SPREUKE 16:9. Votum en seën. Psalm 8 : 1, 2. Geloofsbelydenis: Twaalf Artikels. Wet: Exodus 20:1-17 (AV 1933/53) Psalm 65 : 2, 4.

Transcriptie

1 SPREUKE 16:9 Votum en seën Psalm 8 : 1, 2 Geloofsbelydenis: Twaalf Artikels Wet: Exodus 20:1-17 (AV 1933/53) Psalm 65 : 2, 4 Gebed Skriflesing: Spreuke 16:1-15 (AV 1933/53) Teks: Spreuke 16:9 (AV 1933/53) Psalm 91 : 6 Preek: Die Hére besluit wat vorentoe in ons lewens gaan gebeur Gebed Kollekte Skrifberyming 34 (2-2) : 3 Seën Skrifberyming 78 (13-3)

2 2 Het u ook planne vir u lewe vorentoe: - studieplanne; - loopbaan-planne; - planne vir huwelik en gesin; - aftrede-planne; - vakansieplanne? Die meeste mense het planne vir hulle lewens vorentoe. Party se planne is baie konkreet: - hulle sê dit vir ander; - hulle skryf dit neer; - daar s konkrete aksiestappe wat beplan word, tydskale, meetbare resultate/uitkomste wat hulle wil bereik. Ander se planne vir die toekoms is meer algemene planne wat hulle hier in hulle agterkoppe hou en nie vir almal vertel nie, ideale wat hulle het, so n toekomswens, n visie van hoe hulle lewens vorentoe gaan verloop en uiteindelik gaan lyk. Maar omtrent alle mense het planne vir vorentoe. Met ons tekssinne sê die Heilige Gees nie dat dit verkeerd van ons is om planne te hê nie, maar Hy herinner ons aan die feit/werklikheid dat Gód finaal besluit wat sal word. Dis die kernsin van hierdie preek: - Die Hére besluit wat vorentoe in ons lewens gaan gebeur. Kom ons praat eers oor mense wat planne beraam en dan oor God wat die voetstappe rig. 1. MENSE MAAK PLANNE Dis eintlik deel van mens-wees om planne te maak, om jou weg uit te dink. Die woord wat hier vir uitdink gebruik word, is n woord wat ook vir weefwerk gebruik is. n Mens weef mos vir jou so n prentjie van hoe dinge vorentoe gaan gebeur.

3 3 En die feit dat jy dit met jou hart doen (soos hier staan), beteken nie net dat jy dit in jou binneste doen nie, maar dit beteken ook dat n mens emosioneel betrokke is by die planne wat jy maak. Waarom (dink u) is mense baie kere so ontsteld, of selfs hartseer, of verpletterd as dinge nie uitwerk soos hulle dit beplan het nie? Let ook op dat hierdie staan dat die hart van n mens sy weg uitdink sy pad. Mense se planne gaan nie net oor wat hulle aan die einde wil hê die eindbestemming nie, maar ook oor hoe hulle daar gaan uitkom: met watter paaie hulle dit gaan bereik, watter roete hulle gaan volg. Iemand wat byvoorbeeld n neuro-chirurg wil word, se plan gaan mos nie net oor die eindresultaat nie, maar oor die hele reis soontoe: - ek gaan volgende jaar begin studeer daarvoor; - by Tukkies; - en dit gaan my soveel jaar vat; - en iewers daarna gaan ek hopelik trou en my eie blyplek kry; - dan gaan ek my vir die voorgeskrewe tyd as neuro-chirurg bekwaam; - en dan gaan ek hier in Pretoria n praktyk begin; - en ek gaan my kinders, wat ek beplan om te hê, hier laat grootword en skoolgaan, ens. Dis natuurlik nie verkeerd om planne te weef nie, behalwe as dit slegte planne is 1 - as jy sondige resultate wil hê; - as jy reise op verkeerde paaie beplan. Maar daar s genoeg uitsprake in die Bybel wat dit duidelik maak dat dit ook goed is om goeie planne te maak. 2 In ons teksvers self gaan dit nie oor die vraag of weg-uitdink/planne-maak, reg of verkeerd is nie. Dit sê bloot dat dit iets is wat gebeur: - mense máák planne; - dis die werklikheid; - dis soos dit is Maar daar s nog iets wat werklikheid is, 1 Vgl bv Spr 15:2; Pred 7:29 2 Bv Spr 15:22; 20:18; 21:5; 2 Tim 3:10

4 4 wat ook in ons teksvers staan en wat eintlik die skerp punt van hierdie uitspraak is. 2. GOD RIG DIE VOETSTAPPE Die hart van die mens dink sy weg uit, maar die HERE rig sy voetstappe. Die ander Afrikaanse vertaling gee dit só weer: - n Mens beplan sy pad, maar die Here bepaal hoe hy loop. Die HERE rig dit. Hy stuur dit. Die term wat hier gebruik word, kan ook vertaal word met: die Here stel dit vas. Hý bepaal dit. Hý besluit daaroor. Waaroor? - Oor jou voetstappe. - Nie net oor waar jy uiteindelik gaan uitkom nie, maar ook oor die treë wat jou voete soontoe gaan gee, oor die koers waarin jou lewe sal gaan, oor die paaie waarlangs jou reis jou gaan vat, selfs oor die tempo, die pas waarteen dit gaan gebeur hoe lank of hoe kort dit vir dinge gaan vat om gebeur. Die Hére doen dit. Hý besluit langs watter paaie die lewensreis jou gaan vat. Hý stel dit vas en laat dit dan so gebeur. Partykeer is die rigting waarin ons lewe of sekere fasette van ons lewe deur die Here gestuur word, dieselfde as wat ons beplan het. Veral daar waar ons ons planne biddend en volgens die riglyne van God se Woord geweef het en Sy seën daarop gevra het, sal ons dit baie kere beleef dat dit wat ons beplan het en die koers wat die Here ons voetstappe laat gaan, dieselfde is. 3 3 Vgl bv 1 Kor 4:19; 16:7

5 5 Maar partykeer stuur die Here ons lewe in die algemeen of sekere fasette van ons lewe in n ander rigting as wat ons beplan het - partykeer net n bietjie anders as wat ons gedink het; - partykeer heeltemal anders as wat ons gedink het; - partykeer vat ons Hy ons nog na waarheen ons gedink het om te gaan, maar met heeltemal n ander roete as wat ons gedink het; - en partykeer is die Here se tempo baie anders as wat ons gedink het: bevordering in jou loopbaan gebeur byvoorbeeld baie stadiger as wat jy gedink het; of n siekte ontwikkel baie vinniger as wat jy gedink het Die Hére rig ons voetstappe, of dit nou in lyn met ons beplanning is of nie. En ons kan niks daaraan doen nie. Ons kan nie die Here en dit wat Hy vasgestel het, eenkant toe skuif en dinge tog laat ontwikkel soos óns beplan het nie. Dit wat Hy vir ons bepaal het, gebeur. o In Spreuke 19 staan daar: Baie planne is in n man se hart, maar die raad van die HERE, dié sal bestaan. 4 o En die Heilige Gees het die profeet Jeremia, wat dit self beleef het hoe die Here hom by meer as een geleentheid laat gaan het waar hy nie wou wees nie, laat sê: Ek weet, Here, die mens kan nie self sy pad kies nie, niemand kan self sy koers bepaal nie. 5 Dit wat die Hére vasgestel het, sal in ons lewens gebeur. Hy s sterker as ons. Sy wil en besluite oorheers ons toekomsplannetjie en -wense en -drome. Maar voordat u begin dink dat dit hard klink en dat dit van die mens niks meer as n pionnetjie in die hand van n groot Tiran in die heelal maak nie, moet u onthou wie die God is van Wie ons praat. Hy is die HERE. Die Hebreeuse naam Jahwe word hier gebruik, 4 Spr 19:21 5 Jer 10:23 (AV 1983). Vgl ook AV 1933/53.

6 6 die Naam waarmee God Homself as die Verbondsgod beskryf die getroue God, wat die mense aan wie Hy Hom verbind het, nooit in die steek sal laat nie. Hy s die Een wat ons al hoe duideliker in die Bybel leer ken as die Vader en die Seun en die Heilige Gees. o Hy s die Vader, wat nooit Sy kinders na slegte plekke toe sal vat nie, en wat dié spesifieke roete wat Hy vir elke kind van Hom vasstel, vir dáárdie kind se ewige geluk en saligheid die heel beste roete maak, al is dit dan nie altyd die lekkerste roete vir daardie kind nie. o Hy s die Seun, wat hemelse heerlikheid en voorregte agtergelaat het, om die bitterste bitter straf, wat ons as sondaars verdien, in ons plek vir ons te kom dra, sodat die eindbestemming vir elkeen wat in Hom glo, nie meer die verdiende helse straf gaan wees nie, maar die hemelse vreugde en heerlikheid wat Hy vir ons verdien het. o En Hy, wat ons voetstappe rig, is die Heilige Gees, wat binne in God se mense woon, wat ons lewensdrome en ideale ken soos niemand anders nie, en wat ons so nuut maak hier binne, dat ons gelowig gaan waarheen Hy ons voetstappe rig, selfs al is dit anders as wat ons beplanning is, en gehoorsaam aan al die opdragte van God wat vir dáárdie roete geld. Dis nie n tiran wat ons voetstappe rig nie,. Dis die Here, ons God, ons Vader, ons Verlosser, ons Trooster En al verstaan ons nie altyd die roete waarop die Here ons voetstappe rig nie Spr 20:24 sê dit: Die voetstappe van n man hang van die HERE af: hoe sou n mens dan sy weg verstaan? al verstaan ons nie altyd waarom ons sekere paaie moet gaan nie, kén ons die HERE wat dit rig, en maak dit ons tevrede Al maak ons baie planne, ons lewens sal gaan waar die Here dit stuur. TOEPASSING

7 7 Ek is seker dit hét ook al in een of ander opsig in u lewe met u gebeur: dat u u planne reg gehad het en selfs al begin uitvoer het, en dat daar toe iets gebeur het wat al u planne omvergeggooi het en dinge heeltemal anders laat verloop het as wat u beplan het. Besef u dat dit weer kan gebeur en waarskynlik in een of meer opsigte van u lewe gáán gebeur? Jou studieplanne, of loopbaanplanne, of huweliksplanne, of gesinsbeplanning, of aftredeplanne, of vakansieplanne, of finansiële beplanning dis glad nie te sê dat dit so gaan uitspeel soos wat jy nou die prentjie in jou kop het nie. Die vraag is vanoggend: - vertrou ons die Here só dat ons dit gelowig gaan aanvaar as Hy ons voetstappe anders rig as wat ons hart dit uitgedink het, of gaan ons fout vind met wat Hy doen, dink dat ons beter as Hy weet, kwaad word opstandig, verpletterd en depressief? 6 Daar s mense wat die Here wil los omdat Hy hulle dan kamstig nie help in hulle lewens nie. Maar by baie van hierdie mense is dit húlle wat die prentjie verkeerd sien. Hulle sien dit so dat dit hulle is wat die planne maak en dat die Here daar is om hulle te help om húlle planne uit te voer. Terwyl dit die Hére is wat reisplan vir ons elkeen se lewe uitwerk, en dit ons plig is om die hierdie reis wat Hý vir ons uitgewerk het, gelowig en gehoorsaam te gaan. Om n beeld te gebruik: 6 Vgl Jes 45:11

8 8 - die Here bestuur nie net die motor van my lewe nie, maar Hy bepaal ook die roete; - party mense is gewillig om Hom te laat bestuur, maar hulle wil nog steeds vir Hom voorskryf watter pad Hy moet ry; - hulle wíl na die ewige saligheid toe gaan en die Here kan hulle soontoe vat, maar dit moet langs die roete van n lekker gemaklike en suksesvolle aardse lewe wees; - en as Hy hulle langs n ander roete soontoe vat, dan wil hulle uitklim Om die Here te vertrou, beteken: - ek aanvaar die paaie waarop Hy my voete laat gaan, al is hulle radikaal anders as die planne wat ék vir my lewe gehad het; - want ek weet wie Hy is en ek weet waarheen Hy my vat Is dit nie tog iets om oor opgewonde te wees nie dat die Here sal besluit hoe my lewe vorentoe gaan verloop? Dis soos om op n pragtige pas te ry, en nie te weet wanneer die pad skielik gaan draai en daar dan die lieflikste tonele voor jou oë sal oopgaan nie. Ons weet nie wanneer die Here ons lewenspaadjie skielik van ons beplande paaie gaan laat wegdraai nie, maar ons wag met opgewondenheid om te sien watter lieflike tonele van Sy liefde Hy anderkant die draai vir ons gaan wys AMEN