat, terloops, nie waar is nie. Dit verg baie groter krag net al om kalm te bly en jouself te beheers wanneer jy deur die gesig geklap word, as die krag wat daar is in die woedende vuishou wat my sondige natuur my in so n situasie wil laat slaan! 7 En dan praat ons nog nie eers van die krag wat dit gaan verg om nie net kalm te bly nie, maar om die ander wang ook te draai. Die lysie van redes waarmee mense hulle van hierdie en ander soortgelyke opdragte van die Here probeer losmaak, is eintlik eindeloos. Maar behalwe vir enkele geldige Bybels-verantwoorde uitsonderings, roep die Here ons op om altyd die ander wang te draai. Wat is die Here se bedoeling met hierdie opdrag? 4. DIE BEDOELING Die Here se doel met hierdie opdrag (en met ander soorgelykes in hierdie hoofstuk) is om ons te laat besef hoe radikaal anders die burgers van Sy koninkryk se lewens moet word as die lewe van die deursnee-mens op hierdie aarde. Wat Sy grenslose liefde met ons doen, is nie net om ons n plek in die hemel te gee nie, maar ook om ons anders te maak splinternuwe mense, 7 Spr 16:32

8 8 mense by wie die grense wat hulle vir hulle liefhê van ander getrek het, weggevat is. U ken mos die grense wat ons vir ons liefhê trek: - ek sal hierdie en hierdie mense liefhê, maar moenie van my verwag om dáárdie mense lief te hê nie! Of: - ek sal ander mense liefhê, maar by dit of dat trek ek die streep; as hulle dáároor trap, is dit verby met my liefde; ek sal dit byvoorbeeld verdra as jy jou vinger vir my wys, maar jy moenie jou hand vir my oplig nie! As ons geseënde ontvangers is van die Here se grenslose liefde, dan behoort dit by ons daartoe te lei dat ons self ook grensloos begin liefhê selfs daardie een wat sy/haar hand vir ons opgelig het. Om roekeloos op te tree, beteken om iets te doen sonder om bekommerd te wees oor die gevolge van wat jy doen, sonder om die gevaar wat dit wat jy doen mag meebring, te laat tel. Hierdie opdrag van die Here bevat iets hiervan. Menslik gesien is dit dalk nie so wys om die ander wang te draai nie, en die kans dat dit iets aan die gesindheid of optrede van n slegte mens gaan verander, is baie skraal, en dit kan selfs vir jou gevaarlik wees! Maar die Here sê dat jy dit moet doen, dat jy as t ware roekeloos moet liefhê! En so skud die Here ons wakker uit ons flou Christelike lewens uit, uit ons minimum-vroomheid uit, uit die illusie dat jy net binne jou gemak-sones hoef lief te hê. Só laat Hy ons verstaan dat hierdie lewe en hierdie koninkryk waarin Hy ons in-gered het, heeltemal anders is as die soort lewe wat die gemiddelde mens op hierdie aarde lewe, radikaal anders; belaglik anders sal die sondige wêreld sê; roekeloos anders waag óns om te sê. Jy wat die Here se grenslose liefde gekry het, gaan stoot al die grense plat wat jy vir jóú liefde gebou het, en begin só nou al iets leef van daardie grenslose liefde, wat eendag in die ewige heerlikheid die normale gaan wees AMEN