Die Here gee ons ná die tydelike die blywende.

Transcriptie

1 SKRIFLESING: 2 Korintiërs 4:16 5:10 TEKS: 2 Korintiërs 5:1 TEMA: Die Here gee ons ná die tydelike die blywende. Psalm 90 : 1, 2 Psalm 102 : 11, 12 Psalm 84 : 1 Skrifberyming 78 (13-3) Ook: Skrifberyming 20 (9-6)

2 2 Een van die lesse wat n mens leer soos jou lewensjare aanstap, is dat die aardse lewe maar net nie wil word wat ons voel dit kan wees en wat ons wens dit kan word nie. Dis soos n beker wat maar net nie wil vol word nie, wat op sy beste maar half-vol bly. Ouer mense beleef dit baie skerp wanneer hulle liggame al hoe meer agteruitgaan en verswak en hulle al hoe meer besef dat daar nie meer tyd gaan wees vir alles wat hulle nog wou doen nie. Maar ook jonger mense beleef al van die ontnugterings van die lewe dat dinge nie altyd so uitwerk soos wat hulle gedroom het nie en soos jy 25 en 30 en 40 jaar oud word, maak jou kop die sommetjie en begin jy iets besef van hoe kort die lewe op hierdie aarde eintlik is! Genoeg om n mens sommer moedeloos te maak!? Nee, kinders van die Here word nie deur hierdie dinge moedeloos gemaak nie, want daar is mos n blywende wat kom na hierdie tydelike; die Hére gee Sy kinders na die tydelike die blywende. Dis wat ons hier in Sy Woord hoor en wat vanaand vir u gepreek word. Kom ons kyk 1. na wat ons nou het; 2. na wat die Here vir ons gaan gee; 3. na wat hierdie wete vir ons beteken. 1. WAT ONS NOU HET Wat ons nou het, is n aardse tentwoning. n Tent is n tydelike blyplek. Iemand wat op reis is, of iemand wat toer, bly in n tent; - toe die Here die Israeliete uit die Egiptiese slawerny verlos het en hulle van kampplek tot kampplek deur die woestyn gereis het na Kanaän toe, het hulle in tente gebly;

3 3 - die Midde-Oosterse wêreld van destyds het ook jou tipiese nomades geken mense wat saam met hulle vee rondgetrek het van plek tot plek waar daar water en weiding was en wat in tente gebly het. En nou is n tent heel goed, maar jy s tog baie meer blootgestel aan wind en weer as wanneer jy in n gebou van klip of steen is én jy t n blyplek wat baie gouer verweer as n gebou. n Tent is nie bedoel om n permanente blyplek te wees nie. Tente word juis so gemaak dat hulle relatief gou en maklik opgeslaan en afgeslaan en verskuif kan word. En as dit wat ons nou het, n aardse tentwoning genoem word, beklemtoon dit dit net nog sterker dat hierdie tentwoning onderworpe is aan al die beperkings en gebreke en tekortkomings en tipiese probleme van die lewe op hierdie aarde. Dis n baie sprekende beeld wat hier vir die lewe wat ons nou het, gebruik word: n aardse tentwoning. Natuurlik verwys dit in die eerste plek na ons liggame, wat soos n tent is wat deur wind en weer verniel word en al hoe meer verweer en iewers die punt gaan bereik waar dit afgebreek gaan word, afgeslaan gaan word, wanneer ons die dag doodgaan. Maar die aardse tentwoning verwys nie net na ons liggame nie, ook na ons hele aardse bestaan hier en nou. Ons hele lewe is maar n tent-lewe. Ons wil so graag vastigheid en blywendheid hê. 1 o Mense wil hulle vestig, n huis besit, n vaste beroep beoefen. o In hulle verhoudings wil hulle die permanensie van n huwelik hê en stabiele omstandighede waarin hulle hulle kinders kan grootmaak. o Mense wil hulle gesondheid permanent goed hê. 1 Ewige reisigers en avonturiers is uitsonderings onder mense.

4 4 o Hulle wil finansiële sekuriteit hê. Maar die vastigheid en blywendheid wat ons op hierdie aarde wil hê, bly ons gedurig ontwyk. Niks op hierdie aarde is ooit regtig seker en vir altyd gewaarborg nie. Hoeveel kere roei die politiek, of die ekonomie, of natuurrampe, of siekte, of ander onvoorsiene gebeure nie ons fyn-beplande lewens heeltemal om nie! Dit bly n voortdurende stryd om te probeer bymekaarmaak wat jy wil hê en om te probeer behou wat jy gekry het. En intussen, terwyl die jare in hierdie stryde van ons verbygaan, is jou liggaam besig om ouer te word en voor jy jou kon kry, het hierdie tent allerhande swak plekke en skeure Dis wat ons nou het: n aardse tentwoning, wat een of ander tyd afgeslaan gaan word. 2. WAT DIE HERE VIR ONS GAAN GEE Vir Sy kinders die mense wat in die Here Jesus as hulle Verlosser glo, wie se sondes deur Sy bloed afgewas is en wat deur die Heilige Gees nuwe mense, heilige mense, gemaak word vir Sy kinders gee God, wanneer hulle aardse tentwoning afgebreek word, iets oneindig beter: n ewige huis in die hemel wat Hy vir hulle gebou het. Hierdie huis wat God vir ons na ons dood sal gee, verwys nie net na die verheerlikte liggaam wat ons eendag by die wederkoms van die Here Jesus sal kry en waaroor die apostel in sy eerste brief aan die Korintiërs (hfst 15) so duidelik vir hulle geskryf het nie; dit verwys na ons hele bestaan in die hiernamaals, wat vir ons siele al begin onmiddellik nadat ons doodgegaan het. Daardie bestaan is baie beter as die aardse tentwoning, want dis nie soos n huis wat mense gemaak het of gebou het en dus kan breek en vergaan nie álles wonings wat mense bou, vergaan mos een of ander tyd, selfs die beste en sterkste;

5 5 maar daardie bestaan wat God vir ons gee na ons dood, is nie soos iets wat mense gebou het en dus een of ander tyd sal vergaan nie, want God het dit as t ware met Sy eie hande gebou. Dis n ewige huis. Dis n bestaan wat nooit weer gaan ophou nie. Nooit sal ons daar weer dink soos wat ons altyd hier op aarde, selfs in die beste van tye onwillekeurig dink dat dit tog eendag gaan eindig nie. Nooit sal ons daar weer haastig wees soos wat ons so baie kere hier op aarde is om tog maar die beste van die beperkte tyd wat beskikbaar is, te maak nie, want in ewigheid is geen beperking nie. En daardie bestaan is ook beter, soos wat die kwaliteit van dit wat die almagtige en heerlike God doen, oneindig beter is as die beste wat mense ooit kan doen. Wat Hy gaan gee, is beter soos wat n geboude huis beter as n tent is. Kan u dink hoe wonderlik dit vir Israeliete moes wees om na veertig jaar se verblyf in tente in die woestyn, uiteindelik in Kanaän te kom, waar hulle, nadat die heidene daar uitgedryf is, in hierdie land wat oorloop van melk en heuning kon gaan bly het in húíse mooi, stewige, groot huise! 2 Die beste lewe wat ons hier op aarde vir onsself kan maak, kan nie naastenby vergelyk word met die wonderlike kwaliteit van die lewe wat God vir ons gaan gee nie. Dat Hy dit gáán gee, staan vas. Die Here Jesus het by meer as een geleentheid vir Sy volgelinge die koninkryk van die hemel belowe. 3 Hy t gesê dat hulle in die vreugde van hulle Here sal ingaan. 4 Hy t gesê dat Hy hulle sal kom haal na die Vaderhuis met sy baie woonplek toe. 5 2 Huise (hoe wonderlik is die Woord) wat hulle nie self gebou het nie! (Deut 6:10-11; Jos 24:13; Ps 105:44) 3 Mat 5:3, 10; 25:34; Luk 12:32 4 Mat 25:21, 23 5 Joh 14:2-3

6 6 Hy t ons deur Johannes se oë die gelowiges daar in die hemel laat sien voor die troon en voor Hom, met wit klere aan en palmtakke in hulle hande en hemelse lof op hulle lippe. 6 Hy t ons laat hoor van die nuwe hemel en die nuwe aarde wat Hy vir Sy mense gaan gee, waar God by ons sal bly en al die trane van ons oë sal afvee en alles nuut sal maak in n onbeskryflike heerlikheid 7 Wat ons het, is n aardse tentwoning. Maar wat die Here vir ons gaan gee, is n ewige huis in die hemele, wat van Hom self af kom. 3. WAT HIERDIE WETE VIR ONS BETEKEN Wat beteken dit nou vir ons dat hierdie dinge weet? Hoe help dit ons hier waar ons nou elke dag leef en woon en werk en ons stryde stry? Die verse na ons teksvers (waarvan party nogal moeilike verse is om presies te verstaan wat die Here se apostel hier bedoel) spel dit uit. Noem dit net kortliks, want oor elkeen van hierdie sake kan daar eintlik n afsonderlike preek gemaak word. In die eerste plek: hierdie wete 8 dat die Here vir ons n ewige huis in die hemele gee nadat die aardse tentwoning afgebreek is, maak dat ons nie moedeloos word nie. 9 Soos wat die gedagte aan hulle bestemming die Israeliete laat moedhou het in die woestyn, soos wat die gedagte aan die dorpe en huise wat hulle gaan kry, hulle verby hulle verweerde tente laat kyk het, so laat die gedagte aan die hemelse huis wat wag ons verby die halfheid van n tente-bestaan en verby die aanhoudende aftakeling van ons aardse tentwoning kyk. 6 Openb 7: Openb 21:1-5 8 Vers 1 ons weet. Dis om met die geloof te weet. 9 2 Kor 4:16; 56

7 7 Mense wat hierdie dinge weet, hou moed. In die tweede plek: hierdie wete bring by ons n voortdurende versugting en verlange daarna, en dus gebed daarvoor - dat ons dit mag kry; 10 - dat ons nie sonder die skoon klere van sondevergifnis in Jesus Christus deur die dood oorval sal word nie; 11 - dat ons selfs sal verkies dat Jesus se wederkoms in ons leeftyd sal gebeur, sodat ons nie eers deur die doodsdal sal hoef te gaan nie. 12 Mense wat weet wat God gaan gee, besef die halfheid van die lewe van nou en het altyd die verlange na die méér in hulle binneste. In die derde plek: hierdie uitsien en verlange na dit wat kom, maak ons tog nie los van hierdie aardse lewe nie. Ons word nie mense wat met n gepakte tassie iewers in n hoekie gaan sit en wag vir die hemelse bestaan om vir ons aan te breek nie; ons word nie wêreld-vermyders nie. Ons verstaan dat ons nog hier is omdat die Here nog hier vir ons n plek en n taak het. En ons strewe is dan om ook hier en nou voluit te lewe soos wat Hý van ons verwag. 13 Ons hou nie op lewe voordat Hý finaal ons aardse tentwoning afslaan nie Mense wat weet van die hemelse huis wat die aardse tentwoning gaan vervang, hou moed en doen hulle werk, terwyl hulle harte solank met verlange boontoe gryp en roep. TEN SLOTTE Daar kom mos sulke momente in ons lewens wanneer ons skerp bewus raak van die onvolmaaktheid van die aardse lewe en van hoe tydelik alles hier is hoe alles verbygaan en met die tyd afgetakel word. Daar s ouer mense wat depressief word hieroor. 10 Verse 2, 4 11 Vers 3 12 Vers 4 13 Vers 9

8 8 Daar s ouer mense wat tot belaglike uiterstes gaan om te maak asof dit nie met húlle gebeur nie. Daar s jonger mense wat so geskok is as hulle dit begin agterkom, dat hulle amper fanaties soveel as moontlik van die aardse lewe probeer gryp en geniet voordat dit by hulle verbygaan en so met verkeerde prioriteite hulle lewens heeltemal skeeftrek. Maar hierdie is eintlik n wonderlike troos vir ons almal: om te weet dat hierdie onvolmaakte en verbygaande aardse lewe nie alles nie. Daar wag vir elke kind van God iets oneindig beter. Maak dan seker dat u kind van God ís, dat u deur Jesus Christus regtig kind van God geword het. Doen wat die Here op hierdie aarde deur Sy kinders gedoen wil hê, voluit, getrou. En hou moed. Hoe meer die aardse tentwoning verweer raak, hoe nader is die hemelse Kanaän, die nuwe Jerusalem, die Vaderhuis met Sy baie wonings, die volmaakte liggaam deur God gebou met bene wat nie sal breek nie, selle wat nie kan sterf nie, weefsel wat nie kan verouder nie, vol van krag wat nooit weer sal afneem nie AMEN