Preektema: God bring ons uit die lykshuis, skenk geloof om te leef tot sy eer! Skriflesing: Efesiërs 2:1-10

Transcriptie

1 Preektema: God bring ons uit die lykshuis, skenk geloof om te leef tot sy eer! Skriflesing: Efesiërs 2:1-10 Inleiding Daar bestaan n spreekwoord in Afrikaans: Moenie doekies om draai nie. Praat reguit en prontuit. Dis in hierdie gedeelte wat Paulus, nie doekies om draai nie. Hy noem die ding op sy naam. Hy kom nie met lang stories nie. Hy kom om vir die Efesiërs duidelik in soveel woorde te herinner aan wat ware Goddelike genade is. Hy doen dit deur eers vir hulle te wys waar hulle was, voordat hulle genade ontvang het. Ons gaan in die preek nie die impak van hierdie gedeelte te verskraal of te versag nie. Ons gaan na 3 eenvoudige stellings wat jy in jou agterkom kan hou as jy hierdie gedeelte lees: - Waar ons was. - Wat ons in Christus is. - Hoe ons nou moet leef. WAAR ONS WAS. SONDE (1-3) Dood wat lei tot sonde en misdade 2 Julle was dood as gevolg van julle oortredings en sondes 2 wat voorheen julle lewenswyse gekenmerk het. Kom ons benader hierdie hele saak uit n effense ander hoek. 91. Vr. Wat is goeie werke? Antw. Net die wat uit 'n ware geloof (a), volgens die Wet van God (b), alleen tot sy eer gedoen word (c) en nie die wat op ons goeddunke of op insettinge van mense gegrond is nie (d). Die Kategismus verklaar dat goeie werke is dit wat gedoen word: Vanuit ware geloof in Jesus Christus, wat gedoen word volgens die wet van God, wat gedoen word tot sy eer dis die Drie-Enige God se eer. Laastens dit wat gedoen word, want nie op mense gegrond is nie. Jesus Self werp ook vir ons lig op die tema van goeie werke: Luk 6:43 Dit is nie die goeie boom wat slegte vrugte dra nie, en ook nie die slegte boom wat goeie vrugte dra nie. 44 Elke boom word aan sy eie vrugte geken. Van doringstruike pluk n mens mos nie vye nie, en van n doringbos oes jy ook nie druiwe nie. 45 Die goeie mens bring die goeie te voorskyn uit die oorvloed goeie dinge in sy hart, en die slegte mens bring die slegte te voorskyn uit die oorvloed slegte dinge. Waar die hart van vol is, loop die mond van oor. 1 B l a d s y

2 Hoe bring ons al die goed bymekaar? Iets wat al 3 hierdie aanhalings saambind is die konsep van die hart. Die hart van die mens is verdorwe. Wat bedoel ons daarmee? Kom ons verduidelik dit so: Die hart van die mens is dit waaruit die mens leef. Die moetiewe waarom ons goed doen is net so belangrik en dalk belangriker as wat ons doen. Volgens die kategismus kan ons net goeie werke doen as ons dit doen vanuit n opregte geloof, in gehoorsaamheid aan God en tot eer van God. As ons dus die stelling van Paulus hoor julle is dood in jou julle sonde en misdade dan moet ons besef Paulus verwys nie hier net na oppervlakkige dade, woorde of denke nie hy verwys ook na moetiewe, na vertrekpunte, voorveronderstellings by mense ens. Op die oppervlakte kan iemand lyk of hy regtig goed doen, maar as dit nie gedoen word vanuit n hart wat glo in Jesus Christus, vanuit n hart wat dit tot eer van God wil doen, vanuit n hart wat gehoorsaam is aan God se gebooie nie gaan die dade dit ook nie weerspieël nie. Ons kan slegs die wil van God doen as ons Hom erken as ons God en in Hom glo. Om goeie werke te doen sonder geloof is eintlik maar net naakte afgodery. Mense doen die goeie werke nie tot eer van God, vanuit geloof of volgens sy gebod nie hulle doen die goeie werke om hulleself en hulle eie valse motiewe te dien. As jy dit doen aanbid jy n ander god. Jou motief/hart wys jou skat, wys jou god. Waar jou skat is sal jou hart ook wees. God verander ons hart en dit maak dat ons dade, woorde en denke anders lyk, dat ons daarna streef om wat ons doen vanuit geloof te doen, volgens die gebod en tot eer van God. Sondag 3 VA 8. Verklaar dit soos volg: Maar is ons so verdorwe dat ons heeltemal onbekwaam is tot enige goed en geneig tot alle kwaad? Antw. Ja (a), tensy ons deur die Gees van God wedergebore word (b). Die wêreld wil hulle waardes en standaarde en ideologieë apart van God en Christus probeer stel en nogsteeds probeer erken dat hulle werke goed is. Dis net n leuen. Hierdie ideologieë van die wêreld is niks meer as vestings waarbinne mense gevange gehou word. Mense het nodig om onder die gehoorsaamheid van Christus gebring te word en tot sy eer te lewe. Die ongelowige is onderwerp aan die mag van die Satan wat die heerser is oor die bose magte waardeur die mens tot sonde verlei word. Hierdie magte is deur Christus oorwin. Die ou mens wat sonder Christus 2 B l a d s y

3 was en sonder Hom leef, is die mens met die sondige natuur (vgl. Rom.13:14; 1 Joh. 3:8 10). So n mens val onder die straf van God, en is eintlik dood. Die mens se slegte dade spruit uit sy hart. Dood is nie agv die sondige dade nie, dood is agv n sondige natuur. Die oorsprong is dus dood en daarom is mense se dade sleg. Vgl. Matt 12:35; Matt 15:18,19. As dit kom by geestelike dood, is niemand uitgesluit nie. Net n paar eienskappe oor geestelike dood: (1) Die geestelike dooie kondisie geld vir beide Heidene (v.2) en Jode (v.3) ons is van nature dus kinders van God se toorn. Kinders onder die oordeel van God. (2) Hierdie verdorwe hart maak dat ongelowiges in konstante aktiewe vyandskap en opstand is teenoor God. In hoe hulle optree en dink en praat. Die hart waaruit hierdie dinge vloei is in vyandskap. (3) Onder mag van die bose regering van Satan. (4) Hulle is totaal onmagtig om hierdie rebellie teenoor God te stop (Joh 3:3). (5) Hulle het geen verskoning nie maar bly onder die regverdige oordeel van God. (Rom 1) Ons stem dus saam dat Wat ons was is: geestelik dood in ons misdade en sonde. Verdorwe harte bring verdorwe, vrot vrugte/dade na voorskyn. MAAR WAT ONS IN CHRISTUS IS VERLOSSING (4-9) 4 Maar God is ryk in barmhartigheid en het ons innig lief. 5 Deur sy groot liefde het Hy ons wat dood was as gevolg van ons oortredings, saam met Christus lewend gemaak. Uit genade is julle gered! Sonder geloof: Lyk die som effens anders as wat ons verwag. Goeie werke en slegte werke = Slegte werke in God se oë. Hoe kan ons dus enigiets vir Hom aanbied wat Hom gaan behaag? As selfs ons beste werke nie vanuit geloof is of tot sy eer of baie maal nie volgens sy gebod nie? Hoe kan ons op enige manier iets doen wat Hom behaag? Ding is jy alleen, sonder Jesus Christus, sonder die Gees, kan nie! Jy sit met die probleem van die Heilige God en sondige mense. Genade is die woord. Genade: Genade is om iets te ontvang wat jy nie verdien of voor gewerk het nie. 3 B l a d s y

4 6...in Christus Jesus het Hy ons saam met Hom opgewek uit die dood en ons saam met Hom n plek in die hemel gegee... So in en deur die lewe van Jesus waarin Hy nooit gesondig het nie waarin sy moetiewe altyd suiwer waarin Hy alles wat Hy gedoen uit, uit geloof gedoen het - het God ons lewend gemaak en ons verseker dat ons hemel toe gaan. Die vraag is dus nie Hoekom is daar slegs een Weg na God toe nie Die vraag is: Hoekom is daar enigsins n Weg na God toe? So as iemand weer vir jou sê: Kyk hoe goed is die daardie mense dan antwoord jy daar is geen goedheid of goeie werke buiten of apart van en deur n verhouding met God nie. Dit is net genade! Solus Gratia. Slegs genade. Solus Fide. Slegs geloof. Soli Deo Gloria. Slegs tot die eer van God. Dis wat Paulus hier wys: Hy wys die doel is God se eer. Kyk saam met my na vers 7: 7 sodat God ook in die tye wat kom, sou laat sien hoe geweldig groot sy genade is deur die goedheid wat Hy in Christus Jesus aan ons bewys het. Paulus beklemtoon: hierdie genade hierdie geloof hierdie verlossing kom nie: - Uit jouself of jou eie verdienste nie. - Dis n gawe van God. Dis goed dat ons op hierdie punt bietjie dieper kyk na die wedergeboorte: Die wedergeboorte eenvoudig gesproke is: die proses waarby die mens wat n lyk is en dood in sy misdade en sonde lewend gemaak word. In Joh 3 leer Jesus ons wat wedergeboorte is: Joh 3:3 Daarop sê Jesus vir hom: Dít verseker Ek jou: As iemand nie opnuut gebore word nie, kan hy die koninkryk van God nie sien nie. 4 Nikodemus vra Hom toe: Hoe kan n mens gebore word as hy al n ou man is? Hy kan tog nie n tweede keer in sy moeder se skoot kom en gebore word nie? 5 Jesus het geantwoord: Dit verseker Ek jou: As iemand nie uit water en Gees gebore word nie, kan hy nie in die koninkryk van God kom nie. 6 Wat uit die mens gebore is, is mens; en wat uit die Gees gebore is, is gees. 7 Moenie verbaas wees dat Ek vir jou gesê het: Julle moet opnuut gebore word nie. 8 Die wind waai waar hy wil. Jy hoor sy geluid, maar jy weet nie waar hy vandaan kom en waar hy heen gaan nie. So gebeur dit met elkeen wat uit die Gees gebore is God het die wêreld so lief gehad dat Hy sy enigste Seun gegee het, sodat dié wat in Hom glo, nie verlore sal gaan nie maar die ewige lewe sal hê. 17 God het nie sy Seun na die wêreld toe gestuur om die wêreld te veroordeel nie, maar sodat die wêreld deur Hom gered kan word. 18 Wie in Hom glo, word nie veroordeel nie; wie nie glo nie, is reeds veroordeel omdat hy nie in die enigste Seun van God glo nie. 19 En so kom die skeiding: die lig het na die wêreld toe gekom, 4 B l a d s y

5 en tog het die mense eerder die duisternis as die lig liefgehad, want hulle dade was sleg. 20 Elkeen wat kwaad doen, haat immers die lig en kom nie na die lig toe nie, sodat sy dade nie aan die kaak gestel moet word nie. 21 Maar wie volgens die waarheid handel, kom na die lig toe, sodat dit duidelik kan blyk dat sy dade in gehoorsaamheid aan God gedoen is. Jesus verduidelik dat die Gees mense wederbaar. Dat die Gees werk waar Hy wil. Ons is egter geroep om getrou die Evangelie aan ander te bring. Om die goeie saad te saai wat dan op goeie grond val en bome met goeie vrugte oplewer. Vrugte wat die Here wil gehoorsaam en getrou aan Hom wil leef. Die oorsprong van ek glo in Jesus Christus kom egter dus nie uit jouself nie. Ook nie deur wetsonderhouding of goeie werke nie. God het in sy groot genade jou gewederbaar en aan jou geloof geskenk. Uitverkies, gewederbaar, geloof as geskenk om te kan glo in Hom! So sien ons die lyn loop deur die boek Efesiërs. Wat n groot genade en groot troos! Kom ons vat saam: Daar is net 3 dinge wat ons moet doen vanuit Efesiërs toe: Waar ons was. Dood in ons sonde en misdade. Wat ons in Christus is. Opgewek saam met Christus, n plek in die hemel gereedgemaak. Verlos tot sy eer! ONS HET EEN UITGELAAT: Ek sluit af met: Hoe ons nou moet leef. Ten Slotte: HOE ONS NOU MOET LEEF. DANKBAARHEID (10) 10 Nee, God het ons gemaak wat ons nou is: in Christus Jesus het Hy ons geskep om ons lewe te wy aan die goeie dade waarvoor Hy ons bestem het. Ons is geroep tot goeie werke. Goeie werke wat gedoen word vanuit geloof in Jesus Christus, getrou aan die wet van die Here en tot eer van God! Groei daarin elke dag. Ondersoek jou moetiewe, ondersoek jou hart! Matt 5:16 Laat julle lig so voor die mense skyn, dat hulle julle goeie werke kan sien en julle Vader wat in die hemel is, verheerlik. Amen. 5 B l a d s y

6 6 B l a d s y