NAGMAAL. SKRIFLESING: Galasiërs 6:11-18 (AV 1933/53) TEKS: Galasiërs 6:14a. Die kruis is die trots van die Here se kerk.

Transcriptie

1 NAGMAAL SKRIFLESING: Galasiërs 6:11-18 (AV 1933/53) TEKS: Galasiërs 6:14a TEMA: Die kruis is die trots van die Here se kerk. Psalm 149 : 1, 2 Skrifberyming 10 (5-4) : 1, 2 Psalm 103 : 6 Psalm 9 : 1, 2, 6, 7, 8, 10 Psalm 66 : 6 Skrifberyming 78 (13-3) Voor tafels: Matteus 11:28 By tafels: Lukas 23:26-38 Lukas 23:39-43 Lukas 23:44-49 Lukas 23:50-56 Lukas 24:1-8

2 2 Daar s maar baie onvergenoegdheid met kerke, selfs van eie lidmate van kerke. En as gevolg daarvan is mense op allerhande maniere besig om kerke en denominasie teen mekaar af te speel: - wat bied jý, en wat wat bied jý? - wat het julle? - wat doen julle? - wat kan julle wys? Dit sal n kwade dag wees as ons in die strik trap om te probeer kompeteer met ander: - hiérin is ons die beste! - dít doen ons beter as ander! - dít kan jy darem van ons sê! - kyk net hoe goed vaar ons hiérmee! Dit sal n kwade dag wees, want die groot geheim van die kerk, die enigste waarmee ons kan en mág spog, is die kruis van ons Here Jesus Christus. Dís wat vanoggend vir u gepreek word: - die kruis van ons Here Jesus Christus is die enigste trots van die kerk. Kom ons kyk kortliks 1. na waarmee ons nie kan en mag spog nie; 2. na waarmee ons wel kan en moet spog. 1. WAARMEE ONS NIE KAN SPOG NIE Ons kan nie spog met dit wat óns doen of met dit wat óns is nie. Die apostel Paulus het hierdie brief vir die gemeentes daar in Galasië juis geskryf om die idee, dat dit wat die mens op godsdienstige gebied doen só belangrik en van deurslaggewende belang is, nek om te draai. Nadat hy aanvanklik die blye boodskap, dat Jesus Christus ons Redder is, vir hulle kom leer het, het daar ander leraars uit Joodse geledere gekom wat hierdie boodskap kom verdraai het. Húlle t geleer dat n mens nie gered kan word as jý nie ook sekere van die Ou Testamentiese wette nog nakom nie; - mans moet byvoorbeeld nog besny word; 1 1 Gal 5:2-12

3 3 - en van die ander spesiale dae en feestye van die Ou Testamentiese bedeling moet nog gevier word. 2 En die ergste van alles was dat hierdie dwaalleraars se optrede nog een stuk skynheiligheid ook was: - hulle was glad nie heilig oortuig dat hulle reg was nie; - hulle t hierdie idees maar net gepropageer om vervolging vry te spring die Jode van destyds het mos die Christene vervolg! - en as die Christene nou die besnydenis en ander Joodse dae en feestye onderhou, dan kon hulle mos vir Jode sê: Kyk, ons is tog nie so baie anders as julle nie! Ons sienings en ons godsdiens pas eintlik mooi by julle s n aan! Moenie vir ons kwaad wees nie! Hulle t die boodskap van redding-deur-jesus-alleen verander in n boodskap van redding-deur-jesus-plus-deur-wat-ek-doen. Hulle t ook geroem in wat die mens self doen! Hierdie brief, wat die Heilige Gees Paulus laat skryf het, is n kreet dat die kerk hom nie in hierdie strik moet laat vang nie. Ons moet nooit op enige manier spog met iets wat ons is of doen nie: - nie met ons eie vroomheid nie met hoe ernstig ons ons geloof en ons liefde vir mekaar en ons verootmoediging voor die Here opvat; - nie met ons Gereformeerdheid nie; - nie met hoe behoudend of hoe byderwets ons is nie; - nie met suksesvolle programme of stelsels in n gemeente nie; - nie met enige iets van onsself nie! 2. WAARMEE ONS WEL MOET SPOG Al waaroor ons regtig kan spog, is die kruis van die Here Jesus Christus: o daardie kruis, waaraan Hy as Een wat deur God vervloek is, in ons plek gehang het toe Hy die verskriklike toorn en oordeel van God oor ons sondes vir ons gedra het; o daardie kruis wat deur ongelowiges gesien was as n bewys van Sy magteloosheid en van die mislukking van Sy lewe en werk, maar wat vir elkeen wat in Hom glo, die toppunt is van God se liefde vir sondaars, 2 Gal 4:10

4 4 dié bewys van Sy genade oor mense wat niks anders as Sy toorn en oordeel verdien nie! o daardie kruis, waarsonder geen mens ooit die ware lewe weer sou sien nie! Mag dit nooit gebeur (sê die apostel) dat ek oor enige iets anders as oor die kruis van Jesus Christus roem nie. Net daarmee wil ons spog - deur daarvan te preek en te getuig; - deur daaroor te sing en te skryf; - deur daarvoor te dank en te loof; - deur nooit n duim af te wyk van die oortuiging dat n mens net deur die gekruisigde Christus en volledig deur Hom gered word nie! TOEPASSING As mense ooit by ons wil weet wat hierdie kerk bied, dan is ál wat ons behoort te sê, dít: - ons bied julle die boodskap van die kruis; - ons enigste trots as gemeente is ons Here Jesus Christus wat vir ons aan die kruis gehang het. Al is daar nog altyd mense in hierdie wêreld wat spot met die idee van n Verlosser wat gekruisig was en al is daar nog altyd mense wat aanstoot neem aan die hele konsep nét dit bly ons roem! Die oomblik as ons begin spog met wie ons is en wat ons doen, is ons klaar van die spoor af. Ook as ons netnou nagmaalstafel toe kom, gaan ons die seën wat die Here deur hierdie eenvoudige seremonie uitdeel, nie kry as ons nie al die dinge waarmee ons as mense en as gelowiges so graag spog, of wat ons hier ons in ons binneste reken darem n ietsie vir ons sal tel (soos byvoorbeeld ons eie vroomheid, of ons lewens wat darem beter as so baie ander mense s n lyk, of hoe goed ons dink dat ons kerk-wees regkry, of hoe diep en ernstig ons berou oor ons sondes is, of hoe opreg ons die Here dien, ens), as t ware van ons afgooi en nét ons gekruisigde Here kom ontvang nie. Die kruis van die Here Jesus Christus is die enigste trots van die kerk.

5 5 Net dit bring ons by die grootste vreugde wat n mens ooit kan hê: die vrede met God. Net dit maak ons ryk, met daardie rykdom wat mot en roes nie kan verniel nie en wat misdadigers nie by jou kan steel nie: die rykdom van n lewe saam met die Here. Hoekom sal ons dan ooit oor enige iets anders wíl spog? AMEN