JESAJA 53:9 HK Sondag 16:40-43

Transcriptie

1 JESAJA 53:9 HK Sondag 16:40-43 Votum en seën Psalm 71 : 1, 2 Gebed Psalm 138 : 2 Skriflesing: Jesaja 53 (AV 1933/53) Belydenis: HK 16:40-43 Teks: Jesaja 53:9 (AV 1933/53) Preek: Jesus móés vir ons sterf, en Hy het! Gebed Kollekte Skrifberyming 5-4 (10) : 1, 2 Seën Skrifberyming 13-3 (78) Ook: Ps 16 : 4, 5 Sb 5-2 : 6, 7

2 2 Hoekom is dit vir ons belangrik dat die Here Jesus begrawe is na Sy dood só belangrik dat die kerk in die Twaalf Artikels, waarin net die kernsake van ons geloof bely word, spesiaal ook bely dat Hy begrawe is? Het dit dan spesifieke geestelike betekenis? Is Sy begrafnis nie maar net die gewone wat met n menslike liggaam na die dood gebeur nie? Die Christelike kerk so blyk dit uit die Twaalf Artikels en uit die feit dat die Heidelbergse Kategismus n afsonderlike vraag en antwoord daaraan wy het dit nog altyd so verstaan dat ook die Here Jesus se begrafnis spesiale betekenis het. Onder andere wys dit duidelik dat Hy regtig dood was. Dís wat ons in HK 16 bely: - dat Jesus wat vir ons móés sterf, regtig dood was; - Hy móés vir ons sterf, en Hy het! Kom ons kyk eers waarom Hy móés sterf en dan na wat Sy begrafnis vir ons sê, onder andere dat Hy inderdaad gesterf het. 1. HY MÓÉS STERF Die Here Jesus moes sterf. Nie omdat Hy, soos ander mense, die dood nie kon vermy het nie, maar omdat dood die straf op die mens se sonde was. En as Hy dan ons straf in ons plek vir ons kom dra het en dood is die straf op ons sonde dan móés Hy mos die dood dra sterf. Dan was lyding alleen, hoe swaar ook al, nie genoeg nie. Onthou u dat God vir die mens daar in die paradys gesê het wat die straf gaan wees as die mens God se bevel sou oortree en van die boom van die kennis van goed en kwaad sou eet? Hy t gesê: as jy daarvan eet, sal jy sekerlik sterwe. 1 1 Gen 2:17

3 3 Die sonde teen die Allerhoogste (het iemand gesê), moet met die allerswaarste die dood gestraf word. En sterf of doodgaan beteken in die Bybel baie dinge, byvoorbeeld: - om jou band met God te verloor, om deur Hom verlaat te word in hierdie lewe al; dis die geestelike dood; - en om uiteindelik God en ál Sy seëninge te verloor in die bestaan van die onophoudelike hel; dis die ewige dood; - en natuurlik ook om dit te beleef wat ons doodgaan noem die liggaamlike dood. As Jesus ons volle straf vir ons wou dra, moes Hy nie net die geestelike dood en die ewige dood, wat Hom aan die kruis laat uitroep het: My God, my God, waarom het U My verlaat? vir ons deurgaan nie, maar Hy moes ook liggaamlik sterf. Sy Goddelike natuur, wat Hy ook gehad het, kon natuurlik nie doodgaan nie, maar as mens kon Hy geestelike sterf en ewig sterf én liggaamlik sterf. As Jesus nie ook liggaamlik gesterf het nie, sou dit beteken het dat nie al ons straf gedra is nie, dat daar nog straf oorgebly het wat ons dan self sou moes dra. Jesus móes dus sterf. Om te doen wat volgens God se regverdigheid en God se woord aan die mens gedoen moes word om ons te verlos, móés Hy sterf, ook liggaamlik sterf. En dit het Hy regtig gedoen. Dis onder andere wat sy begrafnis sê. 2. WAT SY BEGRAFNIS SÊ Jesus se begrafnis is in meer as een opsig vir ons van betekenis. Ons belydenis lig een van die boodskappe wat Sy begrafnis ons gee, uit: dat dit ons verseker dat Hy regtig gesterf het.

4 4 Dóóie mense word begrawe. Daar was by hulle wat Hom begrawe het Josef van Arimathéa en Nikodémus, 2 mense wat volgelinge van Hom was en bitter graag sou wou gehad het dat Hy nog moes lewe geen twyfel dat Hy dood was nie. In hulle hantering en versorging van Sy liggaam, wat hulle gereed gekry het vir die graf, 3 was daar niks wat hulle maar enigsins laat dink het dat Hy net bewusteloos of in n tipe skyndood was nie soos party mense wat nie wil glo dat Jesus lewendig uit die dood uit opgestaan het nie, mos beweer. Maar Josef en Nikodémus, wat dáár was, én van die vroue-volgelinge van die Here Jesus, wat ook daar was, 4 het net soos die soldate 5 vir geen oomblik getwyfel dat Hy werklik dood was nie. n Mens gooi nie 50 liter se speserye oor iemand uit en draai die liggaam én die kop met doeke toe as jy dink dat iemand dalk nog lewe nie! 6 Net so min sal jy iemand, as jy nog enigsins die hoop of die vermoede gehad het dat Hy nog kon leef, in n graf wat in n rots uitgekap is, laat lê en boonop die opening na dié lêplek toe met n groot steen toemaak! 7 Jesus was regtig dood. Hy móés sterf, en so maak Sy begrafnis dit duidelik Hy hét regtig gesterf. Maar nou moet u nie dink dis al wat die graf vir ons boodskap nie. Dis al wat ons belydenis uitlig, maar daar is meer. Jesus se hele begrafnis is ook die vervulling van n profesie, 8 van dit wat die Heilige Gees een van God se dienaars eeue vantevore al laat voorspel het, en is so n helder boodskap van God se almag en betroubaarheid. 2 Joh 18: Joh 19: Mat 27:61; Luk 23:55 5 Mat 27:50 ( was ); Mark 15:44-45; Luk 23:47 ( was ); Joh 19: Joh 19: Mat 27:60 8 Mat 12:39-40; Jes 53:9

5 5 Wat het die Heilige Gees Jesaja eeue vantevore oor hierdie besondere Kneg van die Here wat na die aarde toe sou kom, se begrafnis laat sê? Hy t hom laat sê dat Hy bestem was om soos n slegte mens begrawe te word, maar toe by n ryke Sy graf gekry het. In die vertaling wat ons gelees het, staan daar dat Hy Sy graf by n goddelose gegee was en by n ryke in Sy dood was, wat dit laat klink asof die goddelose en die ryke dieselfde persoon is. Die ander Afrikaanse vertaling laat ons nog dieper in die moeilikheid, want dit vervang die term ryke met die woord sondaar. Maar die vervulling van hierdie profesie maak dit duidelik dat die en van die vertaling wat ons gelees het, n maar moet wees, wat taalkundig wel moontlik is: - Hy s Sy graf by n goddelose gegee, máár Hy was by n ryke in Sy dood. Die Here Jesus, wat die Kneg is van wie Jesaja hier geprofeteer het, sou as die Romeine en die Joodse Raad hulle sin gekry het net soos ander misdadigers op n oneervolle manier begrawe word, Hy sou Sy graf by die goddeloses gegee word. Máár toe beskik God dit anders: - Hy kry n ryk man se splinternuwe graf in n tuin daar naby Golgota. 9 En Josef van Arimathéa, wie se graf dit was, was nie n goddelose mens of n onbekeerde sondaar nie. Hy was n dissipel van die Here Jesus, 10 al was hy voor hierdie gebeure nog bang om openlik daarmee uit te kom. 11 Hy was n goeie en regverdige man, 12 iemand wat die koninkryk van God verwag het. 13 Hy was self n vername lid van die Joodse Raad, 14 maar hy t nie saamgestem met die manier waarop hulle Jesus behandel het nie Mat 27:60; Joh 19:41 10 Mat 27:57 11 Joh 19:38 12 Luk 23:50 13 Luk 23:51 14 Mark 15:43 15 Luk 23:51

6 6 Die Vader in die hemel beskik dit só dat die Here Jesus, wat nooit iets verkeerd gedoen het of een verkeerde woord gesê het nie, 16 nie saam met goddelose misdadigers oneervol begrawe word nie, maar dat Hy die beste moontlike graf kry: dié van n ryk man, n gesiene lid van die Godsvolk en n volgeling van Jesus. Nét soos die profeet voorspel het: - dat hulle beplan het om Hom sy graf by die goddelose te gee, maar dat Hy toe by n ryke in Sy dood was, omdat Hy geen onreg gedoen gedoen het nie en daar geen bedrog in Sy mond gewees het nie. En omdat Jesus se begrafnis die vervulling van n profesie is, vertel dit nie net dat Hy regtig gesterf het nie, maar ook dat God almagtig en betroubaar is. Hy s almagtig. Om alles só te bestuur dat dit wat amper 800 jaar voor die tyd voorspel is, presies so gebeur, kan net deur die almagtige God gedoen word. Hy moes om hierdie profesie werklikheid te laat word nie net in die eeue wat sedert die profesie verloop het, Sy volk bewaar het, byvoorbeeld in en deur die ballingskap waarin die magtige Babiloniese ryk hulle gedompel het, sodat hierdie Kneg, soos belowe, uit Dawid se nageslag gebore kon word nie. Hy moes ook in Jesus se leeftyd die Jode en Romeine se planne teen Jesus bestuur het, sodat dit op Sy dood uitloop, en Hy moes Josef van Arimathéa se gees en gedagtes so vernuwe het dat hy n volgeling van Jesus geword het en dat die drang en plan om Jesus te begrawe by hom opgekom het. Hy moes selfs voor hierdie dae in Josef se gedagtes die plan bewerk het om n nuwe graf in hierdie rots in hierdie tuin uit te kap. Dis net die almagtige God wat iets eeue nadat dit voorspel is, presies so kan laat gebeur. Jesus se begrafnis vertel ook die boodskap van God se almag. En van Sy betroubaarheid. 16 Jes 53:9. Vgl ook Hebr 7:26; 1 Joh 3:5

7 7 As Hy iets gesê het, iets belowe het, dan doen Hy dit. Selfs die verloop van eeue kanselleer Sy woorde nie en laat Hom nie daarvan vergeet nie. Hy s die absolute Betroubare. Wat Hy sê, is die waarheid. Wat Hy voorsê, sál gebeur. Dis so seker dat dit wat Hy voorsê, sal gebeur, dat profesieë, soos hierdie een in ons teksvers, baie keer in die verlede tyd gestel word: 17 dit en dat hét gebeur. As God iets voorsê, kan jy so seker wees dat dit gaan gebeur, dat jy maar solank daarvan kan praat asof dit al klaar gebeur het! Jesus se begrafnis vertel ook die boodskap van God se betroubaarheid. Jesus móés sterf, en Hy hét, net soos God, die Almagtige en Betroubare, deur Sy profeet laat voorspel het. TOEPASSING Ook die Bybelse beskrywing van Jesus se begrafnis is vir ons kosbaar, en daarom deel van ons belydenis. Die Heilige Gees verseker ons daarmee dat die Here Jesus regtig alles wat ons as sondaars aan God geskuld het, enduit, volledig, betaal het. Selfs die liggaamlike dood, wat deel van ons straf was, het Hy vir ons gesterf. Hy wat móés sterf om vir ons te betaal, hét dit gedoen vir ons. En daarom is ons dood nie meer deel van ons straf nie: ons straf is gedra. Ons dood is net die drumpel wat ons oorsteek in die volgende fase van ons lewe met God in: die heerlike, ewige fase. 17 Die profetiese verlede tyd.

8 8 Maar elke keer as ons van Jesus se begrafnis hoor, herinner die Heilige Gees ons daarmee ook aan die almag en die betroubaarheid van God. As Jesaja 53:9 so wonderlik deur God vervul is, dan sal al die ander verse in die Bybel wat dinge voorsê wat nog moet gebeur, ook mos deur die almagtige en betroubare God vervul word. Goddelose mens moet dus weet dat God die strawwe, wat Hy vir onbekeerdes voorsê het, werklikheid sál laat word. En kinders van God moet weet dat nie een van al die mooi beloftes wat Hy vir Sy kinders gemaak het, onvervuld sal bly nie. Wat die Here sê, is absoluut betroubaar, want Hy kán en sál doen wat Hy gesê het. Dis ook n sprekende deel van ons geloof: - ons glo dat Jesus begrawe is in n ryk man se graf AMEN