1 JOHANNES 2: Votum en seën. Psalm 34 : 1, 4. Geloofsbelydenis: Nicea. Wet: Exodus 20:1-17 (AV 1933/53) Psalm 34 : 6. Gebed

Transcriptie

1 1 JOHANNES 2:15-17 Votum en seën Psalm 34 : 1, 4 Geloofsbelydenis: Nicea Wet: Exodus 20:1-17 (AV 1933/53) Psalm 34 : 6 Gebed Skriflesing: 1 Johannes 2:3-17 (AV 1933/53) Teks: 1 Johannes 2:15-17 (AV 1933/53) Psalm 1 : 1 Preek: God se kinders mag nie die wêreld liefhê nie Gebed Kollekte Skrifberyming 33 (2-4) : 1, 3 Seën Skrifberyming 78 (13-3)

2 2 Die Heilige Gees beskryf baie duidelik in die Bybel vir ons die groot genade van God: dat Hy sondaars, mense wat dit glad nie werd is nie, kies en red en Sy kinders maak en die ewige lewe gee. Dis die hooflyn van die Bybel: hierdie boodskap van die reuse-genade van die Here. Maar dis nie al wat in die Bybel staan nie. Die Heilige Gees vertel ons ook baie duidelik in die Bybel hoe die lewe van hierdie mense wat God se genade gekry het, behoort te verander. Ons teksverse is een van hierdie dele van die Bybel, wat gaan oor hoe kinders van God se lewens moet wees. Dit moet (so lees ons hier) n lewe sonder wêreldsliefde wees. God se kinders mag nie die wêreld liefhê nie. Kom ons kyk wat dit beteken deur na die antwoorde op die volgende drie vrae te kyk: 1. Wat is hierdie wêreld wat ons nie mag liefhê nie? 2. Hoe het n mens hierdie wêreld lief? 3. Waarom mag ons nie hierdie wêreld liefhê nie? 1. WAT DIE WÊRELD IS Johannes, wat in die kerk bekend staan as die apostel van die liefde, omdat hy ons in sy geskrifte gedurig aanspoor om lief te hê, wáársku hier teen n sekere liefde: wêreldsliefde. Moenie die wêreld liefhê nie. Wat presies is hierdie wêreld wat ons nie mag liefhê nie? Dit kan tog nie die geskape wêreld wees nie. Die Here sal ons tog nie verbied om dit wat Hy geskep het, lief te hê nie. As dit die geval was, dan sou dit beteken het dat ons die natuur, wat die tekens van Sy majesteit en Goddelikheid dra, nie mag liefhê nie; en dat ons ander mense, wat na Sy beeld geskep is, nie mag liefhê nie; en dat ons nie vir iets soos musiek, wat Hy in Sy skepping moontlik gemaak het, lief mag wees nie.

3 3 Maar dit kan tog nie wees dat ons verbied word om die wonderlike wêreld wat God gemaak het, lief te hê nie. Dan sou hierdie opdrag in stryd wees met baie ander gedeeltes in die Bybel, wat byvoorbeeld die wonder van God se skeppingswerke besing! 1 Die wêreld wat ons nie mag liefhê nie, is nie die geskape wêreld nie. Die wêreld wat ons nie mag liefhê nie, is die sondige wêreld. En die sondige wêreld is die sondige van die mense wat hierdie wêreld bewoon. o Dis die verkeerde sienings en praktyke wat die mense op hierdie wêreld ontwikkel het. o Dis die verkeerde gebruike wat mense maak van hierdie wêreld wat God geskep het en van al sy moontlikhede. o Dis al die dinge in die menslike samelewing waarin jy die duiwel se invloed bespeur, wat dus anders is en anders gebeur as wat God gesê het dat dit moet. Om dit baie eenvoudig te probeer sê: - die sondige wêreld is al die sondes wat in die wêreld gedoen word. Die apostel noem hier in vers 16 n paar dinge wat tipies van hierdie sondige wêreld is, naamlik: - die begeerlikheid van die vlees; - die begeerlikheid van die oë; - die grootsheid van die lewe. Die begeerlikheid van die vlees Dis al die begeertes wat uit die sondaar se binneste kom. Dis al die wense van ons sondige natuur. Dis hierdie stemmetjie wat jou hier binne aanpor om die verkeerde te doen, en wat jou van allerhande verskonings vir die verkeerde wat jy doen, voorsien, bv: - dis nie so erg nie; - kyk hoe baie ander doen dit ook; 1 Bv Ps 19:1-7; 104

4 4 - jy s nou in elk geval klaar daarin gaan maar aan! Hierdie begeertes in ons om die verkeerde te doen dis deel van hierdie sondige in die wêreld wat ons nie mag liefhê nie. Die tweede voorbeeld wat hy noem, is die begeerlikheid van die oë. Dit verwys na al die dinge wat jou oë sien en wat jou dan laat sonde doen, of ten minste die begeerte na die sonde in jou wakker maak. Daar s sprekende voorbeelde in die Bybel van hoe ons oë n rol speel in sondes: o Dink aan Eva toe die duiwel haar daarin die paradys versoek het. Daar staan: Toe sien die vrou dat die boom goed was om van te eet en dat hy n lus was vir die oë 2 o Dink aan Agan, die man wat, toe Jerigo deur die Israeliete verwoes is, teen die direkte bevel van die Here in van die bangoed gevat het. Toe hy as die skuldige uitgewys is, toe sê hy: Ek het n mooi mantel en silwer en goud gesien, en ek het dit begeer en dit gevat. 3 o En dink aan Dawid, wat Batseba, die baie mooi vrou van n ander man gesien het 4 en u weet hoe hy haar toe ook begeer en wederregtelik vir hom gevat het. Ons mag nie hierdie dinge wat ons oë sien en wat ons verkeerd wil laat doen, liefhê nie. Terloops, hoor u dat die sondige wêreld nie net daar ver en buite ons is nie, maar by en in ons! Ons mag ook nie die grootsheid van die lewe liefhê nie. Dis n moeilike woord wat die Heilige Gees Johannes hier laat gebruik het. Dit verwys eintlik na die ophef wat mense maak van dinge soos rykdom en status en beroemdheid, na mense se trotsheid daarop, 2 Gen 3:6 3 Jos 7: Sam 11:2

5 5 na hulle blatante of subtiele gespoggery as hulle dit het. Dit verwys na dinge wat vir mense so groots lyk: - die skares wat jou toejuig; - die rooi tapyte wat uitgerol word; - die kameras wat flits; - die toekenning wat jy hier bokant jou kop kan uitlig; - die bewondering vir die ultra-duur en luukse wat jy kan bekostig. Dit verwys na al hierdie aardse dinge wat mense baie belangriker ag as wat dit werklik is, as wat die Here ons leer wat dit is. Ook hierdie opgeblaasde waardes wat mense het, is deel van die sondige wêreld wat ons nie mag liefhê nie. Kinders van God dis die opdrag wat ons hier kry mag nie die sondes in hierdie wêreld liefhê nie, soos bv: - dit wat jou sondige natuur begeer; - die sondes waarnatoe dit wat jou oë sien, jou trek; - die begaan-wees oor dinge wat nie werklike waarde het nie. 2. HOE WÊRELDSLIEFDE LYK Hoe het n mens die wêreld lief? Op die eenvoudigste gesê: - n mens het die sondes in die wêreld lief deur deel te neem daaraan. In verse 3-6 en 9-11 van hierdie hoofstuk wat ons gelees het, beklemtoon Johannes dit dat ons liefde vir God en ons liefde vir ons naaste uit ons dáde blyk en nie regtig uit dit wat jy sê nie. As jy een ding sê en n ander ding doen, dan wys jou dáde waar jy regtig staan. Ook wêreldsliefde gaan dus bestaan in dinge wat jy dóén. As jy byvoorbeeld gaan toegee aan die begeertes van jou sondige natuur en as jy jou op sleeptou laat neem deur wat jou oë sien en as jy dinge soos besittings en status en beroemdheid najaag, dan is jy n liefhebber van die wêreld, selfs al sou jy duisend keer sê: ék het nie die sondige wêreld lief nie!

6 6 Om die sondige wêreld nié lief te hê nie, beteken dan - dat jy ophou deelneem aan dinge wat deel is van die sondige wêreld; - dat jy hierdie stemmetjie van jou sondige natuur doelbewus stilmaak; - dat jy jou oë nie sal gebruik om na dinge te kyk wat verkeerde gedagtes en begeertes by jou gaan laat opkom nie; - dat dinge soos rykdom en status en beroemdheid nie meer op jou moet-hê lysie gaan wees nie. As jy wil weet of jy die wêreld liefhet, moenie dink aan wat jy teoreties gaan antwoord as iemand jou daaroor vra nie, maar gaan kyk wat jou dade vertel later vandag en Maandag en Dinsdag en Vrydag en Saterdag 3. WAAROM WÊRELDSLIEFDE NIE MAG NIE Die Here gee hier twee redes waarom Sy kinders nie die wêreld mag liefhê nie. Die eerste een is omdat n mens nie twee liefdes kan hê nie. Die liefde vir God, wat die Heilige Gees by mense wakker maak as Hy hulle weer gebore laat word, kan nie saam met liefde vir die wêreld in dieselfde hart bestaan nie. Daarom staan hier: - As iemand die wêreld liefhet, dan is die liefde van die Vader nie in hom nie. 5 En daarom het die Here Jesus gesê: - n Mens kan nie twee base, byvoorbeeld vir God en Mammon, die geldgod, dien en liefhê nie. 6 En daarom het die Heilige Gees vir Jakobus laat skryf: -... weet julle nie dat die vriendskap van die wêreld vyandskap teen God is nie? Wie dan n vriend van die wêreld wil wees, word n vyand van God. 7 Waar liefde vir die wêreld inkom, gee liefde vir God pad en andersom. So werk dit by n mens. God het die mens so gemaak dat ons nie twee sulke lewensbeheersende liefdes in een hart kan hê nie. En daarom mag ons nie die wêreld liefhê nie. 5 Vers 15b 6 Mat 6:24 7 Jak 4:4

7 7 Die liefde van die Vader is dan in ons: - die liefde wat Hy vir ons bewys het in dit wat Jesus Christus vir ons gedoen het; - die liefde vir Hom wat die Heilige Gees in ons wat glo, se harte ingestort het. Daar behoort nie in ons harte plek te wees vir wêreldsliefde nie! Die tweede rede waarom die Here ons beveel om nie die wêreld lief te hê nie, lees ons hier in vers 17: - En die wêreld gaan verby en sy begeerlikheid Dit wat die sondes in hierdie wêreld vir mense so aanloklik maak die plesiere wat dit blykbaar bied, die voordele wat dit skynbaar inhou dis in elk geval net tydelik, dit gaan verby, dit kom tot n einde n verskriklike einde wanneer God se oordele daaroor gaan losbars! En die Here wil nie hê dat ons die lewe wat Hy hier vir ons gegee het ons tyd en krag, ons energie, ons gawes en vermoëns moet gaan mors op dinge wat tydelik is nie. Én Hy wil natuurlik nie hê dat ons deel van die sondige wêreld moet wees wanneer Sy oordeelsvuur dit begin brand nie. Gebruik liewers jou lewe om die wil van God te soek en te doen, want dít het ewige waarde! Dis die tweede rede waarom ons nie die sondige wêreld mag liefhê nie, want dis n tydelike wêreld en n gedoemde wêreld God se kinders mag nie die wêreld liefhê nie. TEN SLOTTE Die Here leer ons ook in die Bybel hoe ons, begenadigdes, moet lewe. Maar nie met allerhande detail-instruksies oor wat nie mag nie en wat wel moet nie. Ons kry, soos hier, algemene opdragte, met enkele voorbeelde wat ons dan aan die dink moet sit.

8 8 Die Here het dus nie hierdie Skrifgedeelte klaar gebruik wanneer hierdie preek by die Amen kom nie. Ons elkeen moet nou hierna ons eie lewe verder gaan ondersoek vir elemente van wêreldsliefde wat nog by ons oor is en waarvan ons ontslae moet raak, en met mede-gelowiges hieroor gaan praat, sodat ons mekaar kan help (dit wat ek miskyk, sien jy raak, en dit wat jy miskyk, sien ek raak), en getrou gaan bid vir meer van die Vaderliefde in ons harte, sodat daar al hoe minder spasie vir wêreldsliefde in ons binneste sal wees. Ons wil nie (dis mos hoe die Gees ons laat wens) ons liefde gee vir n waardelose wêreld nie, maar vir die Vader, wat ewig is, en vir die dinge wat eie is aan Sy koninkryk, want dis dinge wat vir altyd die hoogste vreugde en voordeel inhou! Liefde wat vir die hemelse Vader en vir die dinge van die hemelse Vader gegee is, is liefde wat goed gespandeer is nee, wat goed belê is! AMEN