1 KORINTIËRS 13:12. Ook: Sb 18-8 (30) : 4, 5

Transcriptie

1 1 KORINTIËRS 13:12 Votum Seën Psalm 146 : 1, 4 Geloofsbelydenis: Twaalf Artikels Wet: Exodus 20:1-17 (AV 1933/53) Psalm 139 : 1, 12 Gebed Psalm 42 : 1 Skriflesing: 1 Korintiërs 13 (AV 1933/53) Teks: 1 Korintiërs 13:12 (AV 1933/53) Preek: God sal ons eendag regtig laat sien en laat verstaan. Gebed Kollekte Skrifberyming 2-4 (33) : 1, 2 Seën Skrifberyming 13-3 (78) Ook: Sb 18-8 (30) : 4, 5 1

2 Dit sal eintlik vreemd wees as Christene nie ook vrae het oor party van die sinne wat in die Bybel staan nie en as daar vir hulle geen raaisels in die lewe is nie, en as hulle teenoor ongelowiges maak asof hulle al die antwoorde het. Dit sal n mens laat wonder of hulle regtig ernstig oor God en Sy Woord en Sy werke dink. Waarmee nie gesê word dat Christene gedurig moet loop en tob oor allerhande moeilike Bybelvrae en lewenskwessies nie. Ons is veronderstel om met vrae en al positief en blymoedig as kinders van die Here in hierdie wêreld te lewe. Maar behoort daar nie tog by elkeen van ons iets van n verlange te wees na die dag wanneer God ons regtig sal laat sien en verstaan nie al is hierdie verlange dan nie ewe sterk by almal nie? Want daar kom so n dag. Dis wat in hierdie vers staan en wat vanoggend vir u gepreek word: God sal ons eendag regtig laat sien en verstaan. Kom ons gaan die volgende na: 1. Dat daar n verskil tussen nou en eendag is. 2. Hoe die nou is. 3. Hoe die eendag gaan wees. 2

3 1. DAAR S VERSKIL TUSSEN NOU EN EENDAG 1 Korintiërs besing die liefde as die beste gawe wat die Heilige Gees vir die Here se kerk gee. Een van die redes waarom die liefde beter as die ander gawes, soos profesieë of spreek in tale of kennis is, is omdat die liefde nooit vergaan nie. Die ander gawes is belangrik terwyl ons hier op aarde is, maar in die hiernamaals is hulle nie meer belangrik nie, terwyl die liefde dan nog steeds die wonderlike manier gaan wees waarop die kinders van die Here gaan lewe. En dis op hierdie punt van sy lied oor die liefde, wat die Heilige Gees die apostel Paulus dan n bietjie laat uitbrei oor die verskil tussen nou een eendag, tussen ons lewe in hierdie aardse bedeling en ons lewe in die ewige bedeling. Daar s nie net verskille tussen die lewe wat ons nou lewe en die lewe wat ons eendag gaan lewe nie. Daar s ook ooreenkomnste: - dit gaan byvoorbeeld óns elkeen persoonlik wees wat daar gaan wees net verheerlik; - en dit gaan hierdie aarde wees waarop ons vir ewig gaan bly net verheerlik; - en ons gaan die Here daar ook doelbewus dien en verheerlik, soos in hierdie erediens net op maniere wat dit so wonderlik sal maak dat ons sal wens dat daardie verering nooit ophou nie! 3

4 Daar gaan ooreenkomste wees tussen die lewe wat ons nou lewe en die lewe wat ons eendag gaan lewe. Maar daar gaan ook verskille wees: - dinge wat nou nog hier is, wat eendag nie meer daar gaan wees nie, byvoorbeeld die lewensraaisels; - dinge wat ons nou nog nie het nie, wat ons eendag sal hê, byvoorbeeld volledige kennis. Daar s n nou en n eendag, en daar is sekere verskille tussen die nou en die eendag. Kom ons kyk eers hoe die nou is en dan na hoe die eendag, waarvan ons teksvers vertel, gaan wees. 2. HOE DIE NOU IS Hier word twee dinge van nou in hierdie vers genoem: -... nou sien ons deur n spieël in n raaisel; - Nou ken ek ten dele... Ons sien nou deur n spieël in n raaisel. Die spieëls van destyds was gewoonlik gemaak van blinkgeskuurde metaal of koper, en daarom glad nie so helder soos ons spieëls van vandag nie. 4

5 Daarby sien n mens in elk geval in n spieël iets wat soos die werklikheid lyk, maar nie regtig die werklikheid is nie: - die beeld wat jy byvoorbeeld van jouself sien as jy voor n spieël staan, se regteren linkerkant is omgeruil; - en die beeld in die spieël is nie vleis en bloed soos jy nie, maar net n refleksie wat uit ligstrale bestaan; - en daardie beeld kan nie soos jy self dinge doen nie. Iemand wat in n spieël kyk, veral as dit dan nog n dowwe spieël is, kyk in n soort van raaisel in (sê die apostel). Die Griekse woord wat hier gebruik word, is die woord waarvan ons Afrikaanse woord enigma vandaan kom. Wat jy in die dowwe spieël sien, is enigmaties, raaiselagtig, onduidelik, vaag. Jy sien n beeld, maar jy weet nie of dit wat jy sien regtig die ware en volle prentjie is nie. Daar s fasette van hierdie prentjie waaroor jy wonder. Partykeer maak die beeld wat jy sien selfs vrae by jou wakker: - wat se kol is daardie? - wat se skadu is daardie? - hoekom lyk hierdie deel van die prentjie so snaaks, so half uit proporsie uit? Nóú kyk ons nog in n dowwe spieël en sien n raaiselagtige beeld as dit kom by die geestelike sien en verstaan van God en van Sy Woord en van Sy werke. 5

6 Ons ken dit ook nou nog net ten dele. Dat ons net gedeeltelik ken, beteken twee dinge. Dit beteken dat ons nog nie alles wat daar is om te ken, ken nie. Al ken jy die hele Bybel en verstaan jy alles wat daarin staan, dan ken jy nog nie alles nie, want God het in die Bybel nie vir ons álles wat Hy doen en gaan doen en waarom Hy dit so doen, bekend gemaak nie. Hy t nou nog net vir ons bekend gemaak wat ons in hierdie aardse lewe nodig het om Sy kinders te kan wees en as Sy kinders tot by ons dood toe te kan lewe. Ons weet byvoorbeeld nie of en wanneer Hy vir Israel weer n spesiale plek in Sy koninkryk gaan gee nie, want toe die dissipels dit vir die Here Jesus gevra het, het Hy gesê dit kom ons nie toe om die tye en geleenthede te weet wat die Vader bepaal het nie. 1 En ons weet ook nie wat die sewe donderslae waarvan ons in die boek Openbaring lees, gesê het nie, want Johannes is verbied om dit wat hulle gesê het, vir ons op te teken. 2 Ons ken die dinge van die Here nog net ten dele, want Hy het nog nie alles vir ons bekend gemaak nie. 1 Hand 1:6-7 2 Openb 10:3-4 6

7 Maar om net gedeeltelik te ken, beteken ook dat ons dit wat vir ons gegee is om te ken, nog net gebrekkig ken. Kyk net hoe sukkel ons om van die dinge wat wel in die Bybel vir ons bekend gemaak is, te verstaan. En selfs die slimste teoloë verskil partykeer oor hoe n spesifieke gedeelte of saak in die Bybel verstaan moet word. Om meer as een rede 3 is ons verstand en geestelike insig nie wat dit moet wees nie, en ken ons net ten dele. Op hierdie aarde, nóú, is daar grense vir wat ons kan sien en kan ken. Maar eendag gaan dit anders wees. Daar s in hierdie sake n verskil tussen nou en eendag. Kom ons kyk nou hoe die eendag gaan wees. 3. HOE DIE EENDAG GAAN WEES Eendag (sê die Here vir ons deur Paulus) gaan ons van aangesig tot aangesig sien en eendag sal ons ten volle ken, net soos ons ten volle geken is. Ons gaan van aangesig tot aangesig sien. Ons gaan nie net meer n dowwe spieëlbeeld sien nie, maar die werklikheid. 3 Bv agv verduistering deur ons sonde, of gebrek aan toewyding aan en oefening in die dinge van die Here. 7

8 Ons gaan God werklik sien. Ons gaan dan nie soos nou net Sy vingerafdrukke op al Sy werke sien nie, of net die beeld van Hom wat die Heilige Gees deur die woorde van die Bybel in ons gedagtes bring nie, maar Hom self. Ons gaan Hom werklik sien so volledig soos wat God dit ooit vir die mens moontlik sal maak om Hom te sien. 4 En ons gaan Sy plan en bedoeling met die wêreld en met elkeen van ons sien soos wat dit werklik is, so duidelik en afgerond en perfek mooi soos wat dit is. En al die dowwe beelde en raaiselagtighede en enigmas van nou, se antwoorde en oplossings gaan dan vir ons helder en deursigtig wees. Ons gaan van aangesig tot aangesig sien. En elkeen van ons wat daar is, gaan ten volle ken, net soos ons nou al ten volle deur God geken is. God ken ons mos deur en deur (vertel die Bybel vir ons): - Hy ken al ons doen en late. 5 - Hy weet elke woord wat ons sê Joh 3:2; Openb 22:4; 1 Tim 6:16. 5 Ps 139:2a; Openb 2:2; 3:8 6 Ps 139:4; Mat 12:36 8

9 - Hy ken ons diepste gedagtes en wense. 7 Hierdie soort kennis (sê die Here) gaan Sy kinders eendag hê. Dit beteken nie dat ons eendag alles van God gaan weet nie. Net so min soos wat die hele oseaan in n perfekte emmertjie kan inpas, net so min sal selfs n volmaak gemaakte mens ooit die onmeetlike groot God volledig kan ken! Maar alles wat God wil hê wat ons tot in ewigheid vir ons volmaakte geluk en saligheid moet weet, sal Hy ons eendag ten volle laat ken. Dinge wat God nou nog nie vir ons bekend gemaak het nie, sal Hy dan vir ons sê. En ons verstand en geestelike insig, wat nou om allerhande redes gebrekkig werk, gaan dan volmaak funksioneer, sodat dit alles wat God vir ons gee om te ken, dan volkome gaan ken en verstaan. Op hierdie aarde, nóú, is daar grense vir wat ons kan sien en kan ken, maar eendag gaan die Here ons regtig laat sien en verstaan. Dis natuurlik danksy Jesus Christus wat daar vir ons hierdie eendag gaan wees. Dis Hy wat die swaar pak van ons sonde, wat ons in die afgryslike afgronde van die ewige straf van God wou intrek, op Hom geneem het, die straf daarop vir ons gedra het 7 Ps 139:2b; 1 Sam 7:16; 1 Kon 8:39; 1 Kron 28:9; Luk 16:15; Hand 1:24 9

10 en nou vir elkeen wat deur Sy Gees tot geloof in Hom gebring is, hierdie ewige eendag waarvan ons hier hoor, gee hierdie eendag waarop God ons regtig gaan laat sien en laat verstaan. TOEPASSING Hierdie vers waarsku ons as Christene dat ons nie moet maak asof ons nou al ál die antwoorde oor God en Sy wêreld en Sy manier van werk het nie, nie teenoor mekaar nie, en ook nie teenoor ongelowiges nie. Dit lyk dalk baie indrukwekkend om op elke moontlike vraag wat mense oor sake in die Bybel of oor allerhande kwessie of gebeure in die wêreld het, sulke stringe antwoorde uit te ryg. Maar dis misleiding. Hoe kan enige iemand wat nou nog deur n spieël in n raaisel kyk, maak asof jy al die swaarkry van mense kan verklaar, of alles weet van skynbaar onverhoorde gebede, of alles verstaan van die pad wat God met hierdie wêreld en met die mensdom loop? Hoe kan enige iemand wat nou nog ten dele ken, maak asof die Bybel alles leer wat daar van God en Sy werke te weet is, of maak asof jy met jou gebrekkige verstand en geestelike insig elke deel van die Bybel perfek verstaan en kan verklaar? 10

11 Ons moet, wanneer nodig, dit eerlik erken: ons weet en verstaan nóú nog nie alles nie. Hierdie gedeelte sê ook vir mense wat eers alles wil verstaan voordat hulle glo, dat hulle dan nooit tot geloof gaan kom nie, want die alles-verstaan kom eers eendag, en dan ook net vir mense wat nou geglo het, al het hulle nog nie alles gesien en geken nie. Jy hoef nie alle antwoorde te hê om te kan glo dat Jesus Christus vir jóú skuld ook betaal het en dus jóú Verlosser ook is nie. En dan is dit nie so nie? laat hierdie vers ons ook uitsien na eendag, wanneer ons elkeen met ons bondeltjie lewensraaisels by God gaan kom van aangesig tot aangesig, en al die sluiers en spinnerakke en dofhede en nie-geweet-het-dinge alles weggevat gaan word, en ons gaan sien en verstaan alles. Wie kan dink watter vrede dit gaan gee en watter blydskap en watter bewondering vir God...? AMEN 11