1 JOHANNES 5:4. Votum en seën. Psalm 45 : 1, 3, 4. Gebed. Skriflesing: 1 Johannes 5:1-13 (AV 1933/53) Teks: 1 Johannes 5:4 (AV 1933/53) Psalm 18 : 15

Transcriptie

1 1 JOHANNES 5:4 Votum en seën Psalm 45 : 1, 3, 4 Gebed Skriflesing: 1 Johannes 5:1-13 (AV 1933/53) Teks: 1 Johannes 5:4 (AV 1933/53) Psalm 18 : 15 Preek: Wie uit God gebore is, oorwin die wêreld Gebed Kollekte Psalm 89 : 7 Seën Skrifberyming 78 (13-3)

2 2 Ken u die woord defaitisme? 1 Defaitiste (sê die woordeboek) is mense wat wanhoop aan die oorwinning. Dis mense wat dink: ons gaan tog nie wen nie; ons kán nie wen nie. Dis mense wat, ten minste in hulle harte, die stryd al klaar opgegee het. Hier loop deesdae baie defaitistiese Christene rond - mense wat nie eers meer probeer om hulle eie sondes en swakhede te oorkom nie; - mense wat glo dat kerke, en veral gereformeerde kerke, se dae getel is; - mense wat oortuig is dat Suid-Afrika onherroeplik n gesekulariseerde land geword het, n land waarin die Bybel finaal in die openbare lewe eenkant toe geskuif is. Defaitiste Die Here sê vanaand deur hierdie Skrifgedeelte vir ons dat Sy kinders nie defaitiste mag word nie, want wie uit God gebore is, oorwin die wêreld met sy/haar geloof in Jesus Christus. Dis die hoofsin van vanaand se Woordverkondiging: - wie uit God gebore is, oorwin die wêreld met sy/haar geloof. Kom ons gaan kyk 1. wat dit is om uit God gebore te wees; 2. wat dit is om die wêreld te oorwin; 3. dat dit deur ons geloof gebeur. 1. UIT GOD GEBORE WEES Ons teksvers begin met dié woorde: Want alles (= elke mens, elke hart) wat uit God gebore is Uit God gebore 1 Uitspraak: deefètis

3 3 Die Heilige Gees het veral die apostel Johannes ( die skrywer van die Johannesevangelie en van hierdie drie briewe 1, 2, en 3 Johannes) se oë daarvoor oopgemaak dat ons lewe as Christene by ons geboorte uit God begin, by ons wedergeboorte. Hierdie wedergeboorte is natuurlik nie n gewone geboorte nie. Dis n geboorte (so het die Here Jesus dit vir Nikodemus verduidelik) uit water en Gees. 2 Dis met ander woorde n proses wat twee dele het: - die een deel is die afwassing van ons sondes met die bloed van Christus, wat afgebeeld word deur water wat ons was; - en die tweede deel is die omkering van jou hart deur die Heilige Gees, van n hart wat die sonde liefhet na n hart wat die Here liefhet. Weer gebore, van bo af gebore, radikaal verander deur dit wat die Here Jesus vir jou en die Heilige Gees in jou doen dis wat dit is om uit God gebore te wees. Is u al uit God gebore? Dis n lewensbelangrike vraag, n ewigheids-belangrike vraag, want as jy nie weergebore is nie (het Jesus gesê), kan jy nie in die koninkryk van God ingaan nie. 3 Een mens kan nie vir n ander mens hierdie vraag antwoord nie, want geen mens kan in die binneste van n ander sien nie. Maar ons kan onsself toets aan dit wat ons in die Here se Woord van weergebore mense lees, soos byvoorbeeld in hierdie brief van Johannes. Die Heilige Gees het Johannes juis hierdie brief laat skryf om mense te help om seker te wees dat hulle die ewige lewe het, of, in ander terme, dat hulle weergeborenes is. 2 Joh 3:5 3 Joh 3:3, 5

4 4 Een manier waarop hy mense wil help om seker te wees dat hulle weergebore is en dus kinders van God is, is om hulle te wys op tipiese kenmerke van weergebore mense; en dan kan jy jouself mos toets deur te kyk of jou lewe hierdie kenmerke wys. Kenmerke van weergebore mense, ware gelowiges, kinders van God, is byvoorbeeld: - dat hulle erken dat hulle sonde het en hulle sondes voor die Here bely; 4 - dat hulle, al doen hulle soms nog uit swakheid sondes, nie regtig meer die sonde liefhet en dit maar net rustig aanhou doen nie; 5 - dat hulle God se gebooie bewaar, 6 dit wil sê, dat hulle dit onthou en hoog ag en probeer gehoorsaam; - dat hulle God en hulle medegelowiges liefhet. 7 Die Skrifgedeelte wat ons vanaand gelees het, begin met dié woorde: - Elkeen wat glo dat Jesus die Christus is, is uit God gebore Ken u u sonde? En haat u dit? En glo u dat Jesus die Christus is, die Verlosser is wat God vir die wêreld belowe het en dat Hy nie net vir ander nie, maar vir ú ook gegee is? En het u God só lief dat u Sy gebooie regtig probeer nakom en u medegelowiges én ander mense wat op u pad gebring word, ook liefhet? As u op hierdie vrae Ja kan antwoord, dan is u uit God gebore, want net weergebore mense glo en doen regtig só. En dan kan u nie n defaitis wees nie, want wie uit God gebore is, oorwin die wêreld! Wat is dit: om die wêreld te oorwin? 2. DIE WÊRELD OORWIN Johannes bedoel hier met wêreld die sondige wêreld, die boosheid wat daar in hierdie wêreld is: 4 1 Joh 1: Joh 1:10; 3:6, Joh 2:3; 5:3 7 1 Joh 2:9-11; 3:14-15; 4:20-21; 5:2;

5 5 - alles wat verkeerd en sondig is; - alle mense, alle magte, alle teorieë en filosofieë en ideologieë, alle planne en beleide, alle praktyke álles wat teen God is of wat nie met Hom rekening hou en volgens Sy Woord is nie; - selfs en dis ook deel van die bose wêreld waarvan hy hier praat al die verkeerde begeertes en gedagtes en praatjies en doen en late van ons elkeen persoonlik. U moet dit goed verstaan: - die bose wêreld is nie net in middestadsgebiede waar prostitute en dwelmhandelaars en rowers jou in donker stegies voorkeer nie, maar ook daar waar mense in pragtige, welvarende voorstedelike gebiede, of in rustige plattelandse omgewings sondig; - die bose wêreld is nie net kringe van kommuniste, of Sataniste, of heidense godsdienste nie; uit die geledere van die kerk kom daar antichriste! 8 - selfs in die hart en lewe van n kind van God kan daar nog n hele stuk bose wêreld wees: sondighede en sondes waarvan hierdie mens nog nie bekeer is nie. Oral waar God se waarheid nie geglo word nie en Sy bevele nie gehoorsaam word nie, het jy met die bose wêreld te doen. Maar nou sê die Heilige Gees deur die apostel Johannes hier: - wie uit God gebore is, oorwin hierdie bose wêreld. Hoe oorwin ons die bose wêreld? Nie deur hom op hierdie aarde heeltemal uitgeroei te kry nie. Die bose wêreld is soos onkruid in jou tuin: - jy trek dit vandag uit, en môre skiet dit weer op! Dis eers die laaste oordeel van God wat die bose wêreld finaal gaan verpletter. Maar ons oorwin die bose wêreld in die eerste plek deur nie vir hom in te gee nie. 8 1 Joh 2:18-19

6 6 As dit jou listig lok om op een of ander manier deel te neem aan wat verkeerd is, dan weier jy. As dit jou dreig met boete en straf, met vervolging en verdrukking as jy nie met die verkeerde wil instem nie, dan word jy nie bang daarvoor nie. As die bose wêreld hom opblaas sodat hy groot en sterk lyk en jou laat verstaan dat jy tog nooit teen hom sal kan wen nie, dan glo jy hom nie. Ons oorwin die bose wêreld deur nie oor te gee aan hom nie, maar hom te bly weerstaan. 9 En in die tweede plek oorwin ons die bose wêreld deur te groei en al sterker te word in ons lewe met God: - deur elke dag vorentoe te beur in my gehoorsaamheid aan die Here; - deur elke dag n bietjie meer lief te hê; - deur elke dag n klompie selletjies meer toewyding aan die Here te kweek; - deur elke dag toe te neem in kennis van die Here se waarheid en in die vrynoedigheid om dit te laat hoor. Hoe meer die koningskap van die Here jou lewe oorneem, hoe minder ruimte kom daar vir die bose wêreld in jou en rondom jou. En ook so oorwin ons die bose wêreld, deur elke dag al hoe meer van die Here in ons lewens te laat inkom, en só al hoe meer van die bose wêreld weg te druk. Jy gee nie in vir die bose wêreld nie, maar jy groei in die Here só oorwin mense wat uit God gebore is, die bose wêreld. Maar hoe kry ons dit reg? Ons doen dit 3. DEUR GELOOF Hier staan: en dit is die oorwinning wat die wêreld oorwin het, naamlik ons geloof. Die geheim van ons oorwinning is in ons geloof. 9 Vgl ook 1 Joh 5:18

7 7 En dit gaan nie maar net oor so n vae geloof dat daar iewers n groot Wese in die heelal is wat my help nie, maar hier is van n baie spesifieke geloof sprake. Luister weer na vers 5: Wie anders is dit wat die wêreld oorwin as hy wat glo dat Jesus die Seun van God is? Dit gaan oor die ware geloof in Jesus Christus, die geloof dat hierdie Mens wat daar in Nasaret gebore is uit Maria, wat soveel gely het tot versoening van ons sondes en uiteindelik aan n kruis gesterf het, méér is as n gewone mens, dat Hy Seun van God is en dus self ware en ewige en almagtige God, die Koning van die heelal, die Een wat die duiwel en al sy magte getrotseer het en gewen het, 10 die Een wat selfs die dood se mag gebreek het toe Hy uit die dood opgestaan het hiérdie geloof in Hom is die geheim van ons oorwinning! Weet u hoekom? Omdat hierdie geloof jou aan Jesus Christus vasbind en jou geestelik só een met met Hom maak, dat twee dinge met jou gebeur: - die een is dat dit wat Hy gedoen het, vir jou ook toegereken word; m.a.w. Sy oorwinnings tel vir jóú ook! 11 - die tweede is dat Sy Gees en krag ook in jou inkom 12 daardie Gees en krag waarmee Hy elke aanval van die bose weerstaan het en waarmee Hy enduit volmaak gehoorsaam aan Sy Vader in die hemel gebly het; - wie uit God is (het Johannes in die vorige hoofstuk geskryf) het al die valse geeste wat in hierdie wêreld is, oorwin, omdat Hy wat in julle is, groter is as hy wat in die wêreld is. 13 Jou geloof in Jesus Christus sit jou in die stryd tussen Christus en die bose wêreld aan Christus se kant aan die wenkant! 10 Vgl bv Joh 16:33 11 Bv Rom 8:37; Efes 1:19; 2: Bv Hand 1:8; Efes 3:16, Joh 4:4

8 8 TEN SLOTTE n Defaitis sê: - ek gaan tog nie wen nie; - ek kán nooit wen nie! Jy kry sulke mense ín die kerk: - mense wat sê dat die sonde vir hulle te sterk is en dat maar met hulle moet gebeur wat met onbekeerde sondaars gebeur; - mense wat dink dat kerke, byvoorbeeld gereformeerde kerke, gedoem is en nooit hulle swakhede en tekortkominge te bowe sal kom nie; - mense wat dink dat dit totaal onmoontlik is dat Suid-Afrika ooit weer vir gehoorsaamheid aan die Here gewen sal kan word. Defaitisme. Dit hoort nie by iemand wat uit God gebore is nie. Ons glo dan in Jesus, die Seun van God, die Verlosser van die wêreld, die Koning daar aan die regterhand van die Vader! Ons kry dan by Hom krag! Sy Gees woon dan in ons! Dan kan moed opgee in ons persoonlike geestelike stryde mos nie bestaan nie. En dan kan ons n kerk van die Here mos nooit afskryf nie. En dan kan ons mos nie sommer so hierdie land bose wêreld laat wees nie. Wie uit God gebore is en in Jesus glo, oorwin die wêreld! Moet dan nie vanaand hier uitstap as n moedelose krygsgevangene van die bose wêreld nie, maar stap hier uit as n vry mens, as n soldaat wat aan die wenkant veg! Die wenners-podium behoort nie aan die bose wêreld nie, maar aan die Here, en is bedoel vir almal wat uit Hom gebore is AMEN