TEKS: Johannes 1:12-13 HK 13. God maak ons Sy kinders deur Sy eie Seun

Transcriptie

1 SKRIFLESING: Johannes 1:1-18 TEKS: Johannes 1:12-13 HK 13 TEMA: God maak ons Sy kinders deur Sy eie Seun Psalm 45 : 1, 2, 3 Psalm 72 : 6 Skrifberyming 33 (2-4) : 1 Skrifberyming 78 (13-3)

2 2 Dat ons kinders van God kan wees, is iets waaroor ons nooit uitgepraat sal kan raak nie en nooit uitgepraat mág raak nie. Ons word dan ook kort-kort in die Nuwe Testament vanuit verskillende hoeke hieraan herinner en hiervan geleer. 1 Maar s nou s daar n vraag hieroor wat die fyn Bybelleser mag pla: - in die Bybel word die Here Jesus die eniggebore Seun van God genoem en so bely ons Hom ook elke Sondag hoe kan ons dan ook kinders van God wees? - hoe is hierdie enigste Seun en die baie kinders met mekaar te rym? Die antwoord lê opgesluit in hierdie sinnetjie, wat dan ook die kernsin van vanaand se preek is: - God maak óns ook Sy kinders deur Sy enigste Seun. Kom ons kyk wat dit beteken eers na die feit dat God ons Sy kinders maak deur Sy Seun en dan na wat ons kind-wees inhou. 1. GOD MAAK ONS SY KINDERS DEUR SY SEUN Dit klink amper hier in ons teksvers asof kind-van-god-word van óns kant af kom: - as óns Hom aanneem en in Hom glo, word ons kinders van God. Maar dis maar net as n mens baie oppervlakkig lees wat dit so klink. Die Here se Woord maak dit baie duidelik dat om kind van God te word, n geskenk van die Here af is en nie n prestasie van ons kant af nie. Jy kan die Here Jesus wat as Verlosser na hierdie wêreld toe gekom het, nie aanneem as dit nie vir jou gegee is om Hom aan te neem nie en jy kan nie in Hom glo as so n geloof nie vir jou gegee word nie. o Johannes die Doper het gesê: n Mens kan niks aanneem [van die hemelse dinge natuurlik] as dit hom nie uit die hemel gegee is nie. 2 o Die Here Jesus self het gesê: Niemand kan na My toe kom as die Vader wat My gestuur het, hom nie na My toe trek nie 3 1 Mat 6:9, 26, 32; Joh 20:17; Rom 8:14-17; 2 Kor 1:3-4; Efes 3:14 e.v.; 1 Joh 3:1-2; 2 Joh v 4; ens. 2 Joh 3:27 (AV 1933/53)

3 3 o Die apostel Paulus skryf in Efes 2: Want uit genade is julle gered, deur die geloof, en dit nie uit julleself nie: dit is die gawe van God. 4 o En vir die Filippense skryf hy: dit (is) aan julle ter wille van Christus genadiglik gegee om nie alleen in Hom te glo nie, maar ook vir Hom te ly 5 = dis vir julle gegee om in Hom te glo! Ons neem die Here Jesus as ons Verlosser aan en en ons glo dat Hy alles vir ons is wat die Bybel vir ons sê dat Hy vir ons is met die aanvaarding en die geloof wat vir ons gegee is. En as daar nog enige twyfel is, dan vat vers 13 dit heeltemal weg. Vers 13 praat verder oor die mense wat die Here aanneem en in Hom glo en sê dan: - hierdie mense neem aan en glo en word so kinders van God, nie van nature nie, nie deur die drang van n mens nie, nie deur die besluit van n man nie, maar hulle is uit God gebore. Wat hierdie mense geword het, kom op geen manier uit n mens (uit hulleself of uit n ander mens) nie. Hulle is byvoorbeeld nie uit hulle ouers gebore as kinders van God nie. Hulle moes eers weergebore word voordat hulle kon aanneem en glo en kinders van God word. 6 God moes van bo af ingryp en hulle harte radikaal nuut en anders maak voordat hulle by die punt kon kom waar hulle die Here Jesus gelowig aangeneem het. Ons kindskap van God begin by Gód, as n geestelike geboorte waaroor ons net so min beheer het as oor ons fisiese geboorte as mense uit n aardse ma uit. Kind-van-God-wees kom nie van ons af nie. God maak ons Sy kinders. Hy doen dit deur Sy Seun. 3 Joh 6:44 4 Vers 8 5 Flp 1:29 6 Vgl Joh 3:3, 5

4 4 Dis nie toevallig dat ons kindskap hier ter sprake kom, in hierdie lied oor die eniggebore Seun van God wat n mens ook geword het nie. Dis dan Hy (sê vers 12) wat ons die mag gegee het die volmag, die reg, die status om kinders van God te word. Hy het u weet dit mos hierdie reg vir ons verwerf toe Hy in ons plek en vir ons gehoorsaam was aan al die opdragte van die Vader in die hemel en toe Hy in ons plek en vir ons die straf gedra het wat ons met ons sondes by God verdien het. Dit wat die Here Jesus gedoen het daar in Galilea en selfs in Samaria en in Judea en in Jerusalem en uiteindelik op die plek Golgota net buite die stad van destyds dít het alles afgehandel wat nodig was vir sondaars om vir altyd weer kinders van God te kan wees. God gee Sy Seun vir ons, laat ons weergebore word, laat ons Hom aanneem en in Hom glo en só maak Hy ons Sy kinders deur Sy Seun. 2. WAT ONS KIND-WEES INHOU Is ons wat glo regtig kinders van God? want die Bybel noem Jesus dan die eniggebore Seun van die Vader hoe kan ons dan ook kinders wees? Dis nie regtig so n groot probleem nie: Jesus Christus ís die Seun van God én ons is Sy kinders, maar op verskillende maniere. Christus (so bely ons hier in HK) is die ewige natuurlike Seun van God, terwyl ons nie in dieselfde sin ewige kinders van God is nie en terwyl ons nie natuurlike kinders van God is nie. Dat Christus die ewige Seun van God is, beteken dat Hy van ewigheid af kind van God is, dat Hy saam met die Vader daar was, ook toe die wêreld nog nie geskape was nie.

5 5 God het tog nooit anders bestaan as die drie-enige God, die Vader en die Seun en die Heilige Gees nie. Óns is nie van altyd af kinders van God nie. Eers iewers op ons pad van mens-wees het God ons Sy kinders gemaak. Jesus Christus is ook die natuurlike Seun van God. Ons bely in die Geloofsbelydenis van Athanasius: Hy is God uit die Wese van die Vader, voor alle tye gegenereer en in die Geloofsbelydenis van Nicea: Hy is God uit God, lig uit lig, ware God uit ware God, gebore, nie gemaak nie, een in wese met die Vader En met hierdie stamelende woorde probeer ons sê dat die Seun van God net so God is soos die Vader, terwyl ons mense is, skepsels van God heeltemal van n ander aard as die Vader en die Seun; en ons probeer met hierdie stamelende belydenis sê dat die Here Jesus kragtens Sy bestaan as ewige Seun, die kind van God is Hy kan nie iets anders as kind van die Vader wees nie. Terwyl óns nie vanself kinders van God is nie. Ons is van nature kinders van die toorn, 7 sondaars, vyande van God, mense wat Sy eintlik Sy straf verdien. Maar Hy het ons uit genade, op grond van dit wat Jesus Christus vir ons gedoen het, tot Sy kinders aangeneem. Ons is nie natuurlike kinders van God nie, maar aangenome kinders Dís die oplossing vir die skynbare probleem van die enigste Seun en die baie kinders: - ons is ook kinders van God, maar nie op dieselfde manier as Jesus Christus nie; - op die manier waarop Hy Kind is, is Hy die enigste Een! 8 7 Efes 2:3 8 Die Heilige Gees het die apostel Johannes in Sy evangeliebeskrywing konsekwent n ander woord vir Jesus se kindskap as vir ons kindskap laat gebruik.

6 6 Maar die feit dat ons aangenome kinders is, beteken nie dat ons minderwaardige kinders van God is nie. Die Here se Woord maak dit duidelik dat ons in al die voorregte van God se eie Kind deel: o Die opstandingslewe wat die Vader vir die Here Jesus gegee het, kry ons ook. 9 o Die Heilige Gees waarmee die Here Jesus gesalf is, is vir ons ook gegee. 10 o Wat die Seun van God erf die ewige heerlikheid by die Vader erf ons ook. 11 Al is ons aangeneem, is ons nie tweederangse kinders van God nie, maar werklik voluit Sy kinders. Dit blyk ook uit ons verantwoordelikhede as kinders van God. Ons moet God liefhê net soos die Here Jesus dit tydens Sy aardse lewe gedoen het met ons hele hart en siel en verstand en met al ons kragte. 12 En ons behoort ons medemense met dieselfde selfopofferende liefde lief te hê as dié waarmee die Here Jesus mense liefgehad het toe Hy hier op aarde was. 13 Ook uit die gehoorsaamheid wat die hemelse Vader van ons verwag, blyk dit dat ons nie tweederangse kinders is nie, dat die Vader ons as egte kinders van Hom beskou en behandel TEN SLOTTE Wat n voorreg waaroor ons nooit uitgepraat mag raak nie dat ons wat in die krotbuurte van die sonde gebore is, deur aanneming kinders van die lewende God geword het, lede van die hoogste adellike familie wat daar is; dat ons mag weet dat aan die einde van hierdie aardse pelgrimsreis die Vaderhuis se oop deure vir ons wag; dat nóú al elke dag, elke situasie, elke bult op die reispad die Vader se hart vir ons oop is AMEN 9 Efes 2:5; Rom 6:4-5, 8 10 Joh 14:16-17; 1 Joh 2:27; Rom 8:9, Rom 8:17; Gal 4:7 12 Mat 22: Kor 10:33 11:1; Flp 2:5-8; 1 Joh 3:16;