Die ware Koning, Jesus, word nie gesoek nie, maar verwerp.

Transcriptie

1 SKRIFLESING: Johannes 18:28-40 TEKS: TEMA: INHOUD: Johannes 18:37-38b Die ware Koning, Jesus, word nie gesoek nie, maar verwerp. Die waarheid verwerp Psalm 105 : 2, 3 Psalm 73 : 12 Skrifberyming 18 (17-2) : 5, 6, 7 Skrifberyming 78 (13-3)

2 2 Het Pilatus ooit besef wat hierdie oggend met hóm gebeur het? - dat die waarheid nie regtig so onvindbaar is soos wat sy vraag suggereer nie, maar dat dié Waarheid in lewende lywe hier by Hom was! - dat dit net nie n Joodse aangeklaagde was wat voor hóm gestaan het nie, maar ook hý wat voor die Koning van alle konings gestaan het! Hy was só naby deur Jesus se woorde as t ware by die poorte van die koninkryk van die hemel gebring en dan stap hy met minagting daarvan af weg. Vir Pilatus n weggegooide kans. Vir die Here Jesus, die Koning van die hemelse koninkryk, die Weg en die Waarheid en die Lewe, nog n stuk verwerping, nog n stuk lyding vir Hom wat gekom het om te verlos Kom ons kyk vanaand na hierdie moment in die Here Jesus se lydingsverhaal: 1. na Wie dit is wat hier voor Pilatus staan; 2. na hoe Pilatus Hom verwerp; 3. na hoe dit ons oproep om tog nie dieselfde fout te maak nie. 1. WIE HIER VOOR PILATUS STAAN Wie s die Man wat hier voor Pilatus staan? Pilatus probeer uitvind of Hy n koning is. Iets wat n mens kan verstaan. Pilatus was die Romeinse goewerneur, die een wat verantwoordelik was om die Romeinse gesag oor hierdie moeilike volkie, die Jode, te handhaaf. Hy s met ander woorde n politikus én uit hoofde van sy amp as goewerneur ook regter in hierdie soort sake. En hy probeer natuurlik uitvind of hierdie Jesus, wat die Joodse leiers hier by hom kom aankla het, n soort rebelle-leier is, iemand wat die Romeine uit hierdie gebied wil uitjaag en self koning wil word.

3 3 Is hierdie Jesus n bedreiging vir sy magsposisie? Daarom die vraag: Is jy n koning? Vir Jesus is hierdie vraag of Hy n koning is, nie n vraag waarop Hy net ja of net nee kan antwoord nie. As die vraag bedoel of Hy n klomp rebelle se leier en koning is, is die antwoord nee. Maar Hy is wel n Koning, die Koning van die hemelse koninkryk: - n koninkryk wat nie met die swaard tot stand gebring word en met die swaard beskerm word, soos die Romeinse ryk nie, maar met die waarheid; - hierdie koninkryk bestaan daar waar die waarheid verkondig word en geglo word. Wat is die waarheid? Die mensdom praat hom moeg en redeneer hom gedaan oor wat waarheid is en oor waar jy dit kry en of jy ooit sal kan weet dat dit wat jy gekry het, regtig die waarheid is. En eintlik is dit eenvoudig: die groot waarheid waarna mense soek, is die waarheid oor God - of Hy regtig bestaan - en hoe Hy is - en wat Hy doen - en wat Hy van die mens wil hê. En hiérdie waarheid is in Jesus Christus vir die mens gewys en geleer. 1 - Hy is God self, wat mens ook geword het en wat hier op aarde deur dit wat Hy gedoen het en geleer het vir ons die waarheid oor God gewys het en geleer het. - As jy Jésus sien en hoor, sien en hoor jy Gód. Dis wat Hy hier vir Pilatus sê: - dat Hy as mens gebore is en in hierdie wêreld ingekom het, om mense die waarheid te leer hierdie waarheid oor God. 1 Joh 14:6

4 4 En oral waar hierdie waarheid oor God verkondig word en geglo word dáár het jy die koninkryk van die hemel; en van hierdie koninkryk ís Jesus die Koning. Wie s hierdie Man wat hier voor Pilatus staan? Is Hy n koning? Nee, Pilatus, nie n aardse koning wat teen jou keisertjie en sy goewerneurtjies wil veg nie. Maar ja, Pilatus, Hy s wel n Koning: - die groot Getuie van die waarheid; - die waarheid in eie Persoon; - die Koning van die ewige en hemelse koninkryk 2. WAT PILATUS HIER MET HOM DOEN Wat n geweldige oomblik in Pilatus se lewe: - die Waarheid staan hier voor hom; - die waarheid wat die mensdom in allerhande religieë en filosofieë probeer soek die waarheid oor God staan hier in lewende lywe voor Pilatus! En wat maak hy met die waarheid waarvan hy hier hoor, met die Waarheid wat hier voor hom staan? Hy verwerp dit met minagting Wat is waarheid? U moet tog nie dink dat sy vraag Wat is waarheid? die vraag van n opregte soeker na waarheid is nie. Jy kry mos vrae én vrae, soekers én soekers. Daar s mense wat regtig soek en daar s ander wat net maak of hulle soek. Daar s mense wat vra om te leer en daar s mense wat met hulle vrae wys dat hulle tog nie regtig in antwoorde belangstel nie. Soos Pilatus hier. Sy Wat is waarheid? is nie regtig n vra-vraag nie;

5 5 hy vra nie iets en wag dan vir n antwoord nie. Sy vraag hier is sy reaksie op dit wat Jesus gesê het. Dis nie n vra nie, dis n sê. Hy stap dan ook weg toe hy klaar sy sê deur middel van hierdie vraag gesê het. Sy vraag is eintlik n siniese opmerking: - ag, jy praat oor waarheid, maar wat is waarheid? - wie sal sal ooit vir n mens kan sê wat waarheid is? elke tweede ou het sy eie storie oor wat waarheid is, en hoe sal jy ooit kan weet wie s reg? - in elk geval, wat is waarheid nou eintlik? - vir wie s dit belangrik? - hoekom sal n mens jou dáároor moeg maak? - wat maak dit aan enigiets saak? Minagting, verwerping dis wat hierdie vraag van Pilatus is. Watter steek in Sy hart moes hierdie reaksie nie vir die Here Jesus gewees het nie? Dit wat Hy hier vir Pilatus gesê het, is regtig die waarheid en Pilatus draai sy rug daarop. Watter verwerping het die Here Jesus nie in hierdie laaste dae van Sy aardse lewe beleef nie: - verwerping deur Sy eie volk; - verwerping deur die voorgangers van die kerk van daardie tyd; - verwerping deur Pilatus en later deur die soldate van Pilatus ook; totdat Hy uiteindelik daar aan die kruis tussen hemel en aarde hang verwerp deur mense en vervloek deur God Maar dit alles so weet u mos was deel van Sy verlossingswerk. Al Sy lyding was die straf van God op óns sondes, wat Hy vir ons gedra het. Toe Hy uit die dood uit opgestaan het en in die hemel opgevaar het, het Hy mos die Heilige Gees vir ons gestuur, wat so in ons harte werk dat ons nou verstaan wie Hy regtig is.

6 6 Die Heilige Gees is nie verniet meer as een keer in die laaste gesprekke van Jesus met Sy dissipels voordat Hy gevange geneem en verhoor en gekruisig is, die Gees van die waarheid 2 genoem nie: - die Gees wat mense van die waarheid kom oortuig; - die Gees wat mense laat glo dat Jesus die waarheid oor God is; - die Gees wat mense aan Jesus, die Waarheid, kom vasbind 3 Pilatus verwerp Jesus en maak so Sy lyding nog swaarder. En verspeel so die kans van sy lewe; hy s hier bý die Waarheid en hy draai sy rug daarop! Hoekom doen hy dit? Dalk kon hy nie glo dat hierdie oënskynlike magtelose Figuur hier voor hom die Antwoord op al die gesoek van die mensdom is nie. Dalk is hy so hardkoppig dat hy nie wil erken dat hy nie die waarheid weet en graag sal wil leer nie mense in hoë posisies lei mos baie kere aan hierdie ek-weet-alles-en-niemand-kanmy-iets-leer sindroom. Dalk is hy geestelik so stompsinnig dat hy regtig dink dat waarheid nie saak maak nie. Maar waarom ook al hy draai sy rug op die Waarheid en stap so weg van die ware Lewe af, uiteindelik waarskynlik die ewige duisternis in In plaas daarvan dat hy soekend vir die Een wat hom regtig kan help, vra: Leer my die waarheid, sê hy minagtend: Wat is waarheid? Dis wat ons in hierdie verse lees: hoe Pilatus Jesus, die Koning, die Waarheid, nie soek nie, maar verwerp. 3. TOEPASSING 2 Joh 14:17; 15:26; 16:13. 3 Vgl bv, behalwe tekste hierbo, ook Joh 14:26; 16:7-11, 14.

7 7 Hierdie verse gee ons insig in nog n stukkie lyding van die Here Jesus nog n mes in die rug van die Een wat gekom het om te soek en te red wat verlore was. 4 Maar dit roep almal oral ook op om die Here en Sy waarheid te soek terwyl Hy nog te vinde is. 5 Régtig te soek, want daar s ook in ons tyd vra én vra, soek én soek. Daar ís mense wat regtig soek, ook in ons tyd: - mense wat wil weet van God, of Hy regtig bestaan en hoe Hy is; - mense wat van die diep onrus in hulle binneste wil wegkom en rus vir hulle siele soek; - daar s selfs goeie kerkmense, wat verwar word deur alles wat in ons tyd oor God en oor die Bybel en oor al die godsdienste gesê word en wat regtig begeer om seker te wees van die waarheid. As sulke soekers maar die Bybel sal lees, hierdie boek van Jesus Christus en as hulle maar net sal sorg dat hulle dáár is waar Hý verkondig word as hulle maar moeite sal doen om van Hom te leer, dan s hulle op die regte spoor; want waar Sy Woord gelees en verkondig en geleer word, dáár werk die Gees van die waarheid, dáár lei Hy mense na Jesus toe - die Een by Wie jy die waarheid kry, want Hy ís die waarheid! - die Een by Wie jy rus vir jou siel kry rus wat vir altyd bly Maar ook in ons tyd is daar nie net die opregte soekers nie, maar ook die Pilatusse, die mense wat skynbaar vra, maar in werklikheid klaar besluit het dat hulle Jésus in elk geval nie wil hê nie. As hulle vra Wat is waarheid? dan vra hulle nie om te leer nie, maar net om daarna te kan sê: - kyk net hoeveel verskillende antwoorde kry ek! - hoe sal ek nou ooit weet wie ek moet glo! - al die verskillende aansprake sê mos vir my: daar s nie iets soos die waarheid nie; 4 Luk 19:10 5 Jes 55:6

8 8 - al die verskillende godsdienste en al die verskillende standpunte oor die Bybel wys mos dat elkeen maar net glo soos hy wil; - en wie kan sê dat een reg is en n ander nie? - ag, wat maak dit in elk geval saak watter een waar is en óf een ooit waar is? - kom ons sê maar al die opinies is waar, dan s almal gelukkig! Hierdie soort vra, is nie meer regtig vra nie, dis verwerp. En baie kere is die mense wat so praat, mense wat die Bybel ken, mense wat met die Bybel grootgeword het, mense wat, soos Pilatus, as t voor Jesus gestaan het; en tog besluit het dat Hy nie die waarheid oor God is nie en dat Hy nie n Koning is nie en dat daar nie n hemelse koninkryk is nie. Dalk wil party mense Hom nie as die Waarheid en as die Koning aanvaar nie, want as jy dit doen (so sê Jesus hier), dan luister jy na Sy stem. En dít wil mense nie doen nie, want as jy na Jesus luister, moet jy Hom gehoorsaam, moet jy met jou sondes breek en soos n kind van God begin lewe en dit wil sondaars nie! As u nog self n soeker is, of as u mense probeer help wat soekend is, maak seker dat u of die mense wat u help, regtig soek. Moenie met Pilatus-agtige vrae n hart wat Jesus eintlik klaar verwerp het, probeer wegsteek nie; maar vra om te leer, om te kan wéét; soek om te kan vind. Wie só vra en soek, sál kry, sal Jesus Christus kry en rus vir die siel. Die Koning, wat die Waarheid is, het dit belowe AMEN