SKRIFLESING: Titus 1. TEKS: Titus 1:15. Die Here wil ons op die hoofspoor hê. Psalm 134 : 1, 2. Psalm 119 : 4. Psalm 18 : 12. Skrifberyming 78 (13-3)

Transcriptie

1 SKRIFLESING: Titus 1 TEKS: Titus 1:15 TEMA: Die Here wil ons op die hoofspoor hê. Psalm 134 : 1, 2 Psalm 119 : 4 Psalm 18 : 12 Skrifberyming 78 (13-3) Ook: Ps 141 : 3, 4 Sb 14 : 1, 2

2 Dis nie altyd so maklik om te sê of iemand n Christen is of nie, of iemand binne die grense van ware Christenskap leef of daarbuite nie. 2 Die Here wys ons byvoorbeeld in Sy Woord dat jy uiterlik soos n Christen kan lewe, maar sonder dat jou hart daarin is; 1 of dat jy hart en siel godsdienstig kan wees, maar sonder dat jy die regte kennis van die Here en van die ware godsdiens het, wat dit dan n vraag maak of jy regtig al gered is; 2 of (en dis wat die Heilige Gees hier vir ons wys) jy kan n Christen wees wat so van die hoofspoor afgedwaal het na die syspore toe, dat dit nie meer seker is of jy nog in hierdie godsdiens is of nie. En deur ons oë met hierdie Skrifgedeelte vir hierdie gevaar oop te maak, roep die Heilige Gees ons elkeen op om op die hoofspoor te bly, of om daarnatoe terug te kom as jy daarvan afgedwaal het. Dis wat vanaand se preek is: n oproep om op die hoofspoor te bly. Kom ons kyk na 1. die probleem op Kreta; 2. die antwoord van die Here se apostel daarop; 3. die hoofspoor en die syspore. 1. DIE PROBLEEM Die probleem was dat daar op die eiland Kreta mense was wat met tipiese fariseëragtige sienings die Christene deurmekaar gepraat het. 3 Hier in verse skryf die apostel oor hierdie mense: - oor hoe hulle hele gesinne in beroering bring; 4 - oor hulle verkeerde motiewe; 5 - oor hulle inherente slegte geaardhede; 6 - oor die feit dat hulle sienings verkeerd was; 7 1 Mat 7:21; 2 Tim 3:5 2 Rom 10:1-2; vgl ook Hand 19:1-5 3 Vers 10 4 Vers 11 5 Vers 11 6 Vers 12 7 Verse 13-14

3 3 - oor hulle sondige lewens wat hemelsbreed van hulle vroom praatjies verskil; 8 - ook oor hoe Titus hulle moet hanteer. 9 Maar vir die doel van hierdie preek hoef ons nie op al hierdie sake in te gaan nie. Wat wel vanaand vir ons belangrik is, is een van hulle verkeerde sienings: - dat sekere dinge onrein is en daarom vir Christene verbode. Presies watter dinge dit was wat hierdie spesifieke mense as onrein beskou het, staan nie hier nie; maar ander dele van die Nuwe Testament noem wel spesifieke sake wat mense met hierdie soort denke as verbode beskou het, byvoorbeeld: - eetgerei moet seremonieel gereinig/gewas wees, anders word jy onrein as jy daarmee eet; 10 - sekere plekke waar jy eet, of waar jy selfs net sou ingaan, was verbode, omdat dit jou onrein kon maak; 11 - sekere kossoorte is onrein en mag nie deur Christene geëet word nie; 12 - selfs die huwelik en die huwelikslewe was deur party gesien as iets wat jou onrein maak! 13 Vir hierdie mense was sekere dinge rein en onrein en het kontak met hierdie dinge of weerhouding van kontak hiermee, bepaal of jy rein of onrein was. n Mens kan jou net indink watter stryery dit onder mense kan veroorsaak as jy nou moet probeer bepaal watter eetgerei en watter kos en watter plekke rein of onrein is, en of n mens mag trou of nie, en as trou verkeerd is, of mense wat klaar getroud is, dan nou moet skei of nie! En n mens kan jou ook voorstel hoe deurmekaar hierdie soort debatte daardie Christene gemaak het, wat nie lank terug nie tot geloof gekom het toe hulle die suiwer evangelie uit die mond van iemand soos Paulus gehoor het. 14 Dís die probleem wat in ons teksvers behandel word: hierdie siening dat sekere dinge rein of onrein is en dat onrein dinge mense onrein kan maak. 8 Vers 16 9 Verse 11 en Mark 7: Joh 18:28; vgl. ook Gal 2:11-13; 12 Rom 14:2b; Kol 2:21; 1 Tim 4: Tim 4:3 14 Tit 1:3, 5

4 4 2. DIE ANTWOORD Die Heilige Gees laat Paulus vir Titus, wat hy in Kreta laat agterbly het om verder daar te werk, skryf dat hierdie mense die saak heeltemal verkeerd sien. Onreinheid sit nie in n ding nie. Dit wat God gemaak het, soos die kos wat mense eet en die huwelik, kan nooit opsigself onrein wees en daarom vir Christene verbode nie. Dis nie dinge wat rein of onrein is nie, maar mense. En n rein mens sal al die dinge wat God gemaak het, reg gebruik, terwyl n onrein mens alles met sy sondigheid besoedel! Wanneer is n mens rein of onrein? n Mens word rein gemaak deur die offer wat die Here Jesus aan die kruis vir ons gebring het en deur dit wat die Heilige Gees in jou binneste doen. o Johannes het geskryf: en die bloed van Jesus Christus reinig ons van alles sonde. 15 o As Paulus vir die Korintiërs skryf oor watter soort mense nie aan die koninkryk van die hemel deel sal kry nie, dan voeg hy by: En so was party van julle juis ook. Maar julle het julle sonde laat afwas, julle is geheilig, julle is vrygespreek in die Naam van die Here Jesus Christus en deur die Gees van ons God. 16 Wanneer jy (om dit so te sê) met jou sonde-bagasie by die gekruisigde Here Jesus aanmeld, met berou daaroor en Hom glo dat Hy klaar die straf van God daarop vir jou gedra het, dan word dit alles van jou af weggevat; dan word jy deur God skoon verklaar en deur Sy Gees ook daadwerklik skoongemaak 15 1 Joh 1:7 (AV 1933/53) 16 1 Kor 6:11 (AV 1983)

5 wanneer Hy, saam met die berou en die geloof, ook bekering en gehoorsaamheid aan God in jou bewerk. 5 n Rein mens is n mens wat deur die bloed en die Gees van Christus rein gemaak is. 17 En n onrein mens? o Dis iemand wat nie deur die bloed en die Gees van die Here Jesus skoongewas is nie. o Dis iemand wat nie regtig in Jesus glo nie, wat nie van die sondepad af wegdraai en as gehoorsame kind van God lewe nie, maar voortploeter in sy/haar aangebore en aangeleerde en selfgekweekte sondes! Daar op Kreta was die onreines hierdie mense wat die ander Christene met hulle verkeerde sienings verwar het, en terwyl hulle met vroom praatjies voorgegee het dat hulle die Here ken en liefhet, met hulle slegte lewens gewys het dat dit nie regtig so was nie. Dis ménse wat rein of onrein is, nie dinge nie. Die vraag is nie of sekere soorte kos rein of onrein is nie, maar of die mense wat dit eet, rein of onrein is. As die mense wat dit eet, rein is, gaan hulle mos erken dat hierdie kos van God af kom, dat dit vir hulle gegee word om hulle aan die lewe te hou, sodat hulle God met hulle lewens kan dien, en gaan hulle Hóm daarvoor dank. Terwyl n onrein mens die kos gaan verorber sonder n gedagte aan die Gewer daarvan en Sy doel daamee! Dieselfde geld van die huwelik. Die huwelik kan nie onrein wees nie die Here het dit dan gemaak! Maar die vraag is of jy wat in die huwelik leef, daarin leef as n gehoorsame kind van die Here en of jy maar net die huwelik gebruik as nog n struktuur waarin jy jou selfsugtigheid kan uitleef! 17 Sien ook Joh 3:3, 5

6 6 Omdat die mens wat n ware kind van die Here is, alles wat Hy gemaak het, reg sal probeer gebruik, daarom is alles vir hierdie een die reine rein. En omdat n onbekeerde sondaar alles vir sy sondige lewe gaan gebruik, daarom is niks vir hom die onreine rein nie. Dis die antwoord van die Here se apostel op die probleem daar in Kreta: - nie dinge is rein of onrein nie, maar ménse DIE HOOFSPOOR Sien u nou die hoofspoor in ons godsdiens en die syspore? Op die syspore praat jy oor dinge. Op die hoofspoor praat jy oor die-mens-voor-god. Op die syspore skop jy groot stof op oor allerhande kerklike en teologiese en godsdienstige kwessietjies. Jy kan selfs n ongelowige hart en n onbekeerde lewe wegsteek agter al hierdie diskussies! Op die hoofspoor verstaan jy dat die eerste kwessie altyd dít is: - hoe staan ek voor God? skoon gewas deur my Verlosser se bloed? of nog steeds met my vuil sonde-vodde skuldig voor die Regter? - is my hart rein of onrein? Ons moenie en dis miskien n groot gevaar vir ons as Gereformeerdes, vir wie die waarheid, die Hére se reg en verkeerd, baie belangrik is van godsdiens so n onpersoonlike saak maak waar jy die heeltyd besig is met dinge, standpunte, kwessies nie. Dit kan n manier word waarop mense draaie om God probeer loop, omdat hulle bang is om Hom in die oë te kyk en die eintlike kwessie met Hom uit te maak. 18 Vgl ook Mark 7:14-23

7 Syspore is gevaarlik, want hulle kan jou weglei van die hoofspoor af wat na die lewe toe gaan. Besef u as ouderlinge, maar ook elke ander lidmaat wat aan n medemens geestelike leiding probeer gee, hoe belangrik hierdie vers vir u is? Ons geestelike hulp aan ander moet hulle in die eerste plek na die hoofspoor toe lei. U sal dit partykeer beleef dat mense wie se harte en lewens voor die Here nie reg is nie, juis die hoofspoor probeer ontwyk. Hulle doen dit deur gedurig met jou oor allerhande kwessies wat in kerklike en godsdiensstige debatte opduik, te gesels, sodat daar nooit tyd kom om met hulle oor die gróót kwessie te praat nie: - hoe staan jý voor God? - is daar by jóú geloof in Jesus Christus en tekens van n ware nuwe lewe? - hét jy n rein hart en n skoon gewete? 7 Natuurlik is daar ook tyd en geleentheid waar ons as Christene met mekaar oor sekere kwessies kan praat en moet praat. Ons móét partykeer uitmaak waar die grens tussen reg en verkeerd loop. Maar ons moet selfs sulke kwessies nooit die belangrikste maak nie. En ons moet nooit daar vashaak nie. Dis nie mense wat die grens tussen rein en onrein perfek kan aanwys, wat eendag die hemelse vreugde sal smaak nie, maar mense wat by die Here Jesus en Sy Gees n rein hart en lewe gekry het. Die Here Jesus het gesê: Salig is die wat rein van hart is, want hulle sal God sien 19 AMEN 19 Mat 5:8