NABETRAGTING 1 Timoteus 6:12

Transcriptie

1 NABETRAGTING 1 Timoteus 6:12 Votum en seën Psalm 91 : 1, 2 Gebed Skriflesing: 1 Timoteus 6:3-16 (AV 1933/53) Teks: 1 Timoteus 6:12a (AV 1933/53) Skrifberyming 53 (14-3) : 4 Preek: Die Here roep ons op om die goeie stryd aan te hou stry Gebed Kollekte Psalm 20 : 1, 2, 7 Seën Skrifberyming 78 (13-3)

2 2 Die Here was vir ons goed in vanoggend se erediens, deur die dag, gister en eergister, nog altyd. Maar nou s dit tyd om n bietjie vorentoe toe te kyk - na hoe begenadigdes se pad vorentoe lyk en behoort te lyk; - na die lewe wat wag vir dankbare nagmaalgangers. Ek is seker dat u graag sou wou hoor dat die pad vorentoe vir u net mooi en maklik gaan wees gelyk, rustig, strydloos. Maar dis nie soos dit gaan wees nie. Die teendeel is eerder waar, want die Here sê oor en oor in Sy Woord vir ons dat die lewe as n kind van die Here op hierdie aarde n lewe van stryd is! En ons word opgeroep (soos hier in ons teksvers) om aan te hou om die goeie stryd te stry. Dis wat vanaand vir u gepreek word, dat die pad vorentoe die pad is van voortgaan met die goeie stryd! Kom ons luister eers na die feit dát ons moet stry, en dan na hóé ons moet stry. 1. DAT ONS MOET STRY Die lewe wat ons, wat uit genade kinders van die Here gemaak is, moet lewe, word hier beskrywe as n stryd. Die woorde wat die Heilige Gees die apostel Paulus hier laat gebruik, kan n mens laat dink aan die stryd op n atletiekbaan om eerste te kom en die prys te wen, 1 maar dit kan jou ook laat dink aan n soort geveg, soos n boksgeveg of n stoeigeveg. Dis in elk geval woorde wat wil sê: - ons lewe as kinders van God is nie maar iets wat sommer so maklik, sommer so vanself, sommer so sonder enige inspanning kom nie; 1 Vgl AV 1983

3 3 - daar s allerhande struikelblokke op die pad van Christen-wees en daar s teenstand daarteen en daar s allerhande faktore wat dit moeilik maak; - soveel so dat ons dit net met doelbewuste en intense geestelike kraginspanning sal regkry. Dis n stryd wat jy moet stry. Die lewe as n gelowige is nie n stokperdjie wat jy beoefen nie, maar n geveg waarin jy betrokke is. Dis darem n goeie stryd hierdie. Die meeste stryde/gevegte op hierdie aarde is slegte stryde, stryde wat mooi en goeie dinge afbreek en wat mense seermaak; en dit word gewoonlik nie met baie eerbare metodes gestry nie; en dit gaan nege uit die tien kere oor onbenullighede. Maar die stryd waartoe ons hier opgeroep word, is n goeie stryd, want - dit gaan oor dinge wat regtig saak maak; - en dit word met heilige wapens en metodes gestry; - en as dit reg gestry word, sal dit nooit die goeie afbreek en medemense seermaak nie. Dit word die stryd van die geloof genoem. In n brief wat in hoofstuk 1 al gepraat het van mense wie se geloof skipbreuk gely het 2 en in n hoofstuk waarin die apostel net n paar sinne vroeër geskryf het van mense wat van die geloof afgedwaal het, 3 is dit duidelik wat hier bedoel word: - die stryd van die geloof is die stryd om te bly glo met alles wat dit inhou, om jou geloof nie te laat skipbreuk ly nie, om nie van die geloof af te dwaal nie. In die volgende sin skryf die apostel: gryp na die ewige lewe n Mens sou dit ook kon weergee met: gryp vas aan die ewige lewe. Die ewige lewe is nie net iets wat ons aan die einde van ons aardse bestaan kry nie soos n prys wat jy eers aan die einde van n wedloop kry nie. 2 1 Tim 1:19 3 Vers 10

4 4 Ons kry dit wel dan in sy volmaakte vorm. As ons klaar is met hierdie aardse lewe, gaan ons vir ewig die volmaakte lewe saam met die Here in. Maar die ewige lewe is iets wat elke mens wat waarlik in die Here glo, ook nóú al het. Die Here Jesus het mos gesê: Wie luister na wat Ek sê, en in Hom glo wat My gestuur het, het die ewige lewe. 4 Die ewige lewe is die lewe saam met God, daardie lewe wat die mens verloor het toe Adam en Eva daar in die paradys gesondig het, maar wat die Here Jesus weer vir ons teruggekry het toe Hy veral daar aan die kruis dit wat skeiding tussen God en mens gemaak het, weggevat het. En dis n lewe wat nóú al vir elkeen wat regtig glo dat Jesus vir jou ook gesterf het, teruggegee word en wat daarin bestaan dat jou saak met God nóu al reggemaak is, dat jou sondes vergewe is, dat jy Sy kind is, dat jy weet dat al Sy beloftes vir jou ook bedoel is, dat die Heilige Gees, God self, binne in jou woon en jou geestelik nuut maak en jou help om Sy woord te verstaan en jou aanmoedig en jou troos en altyd by jou bly Gryp hierdie lewe vas! skryf die apostel. Moenie hierdie lewe wat die Here uit genade in jou hande gesit het, deur jou vingers laat glip nie! Om die goeie stryd van die geloof te stry en na die ewige lewe te gryp beteken dat jy alles in die werk stel om gelowige kind van die Here te bly, om die lewe saam met God soos wat n mens dit op hierdie aarde al kan lewe te lewe, om alles wat dit vir jou moeilik maak, te oorkom; om alles wat in die pad daarvan staan, uit die pad uit te kry; om alles wat jou rem wanneer jy dit wil doen, los te sny Natuurlik (is dit nodig om dit vir Gereformeerde mense te sê?) kan ons hierdie stryd nie met ons eie krag stry nie. 4 Joh 5:24

5 5 Ons hét nie uit onsself die krag wat nodig is vir hierdie stryd nie. Maar die Here gee mos vir n mens die krag vir dit wat Hy van jou vra. In een van sy ander briewe het die Heilige Gees Paulus laat skrywe dat hy arbei en stry met die krag wat die Here hom gee en wat kragtig in hom werk. 5 Die lewe wat ons as dankbare verloste mense moet lewe, is n lewe waarin ons die goeie stryd van die geloof moet stry 2. HOE ONS MOET STRY Hoe stry n mens hierdie stryd? Die apostel gaan nie in hierdie gedeelte verder daarop in nie, maar uit die res van hierdie brief en uit sy ander briewe en uit die res van die Bybel weet ons mos hoe n mens hierdie stryd stry. Nie deur iets vreemds te doen nie. Jy stry hierdie stryd nie deur allerhande snaakse rituele te beoefen nie. Jy hoef nie allerhande nuwe geestelike tegnieke hiervoor aan te leer nie. Jy stry hierdie stryd byvoorbeeld deur te bid. o Toe Satan Petrus wou sif soos n mens koring sif, het die Here Jesus vir hom gebid dat sy geloof nie sal ophou nie. 6 o Toe Epafras wou gehad het dat die gelowiges in Kolosse staande moet bly en geestelik volwasse moet wees en in alles volkome gehoorsaam aan die wil van God, toe het hy altyd vir hulle gestry in gebede. 7 n Mens stry die stryd om te bly glo deur te bid: - deur te bid vir n hart wat die Here totaal vertrou; - deur te bid vir onderskeidingsvermoë, sodat jy dit wat teen jou geloof inwerk, sal kan herken as geestelike vyande; - deur te bid dat die Here jou lewe op paaie sal stuur waar geloofsversterkende dinge met jou gebeur; - deur te bid dat Hy teëspoed en terugslae en teleurstellings sal gebruik om jou geestelik sterker te maak 5 Kol 1:29; vgl ook Kol 1:11 en Efes 3:16; 6:10 6 Luk 22: Kol 4:12

6 6 en dat Hy sal keer dat dit jou nie geestelik verswak nie. Gebed, gebed, gebed só stry n mens die goeie stryd van die geloof. n Mens stry dit ook deur die Woord van die Here, die swaard van die Heilige Gees, 8 te gebruik. o Toe Satan die Here Jesus daar in die woestyn versoek het, het die Here Jesus ons gewys hoe ons teen die duiwel moet stry: Hy het elke versoeking van Satan met n aanhaling uit die Bybel uit afgeweer. 9 o En die hele Psalm 119 is n lied waarin die gelowige sing hoe die woorde van die Here hom altyd, ook in tye van allerhande aanvegtinge, staande gehou het. 10 n Mens stry die stryd van die geloof - deur byvoorbeeld die Bybel na te gaan vir beloftes van die Here wat jou moed gee; - deur die Bybel te bestudeer om antwoorde te kry op die leuens van Satan; - deur in die Bybel riglyne te soek vir hoe jy jou alledaage lewe saam met die Here moet lewe; - deur die Bybel so te leer ken dat al die redes waarom dit die moeite werd is om in die geloof te bly, gedurig vars in jou gedagtes bly Die Woord is ons wapen in hierdie stryd wat ons moet stry. En dan stry n mens hierdie stryd ook deur weg te vlug van sondes af, 11 want sonde waarvan jy nie wegvlug nie, kan jou vasvat en jou geestelik doodwurg. En n mens stry hierdie stryd deur jou te oefen 12 in die praktiese uitvoering van al die Christelike deugde. Soos iemand wat stoei of boks of karate of judo beoefen, sekere bewegings oor en oor oefen totdat hulle dit amper outomaties doen, só moet ons ons oefen om vriendelik en sagmoedig en vergewensgesind en hartlik en eerlik teenoor medemense te wees en so getrou in die uitvoering van al die fasette van ons diens aan die Here dat ons dit ook naderhand as t ware outomaties doen vanself, spontaan, instinktief. 8 Efes 6:17 9 Mat 4:4, 7, Ps 119:23, 78, 87 ens. 11 Vers Tim 4:7

7 7 Gebed, Bybellees, vlug van sonde, oefening van deugde só stry n mens hierdie stryd. Eintlik is elke opdrag wat die Here in Sy woord vir ons gee, n stukkie van die les oor hoe ons hierdie stryd om gelowig te bly, moet stry. TEN SLOTTE Na vandag se besondere herinnering aan hoe goed die Here nog altyd vir ons was, kyk ons vanaand vorentoe. En hoe lyk die pad vir ons vorentoe? Nie hoe graag ons dit ook al so sou wou hê net n mooi gelyk en rustige en strydlose pad nie. Daar s n stryd waarmee ons nou moet voortgaan: die goeie stryd van die geloof. Daar s magte en faktore in hierdie wêreld wat ook vorentoe u van u geloof in die Here gaan probeer losmaak, u van u lewe met God gaan probeer losruk. En u gaan u met doelbewuste kraginspanning daarteen moet versit. U gaan regtig n biddende mens moet wees en n mens wat uit die Bybel leef. U gaan moet vlug vir die sonde, nog meer en ernstiger as voorheen en u soos n atleet wat die goue medalje wil wen, moet gaan oefen in Christen-wees. Voortgaan met die stryd só lyk die pad vorentoe. Sal u nie ook aan die einde van u lewe dít wil kan sê nie? - Ek het die goeie stryd gestry; ek het die wedloop voleindig; ek het die geloof behou. 13 Vir sulke mense is daar n lewe sonder moeite en stryd op pad, n lewe van volmaakte vrede saam met God in eindelose ewighede AMEN 13 2 Tim 4:7