1 KORINTIËRS 10:31. Ook: Pss 8, 19 Ps 96 : 3, 4 Sb 2-5 (35) : 3

Transcriptie

1 1 KORINTIËRS 10:31 Votum en seën Psalm 92 : 1, 2 [Tweede melodie P van den Burg] Geloofsbelydenis: Twaalf Artikels Wet: Eksodus 20:1-17 (AV 1983/91) Skrifberyming 15-1 (75) : 2, 4 Gebed Psalm 90 : 1, 9 [Tweede melodie FW Jannasch] Skriflesing: 1 Korintiërs 10:23 11:1 (AV 1983/91) Teks: 1 Korintiërs 10:31 (AV 1983/91) Preek: God se doel met ons lewens is Sý eer Gebed Kollekte Psalm 72 : 11 Seën Skrifberyming 13-3 (78) Ook: Pss 8, 19 Ps 96 : 3, 4 Sb 2-5 (35) : 3

2 2 Wat maak ons hier? Hoekom is ons op hierdie aarde? Wat is die rede vir ons bestaan? En dis nie net jonger mense, wat nog n groot deel van hulle lewe voor hulle sien lê, wat dit wil weet nie. Ook ouer mense wil partykeer weet: - hoekom is ék nog hier? - hoekom is ek nie ook al, soos baie van my tydgenote, weggevat nie? Daar s verskillende antwoorde op hierdie vraag. Daar s die egoïstiese antwoord. Dan sê jy: - elke mens leef uiteindelik maar vir hom- /haarself; - n mens leef tog om soveel geluk as moontlik vir jouself te kry; - ek leef om soveel as moontlik van my behoeftes en begeertes en ideale vervul te kry voordat ek klaar is met hierdie lewe. n Mens kan selfs godsdienstig egoïsties hieroor wees. Dan dink jy: - ek is n kind van God sodat dit hier op aarde met my goed sal gaan en ek dien die Here sodat ek nie eendag hel toe sal hoef te gaan nie; - godsdiens is daar om vir my tydelike en ewige geluk te waarborg. Egoïsties Daar s ook n humanistiese antwoord op die vraag: waarom is ons hier? Dan sê jy: - nee, ek leef nie vir myself as individu nie, maar ek en al die ander leef ter wille van mekaar;

3 3 - ek bestaan op hierdie aarde en ek is spesiaal as n kind van God op hierdie aarde gesit ter wille van die mensdom, om te sorg dat soveel as moontlik mense soveel as moontlik geluk sal hê; - ek bestaan vir ons. Dis humanisme kollektiewe egoïsme! Daar s in ons tyd ook die evolusionisme se antwoord op die vraag: waarom is ons hier? Die voorstanders hiervan sê: - dis n tydmors-vraag; - daar s geen spesifieke rede waarom ons bestaan nie; - niemand het ons met n spesifieke doel gemaak en hier op aarde gesit nie; - ons die mens is maar net n toevallige en tydelike produk van n redelose, rigtinglose, lukrake kombinasie van atome. Wat n angswekkende siening Genadiglik is daar, behalwe die egoïstiese en humanistiese en evolusionistiese en watter ander antwoorde ook al, ook die Bybelse antwoord op hierdie vraag: waarom is ons hier? En die Bybelse antwoord is dat hoe belangrik my eie saligheid ook al is en hoe belangrik die welsyn van die mensdom ook al is en hoe leeg die lewe partykeer ook al lyk, daar n rede ís waarom ons hier is: - ons leef, ons bestaan vir die Here, om Hom te verheerlik; 1 om Hom te eer; Kor 10:31 AV 1933/53

4 4 - Of julle eet en of julle drink of wat julle ook al doen, doen alles tot eer van God. Dis die hoofgedagte van vanoggend se preek: God se doel met ons lewens is Sý eer. Kom ons kyk nou verder eers na wat dit beteken om God te eer, en dan na hoe en waar ons dit moet doen. 1. WAT DIT BETEKEN OM GOD TE EER Wat beteken dit om iets tot eer van God te doen? Hoe doen n mens dit? Om dit te verstaan, moet n mens verstaan wat God se eer/heerlikheid is. Dis daardie spesifieke iets wat Hom as God bekend maak; wat Hom so oorweldigend indrukwekkend maak vir mense en engele; wat wie ook al met Hom te doen kry, laat besef dat Hy groter en wonderliker is as enige mens of engel en wat hulle dan dwing tot aanbidding en vrees. Sy eer of heerlikheid is Sy goddelikheid, Sy majesteit, Sy inherente skittering. Maar hoe leef n mens dan nou tot Sy eer? Hoe doen jy iets tot eer van God? 2 1 Kor 10:31 AV 1983/91

5 5 Ons kan tog nie iets by Sy inherente skittering byvoeg nie. Ons kan tog nie Sy goddelikheid en Sy majesteit meer maak nie. Natuurlik nie. Maar ons kan wel só lewe (só praat en dinge só doen) dat dit in die eerste plek wys dat ons self Sy goddelike majesteit erken en dat dit, in die tweede plek, dan ook ander mense, wat ons hoor praat en sien lewe, aanspoor om ook Sy goddelike majesteit te sien en te waardeer en te erken. dat dit hulle sal laat sê: - nou sien ek dat die Here God is; - nou verstaan ek hoe groot Hy is; - nou sien ek in dat alles om Hóm draai en oor Hóm gaan! Die Here Jesus het dit só gestel: - Laat julle lig so voor die mense skyn, dat hulle julle goeie werke kan sien en julle Vader wat in die hemel is, verheerlik. 3 Om tot eer van God te lewe, is om só te lewe dat dit wys dat jý self onder die indruk is van die grootheid en die wonderlikheid van God, en dis om só te lewe dat jou lewe ander mense ook sal aanmoedig om die bestaan en die grootheid en die majesteit van God te erken. As jy só lewe, is jou lewe tot Sy eer. 2. HOE EN WAAR ONS TOT EER VAN GOD MOET LEWE 3 Mat 5:16

6 6 Of julle eet en of julle drink of wat julle ook al doen, doen alles tot eer van God. Oral waar ons is en in alles wat ons doen, moet ons tot eer van God lewe. Dis eintlik n verbasende uitspraak, nie waar nie? - Dis maklik om in te sien hoe iets soos n erediens, waar mense spesifiek vir dié doel bymekaar is, tot God se eer kan wees, hoe dit mense onder die indruk van die grootheid van God kan bring. - En dis maklik om te verstaan hoe een of ander buitengewone daad van hulpverlening deur gelowiges aan mense in nood ánder mense onder die indruk kan bring van die God wat mense so hulpvaardig maak. - Maar hoe iets alledaags soos eet en drink tot God se eer kan wees, is nie so maklik in te sien nie. Kom ons kyk of die verband waarin ons teksvers staan, ons help. Die apostel skryf hier vir Christene, vir wie vleis-koop en -eet in daardie tyd n groot probleem was. Baie van die vleis wat die Christene daar in die groot stad Korinte in die slaghuise te koop gekry het, of by hulle vriende te ete gekry het, was vleis wat vooraf eers aan een of ander afgod gewy was. En nou was die vraag waarmee hierdie Christene natuurlik gesit het, dít: - mag ons van hierdie vleis eet, of nie?

7 7 Party het gesê: - ja, n mens mag daarvan eet; - daar bestaan mos nie regtig iets soos n afgod nie; so, om vleis aan n afgod te wy, is n betekenislose aksie; dit doen absoluut niks aan die vleis nie; - ons weet mos alles op hierdie aarde behoort aan die Here, ook die kos wat Hy vir die mens gegee het om te eet en te geniet, en daarom mág ons daarvan eet as ons maar net vir Hom dankie sê daarvoor. Ander het nie hierdie insig gehad nie. Hulle t gevoel: - as n mens van hierdie vleis eet, dan neem jy deel aan afgodery; - en dit het hulle ook gegrief as hulle gesien het hoe van hulle medegelowiges tog van hierdie afgodsgeofferde vleis koop of eet. In hierdie verse gee die Heilige Gees nou deur die apostel Paulus vir die gelowiges daar in Korinte raad oor hierdie probleem. Hy sê: - eintlik mag n mens maar van hierdie vleis eet; - maar as dit my medegelowige gaan grief as ek daarvan eet, of as dit n ongelowige gaan laat dink dat n mens maar aan afgodery kan deelneem dat die kerk deelname aan afgodery goedkeur dan behoort n mens liewer nie sulke vleis te eet nie; want die groot vraag wat n mens jouself altyd moet afvra, is dít: - gaan my optrede daartoe lei dat mense God as groot en goed erken, of gaan my optrede daartoe lei dat mense n afkeur in Hom kry?

8 8 - as ek nou hierdie vleis eet, en dit grief my medegelowige, gaan dit lei tot verheerliking van God se Naam, of gaan dit aanleiding gee tot twis en rusie tussen ons as Christene wat ander mense dan gaan afsit om die Here van sulke twistende mense te dien? - of as ek by ongelowiges afgodsgeofferde vleis gaan eet, gaan dít hulle tot ontsag en respek vir God bring? of sal hulle eerder onder die indruk van die Here se krag in my lewe kom as ek bereid is om iets lekkers (soos vleis eet) prys te gee, net om hulle nie onder die wanindruk te laat kom dat dit maar reg is om met afgode besig te wees nie? U sien, selfs iets soos eet of nie eet nie, kan daartoe lei dat mense beïndruk sal wees met die Here, of hulle rug op Hom sal draai. Ook eet en drink en enige iets wat n mens doen, raak Sy eer. Alles wat ons doen, is op een of ander manier óf tot eer óf tot oneer van God. En nou laat die Helige Gees ons hier hoor dat ons álles wat ons doen of dit eet of drink of wat ook al is tot eer van Hom móét doen. Selfs in die kleinste dingetjies in my lewe moet ek altyd eerste vra: - nie wat is goed vir my? nie; - nie wat is goed vir die mensdom? nie; - nie wie gee om? nie; - maar wat sal daartoe meewerk dat mense sal raaksien dat die Here God is en dat hulle met Hom beïndruk sal wees? 4 4 Terloops, ernstige Christene is baie keer geneig om spesifieke reëls vir die Christelike lewe te wil hê: wat mag en wat mag nie? wat moet en wat hoef nie? Maar sê hierdie een sinnetjie nie baie meer as wat duisende moets en moenies kan sê nie? Alles wat jy doen, moet lei tot verheerliking van God. As enige iets wat jy doen, daartoe gaan lei dat mense

9 9 Ons moet oral en altyd en in alles wat ons doen, tot eer van die Here lewe? TOEPASSING Dis waarom ons hier op aarde is. Dis wat ons hier maak: jonges en oues, armes en rykes, siekes en gesondes. Dis die rede vir ons bestaan: die eer van God. Dis waarom God die mens geskep het: om Hóm te eer. Dis waarom Hy, toe die mensdom deur Satan verlei is om vir hulleself te lewe, ingegryp het en deur Jesus Christus, wat vir al ons sondes ook die sondige gedagtes oor waarom ons hier is en wat die doel van ons bestaan in gely en gesterf het en deur die Heilige Gees, wat mense weer tot hulle sinne gebring het tot geloof in Christus en tot bekering van hulle selfsug mense se lewens weer op Hom gerig het. Eers geskep om Hom te eer. Toe verlos, herskep, om Hom te eer word nie vir ons gegee om soveel as moontlik geluk vir onsself te probeer kry nie; ook nie in die eerste plek om die mensdom te help voortgaan en vooruitgaan nie; gaan sleg praat of dink van God, dan moet jy dit nie doen nie! Dis mos n baie dieper en omvattender lewensreël vir die lewe van n gelowige as wat allerhande wette en voorskrifte kan wees: doen alles tot eer van God! 5 Vgl Efes 1:12, 14

10 10 ook nie om sommer maar net doelloos deur nog n jaar te ploeter nie word vir ons gegee as 365 geleenthede om die Here te eer, nie net wanneer ons tot Hom bid en vir Hom sing nie, maar ook wanneer ons eet en drink en gesels en ry en inkopies doen en werk en ontspan wat ons ook al doen om Hom te eer nie net in wat ons doen nie, maar ook in die motivering vir wat ons doen waarom ons dinge doen, en in die manier waarop ons dit doen. Dit alles moet daarvan getuig dat ons self die grootheid en majesteit van God ken en erken, en dit moet ook vir ander mense tot n aansporing wees. Wat ons doen moet daartoe lei dat mense wat dit sien, sal sê: - ek wil ook hierdie God leer ken wat mense só laat praat en laat werk en laat eet en laat drink Dit mag nie gebeur dat ander na ons lewens kyk en sê: as dít is hoe God se kinders praat en werk en besigheid doen en in hulle huwelike lewe en hulle godsdiens bedryf, dan stel ek regtig nie in Hom belang nie! As dít gebeur, dan mis ons lewe sy doel.

11 11 En watter groter tragiek is daar as dié van n bestaan wat sy doel mis en so n nuttelose en sinlose bestaan word? En watter dieper vreugde kan daar op hierdie aarde wees, of selfs eendag op die nuwe aarde, as dié van n bestaan wat aan sy hoogste doel beantwoord? n Mens lewe eers regtig wanneer jy tot eer van God lewe AMEN