Skriflesing: 2 Tim 2:14-26(word gelees deur gemeentelede uit die banke)

Transcriptie

1 Preek 2 Tim 2 : Kan jy of kan jy nie? Verwelkoming Votum(Ds. Danie) Seëngroet(Ds. Danie) Lofprysing Gebed Kan jy of kan jy nie? Baie eenvoudige tema, maar het so n wye betekenis. Ek wil vra dat u hierdie vraag heeltyd in u kop sal hou as ons vandag na die teks gaan kyk en ook terwyl ek verder preek vandag. Saam met dit wil ek ook hê dat u moet dink waarom ek nie vandag die teks gaan lees nie, maar dat dit juis uit die banke gelees word vandag. Skriflesing: 2 Tim 2:14-26(word gelees deur gemeentelede uit die banke) Preek Waaroor kan die preek als handel vandag? Die stryd oor sinnelose woorde Die uitleef van goeie dade. Die weghardloop van kettery(verkeerde dogma)(leerstellings) Almal is welkom in God se huisgesin Streef na n lewe van opregtheid, geloof, liefde en vrede

2 Ek wens ons het tyd gehad om in elkeen van hierdie temas in te gaan, maar vandag wil ek fokus op n ander baie belangrike vraag. Ek wil dit verduidelik deur twee stories te vertel Storie 1: Op n dag stap daar n man by n supermark in. Baie vriendelik. Hy groet mense links en reg, Hy koop n groot trollie vol kos en klere en ook n kleiner trollie met kos. Toe hy by die sy kar kom laai hy die kleiner trollie met kos in sy kar en vat die groter trollie en begin in die parkeerterrein afloop. Soos hy loop deel hy als uit wat in die trollie is vir enige iemand wat honger en dors is. Elkeen kry wat hulle benodig. Van karwagte tot boemelaars, elkeen wat oor sy pad kom. In die hoek staan daar n man wat op sy selfoon gepraat het. Hy hou hom dop en verstaar hom aan die man wat loop en als uitdeel. Die man stap toe nader en vra vir hom waarom deel hy al die goed uit vir mense? Die antwoord wat hy kry is as volg. In die kerk leer hulle ons om vir ander te sorg en daarom probeer ek ook om vir ander te sorg. Die man vra hom verder of hy nie bereid is om hom n bietjie te vertel van hierdie kerk en dan ook God en wat hom dryf om hierdie dade te doen nie. Die man gaan staan in sy spore en besef dat hy geen idee het wat om vir hom te antwoord nie, want julle sien. Hierdie man het gehoor wat hy moet doen, maar nooit geweet waarom nie. Hy het nie sy Bybel geken of eers geweet hoe om te verduidelik waarmee hy besig is nie. Kom hierdie storie dalk n bietjie vreemd voor? Want hoe kan ons so iets doen, maar ons het geen idee waarom ons moet nie? Maar ek wil vir julle sê vandag dat dit eintlik so gereeld gebeur As ek vandag vir jou moet vra: Hoe goed ken jy hierdie boek?(bybel) Wat sal jou antwoord wees? Ken u die geheimenisse van die boek? Ons weet dat God van ons vra om vir mekaar te sorg en dat ons moet uitgaan na die wêreld, maar kan ons werklik die evangelie verkondig? Is ons gereed om te praat wanneer mense oor ons pad kom en ons n ongelooflike geleentheid het om die evangelie te deel? Kom ons kyk weer na vers 15 en 16 God vra dat ons onsself moet beskikbaar stel, maar dit gaan dieper as net die regte dade te doen. God vra ons om ook Sy Woord van die waarheid suiwer te verkondig

3 Nou sal baie van ons dadelik sê, maar ons verkondig mos ook deur ons dade. Ons moet net liefde wys. Is dit werklik genoeg? Wat maak ons anders as n gewonde welsynsorganisasie? DIE WOORD VAN GOD! Waarom ken ons dan nie hierdie Woord nie? As ek by n braai sit en mense begin van God praat, sal ons mos altyd sê dat ons dit en dit en dit vir God doen, maar sodra mense my vra hoekom, weet ek nie regtig hoe om hulle te antwoord nie? As iemand vir my vra om n stukkie uit die Bybel te lees, waarom gaan ek eers na die inhoudsopgawe toe om te kyk waar dit in die Bybel is? My vraag dan nou? Kan ek mense vertel van hierdie Woord van God? Want soos ons tog weet is ons elkeen geroep, nie net die dominee of die leier van die omgeegroep nie, nee ons elkeen is geroep om hierdie boodskap suiwer uit te dra. Al hoe ek dit sal kan doen, is as ek dit werklik ken. Hier kan ek ook verwys na ons doop belofte. Soos ons weereens vandag gesien het, is dit ook ouers se verantwoordelikheid om hulle kinders te leer van die Woord van God, maar hoe kan ons dit doen as ons nie hierdie Woord ken nie? Ek wil eers n volgende storie vertel voor ek kan voortgaan: Storie 2: Daar sit een keer by n braai n vrou, sy ken hierdie Woord van God basies uit haar kop. Sy lees elke dag die Bybel, gaan kerk toe, lees selfs boeke wat vir haar verduidelik waaroor die Bybel gaan. Sy het elke kursus wat handel oor Woordverkondiging bygewoon en ken al die stappe van wat om te maak as iemand na jou toe kom en vra dat jy die evangelie met hulle sal deel. By hierdie braai kom sit daar n jong meisie langs haar wat ook in die kerk is en vra haar of sy nie dalk op n uitreik wil saamkom nie. Die vrou sê dit is reg. Die meisie vra toe vir haar of sy al n kursus gedoen het, wat haar kan help om mense na God toe te lei. Die vrou begin vir haar daardie Bybel uitpak en vertel vir haar van elke kursus wat sy bygewoon het. Die meisie is baie opgewonde. Vir voorbereiding vir die uitreik stap hulle toe n pad en die meisie kom toe iets baie snaaks agter. Hierdie selfde vrou wat haar Bybel so goed ken, is ongeskik, kortaf met almal, soek altyd die beste vir haarself en kla altyd in moeilike omstandighede. Die jong meisie vra toe vir die vrou of dit wat sy lees in die Bybel al ooit haar lewe verander het? Lyk haar lewe anders as voorheen? Eenvoudig gestel was die vrou se antwoord nee.

4 Julle sien dat hierdie vrou als geweet het van God, maar glad nie vir God geken het nie. Sy het al die dogma en leerstellings geken, maar dit het nie in haar hart gelewe nie. Is dit nie tog ook wat met ons soveel keer gebeur nie? As ek u vandag moet vra wanneer laas het n erediens u lewe verander? Wanneer laas het u toegelaat dat God jou lewe radikaal verander. Wanneer laas het dit wat ons Sondag na Sondag hoor ons gedryf tot n lewe wat streef na opregtheid, geloof, liefde en vrede? Ek dink ons vaal so baie keer in elkeen van die stories. Wat ons moet besef is dat ware kennis gaan hand aan hand met n verhouding tot God. Ons dade moet nie sonder betekenis wees nie. Daarom moet ons kennis hê, maar ons kennis kan nie sonder God wees nie, want dit is dood. My vraag vandag is dus: Kan jy die suiwer evangelie van God verkondig of kan jy nie? Hier praat ek nie van n gebedjie wat ons vinnig saam met iemand opgesê het nie, maar dat jy werklik met n hartsoortuiging leef wat ander beïnvloed en wat dan jou kennis omkeer in Wysheid en die vinger wegdraai van my af, maar in als wat ons doen en dan ook sê, mense reguit na God toe stuur. My HOOP vir hierdie gemeente vandag is dus: Dat ons nie sal slaplê in ons verhouding tot God nie, maar dat ons geesvervuld sal lewe. Verander sal word deur Sy Woord wat n proses ondergaan om ons gereed te maak om ook hierdie evangelie uit te dra. Gebed Offergawes Nadat ons nou hierdie boodskap gehoor het, wil ek tog vra dat ons vandag reeds begin by n punt en ons geloof in God bely. Maar ek wil hê dat u moet luister na presies wat u se. Want dit is nie net iets wat ons in die kerk moet opsê nie, nee n belydenis is iets wat uit ons hart uitkom. Kom ons sê dit dus saam voordat ons hier uitgaan vandag as n herinnering aan wie God is en

5 waarom waarom ons ook n opdrag het om ers te maak met Sy woord en dit ook te gaan versprei onder die nasies. Geloofsbelydenis Apostoliese Geloofsbelydenis Ek glo in God die Vader, die Almagtige, die Skepper van die hemel en die aarde. En in Jesus Christus, sy eniggebore Seun, ons Here; wat ontvang is van die Heilige Gees, gebore is uit die maagd Maria; wat gely het onder Pontius Pilatus, gekruisig is, gesterf het en begrawe is en ter helle neergedaal het; wat op die derde dag weer opgestaan het uit die dode; wat opgevaar het na die hemel en sit aan die regterhand van God, die almagtige Vader, van waar Hy sal kom om te oordeel die wat nog lewe en die wat reeds gesterf het. Ek glo in die Heilige Gees. Ek glo aan n heilige, algemene Christelike kerk, die gemeenskap van die heiliges; die vergewing van sondes; die opstanding van die vlees en n ewige lewe. SlotLied Seën Mag die genade van die Here Jesus Christus en die liefde van God ons Vader en die gemeenskap van die Heilige Gees by julle elkeen wees.