HOSEA 6:1-3. Votum en seën. Psalm 48 : 1. Gebed. Skriflesing: Hosea 6 (AV 1933/53) Teks: Hosea 6:1-3 (AV 1933/53) Psalm 72 : 3

Transcriptie

1 HOSEA 6:1-3 Votum en seën Psalm 48 : 1 Gebed Skriflesing: Hosea 6 (AV 1933/53) Teks: Hosea 6:1-3 (AV 1933/53) Psalm 72 : 3 Preek: Wie na die Here terugkom, kry n genadige God Gebed Kollekte Skrifberyming 19 (2-1) : 1, 6, 7 Seën Skrifberyming 78 (13-3)

2 2 Dis iets wat jy oor en oor by die profete hoor: 1 - bekeer julle; - draai om van die verkeerde pad; - keer terug na die Here toe! Maar is dit nodig dat óns dit hoor? Die meeste van u wat vanaand hier is, is die getroues dis mos die ánder wat hierdie oproep behoort te hoor! En tog is dit juis opregte kinders van die Here wie se ore hierdie oproep eerste opvang. Dis húlle wat besef dat hierdie oproep wel vir hulle ook bedoel is, dat daar nog soveel in húlle lewens is wat reggemaak behoort te word: - sondes wat ons nog nooit kon afksud nie; - denkpatrone wat by ons moet verander; - nuwe gesindhede wat by ons gekweek moet word en behoort te groei Kom ons luister vanaand na hierdie deel van die Woord, n gedeelte waar die Heilige Gees ons laat hoor hoe die getroues ander oproep om saam met hulle terug te keer na die Here toe, by Wie hulle seker is dat hulle met liefde ontvang en behandel sal word. Dis waaroor hierdie preek gaan: terug na die Here toe! Kom ons kyk na 1. die oproep wat hier gemaak word; 2. die sekerheid waarin dit gedoen word; 3. waarop dit uitloop. 1. DIE OPROEP Hierdie oproep in verse 1-3 val nie uit die lug uit nie. In die vorige hoofstuk is berig hoe die die Here Sy volk wat sonder berou en sonder bekering net aangaan met hulle sondes, gaan straf. Hy t onder andere vir Sy volk laat weet dat Hy hulle soos n leeu gaan verskeur, 2 en dat Hy hom van hulle gaan terugtrek, totdat hulle hulle skuld erken en Hom weer opsoek. 3 1 Jer 3:12, 14, 22; 4:1; 31:18; Eseg 14:6; 18:30; Hosea 12:7; 14:2-3; Joël 2:12; Sag 1:4; Mal 3:7 2 Hosea 5:14

3 3 Die verskriklike so vertel die res van Israel, die Tien Stammeryk, se geskiedenis ons is dat die meerderheid van hulle hulle glad nie aan die Here se waarskuwings gesteur het nie, en aangehou het met hulle sonde en daarom uiteindelik deur die vernietigende straf van ballingskap getref is. Maar n deel van die volk (Paulus sou hulle n oorblyfsel, ooreenkomstig die verkiesing van die genade noem 4 ) het wel gehoor en ag gegee op wat hulle gehoor het. Hulle harte is deur Heilige Gees ontvanklik gemaak vir Woord. En dis hierdie gelowige oorblyfseltjie wat hier in verse 1-3 aan die woord kom. Dis húlle wat hulle mede-volksgenote hier oproep: Kom en laat ons terugkeer tot die HERE En laat ons dit najaag om die HERE te ken Let op die ons. Hulle maak nie asof húlle nie hoef terug te keer en dit net die ánder is wat dit nodig het nie. Nee, hulle besef hulle eie skuld en sondes en hulle weet dat hulle self ook in so baie moet terugkeer na die Here toe, en dáárom: Kom en laat ons terugkeer Terugkeer is dit wat ons gewoonlik sommer bekeer noem. Terugkeer is iets wat mense wat deur hulle sondes weggegaan het van God af, moet doen. Terugkeer is dit wat nodig is wanneer God se oordele oor jou sondes jou op n afstand van Hom af hou. Let ook op dat hierdie oproep mense na die Hére toe terugroep. Ware bekering is altyd in die eerste plek n terugkeer na die HERE toe, nie na die voordele toe van n lewe saam met Hom nie! En dan is ware terugkeer ook so sien as ons die profete van bekering praat nie net die uitspreek van mooi woorde en voornemens nie, maar om met n opregte hart in die 3 Hosea 5:15 4 Vgl Rom 11:5

4 4 praktyk van die alledaagse lewe die verkeerde dinge op te hou doen en die regte dinge in die plek daarvan te doen. 5 Kom en laat ons terugkeer tot die HERE En laat ons ken laat ons dit najaag om die HERE te ken Suiwer en deeglike kennis is n onontbeerlike deel van ware godsdiens. Dis n onding dat daar so baie mense in ons tyd is wat hulleself Christene noem, maar dan tevrede is met net so n basiese, elementêre kennis van die godsdiens net genoeg sodat hulle darem die minimum weet en die minimum sal kan doen van wat nodig is om bekend te staan as n Christen. n Gebrek aan suiwer en diepgaande kennis was juis een van die oorsake van die geestelike verval in die Israel van Hosea se tyd: o In hoofstuk 4:6 lees ons dat die Here gesê het: My volk gaan te gronde weens gebrek aan kennis o En in hoofstuk 5:4 lees ons dat die volk nie terugkeer na die Here toe nie, onder andere omdat hulle die Here nie ken nie! En let ook hier op dat dit spesifiek gaan oor kennis van die Hére. Hierdie oproep in vers 3 is n oproep om alles in te span om die Hére te ken. Dit gaan nie in die eerste plek oor kennis wat mense nodig het om ingelig aan allerhande teologiese en kerklike debatte te kan deelneem nie, maar oor kennis van die Here: - van hoe Hy is - en hoe Hy doen met hulle en vir hulle - en hoe Hý wil hê dat húlle moet doen. Jy moet byvoorbeeld die liefdes-hart van die Here leer ken. Jy moet Sy geduld met sondaars leer ken. Jy moet Sy getrouheid aan Sy beloftes leer ken, ens. 5 Jer 3:12, 14, 22; 4:1; 31:18; Eseg 14:6; 18:30; Hosea 12:7; 14:2-3; Joël 2:12; Sag 1:4; Mal 3:7

5 5 Vir ons is hierdie kennis beskikbaar in die boek waarin die woorde en die gebeure waarin die Here self dit aan ons bekend gemaak het, opgeneem is: die Bybel. Laat ons najaag om die HERE te ken Die gelowige oorblyfseltjie van Israel het die Here se tugtigende hand gevoel en die woorde wat Hy deur Sy profete laat sê het, ter harte geneem en hulle roep dit uit: Kom en laat ons terugkeer tot die HERE En laat ons dit najaag om die HERE te ken Iemand het gesê 6 dat ons hier die verlore seun van die Ou Testament hoor. Jesus het mos in die gelykenis oor die goeie pa van die verlore seun, die seun, toe hy tot sy sinne gekom het, laat sê: Ek sal opstaan en na my vader gaan 7 Ek sal teruggaan na my pa toe! Hier is dit kinders van die Here wat geestelik agteruit gegaan het, wat sê: Kom ons gaan terug na die Here toe en ons leer Hóm weer ken Maar hoe gaan die Here reageer as Sy volk hulle bekeer? By dié wat hierdie oproep laat hoor het, was daar geen twyfel daaroor nie. Hulle was doodseker hoe die Here sou reageer 2. DIE SEKERHEID WAT HULLE HET Hulle t nie vir n oomblik getwyfel dat die Here hulle met liefde sal terugverwelkom nie. Hy sal ons genees. Hy sal ons verbind. Hy sal ons lewend maak. Hy sal ons laat opstaan. Hy sal vir ons wees soos die son en die reën vir die natuur is. 6 Veldkamp: De Zoon van Beëri in die deel wat gaan oor Hosea 6:1-2 7 Luk 15:18

6 6 Die hemelse Vader, wat Sy ongehoorsame kinders hard moes slaan, sal self hulle wonde verbind en gesond maak. Dit beteken dat Hy die strawwe waarmee Hy hulle getref het, sal laat ophou, en dat Hy die bitter gevolge daarvan sal wegvat. Hy sal hulle lewend maak, hulle laat opstaan. Hierdie woorde verwys seker ook na hulle bestaan as volk van die Here op hierdie aarde: vir die getroues in Sy volk sal die Here weer dit wat hulle volksbestaan bedreig het, wegvat en hulle nuwe lewensmoontlikhede gee soos wat Hy gedoen het toe Hy op n stadium die gelowige oorblyfsel van Sy volk uit die dood van ballingskap laat terugkeer het na hulle land toe waar hulle weer vir eeue en eeue gewoon het. Maar hierdie woorde (dat Hy hulle sal laat opstaan en laat lewe) verwys sekerlik in die eerste plek daarna dat Hy hulle ook geestelik weer sal laat oplewe - soos doodsbeendere wat weer senings en vleis en vel kry en weer begin lewe; 8 - soos die Here Jesus Christus, wat na Sy kruisdood in die graf was en op die derde dag lewend uit die dood opgestaan het. En dat Hy vir hulle soos die son sal opgaan en soos die broodnodige laat reëns vir die gesaaides sal wees, beteken dat die Here só met en in die terugkerendes sal werk, dat hulle baie en goeie geestelike vrug sal dra dat hulle n lewe van gehoorsaamheid aan die Here sal lewe. Terloops, hoor u in dit waarvan die mense wat hierdie oproep laat uitgaan, seker is, die werk van die Vader en die Seun en die Heilige Gees? Die Vader wat verbind en genees na die tug Die Seun wat met Sy dood in die plek van sondaars en Sy opstanding uit die dood uit vir hulle, die ware lewe vir hulle teruggee die ewige lewe En die Heilige Gees wat soos sonskyn en reën in ons siele werk en die vrug van liefde en blydskap en vrede en lankmoedigheid en vriendelikheid en goedheid en getrouheid en sagmoedigheid en selfbeheersing daar laat groei 8 Eseg 37

7 7 Op grond van alles wat God van Homself vir Sy volk gewys het deur dit wat Hy vir hulle gedoen het en gesê het, is daar by mense wat terugkeer na Hom toe, geen twyfel daaroor dat Hy hulle met die grootste liefde gaan terugverwelkom nie! Waarop loop hulle bekering en God se liefde dan uit? 3. WAAROP DIT UITLOOP (kortliks) In vers 2 staan dit: Hy sal ons lewend maak sodat ons voor Sy aangesig kan lewe. Om voor God se aangesig te wees beteken om daarvan bewus te wees dat Hy ook is waar jy is. Hy s mos altyd oral, op n spesiale manier daar waar Sy kinders is. 9 En om voor Sy aangesig te lewe, beteken om bewus te wees daarvan dat jy nie net af en toe in Sy teenwoordigheid is nie, maar elke oomblik van jou lewe, waar jy ook al is en wat jy ook al doen. En vir n kind van die Here is daar in hierdie lewe en in die ewigheid niks wat groter is of meer beteken as om in die teenwoordigheid van die Here te wees nie. 10 Wat nie dáárop afstuur en dáárop uitloop nie, is nie vir ons die moeite werd om na te jaag nie. Mense wat terugkeer na die Here toe, kan seker wees van Sy liefde, wat hulle by Hom sal laat lewe TOEPASSING Moet n mens n bekeringspreek vir toegewyde, getroue kinders van die Here preek? Tog wel. Wie sal beter as mense met n fyn ingestelde en geoefende gees kan agterkom dat die Here vir mense wag om na Hom toe terug te keer? 9 Ps 139: Ps 16:2, 8; 73:23-28; Flp 1:23

8 8 Wie sal beter as súlke gelowiges besef hoeveel daar selfs by ons nog is om ons van te bekeer. Hoe fyner jou gees deur die Heilige Gees geslyp is, hoe meer gaan jy juis besef hoe diep die sonde in jou ingedring het en oor hoe n wye front van jou lewe en dat ons aardse lewe eintlik te kort is vir al die terugkeer wat nodig is! Wie anders as mense wat die Here verstaan, gaan ook die ander oproep: Kom en laat ons terugkeer na die HERE toe! En laat ons najaag om Hóm te ken! En wie anders as ons wat die Here al n bietjie ken, sal met oortuiging kan sê: Moenie bang wees om terug te keer nie! Die Here sál jou met liefde ontvang en gesond maak en weer laat lewe saam met Hom en vir jou soos die son en die reën wees. Hierdie verse ís vir óns ook in die Bybel gesit AMEN