MATTEUS 10:16. Votum en seën. Psalm 89 : 1. Gebed. Skriflesing: Matteus 10:5-20 (AV 1983/91) Teks: Matteus 10:16 (AV 1983/91) Psalm 67 : 2

Transcriptie

1 MATTEUS 10:16 Votum en seën Psalm 89 : 1 Gebed Skriflesing: Matteus 10:5-20 (AV 1983/91) Teks: Matteus 10:16 (AV 1983/91) Psalm 67 : 2 Preek: Christus se kerk moet versigtig en opreg werk Gebed Kollekte Psalm 23 : 2 Seën Skrifberyming 13-3 (78)

2 2 Daar s deesdae baie kritiek op kerke, ook in Afrikaans-sprekende gemeenskappe. Veral kerke wat die Bybel bly aanvaar as die onfeilbare Woord van God, word geteiken. Die swakhede en die foute van sulke kerke wérklike foute en vermeende foute word orals opgediep en wyd uitgebasuin. Vir kerke wat in só n atmosfeer moet leef en die werk van die Here moet doen, is hierdie opdrag van die Here Jesus baie belangrik, regtig n woord vir ons tyd: dat die Here se kerk sy werk versigtig en opreg moet doen. Kom ons kyk vanaand wat dit beteken. Ons kyk eers na die feit dat die Here ons n taak gee n moeilike taak, en dan kyk ons hoe ons dit moet uitvoer, naamlik versigtig en opreg. 1. DIE HERE GEE SY KERK n MOEILIKE TAAK Onthou: Ek stuur julle Kan dit ook weergee met: Ek stuur julle uit Nou is dit so dat die Here Jesus dit hier spesifiek vir die twaalf apostels sê. Húlle was in die eerste plek dié wat deur Hom uitgestuur was. Maar die res van die Nuwe Testament maak dit duidelik dat die opdrag wat die Here hier vir die apostels gee, nie net vir daardie twaalf mense bedoel was nie. Die apostels was in n sekere sin die begin van die hele Nuwe Testamentiese kerk. As n mens jou die Nuwe Testamentiese kerk as n boom voorstel, dan is die apostels die oorspronklike stam van hierdie boom, waaruit al die ander takke en sytakke gegroei het. Dit wat die apostels in opdrag van die Here eers onder die Israeliete en later ook wyer, met hulle woorde en in hulle geskrifte verkondig het en geleer het, het mos die fondament van die kerk van alle eeue daarna geword. 1 1 Efes 2:20; Openb 21:14

3 3 En omdat hulle in elk geval dit waarvoor hulle uiteindelik uitgestuur is: om die evangelie aan alle nasies te gaan verkondig, 2 nie in hulle leeftyd self kon klaarkry nie, is dit logies dat die verdere uitvoering van hierdie opdrag deur ander gelowiges na hulle dood voortgesit moes word. Die opdrag wat die apostels die kerk in sy embrio-vorm hier kry is in der waarheid die opdrag aan die hele kerk: Ek stuur julle En as u nog nie oortuig is nie, gaan kyk gerus na al die tekste onderaan HK Sondag 12, waar ons bely dat élke gelowige geroep is om vir die Here n priester en n koning en n profeet te wees gestuurdes van God in hierdie wêreld. 3 Wat moet hierdie uit-gestuurdes gaan doen? Hulle moet die boodskap gaan verkondig dat die koninkryk van God naby gekom het. 4 Hulle moet vir die wêreld gaan vertel van hierdie koninkryk wat nooit sal ondergaan nie, en van Sy Koning, wat hier op aarde was, om met Sy bloed vir Sy mense burgerskap van hierdie koninkryk te koop. En hulle moet mense oral oproep om hulle te bekeer van hulle onverskilligheid teenoor hierdie Koning en hulle ongehoorsaamheid aan Sy wette. Dis die taak van die uitgestuurdes deur al die eeue nog. Dis n moeilike taak. Ek stuur julle soos skape tussen wolwe in. Dis mos n bekende Bybelse beeld dat die gelowiges skape is van n kudde waarvan die Here self die Herder is. 5 Die wolwe waarna die Here Jesus hier verwys, is al die mense en magte in hierdie wêreld wat niks van Hom wil weet nie en wat Sy kerk verag en haat. Daar was en is, byvoorbeeld, volke en stamme in hierdie wêreld wat weier dat sendelinge die evangelie aan hulle kom verkondig, 2 Mat 28:19; Mark 13:10; 16:15; Hand 1:8 3 Vgl ook 1 Pet 2:9 4 Mat 16:7 5 Vgl bv Ps 23; Eseg 34; Joh 10

4 4 en wat dié wat dit waag, verjaag of vermoor. Daar s samelewings wat mense onder hulle wat Christene word, behandel asof hulle een of ander pes onder lede het. Daar s owerhede wat dit met hulle wetgewing en optrede doelbewus vir mense moeilik maak om as Christene onder hulle te bly lewe. En dan s daar ook nog valse kerke en valse apostels en valse leraars en allerhande sektes, wat baie kere die bitterste vyande van ware kerke is. Hulle is soos wolwe, sê die Here Jesus. n Wolf is n dier wat verskeur, wat bekend is vir sy wreedheid, wat graag sy tande in die sagte vleis van n weerlose skaap wil inslaan en wat, as hy nie gekeer word nie, n hele skaapkudde kan verwoes. Die Here het van die begin af Sy kerk in so n vyandige wêreld ingestuur om die boodskap van die koninkryk van die hemel te gaan verkondig. Menslik geoordeel is die kerk weerloos en magteloos. Kerke het nie swaarde en gewere waarmee hulle hulleself kan verdedig nie. Die Here se gestuurdes moet net met die Woord van die Here op hulle lippe in n wêreld ingaan wat uiteindelik nie sal huiwer om hulle met geweld en met marteling en met moord teen te gaan nie. Soos skape tussen wolwe in Die Here gee Sy kerk n moelike taak. Maar Hy leer ons ook hoe ons hierdie moeilike taak moet uitvoer. 2. HOE ONS HIERDIE TAAK MOET UITVOER Ons moet dit versigtig en opreg doen versigtig soos slange en opreg soos duiwe. Versigtig soos slange.

5 5 Omdat ons gewoonlik negatief dink oor slange ook nie heeltemal sonder rede nie, want dit is so dat ons die slang in die Bybel leer ken as die instrument en selfs as die verpersoonliking van Satan sal ons slange eerder skelm en listig en slu en agterbaks noem. Maar ons moet ook die goeie raaksien in die natuur wat God vir slange gegee het. Slange is versigtige diere. Hulle stel hulleself nie sommer bloot nie. Hulle weet dat hulle wat seil, nie met ander diere op n gelyke vlak kan kompeteer nie, en daarom is hulle blyplekke en lewenswyse van so n aard dat hulle kan oorleef. Hulle maak byvoorbeeld gebruik van die beskerming wat die natuur hulle kan gee: onder die grond, in klipskeure, agter blare. Hulle smelt saam met die kleure en die skaduwees van hulle omgewing. Hulle is versigtige diere, nie voortvarend, domastrant aggressief nie. So moet die kerk sy werk in n vyandige wêreld doen (sê die Here) so versigtig soos slange. Die kerk moet byvoorbeeld nie sommer met hierdie groot taak wat hy het, in die wêreld in-dons nie, met ander woorde: - sonder om vooraf te dink en te beplan; - sonder om jou metodes en jou styl en jou woorde en jou optrede keurig te kies; - sonder om jou te vergewis van die slaggate en slagysters en gevare wat daar vir die kerk in n vyandige wêreld wag. Die saak van die Here kan met dwase voortvarendheid baie skade berokken word. Ons moet versigtig wees, verstandig, wys, partykeer selfs subtiel in ons benadering van n wêreld vol wolwe! Natuurlik nie so versigtig en so subtiel dat ons naderhand half skelm word nie. Daarom sê die Here nie net dat ons so versigtig soos slange moet werk nie, maar ook dat ons so opreg soos duiwe ons taak moet uitvoer. n Duif is nie n skelm voël nie.

6 6 Wat duiwe doen, doen hulle eintlik baie openlik. As jy n duif se klanke hoor, hoef jy nie regtig te soek om hom te sien nie hy kruip nie vir jou weg nie. Hulle loop ook orals openlik rond. Hulle doen nie eers baie moeite om hulle neste weg te steek nie. Só opreg, openlik, onskuldig moet die kerk in hierdie wêreld leef en werk. Kinders van die Here moet in hulle uitdra van die evangelie nie metodes en style en tegnieke gebruik wat mense na die tyd sal laat voel dat hulle met listigheid soort van ingedwing is in n verklaring van bekering en geloof nie. Daar s n verskil tussen mense met n fyn aanvoeling versigtig benader en mense met n skelm plan in n geestelike hinderlaag inlei. 6 By al die versigtigheid en wysheid en fyn aanvoeling waarmee die kerk die boodskap van die hemelse koninkryk tussen die wolwe moet indra, moet daar ook n kinderlik-onskuldige eerlikheid en opregtheid en openheid in ons optrede in die wêreld wees. Ons moet skape tussen die wolwe bly versigtige skape, ja, maar skápe! Ons mag nie skape in wolfsklere probeer wees nie. Sonder opregtheid gaan versigtigheid gou sluheid word. En sonder versigtigheid kan opregtheid en onskuld maklik domastrante naïwiteit word. Dis n moeilike taak waarvoor die Here ons as georganiseerde kerk én elke ampsdraer én elke ander lidmaat ook uitstuur: - om vir die hele mensdom die boodskap van die koninkryk van die hemel te gaan vertel, self daar waar daar vyandigheid daarteen is. Maar dis nie onuitvoerbaar moeilik nie, veral nie as ons dit doen met die versigtigheid en met die opregtheid wat die Heilige Gees by ons bewerk nie. 6 Én daar s n verskil tussen verkondiging en getuienis wat met die krag van die Heilige Gees gegee word en wat mense oorreed, en om mense met emosionele geweld in n tipe bekering in te boelie.

7 7 TOEPASSING Dis eintlik n verstommende vers hierdie: die goeie Herder stuur Sy skape tussen wolwe in. Maar omdat ons Hom ken en weet wat Hy vir ons gedoen het, gee ons nie om nie, wíl ons graag Sy gestuurdes wees. Ons weet dat ook hierin Hy nie n Herder is wat ons van agter af aanjaag nie, maar Een wat vóór ons uitloop. Om die waarheid te sê: Hy t in hierdie wêreld self geword soos n skaap wat stom is voor Sy skeerders en soos n Lam wat na die slagpale gelei is 7 ter wille van óns. Hy t uiteindelik daar aan die kruis tussen al die wolwe van die hel ingegaan, sodat ons sondes vergewe kan word en ons nooit die hel sal hoef te trotseer nie, maar kan uitsien na die ewige lewe saam met Hóm. Na wat Hy vir ons gedoen het, wíl ons Sy gestuurdes wees. En ons is nie bang vir die wolwe nie. Die ergste wat hulle kan doen, is om ons fisies dood te maak. Maar selfs die dood het Hy vir ons klaar gewen toe Hy op daardie Sondagmôre lewendig uit die graf uitgekom het, sodat ons dood nie meer dóód is nie, maar deurgang na die groen weivelde en waters van ewige rus Onthou, Hy stuur ons, ook hierdie week! Kom ons gaan versigtig soos slange, opreg soos duiwe. AMEN 7 Jes 53:7