Die antwoord is dat Paulus nie homself op die voorgrond gestoot het, of homself aangebied het as iemand besonders nie.

Transcriptie

1 1 KORINTIËRS 1:1 Votum Seën Psalm 147 : 1, 4 Geloofsbelydenis: Twaalf Artikels Wet: Exodus 20:1-17 (1933/53) Psalm 130 : 2 Gebed Psalm 130 : 3 Skriflesing: 1 Korintiërs 1:1-9 (AV 1933/53) Teks: 1 Korintiërs 1:1 (AV 1933/53) Preek: Die Here gebruik instrumente wat Hy self maak. Gebed Kollekte Skrifberyming 2-2 (34) : 3 Seën Skrifberyming 13-3 (78) 1

2 Hoekom sou ons ag gee op wat Paulus geskryf het, moeite doen om dit te lees of te verstaan? Hoekom verwag hy dat mense moet glo wat hy daarin skryf en nog meer moet doen wat hy daarin sê? Die antwoord is dat Paulus nie homself op die voorgrond gestoot het, of homself aangebied het as iemand besonders nie. Dis die Here wat hom Sy instrument gemaak het en hom gebruik het vir hierdie werk wat hy gedoen het. Dis waaroor vanoggend se preek gaan: - God, wat self Sy instrumente maak wat Hy dan gebruik. Kom ons kyk eers na die feit dat Paulus nie vanself bruikbaar was nie, en dan na die feit dat die Here hom bruikbaar gemaak het. 1. PAULUS WAS NIE VANSELF BRUIKBAAR NIE Daar was n tyd toe die woord, die naam waarmee hierdie brief begin Paulus Christene laat sidder het. Hierdie Paulus was n rasegte Jood: - n Israeliet uit die stam van Benjamin, een van die voorste stamme van Israel; 1 - gebore in Tarsus in Cilicië, n belangrike stad in die wêreld van destyds; 2 1 Flp 3:5 2 Hand 21:39 2

3 - opgevoed in Jerusalem volgens die voorvaderlike wet, onder leiding van Gamaliël, een van die mees gesiene leraars onder die Fariseërs, 3 wat n streng, behoudende godsdienstige party onder die Jode was; - iemand wat vinnig opgang gemaak bo sy tydgenote; 4 - n begaafde mens, wie se godsdiens sy passie was. Maar hy was alles behalwe n bruikbare instrument vir die Here. Om die waarheid te sê: hy was die teenoorgestelde daarvan: n vyand van die Here se kerk, veral van daardie eerste Christelike gemeente in Jerusalem: - hy t dit byvoorbeeld goedgekeur toe die Joodse Raad Stefanus met klippe laat doodgooi het; 5 - hy t dit sy werk gemaak om die gemeente te probeer uitroei; hy t van huis tot huis gegaan en Christene mans en vroue laat uitsleep en hulle in die tronk laat sit; 6 - hy t volgelinge van die Here Jesus met die dood gedreig; 7 - hy t saamgestem as hulle die doodstraf opgelê is; 8 - hy self het hulle in die sinagoges laat straf om hulle te dwing om hulle geloof af te sweer; 9 - hy t hulle so gehaat dat hy selfs toestemming gevra en gekry het om die Christene in die buiteland, in Damaskus, te gaan vervolg; 10 - hy skryf iewers dat hy die Christene tot die uiterste toe vervolg het! 11 3 Hand 5:34; 22:3; Gal 1:14; Flp 3:6 4 Gal 1:14 5 Hand 8:1 6 Hand 8:3 7 Hand 9:1 8 Hand 26:10 9 Hand 26:11 10 Hand 9:2; 26: Gal 1:13 3

4 - en in Damaskus sê Ananias, een van die dissipels van Jesus, dat hy van baie mense gehoor het van al die kwaad wat Paulus die gemeente van die Here in Jerusalem aangedoen het. 12 Paulus was berug as n hater en n vervolger van die kerk. Paulus was n naam wat Christene laat skrik het! Terloops, sy sogenaamde naamsverandering van Saulus na Paulus het niks met sy bekering te doen nie, want selfs na sy bekering word hy nog steeds Saulus genoem. 13 Paulus is maar net die Griekse vorm van Saulus, en is die naam waaronder hy bekend was toe hy sy sendingwerk in die Griekse-taaloorheersde internasionale omgewing begin doen het. 14 Paulus was beslis nie vanself bruikbaar vir die Here nie. Maar kyk net wat die Here kan doen 2. GOD HET HOM BRUIKBAAR GEMAAK Paulus hier is nie meer n vyand van die Here Jesus en n vervolger van die kerk nie, maar n geroepe apostel van Jesus Christus, besig om n brief te skryf wat die kerk in Korinte én die kerk van alle tye daarna moet opbou in hulle geloof en moet lei op die pad van gehoorsaamheid aan hulle Here! n Geroepe apostel van Jesus Christus! 12 Hand 9:13 13 Hand 9:19, 22, 26; 13:1 14 Hand 13:9 4

5 Jesus Christus, die Een teen Wie al sy haat gemik was, het hom geroep en gestuur dis wat die woord apostel beteken: uitgestuurde. Let op die roep en die stuur die twee elemente. In roep hoor jy die genade: - jy mag na God toe kom; - Hy roep jou om met Hom in n versoende verhouding te kom lewe op grond van wat die Here Jesus vir jou gedoen het, al was jy skarlakenrooi van sonde. Hierdie genade van die Here wat hy gekry het (om geroep te wees) het n baie sterk indruk op die apostel Paulus gemaak. Ná hierdie roeping daar op die pad na Damaskus toe, sou hy dinge skryf soos: - vir my is die lewe Christus 15 - om Christus Jesus, my Here, te ken, oortref alles in waarde Ons Here het my oorlaai met Sy genade 17 - Christus Jesus het aan my, as die grootste sondaar, al sy verdraagsaamheid betoon. 18 Dis die genade wat aan hom bewys is: die Here het hom geroep. In stuur hoor jy die opdrag wat jy kry, jou taak, wat óok n voorreg is: om deur die Here gestuur te word. 15 Flp 1:21 16 Flp 3: Tim 1: Tim 1:16 5

6 Selfs op skool is dit al vir n kind n voorreg as die juffrou of meneer jóú stuur om iets vir haar of hom te gaan doen! Paulus was gestuur met die opdrag om die Naam van die Here Jesus uit te dra onder die heidennasies en hulle konings en selfs ook onder Israel. 19 Hierdie wonderlike genade wat hy in sy roeping van Jesus Christus gekry het, kon hy en moes hy nou ook verder vat, die wêreld in. 20 Een van die maniere waarop hy hierdie taak uitgevoer het, was sy briewe, waarin hy lewensbelangrike opvolgwerk gedoen het aan die eerste geslag Christene en waardeur die Heilige Gees vir die kerk van alle eeue wat sou volg, diepsinnige en duidelike leiding gegee het. Hy was gestuur deur Jesus Christus, n apostel van Hom. n Buitengewone apostel, natuurlik. Die gewone apostels was die twaalf, wat oral saam met die Here Jesus was toe Hy hier op aarde geleef en gewerk het, en wat ooggetuies was dat Hy uit die dood opgestaan het, en wat direk van Hom hulle opdrag gekry het en die volmag om allerhande tekens en wonders in Sy Naam te doen. 21 Paulus was ook n ooggetuie van die opgestane Here Jesus, en hy het ook sy opdragte direk by Hom gekry, maar op n ander manier as by die twaalf: 19 Hand 9:15. Vgl ook Rom 15:16 20 Vgl ook Gal 1: Hand. 1:8, 21-22; 5:12 6

7 - die opgestane Here Jesus het direk aan hom verskyn toe hy op pad was Damaskus toe om daar ook die Christene te gaan vervolg; hy t die Here gesien, skryf hy later in hierdie brief en hy t sy opdragte direk van die Here gekry, maar deur gesigte en spesiale openbarings. 23 Paulus praat op een plek van homself as die ontydig geborene 24 die apostel wat nie saam met die twaalf as apostel gebore is nie. En hy sê:... ek is die geringste van die apostels, wat nie werd is om n apostel genoem te word nie, omdat ek die gemeente van God vervolg het. Maar deur die genade van God is ek wat ek is 25 Paulus was ook n apostel, al het hy dit op n ander manier as die ander apostels geword. Hoe radikaal kan die Here dinge verander: - Hy maak van Sy grootste vyand Sy spog-apostel! Dis die Hére wat dit gedoen het. Paulus skryf hier dat hy n geroepe apostel is deur die wil van God. Dat Paulus geroep is ( n volgeling van Jesus Christus geword het) en gestuur is ( n apostel van Jesus Christus geword het), was nie iets wat mense beplan het of verwag het nie Kor 1:9 23 Gal. 1:16; Hand. 16:9; 18:9-10; 27:24. In elk geval was al die dinge wat n apostel kenmerk, in sy bediening sigbaar: tekens en wonders en kragtige dade (2 Kor 12:12) Kor 15: Kor 15:9-10 7

8 Dit was God se wil. Dit was eintlik teen alle menslike berekenings en beplanning in. Dink u Paulus het, toe hy daar uit Jerusalem uit ry met die briewe van volmag teen die Christene in Damaskus en met n hart vol haat teen Jesus Christus, gedink dat hy in Jerusalem sou terugkom as n volgeling van Jesus Christus, as iemand wat bereid sou wees om sy lewe te gee vir Hom af te lê, as iemand wat sy hele lewe vorentoe met die grootste opofferings denkbaar sou toewy aan die verkondiging van die Naam van die Here Jesus? In sy wildste drome nie! Maar God se wil beheers en oorheers mos alles. En weet u wat God se wil vir Paulus was? - hy is vir My n uitverkore werktuig om my Naam te dra voor nasies en konings en die kinders van Israel so sê die Here van Paulus vir Ananias daar in Damaskus na Paulus se bekering; 26 - en God het my al voor my geboorte vir Hom afgesonder skryf Paulus vir die Galasiërs. 27 Dit was God se wil vir Paulus, dat hy die Naam van Jesus Christus moet verkondig. En God voer Sy wil uit, selfs met groot krag en dwang as dit moet! 26 Hand 9:15 27 Gal 1:15 8

9 o Hy t nie vir Paulus kom smeek of hy nie dalk maar liewers apostel wil wees en hom met allerhande mooi beloftes in die ding ingepraat nie. o Hy t hom met krag van Bo tot in die stof verneder en hom so oorweldig dat hy nie meer anders wou of kon nie. Paulus was nog besig om teen die prikkels te skop, 28 toe die Here hom net eenvoudig gevat het en gesit het waar Hy hom wou hê! o En die Here het hom selfs duidelik laat verstaan dat hy vir die Here gaan ly op hierdie pad wat hy nou moet loop. 29 o Paulus skryf dat die dwang hom opgelê is, en wee hom as hy die evangelie nie verkondig nie! 30 o Hy moes maar doen wat Petrus later sou skryf: Onderwerp julle daarom in nederigheid aan die kragtige hand van God 31 Wat Gód wil, sal gebeur, al dink en beplan mense wat ook al! Nie dat dit iets slegs was wat met Paulus gebeur het nie verstaan dit goed. God se wil is vir Sy uitverkorenes n goeie pad, vir ewig goed! Hand 26:14 29 Hand 9:16; 20: Kor 9: Pet 5:6 32 Rom 8:28 9

10 Dis ook liefde dat Hy jou al skop jy in jou blinde dwaasheid daarteen met Sy krag op die pad van Sý wil vir jou lewe dwing En in elk geval gee Hy vir mense wat Hy so na Hom toe roep, Sy Gees om hulle harte met die bloed van die Gekruisigde skoon te was van hulle sondige wille en dit te vervang met wille wat in harmonie is met die volmaakte wil van God. Dis die wonderlike van die Here se werk: Paulus wóú nou ook met sy hele hart doen wat die Here hom gedwing het om te doen! Die Here het die onbruikbare Paulus só verander dat hy een van Sy effektiefste instrumente ooit geword het. Dis die Here wat self Sy instrumente maak en hulle dan gebruik. TOEPASSING Twee sake: Eerstens is die vraag daar aan die begin nou mos beantwoord: hoekom sal ons ons aan Paulus steur? Omdat hy God se instrument is wat Hy gemaak het om die boodskap van Jesus Christus die wêreld in te dra en om die betekenis van Jesus se dood en opstanding vir gelowiges se lewe en vir kerke se lewe in diepte te verduidelik. 10

11 As ons dan nie moeite doen om Paulus se briewe en dieselfde geld vir die res van die Bybel te lees en te verstaan nie, dan minag ons die Here wat hierdie instrument gemaak het, ook om deur hom met ons te werk. En tweedens sê hierdie gedeelte vir ons dat niemand van ons moet dink dat die Here my nie kan gebruik nie. Mense voel partykeer dat hulle tog niks vir die Here se saak kan beteken nie: - hulle het nie die gawes of die hart daarvoor nie; - hulle voel onbruikbaar. Maar die Here kan die gawes gee. En Hy kan n hart verander met die geweld van Sy liefde as dit moet! Maar waarom sou ons wag tot die Here ons ook blind maak en plat op die grond gooi 33 voordat óns vra: - Here, wat wil U hê moet ek doen 34 hier in my lewe van nou AMEN 33 Hand 9:3-4, 8 34 Hand 9:6 11