Dis net so ondenkbaar soos n gemeente die tempel van die Heilige Gees 1 wat nie bid nie.

Transcriptie

1 PSALM 141 : 2 HK 45 Votum Seën Psalm 104 : 1, 2, 20 Geloofsbelydenis: Twaalf Artikels Wet: Deuteronomium 5:6-21 (AV 1933/53) Psalm 69 : 3, 6, 12 Gebed Psalm 28 : 1, 2, 6 Skriflesing: Psalm 141 (AV 1933/53) Belydenis: HK 45 Teks: Psalm 141:2 (AV 1933/53) Preek: Die Here se kerk bid Gebed Kollekte Psalm 34 : 2, 7 Seën Skrifberyming 13-3 (78) 1

2 Kan u dit vir u voorstel? - die tempel daar in Jerusalem; - met sy allerheiligste gedeelte waar die verbondsark gestaan het die simbool van die Here se teenwoordigheid; - en met die heilige gedeelte, waar die tafel met die toonbrode gestaan het, en die goue kandelare, en die wierookaltaar teen die voorhangsel by die allerheiligste; - en die priesters met hulle priesterlike klere wat daar rondbeweeg; - net maar die wierookaltaar is leeg, koud; - daar word geen wierook gebrand nie; - die lieflike geur wat die tempel moes vul, is nie daar nie... Dis ondenkbaar. Dis net so ondenkbaar soos n gemeente die tempel van die Heilige Gees 1 wat nie bid nie. En dis net so ondenkbaar soos n gelowige, wat self ook n tempel van die Heilige Gees is, 2 wat nie bid nie. God se kerk bid. Kinders van die Here bid. Dís waaraan u in vanoggend se preek herinner word. 1 Efes 2: Kor 3:16; 6:19 2

3 Ons gaan kyk na wat gebed is, dan na hoekom ons bid en derdens na hoe ons behoort te bid. 1. WAT GEBED IS Om dit prosaïes te sê: - gebed is om met die Here te praat, om woorde van dank en smeking en skulderkenning en aanbidding vir Hom te sê. Maar n mens kan dit ook met beeldspraak sê: o Gebed is (so het Hanna vir Eli van haar gebed gesê 3 ) om jou hart voor die Here uit te stort. o Gebed is om na die troon van die genade te gaan om hulp te kry. 4 o Gebed is ook om n geestelike reukoffer of n geestelike aandoffer aan die Here te bring. Dis mos wat Dawid hier vra: Laat my gebed soos reukwerk voor u aangesig staan, die opheffing van my hande soos die aandoffer. 3 1 Sam 1:15 AV 1983/91 4 Hebr 4:16 3

4 Daar in die tempel moes die hoëpriester aan die begin en aan die einde van elke dag op die wierook-altaar, wat so naby as moontlik aan die allerheiligste deel van die tempel gestaan het, 5 geurige reukwerk bring. 6 En uit die res van die Bybel blyk dit nou dat hierdie heerlike geure wat daar in die tempel opgestyg het en ook die allerheiligste ingedring het, n beeld is van die gebede van die kinders van God wat opstyg tot by Hom daar bo in die hemel 7 en wat vir Hom so aangenaam is soos wat n heerlike geur vir n mens is. En daar buite die tempel, op die reuse brandoffer-altaar wat daar gestaan het, moes die priesters, buiten al die ander offers wat daar gebring is, ook elke môre en elke aand n jaaroud-lam aan die Here offer, met die nodige spysoffers daarby, wat ook wierook bevat het. 8 En daarom is die tyd van die aandoffer ook as n gebedstyd deur die gelowiges van die Ou Testament gesien, soos ons byvoorbeeld by Esra sien. Hierdie priester, wat die groot kenner van die Here se wet in sy tyd was, het sy gebed waarin hy die volk se sonde bely het, juis op die tyd van die aandoffer begin. 9 Vir Dawid is sy gebede wat hy doen met sy hande wat hy smekend na Bo uitsteek soos die geure van die aandoffer wat opstyg boontoe, en wat vir die Here ook aangenaam is, omdat dit Sy wil en opdrag was dat hierdie aandoffer vir Hom gebring moes word. 5 Exod 40:26 6 Exod 30: Opneb 5:8; 8:3 8 Exod 29:38-42; Lev 2:1-2 9 Esra 9:4-5 4

5 Gebed is ook geestelike wierookoffers en aandoffers, wat soos die Here Sy volk geleer het elke dag aan Hom gebring moet word. Dis wat gebed is: - kommunikasie met God; - hart uitstort voor Hom; - genadetroon toe gaan; - offers bring aan God... Hoekom bid ons? 2. HOEKOM ONS BID Die eerste rede waarom ons bid is eintlik nou al gegee: omdat God dit beveel. o... roep My aan... hoor ons die Here in die Ou Testamentiese tyd sê. 10 o Ons moet die Here sonder ophou aan Sy beloftes herinner, sê die Here vir ons deur die profeet Jesaja, 11 wat natuurlik beteken dat ons gedurig moet bid. o Só moet julle dan bid sê die Here Jesus toe Hy Sy dissipels die Onse Vader leer 12 moet julle bid. 10 Ps 50:15 11 Jes 62:6 12 Mat 6:9 5

6 o Bid sonder ophou, skryf Sy apostel vir die gelowiges. 13 Ons bid omdat die Here ons beveel om te bid. Wie nie gereeld bid nie, is ongehoorsaam aan die Here. Maar n tweede rede waarom ons bid, is omdat ons daarmee ons dankbaarheid wys vir die Here se genade. Die kerke bely in die HK se derde deel (waarmee ons nou besig is) dat die Woord ons leer dat ons dankbaarheid vir God se genade veral op twee maniere tot uiting kom: in gehoorsaamheid en in gebed. En as riglyne daarvoor word die Tien Gebooie en die Onse Vader behandel. As jy in gebed jou dankbaarheid wys, dan beteken dit dat jy met woorde wat jy vir God sê, wys dat jy weet - hoe baie jy gekry het; - dat Hý die Een is wat dit vir jou gegee het. Selfs n gebed waarin jy jou sonde bely, of n gebed waarin jy God smeek vir hulp, is vol implisiete erkenning en daarom dankbaarheid: - as jy Hom vir vergifnis vra, beteken dit tog dat jy erken dat Hý die Een is wat dit altyd gee; - en as jy Hom vra om jou te help, dan beteken dit tog dat jy dit doen omdat jy Hom as die Helper in die nood ken Tes 5:17 6

7 Een van die groot redes waarom die Here Sy volk in die Ou Testamentiese bedeling geleer het om offers te bring, is om hulle dankbaarheid te wys. 14 Ons bid ook omdat ons dankbare mense is. n Derde rede waarom ons bid, is omdat die Here gekies het om die goeie wat Hy vir Sy kinders wil gee, vir hulle te gee as die antwoord op hulle gebede. Om dit met n beeld te verduidelik: - as jy die Namakwalandse blomme in die lente wil sien, dan moet jy op die paaie ry wat deur daardie wêreld gaan; jy gaan die blomme mis as jy nie op dáárdie paaie ry nie! - net so: as jy die seëninge wat die Here vir Sy kinders belowe het, wil kry (so leer die Here ons in Sy Woord) dan moet jy jou op die pad van gebed begewe; 15 jy gaan nie op ander maniere daardie seëninge kry nie! Ons bid dus ook omdat gebed die sleutel van die hemel is, waarmee ons daar kan ingaan en by God kan gaan vra en kry wat Hy vir ons wil gee... Hoekom bid ons? - omdat ons moet; - omdat ons uit dankbaarheid wil; - en omdat dit die manier is waarop ons God se gawes, waarsonder ons nie wil en kan lewe nie, kry. 14 Lev 3 15 Sien bv Ps 50:15; Mat 7:7-8; Jak 4:2 7

8 3. HOE ONS BEHOORT TE BID Net soos die Here die priesters van die Ou Testamentiese bedeling uitdruklik beveel het om nie vreemde wierook op Sy altaar aan die brand te steek nie, 16 maar net dié waarvoor Hy die resep gegee het, 17 en net soos wat die Here baie duidelike bepalings gegee het oor hoe die aandoffer moes wees watter soort dier geoffer, hoe oud, in watter toestand, wat daarmee saam geoffer moes word, 18 so moet ons gebedsoffers ook aan die Here se opdragte oor ons gebede beantwoord. Ons belydenis herinner ons aan van hierdie opdragte: Ons moet natuurlik die God van die Bybel aanroep die enigste, ware God. Nie enige van die ander sogenaamde gode, of een of ander onpersoonlike krag in die heelal, of die gode wat ons self uitdink nie baie mense skep mos hulle eie idee van hoe God is, wat dan baie anders is as wat Hy volgens die Bybel is, maar dan dink hulle dat hulle dat hulle nog steeds met die ware God besig is wat dan natuurlik nié so is nie! Ons moet tot God bid soos ons Hom in die Bybel leer ken het. 16 Exod 30:9 17 Exod 30: Exod 29:38-41; Num 28:1-8 8

9 En ons moet dit doen met die besef van hoe sondig en hoe klein ons voor die Here is. Gebed is nie n gesprek tussen gelykes nie. - Dis n gesprek tussen kleintjies wat nie eers naastenby verstaan hoeveel groter die Grote as hulle is nie; - En dis n gesprek tussen hulle wat verdien het om vir ewig weggegooi te word en Hom wat dit nie gedoen het nie, maar wat die Een wat Hy met Sy hele wese liefhet Sy eie Seun in hulle plek daar aan die kruis prysgegee het, sodat Hy dit nooit met hulle sal hoef te doen nie. - En dis n gesprek tussen mensies wat nie vir een oomblik kan bestaan as God nie elke oomblik vir hulle gee wat hulle nodig het om te kan bestaan nie. Wie nie met n gesindheid en met n gebedshouding en met woord en sinne en n stemtoon wat van die allerheiligste respek vir God getuig bid nie, ken nog nie eers die abc van bid nie. Selfs wat ons behoort te vra, leer Hý ons. Die Onse Vader is n perfekte voorbeeld van wat ons van Hom behoort te vra. Psalm 141 is ook n les hierin n gebed waarin die bidder eers vra om van sondes weggehou te word voordat hy vra om uit sy nood bevry te word. En natuurlik moet ons bid met die sekerheid dat ons gebede beantwoord sal word met bewyse van God se troue liefde. 9

10 n Mens kan nie reg bid as jy nie deur die Heilige Gees diep oortuig gemaak is dat die Here Jesus Christus met Sy verlossingswerk God se liefde vir jou gewaarborg het nie. Wie bid sonder om seker te wees dat God luister en met liefde sal antwoord, beledig Hom met so n gebed. Dis nie net belangrik om te bid nie, maar dis ook belangrik hóé ons bid. Ek kan nie sommer net enige wierook aan die Here offer nie, en ek kan nie sommer net enige iets as aandoffer vir Hom bring nie. Ook wat ek offer en hoe ek offer, maak saak. Julle klein outjies Die Here leer ons in die Bybel dat ons moet bid. Ons moet elke dag bid. Ons moet vir die Here dankie sê vir alles wat Hy vir ons gee en ons moet vir Hom sê waarmee ons graag wil hê dat Hy ons moet help. Die Here luister elke keer as ons bid, ook as klein kindertjies bid TEN SLOTTE Die Here se tempel sonder wierook? 10

11 Die reukoffer-altaar koud en leeg? Dit kan tog nie! Dis mos ondenkbaar! So ook n gemeente waar gebede min en flou is. So n kind van die Here wat nie getrou bid nie, régtig bid nie. Daarom is hierdie sinnejies in Psalm 141 onder andere n oproep tot elkeen van ons om getrou daar in ons binnekamers in te gaan, die deur te sluit en die wierook van jou gebede voor die Here aan die brand te steek. Dis die grootste wat n mens op enige dag op hierdie aarde kan doen... AMEN 11