Gisteraand het dit gegaan dit oor hoe ons lewens moet wees om Jesus te volg. Watter klere ek moet aantrek.

Transcriptie

1 Gisteraand het dit gegaan dit oor hoe ons lewens moet wees om Jesus te volg. Watter klere ek moet aantrek. Vanaand gaan dit oor kosteberekening. Wat gaan dit kos? Wanneer n mens trou met die liefde van jou lewe, dan is daar baie voordele aan verbonde. Jy het iemand wat vir jou omgee, wat jou help met baie dinge, wat vir jou baie plesier in die lewe gee. Maar daar is ook onkoste aan verbonde en dikwels is dit die rede hoekom egpare mekaar los: Hulle is nie bereid om die prys wat dit kos te om gelukkig getroud te bly, te betaal nie. Om n volgeling van Jesus te wees, beteken ook om in n verhouding met Jesus te lewe. n Verhouding van liefde. En aan dié verhouding is daar ook baie voordele aan verbonde: Jy is n beter man vir jou vrou of vrou vir jou man. n Beter pa en ma vir jou kinders n Beter werkgewer en werknemer Jy s n gelukkiger mens Jy s meer vrygewig Kan krisisse beter hanteer Gaan selfs hemel toe na jou dood! Maar Christene vergeet soms dat daar ook n prys is om te betaal as jy Jesus volg. Nie om gered te word nie, dit het Jesus reeds aan die kruis betaal, maar om 1

2 naby aan Jesus te leef elke dag, om in n verhouding van liefde naby aan Hom te leef en Hom te beleef. Kom ons gaan kyk hoe dit werk. Mark 8:27 Daarna het Jesus en sy dissipels na die dorpies naby Sesarea-Filippi gegaan. Langs die pad het Hy vir die dissipels gevra: Wie, sê die mense, is Ek? En dan antwoord hulle Hom oor wat die mense sê: Mark 8:28 Johannes die Doper, party sê weer Elia, en party een van die profete. Maar Jesus stel eintlik belang in wie hulle dink Hy is: Mark 8:29 Maar julle, vra Hy hulle, wie, sê julle, is Ek? Petrus antwoord Hom: U is die Christus! Hulle sê dat Jesus die verwagte Messias is. Die Gesalfde van God. En dan verwag mens: Dis mos wat alle mense moet hoor! Dat Jesus ons Verlosser is. Maar wat sê Jesus dan? Mark 8:30 Toe belet Hy hulle om dit vir iemand anders te vertel. Mens kan amper nie glo wat jy lees nie! Hoekom mag hulle dit nie wyd en syd verkondig nie? Vir die gewone rede dat nie eers sy binnekring nog verstaan wat dit ten volle beteken dat Jesus die Christus is nie. Eers moet hulle dit leer en verstaan voor hulle dit gaan 2

3 vertel vir ander anders vertel hulle n halwe waarheid. Selfs Petrus het die regte woorde gesê, maar die volle inhoud daarvan nog nie verstaan nie, soos ons in die volgende vers sal sien. En dan leer Jesus hulle. Mar 8:31 Jesus het hulle toe begin leer dat die Seun van die mens baie moet ly, dat Hy deur die familiehoofde en die priesterhoofde en die skrifgeleerdes verwerp moet word en doodgemaak moet word, en drie dae later moet opstaan. 32 Hy het met hulle hieroor reguit gepraat. En duidelik is dit te veel vir Petrus. Dis nie waarvoor hy hom ingeskryf het nie! Jesus maak seker n fout! Mark 8:32b Toe het Petrus Hom opsy geneem en Hom begin berispe. Ons lees nou nie wat Petrus alles gesê het nie, maar ek kan my mos nou indink dat dit dalk iets was soos: Nee, nee Here! Moenie nou alles opmors nie. Dinge begin nou net mooi loop. Al hoe meer mense is besig om U te volg en dit gaan nie lank wees nie, dan is U beroemd! Onthou bietjie alles wat U al gedoen het, selfs die storm het na U geluister. Wat se stories is dit nou van ly en verwerp word en doodgemaak word is dit nou?! Praat liewer met ons oor dinge soos hoe om te bid of wonderwerke te doen of so-iets. En wat doen Jesus dan? Mark 8:33 Hy het egter omgedraai, na sy dissipels gekyk en vir Petrus berispe. Moenie in my pad staan nie, Satan, het Hy gesê, want jy dink nie aan wat God wil hê nie maar aan wat die mense wil hê. 3

4 Jesus ken Petrus se hart en wys hom daarop dat dit vir hom nie gaan oor God nie, maar oor mense en meer spesifiek oor homself. Jesus sê eintlik vir Petrus: Petrus, jy wil My volg oor wat daar in is vir jou en nie op My voorwaardes nie. En dit sal nie werk nie. As jy My wil volg, dan is dit op My voorwaardes. En dit is wat die dissipels moet leer: Wat dit beteken om Jesus te volg. En dan leer Jesus sommer ook die mense wat daar saam is: Mark 8:34 Jesus het toe die menigte mense saam met sy dissipels nader geroep en vir hulle gesê: As iemand agter My aan wil kom, moet hy homself verloën, sy kruis opneem en My volg, Jesus nooi die mense om Hom te volg en moedig hulle aan om dit te doen, maar dan vra dit dat jy jou kruis moet dra en hom volg met jou kruis. Nou, in daardie tyd het die mense baie goed geweet wat n kruis beteken. Dit was nie n mooi hangertjie wat om jou nek hang om te sê dat jy Jesus liefhet nie. Oral buite die dorpe het daar kruise gestaan waaraan mense gehang het wat besig was om dood te gaan! Die kruis was dus die teken van dood! Die kruis was n doodsvonnis. Wat Jesus vir hulle wil laat verstaan is, dat dit jou gaan kos, baie gaan kos, alles gaan kos om Hom te volg. En in Petrus se woorde hoor ek hoe bang hulle is om dit te doen. In hulle gedagtes het hulle begin wonder of dit nog die moeite werd is om agter Jesus aan te gaan. Dis dan ook die rede hoekom baie mense besluit het om Jesus nie meer te volg nie en om te draai. Dit vra te veel van hulle. 4

5 En ons staan vanaand voor dieselfde vraag van Jesus. Is dit te veel vir ons? Sien ons kans om Jesus te volg op Sy voorwaardes? Maar dan, net voor die dissipels dalk wou omdraai en weggaan van Jesus, sê Jesus: Mark 8:35 want wie sy lewe vir homself wil behou, sal dit verloor; maar wie sy lewe vir My en die evangelie verloor, sal dit behou. Jesus sê vir hulle: Julle kan omdraai, maar wat dan eintlik gaan gebeur is dat jy jou lewe gaan verloor. As jy wil lewe, as jy sin en betekenis wil hê, dan sal jy jou lewe daarvoor moet gee. Geen mens kan rente op jou geld verwag as jy nie jou geld weggee, belê nie. Net so kan jy vashou aan jou eie lewe, maar jy gaan verseker alles verloor. As jy van jou kant kyk na wat Jesus vra, dan is dit n prysgawe van alles. As jy dit van Jesus se kant af bekyk, dan ontvang jy die lewe, nou en hierna. En daar is geen ander manier hoe dit kan gebeur nie. Dan maak Jesus dit nog duideliker vir hulle: Mark 8:35 want wie sy lewe vir homself wil behou, sal dit verloor; maar wie sy lewe vir My en die evangelie verloor, sal dit behou. En hier beteken lewe eintlik siel jou bestaan, jou real life. Ons dink baie maal ons lewe het net betekenis as ek genoeg geld het en gesond is en mooi motor en huis en vrou of man het. Maar Jesus maak dit nog duideliker wat Hy bedoel: Mark 8:37 Wat sal 'n mens kan gee in ruil vir sy lewe? 5

6 As n mens baie ernstig siek is, dan sal jy enigiets gee om net weer gesond te word. As ons uiteindelik te laat besef dat ek die lewe by God gaan mis, wat sal ek dan gee om dit te kry? Alles! En dis presies wat Jesus wil leer. Julle kan sommer nou al weet dat jy net aan die wenkant is as jy jou eie klein lewetjie vir My gee. Anders is dit verloor al die pad, maar dit gaan jy te laat agterkom. En dis wat Jesus dan in die volgende vers juis vir hulle wil laat verstaan: Mark 8:38 Wie hom dan vir My en my woorde skaam te midde van hierdie ontroue en sondige geslag, vir hom sal die Seun van die mens Hom ook skaam wanneer Hy kom saam met die heilige engele, en beklee is met dieselfde heerlikheid as sy Vader. Wat hoor ons vanaand as Jesus met ons praat oor wat dit beteken om Hom te volg? Wel, laat ons tog net onthou dat dit niks, absoluut niks kos,om gered te word nie. Dit het Jesus klaar aan die kruis betaal en dit was ook waar vir die moordenaar aan die kruis vir wie dit te laat was om enigiets vir Jesus te gee. Maar as jy hier op aarde die ware betekenis van die lewe, die sin van die lewe wil hê, dan moet jy Jesus volg en as jy Jesus wil volg, gaan dit my en jou iets kos. Om n volgeling te word, gaan jou niks kos nie behalwe n besluit nie. Maar om Jesus te bly volg, gaan jou iets kos. Natuurlik is die prysgee van my en jou lewens aan Jesus ook nie iets wat een oggend gebeur nie. Dis iets wat klein begin en stappie vir stappie in jou groei soos wat ons agterkom dat die Gees ons lei. Ek kan nie vanaand vir jou sê wat dit jou 6

7 gaan kos en wanneer nie, maar die Gees sal jou lei eers in klein dingetjies soos om nee te sê vir verkeerde begeertes, om nie saam met almal te gaan nie, om ja te sê wanneer jou begeerte nee wil sê. Dit sal gebeur in die gewone gang van ons lewens wanneer ons keuses moet maak en dit sal veral aan die begin moeilik wees omdat dit nie is wat ons dikwels self wil hê nie. Dit is ook nie vir almal dieselfde nie. Elkeen se kruis gaan verskil: Vir die een gaan dit geld wees, vir die ander tyd of stop met n slegte gewoonte of begin met iets nuuts. Dalk is dit vir n droom wat jy oortuig word om nee te sê of iets iets waarvoor jy glad nie kans sien nie om daarvoor ja te sê. Dit mag dalk soos die dood voel, maar dit gaan vir jou die lewe bring. En hoe meer ons dit regkry om ons kruise te dra, hoe dieper gaan ons Jesus leer ken en ook jouself. Jy sal verander. Of jy nou oud of jonk is, ryk of arm, boer of sekretaresse, man of vrou.. dit sal op jou pad elke dag kom. Ek hoor van n predikant wat n jong man op pad kerk toe opgelaai het. Hy begin toe met hom praat en uitvra. Hy vertel toe dat hy klaar op Universiteit gestudeer het en n goeie werk by n TV stasie gekry het waar hy in beheer was van watter kamerabeelde uitgesaai word soos by n rugbywedstryd. Maar, hy moes ook betrokke wees by die uitsaai van pornografiese films. Omdat hy oortuig is dat dit nie pas by die lewe van n dissipels van Jesus nie, bedank hy toe die werk. En tot op daardie dag het hy geen ander werk gekry nie. Dit was in daardie stadium vir hom die kruis wat hy moes dra. Die ds vra hom toe of hy maar sy storie vir die gemeente kan vertel. Hy sê toe ja, maar hy sê ook: Sê vir die gemeente dat ek van die dag dat ek 7

8 die werk bedank het, ek ook nog niks kortgekom het nie. God het op die regte tyd die regte goed gegee wat nodig was. Dalk is daar al iets op jou hart waaroor jy n besluit moet neem. En dalk is dit n moeilike besluit. Miskien weet jy wat jy moet doen, maar dit voel vir jou soos die dood, maar jy weet dit gaan vir jou die lewe gee. Maar as jy ernstig is oor die lewe, as jy ernstig is daaroor om Jesus te volg, sal jy leer om stukkie vir stukkie meer en meer gehoorsaam te lewe. Ek kan nie wag om die stories te hoor wat gaan kom in julle lewens nie! Onthou net: God is getrou. Amen 8