Hierdie raaisel word op meer as een manier in die Bybel beantwoord.

Transcriptie

1 1 PETRUS 4:17 Votum Seën Psalm 136 : 1, 2, 3 Geloofsbelydenis: Twaalf Artikels Wet: Eksodus 20:1-17 (AV 1983/91) Skrifberyming 5-4 (10) : 1, 2 Gebed Psalm 73 : 2, 5 Skriflesing: 1 Petrus 4:12-19 (AV 1983/91) Teks: 1 Petrus 4:17 (AV 1983/91) Preek: God louter eers Sy kerk voordat Hy die wêreld straf. Gebed Kollekte Psalm 66 : 4, 5 Seën Skrifberyming 13-3 (78) 1

2 Dit bly n saak waarmee baie Christene worstel, en dit bly n argument wat ateïste teen die Christelike geloof gebruik: - kyk hoeveel kinders van God kry swaar en hoeveel Christelike kerke in hierdie wêreld kry swaar, terwyl hoeveel ongelowige mense gelukkig is en hoeveel wêreldse organisasies voorspoed beleef! - kyk hoe party mense, wat regtig die Here se pad probeer loop, as t ware dag na dag deur nuwe teëspoede oorval word, terwyl dit met baie goddelose mense op die oog af ten minste net goed gaan en selfs al hoe beter! - die raaisel van die teëspoed van die regverdiges en die voorspoed van die goddeloses... Hierdie raaisel word op meer as een manier in die Bybel beantwoord. Een van die maniere is dit wat die Heilige Gees hier deur Petrus vir ons sê - dat God eers Sy kerk louter voordat Hy die wêreld straf; - dat Hy eers Sy kerk gereed kry voordat Hy die goddeloses tref. En dis wat vanoggend vir u gepreek word. Kom ons gaan twee dinge na: 1. dat God ook Sy kerk oordeel; 2. dat Hy by Sy kerk begin. 1. GOD SE KINDERS WORD GEOORDEEL 2

3 Die tyd vir die oordeel het aangebreek Toe die Here Jesus in die hemel opgevaar het en die Heilige Gees uitgestort is, het die laaste era van hierdie aarde en van die mensdom soos dit nou bestaan aangebreek. Dis nou die laaste dae. 1 Die volgende bedeling is die ewige, wat aanbreek wanneer die Here Jesus weer kom. Dan gaan die nuwe mensdom, die ware gelowiges van alle eeue, op die nuwe aarde saam met die Here lewe, terwyl die ongelowiges die dooie takke van hierdie boom (die mensdom) in die ewige straf van God gaan bestaan. En op God se horlosie gaan dit gou gebeur. Die laaste woorde van die Here wat in die Bybel opgeteken is, is die woorde: Ek kom gou! 2 En omdat die laaste bedeling van hierdie aarde vir God gou verby gaan wees, is Hy haastig om met die oordeel te begin. Die oordeel waarvan hier gepraat word, verwys na die Here se uitsprake teen die sonde en Sy strawwe oor die sonde, Sy veroordeling van die sonde deur Sy woorde en Sy dade. 1 Sien bv Hand 2:17; Hebr 1:1 2 Openb 22:20 3

4 En nou hoor ons hier dat dit ook oor Sy huis kom. Sy huis is natuurlik Sy huisgesin, Sy kerk, die mense wat deur Sy Gees verander is in mense wat glo en wat hulle geloof ook uitleef en wat daarom lede van Sy huisgesin is. God se oordele kom mos oor ons ook. Sy uitsprake teen die sonde word mos duidelik en skerp in Bybelgetroue kerke gepreek en geleer. En Sy kerk en Sy kinders belewe ook Sy tugtiging van sondes in hulle lewens. Dis hoe julle (sê Petrus vir hierdie gelowiges vir wie hy hier skryf) die swaarkry wat julle beleef, moet sien. Die Christene vir wie hy hier geskryf het, het al hoe meer druk en vyandskap van die heidense wêreld van hulle tyd teen hulle as Christene 3 ervaar: - verdagmakery; 4 - beledigings; 5 - onregverdige behandeling van Christen-slawe deur heidense base; 6 - die moeilike lewe van party Christen-vroue saam met hulle ongelowige mans; Pet 3:14; 4: Pet 2:12, 15; 3: Pet 4:4, Pet 2: Pet 3:1 4

5 - en waarskynlik ook al erger vorms van diskriminasie en verdrukking. 8 Hulle het soos vreemdelinge in hierdie wêreld geword. 9 Die swaarkry was soos n vuur wat hulle gebrand het. 10 Dis natuurlik nie iets wat net met hulle gebeur het nie. Van die vroegste tye af (so lees ons in die Bybel) het God se volk en Sy kinders swaarkry deurgegaan. U ken mos die tonele: - Israel slawe in Egipte; - Israel strompelend deur die woestyn; - Israel oorrrompel deur hulle vyande tientalle kere; - Israel in ballingskap; - Josef in die tronk; - Ragel wat vir lank nie kinders kon hê nie, en Hanna; - Jeremia n voortdurende teiken van die mense vir wie hy profeteer en n slagoffer van hulle brutale wreedheid. En ook die Nuwe Testament is vol van hoe gemeentes van die Here en individuele kinders van die Here verdruk is en vervolg is, 11 gemartel is en doodgemaak is, 12 8 Sien bv 1 Pet 1:6; 3:14; 4:1 9 1 Pet 1:1, 17; 4: Pet 4:12 11 Hand 8:1 12 Hand 5:30; 7:59; 8:3; 12:2; 16:23; 24:27 ens. 5

6 van besittings beroof is en in tronke gegooi is, 13 onder siektes gely het, 14 met dorings in die vlees gelos is 15 God se oordele spoel ook oor Sy kinders. Natuurlik is die oordele wat oor hulle nie kom, nie God se regverdige vergelding en wraak oor hulle sondes nie. Die vergelding en wraak wat hulle sondes verdien, het die Here Jesus vir hulle gedra, veral daar aan die kruis. By hulle is God se oordele wat oor hulle kom, die tugtiging van n kind deur n Vader, sodat dit wat in hierdie kind se lewe nog nie reg is nie, uitgewerk kan word. 16 Dis beproewings, dit beproef hulle, dit toets hulle of hulle regtig in die geloof is en dit laat hulle diep selfondersoek doen oor die vraag of hulle vertroue in die Here en hulle lewe met die Here eg en opreg is. Dis n loutering. 17 Dis n vuur wat die onsuiwerhede in die goud van jou geloof uitbrand, sodat die goud al hoe skoner en suiwerder word. 13 Hebr 10:34; Openb 2: Kor 11:30; 1 Tim 5:23; 2 Tim 4: Kor 12: Hebr 12: Pet 1:6-7 6

7 Dit moet ons dus nie verbaas wanneer ons sien dat Christene en Christelike kerke swaarkry nie. Dis onder andere omdat God se oordele ook oor Sy huis kom. Om die waarheid te sê: Sy oordele begin by Sy huis. 2. GOD SE OORDEEL BEGIN BY HULLE God stuur Sy oordele eers oor Sy kerk en kinders voordat Hy dit oor die goddelose wêreld stuur. Hy laat die vuur van tugtiging en toetsing en loutering eers oor Sy eie huisgesin kom, voordat Hy die vuur van regverdige vergelding en wraak oor hulle sondes op die goddeloses gaan loslaat. Hoekom? Om dit eenvoudig te sê: - omdat die einde van hierdie bedeling naby is en Sy kinders gereed moet wees daarvoor wanneer dit aanbreek; - omdat Jesus al amper kom, is dit vir Hom prioriteit om Sy kinders betyds klaar op te voed, om hulle toetsing betyds af te handel, om hulle loutering klaar te kry voordat die laaste dag aanbreek! 7

8 Om dit so te sê: - vir Sy oordele oor die goddelose is daar n ewigheid waarin Hy dit kan doen en gaan doen; - vir die gereed-kry van Sy kinders is daar nog net die kort rukkie van die laaste dae. En daarom werk die Here eers met Sy kinders, laat Hy Sy oordele by húlle begin. Daar s nog redes hiervoor. Dis byvoorbeeld ook n feit dat die Here baie kere die goddelose en hulle bose optrede gebruik as die instrumente waarmee Hy Sy kerk en kinders oordeel. Hy gebruik hulle as die latte waarmee Hy Sy stout kinders pak gee, soos Hy Assirië gebruik het om Israel (die tien stamme) mee te oordeel, en Babel om Juda (die twee stamme) mee te oordeel. En daarom kan Hy die lat eers breek nadat Hy Sy kind daarmee pak gegee het. 18 Maar die belangrikste rede is omdat dit vir Hom prioriteit is om al Sy skaafwerk aan Sy kerk en kinders af te handel voordat die dag kom waarop hulle in die volmaakte vreugde van Sy ewige koninkryk instap... Dit beteken natuurlik nie dat die goddelose skotvry daarvan afkom nie. Wat begin, het ook verder fases. 18 Jes 10:5 e.v. 8

9 Eers impliseer tog n dan. Éérs hier impliseer tog dán daar. Die goddeloses gaan ook aan die beurt kom. God gaan Hom ook teen hulle sondes uitspreek, die hemelse Regter gaan Sy regterlike vonnis oor al hulle sondes en boosheid en hardheid van hart uitspreek. En die vuur wat Hy oor hulle gaan laat brand, gaan hulle nie louter nie, maar hulle bestaan verwoes en al hulle hoop vernietig. Hulle gaan nie soos goud in n beheerde vuur wees nie, maar soos kaf in n brand wat buite beheer woed...! 19 Dis wat hierdie uitspraak sê: God louter eers Sy kerk voordat Hy die wêreld straf. Toe die apostel Paulus vir die Korintiërs geskryf het oor dinge wat hulle getref het, het hy dit op n punt só gestel: - Maar as ons geoordeel word, word ons deur die Here getugtig, sodat ons nie saam met die wêreld veroordeel mag word nie. 20 TEN SLOTTE 19 Sien bv Jer 30: Kor 11:32 9

10 Wat ons in hierdie wêreld sien en persoonlik beleef gelowiges en kerke wat swaarkry en goddelose mense en organisasies wat floreer, beteken nie dat dinge skeefloop, of dat God nog nie ten volle beheer het nie (soos party Christen-teoloë in ons tyd beweer), of dat Hy nie regverdig is nie. Dis Sy plan wat voor ons oë en in ons eie lewens afspeel. Ons moenie verbaas wees dat ons, wat die Here probeer dien, nou allerhande moeilike tye deurgaan, terwyl dit met mense wat niks met die Here te doen wil hê nie, baie kere baie goed gaan nie. Ons moenie worstelinge daaroor hê nie. Ons moenie met n mond vol tande staan as ateïste dit as n argument teen die Christelike geloof probeer gebruik nie. Hier sê die Here dan dat dit in hierdie laaste dae so gaan werk! Ons moet selfs bly wees as God se oordele oor ons kom, want as Jesus kom, wat volgens Hom gou gaan wees, wil ons mos gereed wees: - gehoorsame kinders; - mense wat die toets geslaag het; - gelouterde gelowiges... AMEN 10