MATTEUS 22:14. Votum en seën. Psalm 8 : 1. Gebed. Skriflesing: Matteus 22:1-14 (AV 1983/91) Belydenis: DL 3/4:8-10. Teks: Matteus 22:14 (AV 1983/91)

Transcriptie

1 MATTEUS 22:14 Votum en seën Psalm 8 : 1 Gebed Skriflesing: Matteus 22:1-14 (AV 1983/91) Belydenis: DL 3/4:8-10 Teks: Matteus 22:14 (AV 1983/91) Skrifberyming 18-3 (29): 8, 9 Preek: Dis God se plan om baie te roep, al kom daar min Gebed Kollekte Psalm 33 : 6 Seën Skrifberyming 13-3 (78) 1

2 Hierdie is n moeilike sin. Nie taalkundig moeilik nie dis nie moeilik om die woorde te verstaan of om die sinkonstruksie uit te pluis nie. Maar dis teologies moeilik om die geestelike waarheid van hierdie sin te verstaan en te aanvaar, want beteken hierdie sin nie dat God misluk het nie: Hy roep dan baie mense na Hom toe wat nie kom nie? Dis vir party mense so moeilik dat hulle sommer by hierdie soort sinne in die Bybel verbygaan en eintlik nie eers probeer om dit te verstaan nie. Hulle is bang dit rym nie met die manier waarop húlle God se maniere van werk vir hulleself voorstel nie. Maar tog staan hierdie sin in die Bybel, en wil die Here dus hê dat ons dit moet weet en moet verstaan en moet aanvaar, wil Hy ons geloof daarmee bou. Kom ons luister vanaand na hierdie sin en na wat dit vir ons geloofslewe beteken hierdie sin wat sê dat dit God se plan is om baie te roep, al kom daar min. Ons kyk eers na die feit dat God baie roep, dan na die feit dat daar min op Sy roepstem reageer, en dan na die feit dat dit alles deel van God se plan is. 1. GOD ROEP BAIE 2

3 Die Here Jesus vergelyk die koninkryk van die hemel hier met n bruilofsfees Hoe dan anders? Om al jou sondes vergewe te word, om verlos te word van n ewige verdoemenis, om n nuwe hart en lewe te kry, om n kind van God te word, om n erfgenaam te word van onvernietigbare heerlikhede dit ís mos dinge wat n mens assosieer met vreugde en vrolikheid met feesvier! God se koninkryk ís soos n bruilofsfees. En die Here se oproep dat ons deur in Jesus Christus te glo, in Sy koninkryk moet inkom en gehoorsaam onder Sy heerskappy moet lewe, word hier vergelyk met n uitnodiging om na die bruilofsfees wat n koning vir sy seun gereed gemaak het, te kom en daaraan deel te neem. Daar was destyds met sulke huweliksfeeste twee keer boodskappers uitgestuur: - Die eerste rondte boodskappers het die mense in kennis gestel dat daar so n fees gaan plaasvind en dat hulle genooi is. - Die tweede rondte boodskappers het gegaan wanneer alles klaar voorberei is en die fees kan begin. Hulle het dan vir die mense gesê: Alles is reg! Julle kan nou maar kom! 3

4 In die gelykenis stuur die koning nou vir die tweede rondte sy slawe uit om die genooides te gaan haal toe alles gereed is. En as die ondenkbare dan gebeur dat die genooides nie wil kom nie stuur hierdie geduldige koning sy slawe n derde keer uit om vir die genooides in detail te gaan vertel van die wonderlike fees wat gereed is en waarheen hulle opgeroep word om te kom. As hulle dan nog aanhou weier om te kom, hou hierdie koning nie op nooi nie; hy stuur sy slawe na die straathoeke toe ( besige kruisings sal ons dalk sê) daar waar mense bymekaarkom en dan moet hulle sonder onderskeid almal roep wat hulle kry, voor die voet, goeies en slegtes. Nou sprei die koning sy net wyd uit: - Baie word geroep. - Báie...! Die eerste groep genooides in hierdie gelykenis is Israel, die Jode, die verbondsvolk van die Ou Testamentiese tyd. Deur Sy boodskappers, die profete, het God hulle vertel van Sy koninkryk wat sou kom. En toe die tyd daar is vir die koms van die Bruidegom, toe stuur Hy weer boodskappers: Johannes die Doper, Jesus self, die dissipels en die apostels, wat almal aangekondig het: - die feestyd het aangebreek! 4

5 - die Koning is hier! - kóm! Maar Israel wou nie luister nie selfs na báie oproepe, en toe stuur die Here die evangelie na die heidene toe, toe laat Hy die blye boodskap verkondig aan al die nasies tot by die verste uithoeke van die aarde toe, deur al die eeue: - aan almal, sonder onderskeid; - aan goeies en slegtes; - aan ontwikkeldes en aan primitiewes. Toe sprei God Sy net wyd uit en Hy roep baie God roep baie. Maar 2. MIN KOM Die Jode die Israel van Jesus se tyd op aarde het nie gekom nie. Nie omdat daar iets fout was met die koning of met sy seun of met die fees of met die uitnodigings nie. Nee! 5

6 Hulle t nie gekom nie, want hulle wóú nie kom nie. 1 En die manier waarop dit hier in die Grieks van vers 3 staan, maak dit duidelik dat hulle afwysing van die uitnodiging nie maar n swak besluit was wat hulle op die ingewing van die oomblik geneem het nie. Dit was n voortdurende houding by hulle: ons wíl nie kom nie! Hulle eie belange (boerdery en besigheid word hier as voorbeelde genoem 2 ) was vir hulle baie belangriker as die bruilofsfees van hierdie koning se seun, soveel so dat party van hulle selfs hatig was op die koning en sy boodskapper-slawe doodgemaak het! Hierdie moordenaars het dit verdien dat hulle doodgemaak is en hulle stad aan die brand gesteek is 3 n duidelik verwysing na God se oordeel oor die ongelowige Israel, o.a. in 70 nc toe Jerusalem deur die Romeinse leër platgevee is. Behalwe vir die uitsonderings die apostels, die vroue wat Jesus so getrou gedien het, die honderd-en-twintig wat na Jesus se hemelvaart bymekaargekom het, die gemeente van n paar duisend na die uitstorting van die Heilige Gees het die Jode nie gekom toe hulle opgeroep is vir die fees nie. Maar dié wat gekom het, is uiteindelik min. Uit n volk so baie soos die sterre aan die hemel en soos die sand van die see, is dit bitter min. 1 Vers 3 2 Vers 5 3 Vers 7 6

7 En selfs onder dié van die heidennasies wat gekom het toe die Here hulle ook laat roep het, het daar ook n sifting plaasgevind: - hierdie man, wat sonder bruilofsklere aan die fees wil deelneem, is verteenwoordigend van al die baie mense wat deur die eeue sonder n ware geloof in Jesus Christus en sonder bekering en sonder n lewe van heiligmaking maak asof hulle deel van God se kerk is, maar dit nie regtig is nie. En u weet self hoe baie hierdie skynheiliges nog altyd was. Uiteindelik is dit maar min wat as uitverkorenes van God met weergebore harte, met n ware geloof en met n opregte strewe na heiligmaking aan die bruilofsfees deelneem. O ja, hulle is genoeg om die feessaal vol te maak. 4 Voor die troon van God daar in die hemel staan daar uiteindelik n ontelbare menigte. 5 Maar as jy hulle gaan vergelyk met die massas wat deur die eeue God se roepstem gehoor het en nog sal hoor, is dit maar min. Baie is geroep, maar dié wat geroep is én gekom het, is maar min DIS DEEL VAN GOD SE PLAN Is hierdie feite nie n bewys dat God se planne nie altyd slaag nie? 4 Vers 10 5 Openb 7:9 6 Mat 7:

8 Hy misluk mos as Hy mense roep, maar hulle kom nie! Nee! Dis juis deel van God se plan dat dit so sal werk. Ons teksvers begin eintlik met die woordjie want in hierdie vertaling immers. En want is n woordjie wat die rede vir iets aanwys. Ons teksvers gee dus vir ons die rede waarom dinge gebeur soos wat dit in hierdie gelykenis beskrywe word: - waarom is daar genooides wat nie kom nie? - waarom is daar mense van die straathoeke wat wel kom? - waarom is daar mense wat sonder bruilofsklere kom? = waarom gebeur dinge só? - wánt baie is geroep, maar min uitverkies. En as ons praat van roeping en uitverkiesing, dan praat ons mos van dinge wat dwarsdeur die Bybel deel van God se werke en God se verlossingsplan is: - dis mos Hý wat mense roep; - en dis mos Hý wat mense uitverkies. Dat daar dan baie geroep word en min uitverkies word, is Sý werke. En ál Sy werke is die uitvoering van Sý planne! Dis dus God se plan dat baie geroep en min uitverkies word. 8

9 Maar nou moet u dit tog nie so verstaan dat dit God se skuld is dat baie geroeptes nie kom nie, of dat party van hulle sonder bruilofsklere is nie. Dís nie wat hierdie gelykenis leer nie. Iemand wat hierdie gelykenis lees en dan wil beweer dat dit hierdie koning se skuld is dat die geroeptes nie kom nie, of nie rég kom nie, is moedswillig kwaadwillig. Dis mos duidelik dat dit hulle eie ongeloof en onbekeerlikheid is wat maak dat hulle nie kom nie! Maar wat hierdie gelykenis wel leer, is dat die gebeure wat hierin beskryf word, juis deel van God se plan is. Dis in Sy ewige raad bepaal dat Hy meer sal roep as wat Hy uitverkies het. Hoekom God se plan so is soos wat hier beskryf word hoekom baie geroep en min uitverkies word word nie vir ons gesê nie. Die antwoord op hierdie vraag sal n mens in ander dele van die Skrif moet gaan soek. En in elk geval is God onder geen verpligting om Sy planne vir ons te verduidelik nie. Hier word ons net geleer: só is God se plan! Dis Sy plan om baie te roep, al kom daar min TOEPASSING Wat help dit ons om hierdie waarheid te weet? 9

10 Dit help ons om vastigheid onder ons voete te kry: dat so baie mense wat die lieflike evangelie van die feestelike lewe wat die Gekruisigde gebring het, afwys - dat so baie mense wat oënskynlik deel van die kerk op hierdie aarde is, nie regtig daar hoort nie, dis nie bewyse van krake in God se planne nie; dis inteendeel presies wat Hy gesê het gaan gebeur; hier is dit dan al eeue terug met n gelykenis so verduidelik! dis deel van Sy grootse, ondeurgrondelike verlossingsplan wat Hy koninklik deur al die eeue uitvoer. Dis die vastigheid: die Here se plan, waarvan ons geloof en redding ook deel is, misluk nooit! Eintlik kon die preek maar hier geëindig het, maar ek is seker van u sit nou en wonder en dis n paar minute werd: - is ék dalk een van die baie wat geroep is, maar nie een van die min wat uitverkies is nie? Ís u? Ons kan dit nagaan, want daar word mos hier beskrywe hoe sulke mense is dié wat geroep is, maar nie uitverkies nie. Ís u iemand wat nie na die bruilofsfees van die Lam wíl kom nie? 10

11 Ís u iemand wie se eie belange vir u meer tel as u deelname aan daardie fees? Ís u iemand wat sonder die geringste geloof en sonder die minste begeerte om heilig te lewe maar net vir die skyn om een of ander rede in die gemeente is? Ís u? As u so is, dan móét u onrustig wees en dan móét u skrik as u van die buitenste duisternis met sy nimmereindigende gehuil en gekners van die tande hoor! En dan móét u die Here soek terwyl Hy nog te vinde is: 7 - die wit klere van die vergifnis van sondes wat daar is vir almal wat glo dat die Here Jesus hulle sondeskuld daar aan die kruis vir hulle betaal het; 8 - die rein, fyn linne van die goeie werke wat die Heilige Gees die uitverkorenes laat doen. 9 Maar ís u so? Of glo u tog dat Jesus Christus vir u gesterf en opgestaan het, al is dit nog n worstelende gelofie wat u het? Wil u tog heilig lewe, al is dit maar n lewenslange worsteling om vordering daarmee te maak? 7 Jes 55:6 8 Openb 7:14 9 Openb 19:8 11

12 As u glo en heilig wíl lewe, kan u die onrus uit u hart wegjaag, want dis in die harte van Sy uitverkorenes waarin God geloof gee en die wil om heilig te lewe. Mense wat glo en wat heilig wil lewe, kan hulleself reken nie net onder die baie wat geroep is nie, maar ook onder die min wat uitverkies is, en kan daarom uitsien na daardie feesmaal wat God uit genade in Christus vir ons voorberei en waaraan ons na hierdie aardse lewe voluit gaan deelneem... AMEN 12