2 KONINGS 6:20. Votum en seën. Psalm 104 : 1, 20. Gebed. Skriflesing: 2 Konings 6:8-23 (AV 1983) Teks: 2 Konings 6:20 (AV 1983) Psalm 46 : 1

Transcriptie

1 2 KONINGS 6:20 Votum en seën Psalm 104 : 1, 20 Gebed Skriflesing: 2 Konings 6:8-23 (AV 1983) Teks: 2 Konings 6:20 (AV 1983) Psalm 46 : 1 Preek: Die Here wys Sy vyande Sy mag en liefde Gebed Kollekte Psalm 146 : 5, 6 Seën Skrifberyming 78 (13-3)

2 2 Wat gee ons, wat die Here en Sy mag en Sy liefde ken, met ons lewens van Hom deur? Watter idee sal mense wat na ons as Christene kyk en luister, van Christus, ons Here, kry? Veral (so wonder n mens na aanleiding van hierdie Skrifgedeelte) wat sal vyande van die Here en van Sy kerk van Hom dink wanneer hulle met ons te doen kry? Dis n vraag wat heirdie verse by ons laat opkom, want wat ons in hierdie Skrifgedeelte lees, is hoe die Here Sy mag en Sy liefde deur die optrede van Sy volk vir Sy vyande wys. Dis die hoofgedagte van vanaand se preek: - die Here wys Sy mag en Sy liefde (deur Sy volk) vir Sy vyande. Kom ons kyk eers na wat gebeur het, en dan na hoe die Here Sy mag en liefde daarin wys, en dan kyk ons hoe dit óns ook aanspreek. 1. WAT GEBEUR HET Israel, die tien-stamme-deel, is in n oorlog met die Arameërs gewikkel. Aramese bendes 1 (patrollies, gevegseenhede) treiter die Israeliete. Maar met die hulp van Elisa, die profeet van die Here, bly die Israeliete kop bo water hou, sodat die Arameërs naderhand besef dat hulle, as hulle die oorhand oor Israel wil kry, eers vir Elisa uit die pad sal moet kry. Natuurlik gaan dit hier oor baie meer as net twee buurlande wat nie met mekaar klaarkom nie. Die Arameërs is in hulle vyandskap teen God se volk en God se profeet die instrumente van die duiwel waarmee hy die Ou Testamentiese kerk kwaad probeer aandoen. En dis geen wonder dat die profeet, God se woordvoerder by Sy volk, die teiken word nie, want die duiwel weet baie goed: 1 2 Kon 6:23

3 3 - vernietig die Woord en die Woordbediening, en dis so goed of jy die kerk n doodskoot gee! Die Arameërs wil Elisa uit die pad hê, en hulle stuur n sterk aanvalsmag met een opdrag: Vang Elisa! Hoe sterk die mag was wat die Arameërs gestuur het om Elisa te gaan vang, blyk uit die feit dat hulle dit waag om tot by Dotan te gaan om Elisa te vang. Dotan was skaars 15 km NNO van Samaria, die hoofstad van die tien-stamme-ryk, sodat dit n gewaagde militêre operasie was. Hulle omsingel Dotan dan in die nag, terwyl Elisa en sy slaaf daar slaap. Maar die volgende môre, as dit menslik gesien n hopelose situasie vir Elisa en sy slaaf is, is die Here se hemelse leër die engele ook daar rondom die stad om hulle te help. En die uiteinde van die Arameërs se aanslag is dat hulle deur die Here verblind word, 2 só dat hulle nie kan sien wie Elisa is nie en nie besef waarheen hy hulle lei nie. En hulle word dan tot in Samaria ingelei, waar die koning van Israel en sy soldate gereed staan om op hulle toe te sak en hulle uit te wis, maar waar dit toe nie gebeur nie en hierdie Arameërs n feestelike ete gegee word en huis toe gestuur word! Dis wat gebeur het. In hierdie gebeure wys die Here nou baie duidelik Sy mag en Sy liefde 2. HOE GOD SY MAG EN LIEFDE DAARIN WYS U weet mos dat in geskiedenis en gebeurtenisse wat in die Bybel beskryf word, die belangrike nie dit wat gebeur het, is nie, maar wat dit ons van die Here wys. Die Here het dinge op spesifieke maniere laat gebeur, juis om daardeur vir mense van Hóm te leer. 2 Vgl ook Gen 19:11; Hand 13:11

4 4 En toe t Hy dit laat opskryf, sodat óns ook daardie openbaring van Hom kan hê. In hierdie gebeure wys die Here Sy mag en Sy liefde. En Hy wys dit nie net vir Elisa en sy kleingelowige slaaf, wanneer Hy hom die hemelse leër met hulle perde en waens van vuur wat hulle kom help het, laat sien nie. Hy wys dit ook vir die Arameërs, hierdie vyande van Sy saak, as Hy hulle oë daar binne-in Samaria weer laat oopgaan. Hulle móés toe die Here se mag, waarmee Hy wonders kan doen, gesien het. Sonder dat daar n geveg was, sonder dat hulle verstaan hoe dit gebeur het, is hulle skielik magtelose krygsgevangenes van hierdie Israeliete teen wie hulle oorlog maak! Hulle móés toe besef het dat hier in Israel n Mag is waarteen hulle nie kan veg nie die lewende God! Die Here wys hulle dat hulle nou te doen het met die ware God nie met magtelose afgode nie, maar met die almagtige God, wat mense wat teen Hom stry, enige oomblik kan vernietig as Hy wil! Die Here wys Sy mag ook vir Sy vyande. Maar Hy wys ook Sy ongelooflike goedhartigheid, dat daar selfs vir vyande van Hom wat dood en vernietiging verdien, verstommende genade is. Verstommend want dit wat hier gebeur, was ongekend in die oorlogspraktyke en denkpatrone van daardie tyd. As die koning van Israel gretig vra of hy hierdie Arameërs wat nou in sy mag was, moet doodmaak, dan gee die Here deur Sy profeet vir hom n opdrag om konkreet liefde aan hierdie vyande te bewys: - hy moet hierdie Arameërs, wat moeg en honger en dors was na hulle nagtelike ekspedisie en na die drie tot vier ure lang staptog, brood en water (dis soos die opdrag letterlik klink) gee 3 en hulle terugstuur na hulle koning toe. 3 Vgl Spr 25:21

5 5 Wat die koning van Israel dan koninklik en rojaal doen, as hy hierdie Arameërs nie net letterlike brood en water gee nie, maar n hele feesmaal, en hulle dan laat gaan. Hierdie mense móés dit raaksien: - die Here, die God van Israel, is nie net die almagtige God wat jou soos niks kan oorrompel nie; - Hy is ook die Goedhartige, die Liefdevolle, wat selfs Sy vyande, wat verdien om vernietig te word, met die verstommendste welwillendheid laat behandel. Die Here wys in hierdie gebeure ook vir Sy vyande Sy mag en Sy liefde. Hierdie openbaring van die Here se vyandsliefde en Sy mag, was maar nog net n voorspel tot die groot, glashelder, beslissende openbaring daarvan in die kruisiging en opstanding van Jesus Christus. Ter wille van sondaars mense wat self gekies het om vyande van God te wees gee die Vader in die hemel Sy Seun aan die haat en wraaksug van mense oor, wat Hom verskriklik verneder en laat ly, wat Hom n wrede dood laat sterf. En so straf die hemelse Vader Sy Seun in die plek van sondaars, sodat selfs die bitterste vyand van God wat tot geloof in Jesus Christus kom, se sondes en vyandskap teen God vergewe kan word en die ewige lewe kan kry Die gekruisigde Here Jesus Christus is die grootste moontlike openbaring van liefde vir jou vyande. En Sy opstanding uit die dood uit en die wedergeboorte van klipharde sondaarharte deur die Heilige Gees wat Jesus vir Sy kerk gegee het, is die duidelikste moontlike openbaring van God se almag, waarmee Hy nie net die uitverkorenes kan red nie, maar ook mense wat weier om hulle tot Hom te bekeer, kan verpletter! TOEPASSING Ons is mense wat die Here ken:

6 6 - Sy mag waarmee Hy lewend uit die graf uitgekom het en waarmee Hy ons morsdooie sondaarharte uit die dood van ongeloof en haat in n nuwe lewe van geloof en liefhê laat opstaan het; - maar ook Sy liefde, waarmee Hy ons ewige honger en dors weggevat het, en ons n plek gegee het aan die ewige feesmaal van die Lam. Ons is die geloofsoë gegee waarmee ons dit kan sien. Maar nou wil die Here hê dat ook ander mense dit moet sien, selfs vyande van Hom: - heidene, Jode, Moslems; - kommuniste, humaniste, post-moderniste; - afvallige Christene, bitter kerkverlaters en Bybelverwerpers. En die Here wil ons wat Sy mag en liefde ken, gebruik om dit wat ons ken, ook aan ander voor te stel soos wat Hy by die Arameërs die koning van Israel en die profeet Elisa op verskillende maniere daarvoor gebruik het. Hoe kan ons dit vandag doen? Ons kan byvoorbeeld vir ander van Sy mag vertel: - van Sy mag waarmee Hy mense en volke wat sonder Hom voortstorm, kan vernietig; - van die mag wat Hy het om oorloë en epidemies en natuurrampe te gebruik as Sy oordeelsinstrumente; - maar ook van Sy mag waarmee Hy n hart wat so hard soos n klip geword het in sonde, kan vermorsel en sag kan maak van liefde vir Hom en vir ander. Ons kan hulle ook van Sy goedheid en liefde vertel: - dat Hy dit juis bewys deurdat Christus vir ons gesterf het toe ons nog sondaars was; 4 - en dat ons deur Jesus se dood met God versoen is toe ons nog Sy vyande was. 5 Ons kan práát oor God se mag en liefde. Maar ons kan ook vir mense iets van Sy ongelooflike goedheid teenoor Sy vyande wys, deur iets daarvan in ons eie lewe te weerkaats. Soos wat die profeet en koning van Israel God se goedheid teenoor Sy vyande gelééf het met hulle optrede teenoor die Arameërs, so moet ons dit ook leef deur goed te doen selfs aan vyande: God se vyande en ons s n. 4 Rom 5:8 5 Rom 5:10

7 7 Ons moenie sit en hoop dat die Here hulle so gou as moontlik gaan vernietig, of vir ons n kans gaan gee om hulle hard te slaan nie! Ons moenie sit en wag vir die kans om wraak te neem op al die onreg wat hulle God se waarheid en God se saak en óns aangedoen het nie. Ons moet eerder bid en wag vir geleenthede waar ons met ons optrede teenoor hulle iets kan demonstreer iets kan deurgee, iets kan weerkaats van die Here se verstommende goedhartigheid selfs teenoor Sy vyande. Dink u dis onmoontlik? As ons kinders van God is mense wat regtig verstaan dat elkeen van ons persoonlik die ewige lewe gekry het omdat God n vyand van Hom liefgehad het dan sál ons dit kan regkry! Die goedhartigheid van die Here Sy ongelooflike genade kom ons gaan wys vir mense met ons lewens iets daarvan! AMEN