SKRIFLESING: Lukas 6: TEKS: Lukas 6:37 HK 43. God se mense het ook met hulle woorde lief. Psalm 34 : 1, 2. Psalm 34 : 6.

Transcriptie

1 SKRIFLESING: Lukas 6:27-42 TEKS: Lukas 6:37 HK 43 TEMA: God se mense het ook met hulle woorde lief. Psalm 34 : 1, 2 Psalm 34 : 6 Psalm 18 : 14

2 Dis reg dat ons mekaar met die daad moet liefhä. Die Bybel leer ons so. 1 Maar nou moet ons nie so op liefhä-met-dade konsentreer dat ons liefhä-met-woorde vergeet nie; want die Here wil altwee by ons hä: - liefhä met dade; - maar ook so beveel Hy ons in die 9e gebod liefhä met woorde. Dit is mos so dat ons in die 9e gebod beveel word om met woorde lief te hä. Al die gebooie van die Here beveel mos liefhä: - die eerste vier dat ons God moet liefhä; - en die res dat ons ons naaste moet liefhä. En die 9e gebod, wat deel is van die gebooie wat oor liefhä van ons naaste gaan, het mos te doen met ons getuienis, ons woorde. Dis dus n gebod waarin die Here ons beveel om ons naaste met ons woorde lief te hä. Dis dan ook die hoofgedagte van vanaand se preek: - God se mense het hulle naaste ook met hulle woorde lief. Kom ons kyk: 1. wie en hoe God se mense is; 2. hoe n mens ander met jou woorde liefhet. 1. GOD SE MENSE In hierdie preek word met die uitdrukking God se mense nie Élle mense op aarde bedoel nie al sou jy in n sekere sin tog alle mense op aarde God se mense kon noem. Maar in hierdie preek word daarmee bedoel: - Sy spesiale mense; - Sy kinders; - mense wat in Jesus Christus glo; - mense wat burgers van die koninkryk van die hemel geword het. Natuurlik is nie een van ons wat n kind van God is, dit sommer vanself nie. 1 1 Joh 3:18 2

3 Ons is dit ook nie omdat ons sulke goeie en gawe mense is nie. Ons is dit omdat Jesus Christus ons dit gemaak het omdat Hy grensloos goed is vir slegte, sondaarmense soos wat almal van ons van nature was; sñ goed dat Hy ons slegtigheid en sondes op Sy skouers gesit het en Homself in ons plek voor die regbank van God laat veroordeel het. God se mense is die mense wat uit genade, deur hulle geloof in Jesus, ewige kinders van God geword het. Hoe is hierdie mense, God se mense? Hulle is anders as ander mense (word ons in die Bybel geleer). Hulle is mos nou mense in wie die Heilige Gees woon en werk. Hulle slegte en sondige harte en lewens word van binne af gerestoureer. En dit raak hulle hele bestaan: - hulle lewe nou bv. weer saam met God; - hulle lewe op n nuwe manier saam met hulle medemense; - hulle word nou in hulle omgang met medemense nie meer gedryf deur dinge soos selfsug en vyandigheid en wantroue en watter ander vorms van haat daar ook al mag wees nie; - hulle word nou gedryf deur liefde o liefde soos ons dit in God se Woord leer ken; o o SÑ is God se mense. liefde soos dit konkreet in die Tien Gebooie vir ons uitgespel word; liefde as respek vir my naaste se lewe en vir sy huwelik en vir sy stoflike belange Ön vir sy naam en eer So behoort hulle te wees. So moet hulle al hoe meer en meer word: - mense wat nuut saam met God lewe; - mense wat hulle medemense liefhet, ook met hulle woorde. 2. LIEFHÊ MET WOORDE 3

4 Hoe het n mens jou naaste met jou woorde lief? Die Skrifgegewens hieroor, wat o.a. hier in HK 43 saamgevat word, wys dat daar veral drie maniere is waarop ons ons medemense met ons woorde kan liefhä: 1. deur die waarheid met/voor hulle te praat; 2. deur die waarheid oor hulle te praat; 3. deur hulle vry te spreek. Ons moet voor/met ons naaste die waarheid praat. Wanneer ons in ander mense se teenwoordigheid praat, vereis liefde dat ons die waarheid praat. As ons vir ander mense omgee, dan belieg ons hulle nie: - nie in n hof waar ons onder eed in ander se teenwoordigheid praat nie; - maar ook nie in ons sitkamer waar ons sommer net lekker met ander mense sit en gesels nie. Ons mislei mense nie met ons woorde nie: - nie deur feite te verdraai nie; - nie deur wanindrukke te skep of wanindrukke te laat nie; - nie deur eensydige inligting of onvolledige inligting te gee nie; - nie deur witleuentjies, of sosiale leuentjies of enige ander soort leuens op te dis nie. Liefde vir ons medemense maak ons woorde voor hulle eerlik, opreg, waar Ons moet ook óór ons medemense die waarheid praat. As ons ons medemense liefhet, dan gee ons nie net vir hulle lewens en hulle huwelike en hulle geld en goed om nie, maar ook vir hulle naam en eer. Iemand se naam en eer is die goeie opinie wat ander mense van daardie een het. Jou naam en eer is jou goeie reputasie. Dis iets baie kosbaars n mens se naam en eer. In die Woord lees ons byvoorbeeld: n Goeie naam is meer werd as groot rykdom. 2 Dis dan ook iets wat meeste mense met passie sal verdedig: - hulle goeie naam; 2 Spr 22:1. Vgl ook Pred 7:1 4

5 - hulle eer. En nou leer die Here ons in Sy Woord dat liefde vir ons medemense ook beteken dat ons, wanneer ons oor hulle praat, hulle goeie naam en eer sal verdedig en bevorder. - Ons sal bv. nie onwaar dinge van n medemens vertel om hom/haar voor ander mense sleg te laat lyk nie. - Ons sal nie iets wat iemand anders gesä het, sñ plooi dat ander mense n skewe beeld sal kry van wat daardie een gesä het nie. - Ons sal nie slegte gerugte of vermoedens oor iemand anders verder versprei nie. - Ons sal nie stilbly as iemand in ons teenwoordigheid onwaarhede of halwe waarhede oor n ander mens vertel nie. As jy iemand liefhet, praat jy die waarheid oor daardie persoon. En u moet tog nie dink dat ons nou sommer besig is om vlieá te vang nie. Die Here sä in Sy Woord: - n Vals getuie [iemand wat die 9e gebod op een of ander manier oortree] bly nie ongestraf nie 3 - En in Romeine 1, waar die lewe van mense wat van God afvallig geword het, beskryf word, staan daar o.a. van hulle: Hulle skinder en praat kwaad terwyl hulle weet dat die wat dit doen Ön die wat dit goedvind as ander dit doen, die dood verdien! 4 Wie liefhet, praat nie net die waarheid vññr sy naaste nie, maar ook ÑÑr sy naaste Ons moet ons medemense vryspreek Daar s mense oor wie die waarheid nie baie vleiend is nie. Jy hoef nie eers leuens te vertel om hulle goeie naam en eer af te breek nie, jy kan maar net die waarheid oor hulle vertel, en dan sél ander mense sleg van hulle dink. Hoe praat n mens oor so n een? Die Here Jesus sä: 3 Spr 19:5 4 Rom 1:

6 - Moenie oordeel nie - Moenie veroordeel nie - Spreek vry Om te oordeel, is om regter te speel oor iemand anders se lewe. Dis om jouself die reg aan te matig om oor iemand anders se doen en late uitsprake te maak jy - sonder dat jy geroepe is om dit te doen (soos wat n regter bv. geroepe is om te doen) - en sonder dat dit regtig nodig is om dit te doen; - en sonder dat jy al die feite het om dit te doen (hoeveel kere spreek mense hulle nie oor ander se doen en late uit nie, sonder dat hulle regtig weet wat gebeur het, wat die omstandighede was, watter geskiedenis agter die gebeure lä, wat in die harte van die betrokkenes geleef het ). Om sonder die roeping daartoe, sonder noodsaak en sonder kennis van alle feite oor ander se doen en late n oordeel uit te spreek dit mag ons nie doen nie. Nog minder mag ons veroordeel. Om te veroordeel, is om iemand skuldig te verklaar; of eintlik nog meer: om iemand af te skryf. Dis om oor iemand anders te praat - asof daar aan hierdie een geen salf meer te smeer is nie; - asof dit n hopelose geval is; - asof hierdie mens onherroeplik op die verkeerde pad is. Om te veroordeel, is om iemand genadeloos te verdoem. Maar hoe kan n mens met liefde in die hart dit doen? Wat moet ons dan doen as die waarheid oor n medemens nie baie vleiend is nie? - stilbly, soos wat ons baie kere doen? - en juis deur ons stilswye oordeel en veroordeel? Was u ook al in n geselskap waar iemand van iemand anders gesä het? - moet my nie oor hom/haar vra nie; - ek wil liewers niks sä nie! 6

7 Is dit nie om grenslose suspisie oor hierdie mens wakker te maak nie? Dis amper erger as om so n een openlik te verdoem! Nee, ons moenie stilbly oor mense wie se lewe nie n mooi verhaal is nie. Ons moet hulle vryspreek! - ons moet hulle met ons woorde verskoon; - ons moet begrip vir hulle probeer wek; - ons moet so praat dat ander sal ophou om hulle af te skryf; - ons moet oor hulle praat as mense wat deur die Here vergewe is (as hulle Sy kinders is), of vergewe kan word; - hulle is mos mense soos ons; - daar s nie een gebod van God wat n medemens kan oortree wat elkeen van ons nie op een of ander manier ook al in ons eie harte en lewens oortree het nie; - en as Ñns dan genade by God gekry het kom ons praat van hulle as mense wat dit ook kan kry Die liefde oordeel nie. Die liefde veroordeel nie. Die liefde spreek vry. Die Here Jesus waarsku ons hier: - as ons oordeel en veroordeel, gaan ander mense dieselfde met ons doen; - en as ons sonder berou en bekering so liefdeloos optree, sal ons uiteindelik deur die hemelse Regter geoordeel en veroordeel word. Maar Hy belowe dat mense wat ander vryspreek, self ook vrygespreek sal word. Ons sondige natuur laat ons dink dat as ons ander sleg maak en afkraak, dan sal dit ons voor ander mense beter laat lyk. Maar die Here leer ons dat juis oor mense wat deur die Heilige Gees sover gebring is om met vergewensgesindheid en met begrip vir hulle worstelinge oor mede-sondaars te praat juis oor sàlke mense sal daar ook woorde van begrip en vergewing gepraat word, as dit dan nie nou al deur ander mense is nie, dan vir seker op die laaste dag deur jou Here en jou hemelse Vader Wie sy/haar medemense liefhet, praat die waarheid voor en met hulle, praat die waarheid oor hulle en spreek hulle vry. 7

8 TEN SLOTTE Dis goed dat ons dit baie hoor: dat ons met die daad moet liefhä. Dit moet maar net nie maak dat ons vergeet van liefhä met die woord nie. Met valse en afbrekende woorde kan jy jou naaste diep seermaak, selfs breek. Maar met goeie woorde waar woorde, opregte woorde, vrysprekende woorde kan jy medemense wonderlik heelmaak en opbou. Kom ons, wat God se liefde vir ons so duidelik in Sy woorde hoor kom ons maak ons woorde ook instrumente van ons liefde vir ander AMEN 8