God red mense wat glo deur die krag van die evangelie

Transcriptie

1 SKRIFLESING: Romeine 1:1-17 TEKS: Romeine 1:16 HK 23 TEMA: God red mense wat glo deur die krag van die evangelie Psalm 67 : 2 Skrifberyming 10 (5-4) : 1, 2 Psalm 71 : 12, 14 Ook: Ps 32 Ps 65 : 2

2 2 As jy Romeine 1:16-17 verstaan, dan verstaan jy basies die brief aan die Romeine. En dit was Calvyn wat gesê het dat wie die Romeinebrief se boodskap verstaan en ingeneem het, n oop deur het na die meeste skatte van die Bybel toe. Die kerkgeskiedenis wys dan ook hoe belangrik hierdie verse is. Om maar net een voorbeeld te noem: - Martin Luther, die man wat die groot kerkhervorming van die 16e eeu laat deurbreek het, se oë is onder andere deur hierdie verse oopgemaak; - dit was toe hierdie professor in die RKK die saak wat in hierdie verse behandel word, aan sy studente moes verduidelik, wat die oortuiging in hom deurgebreek het dat die kerk van sy tyd die Skrif op n kardinale punt verkeerd verstaan het; - dit wat hierdie verse sê, was as t ware die geboorteplek van die Hervorming, n beweging wat nie net op kerklike terrein nie, maar ook op kulturele en staatkundige en selfs op wetenskaplike terreine toe, tot onlangs nog, baie groot invloed uitgeoefen het, veral in dit wat ons ken as die Westerse wêreld. Dis belangrike verse hierdie. En daarom is HK 23, wat dit wat in hierdie verse ook staan, bely, n baie belangrike deel van ons belydenis. In n sekere sin is n mens hier by die hart van die boodskap wat in die Bybel vir die mens gegee word, die boodskap dat God elkeen wat glo, red. Kom ons luister vanaand spesifiek na vers 16. Ons doen deur dit afsonderlik na die volgende vier woorde wat in hierdie vers voorkom, te kyk: die woorde 1. evangelie; 2. krag; 3. redding; 4. geloof. 1. EVANGELIE

3 3 Die evangelie is n krag van God tot redding vir elkeen wat glo. Die evangelie waarvan die apostel Paulus hier skryf, moet een of ander goeie nuus wees, want die Griekse woord evangelie beteken blye boodskap, goeie nuus. Veral uit die Nuwe Testament word dit duidelik dat hierdie woord na die boodskap oor Jesus Christus verwys. Die evangelie is die goeie nuus dat Jesus van Nasaret die Here en die Verlosser van mense is. 1 Dis die blye boodskap wat vertel hoe dit wat Hy vir mense gedoen het, veral toe Hy daar aan die kruis gely en gesterf het, daartoe lei dat hulle deur God vrygespreek word van hulle sondeskuld en van die straf wat hulle verdien. Vers 17 sê dit: die geregtigheid van God word in die evangelie geopenbaar; wat beteken dat die evangelie die boodskap is wat vir ons vertel hoe God geregtigheid vir mense gee, hoe dit gebeur dat God mense wat in Hom glo, vryspreek en so Sy band met hulle herstel. Die evangelie is die boodskap van Jesus Christus, die goeie nuus wat God vir sondaars laat weet het. n Boodskap wat n krag is 2. KRAG Hierdie evangelie is n krag van God. U weet mos wat n krag is. Dis n vermoë, n energie, wat iets laat gebeur. Ons ken mos die kragte wat God in die natuur laat werk, byvoorbeeld swaartekrag, elektriese krag, sonkrag, atoomkrag. God het ook allerhande kragte waarmee Hy direk dinge laat gebeur. 1 Vgl bv Rom 1:1-4; 1 Kor 15:1-4; 2 Tim 2:8

4 4 o Daar s byvoorbeeld Sy skeppingskrag, waarmee Hy dinge wat voorheen nie bestaan het nie, laat ontstaan het. 2 o Daar s Sy voorsienigheid, Sy almagtige en alomteenwoordige krag waarmee Hy dit wat Hy geskep het, gedurig onderhou en regeer. 3 o Daar s die Goddelike krag waarmee die Here Jesus siekes gesond gemaak het. 4 o Daar s die krag waarmee die hemelse Vader Sy Seun uit die dood laat opstaan het. 5 God werk met allerhande soorte kragte. En nou skryf die apostel hier dat die evangelie ook n krag van God is. Die evangelie is maar sommer net n klompie woorde nie. Dis nie maar net nog n boodskap soos een van die derduisende ander boodskappe wat elke dag oor die aarde versprei word nie. Die evangelie is ook nie maar net n opinie van iemand, of n vroom gedagte van een of ander godsdienstige mens nie. Dis n krag van God. Dis n werking, n energie, n vermoë van God wat dinge laat gebeur. Wat laat dit gebeur? 3. REDDING Wat word deur die evangelie bereik? Wat bring hierdie krag van God tot stand? - Sy skeppingskrag bring n aarde en n hemel en plante en diere en mense en engele tot stand. - Sy voorsienigheid bewerk die voortbestaan van hierdie aarde en hemel en plante en diere en mense en engele. - Sy genesende krag maak siekes gesond. - Sy opstandingskrag bring lewe uit die dood tot stand. 2 Ex 20:11; Job 38; Hand 4:24; Rom 4:17; HK 9:26; NGB 12 3 HK 10:27 4 Luk 8:46 5 Efes 1:19-20

5 5 En die evangelie? Hiérdie krag van God bewerk redding! Hierdie krag se werking loop daarop uit dat mense regverdig is voor God en die ewige lewe het. Met hierdie krag haal God mense onder die dreigende wolk van Sy straf oor hulle sonde uit en bring hulle in die sonskyn van Sy liefde en guns in. Dis nog een van die wonderlike woorde in die Bybel: redding. Besef u dat redding die heel belangrikste is wat die wêreld nodig het meer as al die ander dinge waaroor mense en nasies hulle gedurig moeg maak? Al sou die wêreld (maar dit gaan natuurlik nie gebeur nie) alle oorloë gestop kry en armoede uitgewis kry en besoedeling van lug en water en grond onder beheer bring en mense se lewensverwagting drasties verhoog kry maar sonder redding bly, dan s dit alles verniet, want dan s God se skrikwekkende straf nog steeds die voorland van die mense wat Hom nie erken het nie en nie gedien het nie en nie gehoorsaam het nie! En nie net vir die wêreld nie, maar vir elke individu is redding uiteindelik die heel belangrikste saak in jou lewe. As jy by jou sterwensoomblik kom, gaan al die ander dinge waarmee ons besig was, nie meer vir jou so baie saak maak nie maar dan gaan redding kardinaal belangrik wees! Die evangelie is die krag van God waarmee Hy redding bewerk. Vir elkeen wat glo 4. GELOOF Die evangelie is nie n krag wat outomaties werk in die sin dat almal wat die evangelie met hulle ore hoor, gered word nie. Dis n krag van God tot redding vir elkeen wat glo.

6 6 Onthou u wat dit is om te glo? Om te glo is om God se boodskap te hoor, te aanvaar dat dit waar is, en dan oortuig te wees daarvan dat dit vir jou persoonlik ook bedoel is. 6 In n sekere sin is geloof nie iets wat ons doen nie. Geloof is om met n hart wat deur die Heilige Gees daarvoor oopgebreek is, ontvanklik gemaak is, iets te kry. Al wat jy eintlik doen, is om met oortuiging en blydskap te aanvaar wat vir jou gegee word. Natuurlik moet n mens die régte evangelie gelowig aanvaar Die evangelie kan, soos enige ander boodskap, verdraai word of vervals word as dit deur mense aan ander oorgedra word. Die Here Jesus en Sy apostels het ons baie duidelik teen hierdie gevaar gewaarsku. 7 Daarom moet ons altyd die evangelie wat aan ons oorgedra word, toets aan die suiwer vorm daarvan, naamlik dit wat in die Bybel staan. Om n verdraaide evangelie te glo, gaan jou niks help nie. Die apostel Paulus het vir die Korintiërs geskryf: Deur dié evangelie word julle ook gered as julle vashou aan die boodskap soos ek dit aan julle verkondig het. As julle aan iets anders vashou, het julle tevergeefs tot geloof gekom. 8 Die suiwer evangelie is God se krag tot redding vir elkeen wat dit glo. En dis net waar geloof is waar hierdie krag redding bewerk. Daar s nie ander dinge waardeur God ook redding gee nie. Hierdie krag bewerk nie redding waar mense goed en ordentlik en beskaafd en mensliewend optree, maar nie glo nie. Dit sal jou niks baat as jy, volgens mense se oordeel, n baie ordentlike en aangename mens was, maar jy t nooit regtig die boodskap van Jesus Christus gelowig aanvaar nie. 6 HK 7:21 7 Mat 24:5, 11; Filip 3:2; 1 Joh 4:1 8 1 Kor 15:2 (AV 1983)

7 7 Hierdie krag bewerk ook nie redding waar mense staat maak op hulle deelname aan die kerklike lewe om vir hulle redding by God te koop nie, of op hoe hard hulle probeer het om reg te lewe, of op die baie en groot offers wat hulle vir die Here se saak gebring het nie. Hierdie krag bewerk nie redding waar jy sou kon bewys dat jy n beter mens as ander was nie, dat jy minder gelieg het en minder gesteel het en minder lui as ander was nie. Die evangelie is n krag van God tot redding vir mense wat glo. En nét vir hulle. Dis wat die Heilige Gees ons in hierdie vers van die Woord laat hoor. TOEPASSING As u hierdie vers nou verstaan, sal u besef hoe raak die kerk gehoor het en hoe suiwer die kerk dit weergegee het hier in HK 23. Wat baat dit n mens dat jy die Bybel glo, hierdie blye boodskap van Jesus Christus se koms na hierdie aarde toe en Sy lyding en dood en opstanding met alles wat dit vir mense beteken? Wat bring geloof n mens in die sak? Wat het mense wat hierdie dinge glo, wat ander mense nie het nie? Een ding: redding! - hulle s bevry, verlos; - hulle s deur God vrygespreek van alle skuld en kwytgeskeld van al die straf wat hulle verdien het; - Hy t hulle as Sy kinders aanvaar; - en Hy gaan vir ewig vir hulle sorg. Mense wat glo, het nie op hierdie aarde in ander dinge altyd meer en dit altyd beter as ongelowiges nie. Inteendeel, partykeer het gelowiges minder gesondheid en voorspoed en geluk in aardse dinge as baie ongelowiges.

8 8 Maar hulle t redding, ewige redding, die grootste en meeste wat enige mens kan hê. Hulle het n pêrel wat só kosbaar is, dat dit die moete werd sou wees om alles wat jy het te verkoop as jy dit met daardie geld sou kon betaal. 9 AMEN 9 Mat 13:46