Preek Romeine 11:36. (Preek gelewer tydens erediens in Welkom-Noord op Sondag 26 Maart 2017) Prediker: Ds JL van der Schyff

Transcriptie

1 1 Preek Romeine 11:36 (Preek gelewer tydens erediens in Welkom-Noord op Sondag 26 Maart 2017) Prediker: Ds JL van der Schyff Voor die erediens Sing: Psalm 150-1:1,2,3 Sing: Psalm 99-1:1,2,5 Sing: Psalm 98-1:3 Afkondigings Stilte Erediens: Votum Groetseën Lofprysing: Psalm 48-1:1,4,5 Geloofsbelydenis: Twaalf Artikels Die Wet van die Here: Exodus 20:1-17 Sing: Psalm 19-1:7 Gebed Skriflesing: Romeine 11:33-36 Sing: Skrifberyming 4-6 Fokus: Romeine 11:36 Preek: Tema: Terug na die Fontein beteken terug na aan God alleen die eer. Gebed Diens van barmhartigheid Sing: Psalm 145-1:1,4,12 Wegstuurseën Amen: Skrifberyming Preek: Geliefdes in ons Here Jesus Christus Aan God die eer, want ons bestaan is aan Hom alleen te danke Ere aan God! Hoekom? Want alles is aan Hom te danke. Hy het immers alles gemaak. Hy het uit niks alles geskape. Ons bestaan is aan Hom te danke. Mens en dier en plant, ja, alles wat bestaan, het hulle bestaan aan God alleen te danke. Hulle het nie net hulle bestaan aan God alleen te danke nie, hulle het ook hulle voortbestaan aan God alleen te danke. Psalm 104-1:17 en 18 verwoord dit mooi:

2 2 Wat leef in water en op land, verwag hul spyse uit u hand. Ontsluit U dit, hul word verkwik; hou U dit toe, hul word verskrik; neem U hul asem weg, hul keer tot stof en as, en is nie meer. Maar as u Gees weer oor hul sweef, dan leef hul, en die aard herleef. Aan God die eer, want ons band met Hom is aan Hom alleen te danke Ons het nie net ons bestaan en ons voortbestaan aan God alleen te danke nie, ons het ook ons bestaan in n verhouding met God aan Hom alleen te danke. Dat daar n band tussen Hom en ons is, is aan Hom alleen te danke. Dat Hy ons God is, is aan Hom alleen te danke. Dit is nie jy wat Hom gekies het nie, maar Hy wat jou gekies het. Dit is Hy wat gekies het om jou God te wees. Dit is God wat besluit het om met Abraham n verbond te sluit. Dit is God wat besluit het dat hierdie verbond met Abraham n blywende verbond sal wees, met Abraham én sy nageslag. Dit is God wat besluit het om Homself aan die volk Israel te verbind. Dit is God wat hierdie verbond met Israel deur die eeue heen in stand gehou het. Dit is God wat besluit het om ook mense uit die nie-joodse volke deel van sy verbond te maak. Dit is God wat besluit het dat jy ook deel gekry het aan sy ewige genadeverbond en as teken hiervan gedoop is. Aan God die eer, want ons verlossing is aan Hom alleen te danke Ook ons verlossing is aan God alleen te danke. Toe ons as gevolg van ons sonde totaal en al skuldig voor God was en geen geregtigheid voor Hom gehad het nie, het Hy sy eie Seun opgeoffer om in ons plek gevonnis en gestraf te word. Deurdat Hy in jou plek gestraf is, het Hy die afkoopboete vir jou betaal, sodat jy vrygekom het van jou skuld voor God en so geregtigheid voor God ontvang het. Dít, naamlik dat jy regverdig gemaak is, is eenhonderd persent aan God alleen te danke. Jy het geen bydrae daartoe gemaak nie nie eens een persent nie. As jy n bydrae sou gemaak het (al is dit hoe klein), sou jy mos vir daardie klein bietjie wat jy gedoen het, erkenning moes kry. Dan was jou verlossing nie aan God alleen te danke nie. Dan was dit nie eenhonderd persent aan God alleen die eer nie. Die belangrike punt is: Dit ís eenhonderd persent aan God alleen die eer! Geliefdes, hierdie is n baie belangrike saak. Daar is n gedagte wat onder mense leef dat God n sekere deel doen om ons te verlos en dat ons n sekere deel moet doen om verlos te wees. Maar dan is dit nie meer aan God alleen die eer nie. Dan moet ons mos ook n deel van die eer kry, naamlik vir die deel wat ons gedoen het om verlos te word. Nee, ons moet terugkeer na: Aan God alleen die eer. Terug na die Fontein beteken terug na aan God alleen die eer. Aan God alleen die eer, want ons word verlos deur Christus alleen,

3 deur genade alleen, deur geloof alleen, met die Woord alleen as die enigste rigsnoer vir ons lewe. 3 Ons verlossing bestaan nie net daarin dat ons skuld voor God weggeneem word nie. Dit bestaan nie net daarin dat ons sonde vergewe word nie. Ja, dit ook, maar ook meer as net dit. Ons verlossing bestaan ook daarin dat God ons verlos van daardie slegte, sondige mens wat ons was. Dit bestaan ook daarin dat God van ons nuwe mense maak wat op n nuwe manier lewe dit wat ons in ons kerklike taal ons heiligmaking noem. Ook dít (ons heiligmaking) is aan God alleen te danke. Dit is God wat deur sy Heilige Gees in jou hart werk en jou nuut maak. Dit is Hy alleen wat die hardste hart sag maak. Dit is Hy alleen wat jou tot bekering laat kom. Dit is Hy alleen wat aan jou geloof gee. Aan God die eer, want ons is geskape om Hom te eer In Genesis 1:26-28 staan daar dat God die mens geskep het as sy verteenwoordiger, as beeld van God. Die mens is geskape om as t ware n vertoonvenster van God te wees. Die mens is geskape om n vertoonvenster van God se heerlikheid te wees. Dit geld nie net van die mens nie. Dit geld van die hele skepping. Die Drie-enige God het alles geskape met die doel om sy heerlikheid in die natuur en in die mens ten toon te stel. Dit is tog die doel van die skepping en die mens, naamlik om God se wese (Wie God is) in sy oorvloedigheid te verheerlik. Soos n kunswerk wat bestaan tot bewondering van die kunstenaar, so bestaan die skepping as God se kunswerk tot verheerliking van God. Dit bestaan tot bewondering van God. Ons vereer God en aanbid God, nie net omdat ons bestaan en omdat ons verhouding met Hom en omdat ons verlossing aan God alleen te danke is nie, maar ook omdat dit die doel is waartoe God ons geskape het. Ons is geskape om God te eer. Dit is die missie wat God aan ons gegee het. Geliefdes, God stuur jou in hierdie wêreld in met n missie. Jou missie is om God te verheerlik! Dit is hoekom jy hier is. Dit is hoekom God jou geskape het. Aan God die eer, want ons is verlos om Hom te eer Weens die sonde het die mens sy doel gemis. Weens die sonde het die mens ontrou aan sy missie geword. In plaas van om God te verheerlik wou die mens homself verheerlik. Dít is die rede waarom Satan vir Eva kon ompraat om van die boom te eet, waarvan hulle nie mag geëet het nie. Die gevolg van Adam en Eva se sonde is dat dit deel van die mens se aard geword het om homself te wil verheerlik. In Genesis 11 lees ons dat die mens die toring van Babel gebou het om naam te maak, dit wil sê om homself te verheerlik. Gaan kyk maar na die wêreld en na jou eie lewe: Dit het die mens se nuwe missie geword om homself te wil verheerlik. As God ons verlos, doen Hy dit om ons weer terug te bring na ons oorspronklike missie, naamlik om Hom te verheerlik. Vinnig n paar tekste hieroor.

4 4 Jesaja 48:9. Dit was nadat Israel so verkeerd gedoen het. Dan sê die Here: Ter wille van my Naam bedwing Ek my toorn, ter wille van my eer tree Ek nie op teen julle nie dat julle nie vernietig word nie. Dit wil sê: God se genade aan hulle is ter wille van God se eer. Efesiërs 2:10: Nee, God het ons gemaak wat ons nou is: in Christus Jesus het Hy ons geskep om ons lewe te wy aan die goeie dade waarvoor Hy ons bestem het. God het ons in Christus nuut gemaak om Hom te eer. Kolossense 3:17. In Kolossense 3 gaan dit daaroor dat ons saam met Christus uit die dood opgewek is en n nuwe lewe gekry het en wat al die verkeerde dinge is wat nie by hierdie nuwe lewe pas nie en wat al die goeie dinge is wat wel by hierdie nuwe lewe pas. Deel van hierdie nuwe lewe is (Kolossense 3:17): En wat julle ook al sê of doen, sê en doen dit alles in die Naam van die Here Jesus en dank God die Vader deur Hom. 1 Korintiërs 10:31: Of julle eet en of julle drink of wat julle ook al doen, doen alles tot eer van God. Hoekom het God jou gered? Hoekom het Hy jou verlos van die sonde? Net sodat jy verlos kan wees? Nee! Jou redding, jou verlossing is nie die einddoel van alles nie. God se heerlikheid is die hoofdoel. God red jou ter wille van die eer van sy Naam. God red mense om sy heerlikheid te demonstreer. God red jou, sodat jy Hom sal verheerlik. Kyk na Efesiërs 1. Daar word gesê watter rol die Vader, die Seun en die Heilige Gees elkeen speel om ons te verlos. In vers 6, nadat die rol van die Vader beskryf is, word daar gesê: Daarom moet ons God prys vir sy wonderlike genade wat Hy in die Geliefde vrylik aan ons geskenk het. Dan in vers 12, nadat die rol van die Seun beskryf is, word gesê: Daarom moet ons, die eerstes wat ons hoop op Christus gestel het, die grootheid van God prys. En in vers 14, nadat die rol van die Heilige Gees beskryf is, word gesê: Daarom moet ons sy grootheid prys. God red nie die mens, omdat die mens heerlik is nie. God red, omdat Hy self heerlik is. En dit is sy missie: Die instandhouding van sy heerlikheid en eer. Dit is die doel waarvoor Hy ons gered het. Aan God die eer, want uit Hom en deur Hom en tot Hom is alle dinge Ons teks waarop ons vanoggend fokus, Romeine 11:36, sê: Uit Hom en deur Hom en tot Hom is alle dinge. Ek hoop dat alles wat ek tot dusver in hierdie preek gesê het, vir julle duidelik maak wat hier staan. Uit Hom is alles. Ons bestaan en ons voortbestaan kom uit Hom uit. Ons band wat ons met Hom het, die verhouding wat jy met God het, kom uit Hom uit. Ons verlossing kom uit Hom uit. Deur Hom is alles. Deur Hom lewe ons en lewe ons nuut. Tot Hom is alles. Ons is geskape tot Hom, om Hom te eer. Ons is verlos tot Hom, om Hom te eer. En daarom: Aan Hom behoort die heerlikheid tot in ewigheid! Aan Hom en Hom alleen die eer!

5 Aan God die eer die implikasies vir ons lewe 5 Hoekom doen jy wat jy doen? Dink n bietjie oor hierdie vraag. Hoekom doen jy die dinge wat jy doen? Wat is jou motivering? As jou antwoord nie is om aan God die eer te bring nie, dan doen jy verkeerd. Dan het jy n verkeerde gees in jou, n verkeerde gesindheid, n verkeerde ingesteldheid. Jesaja 42:8: Ek is die Here, dit is my Naam, die eer wat My toekom, gee Ek aan geen ander nie, die lof wat My toekom, gee Ek nie aan gesnede beelde nie. Baie duidelik: Ek is die Here. En my eer deel Ek met niemand nie. Ek gee dit nie op nie. Ek gee dit nie prys nie. God verwag al die eer. God vereis al die eer. Wat is God se eer? Dit is sy heiligheid wat Hy ten toon stel. Eerstens in sy Naam. Sy eer is in sy Naam. Daar is geen ander Naam. Dit is ook in die Persoon van Jesus Christus. God se eer is in Hom geopenbaar. Die implikasies vir ons lewe is dat ons aan God alleen die eer moet gee. Hoekom is ons hier? Wat is ons missie? Om God te prys vir Wie Hy is. Ons eer God. Ons eer God deurdat elke situasie (hoe goed of hoe sleg dit ookal mag wees) n geleentheid is om God se genade en liefde (en alles wat eie is aan God se Wese) te demonstreer. Hoekom gebeur goeie goed met slegte mense? Hoekom gebeur slegte goed met goeie mense? Ek weet nie wat die antwoord is nie, want ek staan nie in die raadskamer van God nie. Maar ek ken die uitkoms: Sodat God die eer kry. God wil hê dat alles wat goed is in jou lewe, Hom moet verheerlik. Hy wil ook hê dat alles wat sleg is in jou lewe, Hom moet verheerlik. Ja, ook jou swaarkry-tye in jou lewe. Selfs die slegte dinge verheerlik God, omdat Hy vir jou die genade gegee het om daardeur te kom, die vrede om daarin te slaap, die krag en energie om te volhard, die hoop van die opstanding en die hoop van die saligheid om steeds met verwagting te lewe. Wanneer iemand uit verslawing van drank of dwelms bevry word, sê mense baie keer: Aan God die eer vir hierdie wonderwerk! As óns egter oor ons lewens moet getuig, mag dit dalk vervelig wees. Baie van julle het nie een of ander verslawing gehad waaruit julle bevry moes word nie. Baie van julle het van kleins af in die kerk grootgeword en het nie die pad so totaal en al byster geraak dat julle een of ander ingrypende inkeer nodig gehad het nie. Maar ook daarvoor moet God die eer kry. God moet die eer kry dat jy nie uit een of ander verslawing of wat ookal bevry moes word nie, net soos Hy die eer moet kry indien dit wel gebeur dat God jou uit een of ander verslawing of wat ookal bevry het. Ons reageer met aanbidding en verering op Wie God is en wat Hy doen. Dit is hoekom julle vanoggend hier is, naamlik om God te aanbid. Wat is n erediens? n Diens waarin God geëer word (ere-diens). Daar is n verskil tussen aanbidding en vermaak. Dit wat hier gebeur, is nie om julle te vermaak nie. Ons fokus nie op die verbetering van ons sang om julle te vermaak nie, maar om julle te help om God beter te aanbid. Geen van die

6 veranderings in ons eredienste (sogenaamde vernuwings ) is om julle te vermaak nie, maar om julle te help om God beter te aanbid. Ons kan nie iets byvoeg by God se eer nie. Ons kan dit nie beter maak nie. Ons kan dit nie vermeerder nie. Ons kan dit maar net raaksien (herken) en daaraan erkenning gee (erken). Jy kan dit net doen, as jy op die uitkyk is daarvoor. Aan God die eer! Amen. 6