KOLOSSENSE 3:17 HK Sondag 36

Transcriptie

1 KOLOSSENSE 3:17 HK Sondag 36 Votum en seën Psalm 20 : 1, 2, 7 Gebed Skriflesing: Kolossense 3:1-17 (AV 1983) Belydenis: HK 36:99 Teks: Kolossense 3:17 (AV 1983) Psalm 118 : 5 Preek: God se kinders eer Sy Naam deur alles daarin te doen Gebed Kollekte Psalm 103 : 1 Seën Skrifberyming 78 (13-3) Ook: Ps 145 : 1

2 2 Sb 43 (15-7) : 6 In die meeste van die Tien Gebooie sê die Here iets wat ons nie mag doen nie. Maar ons sal n groot fout maak as ons by hierdie gebooie wat iets verbied, net by die negatiewe bly by dit wat ons nie mag doen nie en nie ook verstaan wat die positiewe is wat by implikasie in elke gebod opgesluit is nie. Vir elke iets wat God ons verbied om te doen, is daar aan die ander kant iets positiefs wat Hy wil hê wat ons wel moet doen. Die derde gebod byvoorbeeld, wat sê dat ons Sy Naam nie ydellik mag gebruik nie, wil nie sê dat ons uit vrees vir die misbruik van Sy Naam, Sy Naam omtrent moet ophou gebruik nie. Inteendeel, die Here leer ons verder in Sy Woord dat Sy kinders eintlik altyd met Sy Naam moet besig wees, onder andere op dié manier dat hulle alles wat hulle doen, in Sy Naam moet doen. Dis waartoe die Heilige Gees ons hier in Kolossense 3 deur die apostel Paulus oproep: dat kinders van God Sy Naam moet eer deur alles wat hulle doen, in die Naam van die Here Jesus te doen. Kom ons luister vanaand na hierdie oproep. Ons gaan eers kyk wat dit beteken om dinge in die Naam van die Here te doen, en dan gaan ons kyk hoe dit die verering van Sy Naam volgens die derde gebod raak. 1. IN DIE NAAM VAN DIE HERE JESUS OPTREE In Kolossense 3 is n mens by die deel van hierdie brief waarin daar vir ons uitgespel word hoe ons lewe as Christene moet lyk. Die meeste van die apostel Paulus se briewe het mos basies twee dele: - n eerste deel, wat gaan oor dit wat die Here Jesus vir ons gedoen het veral aan die kruis en watter wonderlike seëninge dit wat Hy gedoen het inhou vir elkeen wat opreg in Hom glo; - en n tweede deel, wat dan opdragte bevat oor hoe ons, wat geseëndes van die Here is, nou daadwerklik ons lewens moet verander.

3 3 In hierdie hoofstuk word die nuwe lewe wat ons as geseëndes, verloste mense, moet lewe met n paar algemene opdragte én met n klompie spesifieke opdragte uitgespel. Van die algemene opdragte is: - strewe na die dinge daarbo waar Christus is 1 - leef nou die lewe van die nuwe mens, wat al hoe meer vernuwe word na die beeld van sy Skepper 2 Hier in ons teksvers hoor ons nog so n algemene opdrag: - En wat julle ook al sê en doen, sê en doen dit alles in die Naam van die Here Jesus Wat beteken dit? Wat beteken dit om te praat en te doen in die Naam van die Here Jesus? Dit beteken (om dit eenvoudig te sê) dat jy moet praat en doen as iemand wat aan die Here Jesus behoort en wie se lewe deur Hom beheers word. Jou woorde en optrede moet só wees dat dit duidelik is dat jy n blye ontvanger van die Here se liefde is en dat jy nou n volgeling van Hom geword het. Alles waarvoor Sy Naam staan die verlossing en die vrede wat God uit genade vir mense gee, en die nuwe lewe van liefde vir God en vir medemense wat daar by mense kom wie se Koning Hy is ál hierdie dinge moet by jou wys wanneer jy praat en wanneer en jy doen. Om in Sy Naam te praat en te doen beteken (om n eietydse beeld te probeer gebruik) dat jou lewe soos n stalletjie by n skou of n kermis moet wees: - bokant die ingang van hierdie stalletjie staan die Naam van die Here Jesus; - mense moet weet dat hulle by hiérdie stalletjie woorde gaan hoor en optrede gaan sien wat gestempel is deur die koningskap en die Gees en die wil van die Here Jesus Christus. Om in die Here Jesus se Naam te praat en te doen, is eintlik om in n sekere sin só te praat en te doen, dat mense as t ware die Here Jesus Christus hoor en sien in jóú gesprekke en doen en late. En let op dat ons nie net sekere spesifieke dinge in die Naam van die Here Jesus moet sê en doen nie, maar álles! wat julle ook al sê of doen, sê en doen dit alles in die Naam van die Here Jesus 1 Vers 1 2 Vers 10

4 4 Dis nie net wanneer ons met spesifiek godsdienstige aktiwiteite, soos eredienste of Bybelstudie of huisbesoek of gesprekke oor Bybel en geloof, besig is wat ons in die Naam van Jesus moet praat en doen nie, maar in ál die fasette van ons lewe. Net hierna gee die apostel dan ook vir die Kolossense leiding oor hoe hulle in hulle huwelike en huisgesinne en by die werkplek as Christene moet praat en doen. 3 As jy in Jesus Christus glo, n verloste, geseënde kind van God is, dan sal jy en moet jy ook n ander soort lewe lei as ongelowige, onverloste, ongeseënde mense. Dan moet ál jou woorde en werke onder die vaandel van die Here Jesus Christus gesê en gedoen word in Sý Naam! En so, onder andere, moet jy dan die derde gebod gehoorsaam. 2. HOE DIT DIE VERERING VAN SY NAAM RAAK In die derde gebod waarsku die Here ons ernstig báie ernstig, met die waarskuwing dat oortreding van hierdie gebod beslis gestraf sal word teen die ydellike gebruik van God se Naam. En ydellike gebruik van God se Naam verwys nie net na mense wat die Here se Naam laster deur dit as n kragwoord of stopwoord te gebruik nie. Sulke lastering is maar net een van die ekstreme maniere waarop die Here se Naam in hierdie wêreld ydellik gebruik word. Ydellike gebruik van die Here se Naam verwys byvoorbeeld ook na elke situasie en elke keer waar die Here se Naam gedagteloos en oppervlakkig en sonder die nodige erns en respek gebruik word. o Gedagteloos gebruik is wanneer die Here se Naam gebruik word sonder dat die gebruiker aan die Een wie se Naam hy/sy gebruik, dink. Iets wat n mens selfs in gebede en liedere kan doen, as jy byvoorbeeld bid of sing, en in die proses die Here se Naam gebruik, terwyl jou aandag glad nie by dit wat jy bid of sing is nie, maar by duisend ander dinge! 3 Vgl ook bv 1 Kor 10:31

5 5 o Oppervlakkig gebruik is wanneer jy dinge oor die Here sê oor hoe Hy is, of oor hoekom Hy dinge doen, of oor wat Hy wil hê wat sommer uit jou eie vlak gedagtetjies kom en nie getuig van n deeglike kennis van die Bybel, die boek waarin God Hom aan ons bekendstel, nie. o Sonder die nodige erns en respek is wanneer n mens sommer ligtelik, of sommer so in die verbygaan, na die Here verwys of Hom betrek wanneer jy met mense praatjies maak. In die lig van Kolossense 3:17 kan ons meer voorbeelde noem van die oortreding van die derde gebod. Ons kan in die eerste plek sê dat Christene wat nie alles wat hulle sê of doen, in die Naam van die Here Jesus doen nie Christene wat nie al hulle gesprekke en optredes die stempel van die Here se koningskap en Gees en wil laat dra nie Sy Naam oneer aandoen deur dit verby te gaan, deur dit nie in jou lewe die plek te gee wat dit behoort te hê nie, deur dit minder eer te gee as wat dit toekom. Elke keer as jy onder hierdie vaandel waarop die Here se Naam staan, padgee, en gaan praat en doen onder ánder vaandels, byvoorbeeld soos wat die sondige wêreld vir jou voorskryf, of so asof jy jou eie baas is, misken jy die Naam van die Here en sondig jy teen die gees van die derde gebod, wat nie net die ydellike gebruik van God se Naam verbied nie, maar wat ons ook by implikasie gebied/beveel om Sy Naam positief oral en altyd te eer. In die tweede plek maak Kol 3:17 ons ook bewus van hoe verskriklik dit sal wees as jy skynbaar in die Naam van die Here praat en doen, maar dan verkeerde dinge sê en doen. As mense by hierdie stalletjie, wat jóú lewe is en waarop die Naam van die Here Jesus staan, sou kom, en hulle hoor leuens of vloekery of hoogmoedigheid of nydigheid en hulle sien optredes wat nie strook met ware Christelike liefde en eerbaarheid nie watter naam sê hulle dan sleg? - nie jóú naam nie, - maar die Naam wat op hierdie stalletjie staan!

6 6 Dan is jy die oorsaak dat van die Naam van die Here sleg gepraat word. Om te bely dat jy n Christen is, om die Naam van die Here aan jou lewe te koppel, om te sê dat jy iemand is in wie se lewe die Here Jesus Koning is en in wie die Heilige Gees werk en dat jy jou deur jou Koning se wil laat lei om te sê dat jy in die Naam van die Here Jesus leef, en dan in stryd met dit waarvoor die Naam van die Here Jesus staan, te praat en op te tree, is sonder enige twyfel een van die maniere waarop hoeveel Christene hoeveel kere die derde gebod oortree! Die Here se apostel het vir Jode God se kerk van die Ou Testamentiese tyd geskryf: Jy, jy sê jy is n Jood, jy verlaat jou op die wet van Moses, jy beroem jou daarop dat God jou God is, jy ken sy wil en jy onderskei die dinge waar dit werklik op aankom doen jy God nie oneer aan deur sy wet te oortree nie? Inderdaad, soos daar geskrywe staan, as gevolg van julle optrede word die Naam van God deur die heidennasies belaster. 4 En hoeveel onsin is nie al in die huidige bedeling van die kerk, die Nuwe Testamentiese bedeling, deur verdwaalde leraars en sektes en selfs kerke in die Naam van die Here Jesus gepraat nie, en wat maak dat baie ongelowige mense met minagting van Christene en hulle Christus praat. En watter dwaashede het die Christelike Kerk nie al in die Naam van die Here Jesus gepleeg nie! Dink maar net aan die kruistogte, toe Christene met die wapen teen Moslems opgetrek het asof jy God se koninkryk met die swaard kan bevorder wat één van die redes is vir die volgehoue haat wat n groot deel van die Islam vir die Christendom het. Jy veroorsaak lastering van die Here se Naam as jy sê dat jy in Sy Naam optree en dan onheilige dinge doen. Terwyl Christene en Christelike kerke, wat in alles wat hulle praat en doen, in die Naam van die Here Jesus praat en doen soos wat dit behoort gedoen te word hulle eer Sy Naam, 4 Rom 2:17-18, 23-24

7 7 en gehoorsaam so met hulle dankbare harte die derde gebod. TEN SLOTTE Het u ook die fout gemaak om te dink dat die derde gebod eintlik doodeenvoudig is, dat dit eintlik maar net daaroor gaan dat ons die Here se Naam nie moet gebruik as n kragwoord of as n stopwoord of as n uitroep wanneer jy skrik of wanneer jy geskok is of as n woord waarmee jy sommer net n bietjie woema wil gee aan iets wat jy sê nie? Dis baie meer as dit. Die derde gebod raak ons hele lewe wat ook al ons sê of doen. Dit álles moet in die Naam van die Here Jesus gesê en gedoen word só dat dit Sy Naam nie tot oneer sal strek nie, maar tot eer. Dis een van die maniere waarop verloste, geseënde mense, hulle dankbaarheid teenoor die Here lewe, deur hulle lewe in Sy Naam te lewe AMEN