14. Gemaak om lief te hê 1 Johannes 3:11-17; 4:7-12

Transcriptie

1 14. Gemaak om lief te hê 1 Johannes 3:11-17; 4:7-12 Tema Jesus het uit liefde sy lewe vir ons afgelê en Hy gee ook hierdie liefde in ons sodat ons mekaar kan liefhê. Agtergrond en interpretasie Johannes verduidelik vir die gelowiges wat met hulle gebeur het en motiveer hulle om anders te leef. Die boodskap wat van die begin af aan mense gegee is, is om lief te hê hier veral van toepassing op liefde vir die naaste (3:11). Johannes gebruik twee kontrasterende voorbeelde: Kain (3:12) en Jesus (3:16). In 3:14 is daar n sterk beeld wat gebruik word, naamlik verhuis. Die Verklarende Bybel skryf soos volg hieroor: Die Griekse woord vir oorgegaan beteken heel dikwels, en heel waarskynlik ook hier, verhuis, oortrek uit een huis na n ander. Dan het ons hier dié pragtige beeldspraak: die gelowige kind van God wéét dat hy die ewige lewe het en dit is so seker soos wanneer n mens klaar getrek het uit n ou krothuisie uit na n koninklike paleis toe. So weet die gelowige kind van God: ek het deur die soendood van Jesus en sy opstanding uit die dood klaar en vir ewig uitgetrek uit die muwwe krot van die ewige dood waarvoor ek as sondaar bestem was, na die paleis van die ewige lewe wie nie liefhet nie, bly vasgevang sit in die dodehuis. Hierdie aanbieding kan dus sterk steun op die kontras tussen Jesus en Kain en die beeld van verhuising wat hierbo genoem word. Toe ons oorgetrek het na die paleis van die ewige lewe, die plek en lewe van liefde, het ons eintlik aangekom by die plek waarvoor God ons gemaak het die vaderhuis waarin sy liefde in die hele huishouding deurwerk (3:1-2). Dit is egter nie net n vaderhuis nie, maar God self wat in ons bly en sy liefde deur ons verder laat uitkring. Dit is ons bestemming (4:11-12).

2 Bybelgedeeltes en hoofgedagtes Bybelgedeelte (lees of vertel) Vertel 1 Johannes 3:11-12 Lees 1 Johannes 3:13-15 Lees 1 Johannes 3:16-17; 4:7-10 Lees 1 Johannes 4:11-12 Hoofgedagtes van die ontmoeting 1. Die ou boodskap waarna Kain nie geluister het nie. 2. Ons het na n nuwe huis getrek. 3. Jesus wys vir ons wat ware liefde is. 4. God bly in ons en laat sy liefde deur ons werk. Uitkoms 1. Insig: Jy het na n nuwe huis getrek. 2. Respons: Vra God om sy liefde deur jou te laat vloei. Hulpmiddels by die storie 1. Paneel Prente van Valentynsdag. 3. Prente van twee huise. Hulpmiddels vir kleingroepvaslegging Junior kleingroep Bring saam 1. n Plakkaat om teen die lokaal se deur vas te plak. 2. Kleurpotlode. Voor die tyd 1. Maak n plakkaat met die volgende woorde daarop: Lewe; Kies; Liefhê; Doen. Plak dit voor die tyd teen die lokaal se deur vas. Senior kleingroep Bring saam 1. n Plakkaat om teen die lokaal se deur vas te plak. 2. Kleurpotlode. Voor die tyd 1. Maak n plakkaat met die volgende woorde daarop: Lewe; Kies; Liefhê; Doen. Plak dit voor die tyd teen die lokaal se deur vas.

3 Die storie Begin Wie van julle weet wat Valentynsdag is? Wat gebeur alles op Valentynsdag? (Laat die kinders antwoord. Wys dan vir hulle prente van blomme, sjokolade, kaartjies en hartjies.) Dink julle julle sal goed voel as iemand vir julle sulke blomme, kaartjies of sjokolade gee? Hoekom gee mense dit vir mekaar? (Gee die kinders kans om te antwoord.) Die wêreld gee vir ons n beeld van liefde wat te doen het met geskenke, blomme, hartjies en vlinders in die maag. Dit is alles dinge wat jou laat goed voel. God se liefde is meer as dit. God se liefde is iets wat ons kies om aan ander te doen, eerder as om net goed te voel. Onthou julle nog vir Kain? (Gee die kinders kans om te antwoord.) Hoor Moment 1: 1 Johannes 3:11-12 Die ou boodskap waarna Kain nie geluister het nie Wat het met Kain gebeur? (Kyk of die kinders nog Kain se verhaal onthou.) God het nie Kain se offer aangeneem nie en dit het Kain kwaad gemaak. Dit is nie lekker as jy weet iemand hou meer van jou boetie of sussie as van jou nie. En dit is was wat met Kain gebeur het. Die Bybel sê hier Kain se dade was sleg en sy broer s n reg. Daar was fout binne-in Kain. Hy dink net aan homself. En kyk net wat doen hy toe Hy vermoor sy broer! Dit is nie waarvoor God ons gemaak het nie, sê die Bybel. Die boodskap van die begin af is dat ons mekaar moet liefhê. Kom ons lees verder. Moment 2: 1 Johannes 3:13-15 Ons het na n nuwe huis getrek (Wys n prent of tekening van n ou of deurmekaar huis en n mooi, nuwe huis. Opmerking: Hoe die huis aan die buitekant lyk, is minder belangrik as dit wat in die huis aangaan. Pasop om nie materialisties te werk met hierdie beeld nie.) Die Bybel sê wanneer ons nie met liefde leef nie, bly ons in huise waarin mense nie gelukkig is nie. Vers 14 sê so n huis se naam is Dood. Dit is darem n verskriklike naam. Maar wanneer ons mekaar raaksien en help, woon ons in huise waarin God se blydskap is. So n huis se naam is Lewe. Wie van julle sal van hierdie huis (wys die prent van die mooi, nuwe huis) na die ander een (wys die prent van die ou of deurmekaar huis) toe wil trek? (Laat die kinders antwoord.) Moment 3: 1 Johannes 3:16-17; 4:7-10 Jesus wys vir ons wat ware liefde is Hoe trek jy van een huis na n ander? Jy het n vervoermaatskappy nodig om jou daarmee te help. Jesus is soos n vervoermaatskappy wat ons van die Dood-huis na die Lewe-huis neem. Jesus het vir ons God se liefde kom wys omdat God dit so wou gehad het. Dink julle dit was vir Jesus lekker om aarde toe te kom en aan die kruis te sterf? (Laat die kinders antwoord.) Nee. Net so is dit nie altyd vir ons lekker om die dinge in God se Lewe-huis te doen nie. In ons gewone huise is daar baie dinge wat dalk nie lekker is om te doen nie, maar iemand doen dit uit liefde. Dink aan al die skoonmaakwerk, of hoe ons mekaar help as een siek is, of wat n ma of ouma alles vir haar kinders doen. Net so het Jesus iets gedoen wat nie lekker is nie Hy het aan die kruis gesterf. Hy het dit gedoen sodat ons na die Lewe-huis kan trek.

4 Weet julle hoe dit in die Lewe-huis is? Jy dink altyd aan die ander mense. 1 Johannes 3:17 sê jy kry n gevoel vir hulle. Dit is nie daardie Valentynsdag-gevoel nie, maar n diep gevoel van omgee. Omgee-mense klim in iemand anders se skoene en probeer verstaan hoe hulle voel. Jy voel hoe dit is om arm te wees, om gespot te word, om alleen te wees, om nie vir almal mooi te wees nie, om siek te wees, om nie al die geleenthede in die lewe te hê nie. En dan kies jy om ander mense se lewe te verander. Jy is nou deel van Jesus se plan om die wêreld te verander omdat Jesus se omgee-liefde nou ook in jou lewe is. Moment 4: 1 Johannes 4: God bly in ons en laat sy liefde deur ons werk Weet julle wat is so wonderlik van God se Lewe-huis? Wanneer ons soontoe trek, kom woon God self in ons en dan leef sy liefde deur ons. Wanneer ons begin om ander mense soos God lief te hê, gaan mense sien ons bly in die Lewe-huis en God bly in ons, want vers 8 sê vir ons: God is liefde. Dink Kom ons sit in ons gedagtes n ry skoene hier neer. Stukkende skoene van n baie arm mens. n Opgeboude skoen en n kruk van iemand wat seergekry het. n Mamma wat baie moeg is se skoene. n Werker vir wie almal net werk gee se skoene. Wegloopskoene van iemand wat voel niemand is lief vir haar nie. Wat wil julle nog bysit? (Laat die kinders voorstelle maak.) Kom ons klim n bietjie in een of twee van hierdie skoene en ons dink hoe dit daar is. (Gee die kinders kans om hieroor te dink.) Leef Hoe werk dinge in die Lewe-huis? Die Heilige Gees werk deur ons en gebruik ons om God se liefde vir ander mense te wys. Dit is wonderlik om n Christen te wees. Ons is gemaak om in die Lewe-huis te woon en om ander mense lief te hê soos Jesus ons liefhet!

5 Kleingroepvaslegging: Junior groep Welkom Plak die plakkaat wat jy vooraf gemaak het teen die lokaal se deur vas. Wegspring Teken twee huise in die twee oop blokke in jou werkboek. Die een huis se naam is Dood en die ander een se naam is Lewe. Werksaam 1. Teken of skryf in die Dood-huis hoe die mense is wat daar bly. (Help die kinders as hulle sukkel.) 2. Teken of skryf in die Lewe-huis mense wat vir mekaar omgee. 3. Trek nou die buitelyne van die groot pyl weg van die Dood-huis na die Lewe-huis toe. 4. Skryf in die pyl: Jesus help my om te verhuis. Jesus verander my. 5. Kies nog een van die volgende sinne en skryf dit in die Lewe-huis: God is liefde. Jesus wys God se liefde. Ons kies om lief te hê. Elkeen wat liefhet, is n kind van God. Elkeen wat liefhet, ken God. Wegstuur / Huisgeloof 1. Verduidelik vir iemand by die huis jou tekening. 2. Gesels saam oor die volgende: Hoe kan ons mekaar help om te wys ons bly in die Lewe-huis? Dink aan n paar praktiese dinge wat julle kan doen om te wys julle is lief vir ander mense, byvoorbeeld: Jy gaan probeer om nie so gou kwaad te word nie (jy gaan tot by tien tel wanneer iemand jou kwaad maak en dan mooi dink hoe jy gaan optree). Jy gaan n kaartjie maak vir een van die mense by die skool om dankie te sê vir die moeite wat hy of sy doen. Jy gaan jou sakgeld gebruik om pouse vir iemand vir wie jy kwaad was iets by die snoepie te koop. Jy gaan vir iemand kuier wat alleen is in die hospitaal, aftreeoord of kinderhuis.

6 Kleingroepvaslegging: Senior groep Welkom Plak die plakkaat wat jy vooraf gemaak het teen die lokaal se deur vas. Wegspring Vertel vir mekaar hoe dit is om te trek (verhuis). Watter aanpassings moet jy maak? Is dit maklik? Wonder Maak jou oë toe. Verbeel jou jy het van n ander dorp af getrek tot hier waar ons nou is. Jy maak die nuwe huis se deur oop en stap in. Jy stap van die een vertrek na die ander. Jy mag hierdie huis versier en inrig soos jy dit graag wil doen. Wat sal jy doen om almal wat hier woon gelukkig te laat saamwoon? Werksaam Teken in jou werkboek ses plakkate wat jy in die nuwe huis sal opsit. Die plakkate moet by 1 Johannes 3:11-17 en 4:7-12 pas en moet in spesifieke vertrekke opgeplak word. Wegstuur/Huisgeloof 1. Gesels saam oor die volgende: Hoe kan ons mekaar help om te wys ons bly in die Lewe-huis? Dink aan n paar praktiese dinge wat julle kan doen om te wys julle is lief vir ander mense, byvoorbeeld: Jy gaan probeer om nie so gou kwaad te word nie (jy gaan tot by tien tel wanneer iemand jou kwaad maak en dan mooi dink hoe jy gaan optree). Jy gaan n kaartjie maak vir een van die mense by die skool om dankie te sê vir die moeite wat hy of sy doen. Jy gaan jou sakgeld gebruik om pouse vir iemand vir wie jy kwaad was iets by die snoepie te koop. Jy gaan vir iemand kuier wat alleen is in die hospitaal, aftreeoord of kinderhuis.