MATTEUS 16:4 NGB 1. Votum en seën. Psalm 104 : 1, 20, 21. Gebed. Skriflesing: Matteus 16:1-12 (AV 1933/53) Belydenis: NGB 1

Transcriptie

1 MATTEUS 16:4 NGB 1 Votum en seën Psalm 104 : 1, 20, 21 Gebed Skriflesing: Matteus 16:1-12 (AV 1933/53) Belydenis: NGB 1 Teks: Matteus 16:4 (AV 1933/53) 1 Psalm 19 : 1 Preek: God wys Sy krag en liefde vir Sy kinders Gebed Kollekte Skrifberyming 18 (17-2) : 1, 4, 5 Seën Skrifberyming 78 (13-3) Ook: Sb 72 (12-3) : 1, 2 1 Vgl ook Mat 12:38-40; Mark 8:11-12; Luk 11:16, 29-30; Joh 2:18; 6:30

2 2 Hoekom wys God Homself nie maar vir almal nie? - Dan weet almal mos Hy bestaan! - En dan word die mense wat sê dat hulle net sal glo as daar vir hulle bewys kan word dat God bestaan, mos stilgemaak. - En dan sal almal Hom mos dien en dan is alles reg! Hoekom doen God dit nie so nie? Die antwoord is: - omdat Hy nie wil nie; - in elk geval nie nou al nie, want daar kom wel n dag waarop alle mense wat ooit geleef het, die Here Jesus in al Sy goddelike heerlikheid met hulle eie oë sal sien, maar tot dan wys God Hom nie op aanvraag vir mense wat Hom uitdaag om dit te doen nie; - en dis ook nie so eenvoudig dat mense God net moet sien en dan sal hulle Hom dien nie. Die Here wys wel Sy krag en Sy liefde vir Sy kinders die teken van Jona spreek húlle aan. En dis dan die slotsom van vanaand se preek n preek wat die ongelowiges se leuen dat God nie bestaan nie, bespreek: - dat God Sy krag en liefde wel wys vir Sy kinders. Kom ons kyk eers na ons geloof dat God bestaan, dan na die ongeloofsaanval daarop en dan na hoe die Here se uitspraak hier in Matteus 16:4 ons teen hierdie aanval help. 1. ONS GELOOF Die Bybel voer nie bewyse aan vir die bestaan van God nie. Ja, natuurlik is alles wat in die Bybel oor Hom geskryf word vir ons een groot bevestiging dat Hy regtig bestaan. Maar bewyse in die sin van doelbewuste logiese, verstandelike beredenerings teen die argumente van mense wat sê dat Hy nie bestaan nie dit kry jy nie in die Bybel nie.

3 3 Die Bybel veronderstel dat God bestaan. Die eerste sin van die Bybel is nie dat daar n God is nie, maar wat God Wie se bestaan veronderstel word gedoen het: - In die begin het God die hemel en die aarde geskape. En daarom het ons kerke in ons belydenisskrifte die dokumente waarin ons dit wat ons in die Bybel lees, kort in ons eie woorde agternasê nêrens sinne en paragrawe waarin die bestaan van God probeer bewys word of waarin daar eers oor die vraag of God regtig bestaan, geredeneer word nie. Ons wéét Hy bestaan. Ons weet dit op die manier van geloof, wat nie iets anders is as om dit met jou verstand te weet nie, maar wat iets méér is as om dit net met jou verstand te weet. As ons sê: Ons glo met die hart dat daar n geestelike Wese is wat ons God noem, dan sê ons daarmee dat ons nie net verstandelik seker is dat Hy bestaan nie, maar dat ons ook hier in die diepste binneste van ons mens-wees oortuig is van die bestaan van God, met n sekerheid waarvoor ons sal sterf! Ons glo sonder enige twyfel dat God bestaan. Maar daar s mense wat dit nie glo nie 2 en wat hierdie geloof wat ons het, aanval en belaglik probeer maak 2. DIE AANVAL DAAROP Dis een van die eerste dinge wat ongelowiges vir jou sal sê: - hoe weet jy dat God rêrig bestaan? - laat God Homself wys, of bewys jy vir my dat Hy bestaan, en dan praat ons verder! - ek glo net wat ek kan sien! 3 2 Die Bybel sê dat mense wat in hulle harte sê dat daar geen God is nie, dwase is. En om in die Bybelse sin dwaas te wees, beteken nie dat jy n lae IK het nie, maar dat jy geestelik sonder insig is geestelik blind. 3 n Baie oppervlakkige standpunt. Want wie sal ontken dat daar byvoorbeeld iets soos integriteit bestaan, of harmonie tussen mense, of mooi en lelik, of waar en vals. En uit watter atome bestaan integriteit?

4 4 En u weet van die ruimtevaarders wat gesê het dat hulle God nêrens in die ruimte gesien het nie, en dat Hy dus nie bestaan nie. 4 Een van die felste ateïste van ons tyd ( n ateïs is iemand wat die bestaan van God ontken), die wetenskaplike Richard Dawkins, sê: - God kan nie deur enige wetenskaplike hipotese bewys word nie. Daarom bestaan Hy nie. 5 En n ander bekende ateïs het op n vraag wat hy sal sê as hy dan eendag na sy dood uitvind dat God wel bestaan en hy moet verduidelik waarom hy nie aan God se bestaan geglo het nie, geantwoord dat hy sal sê: te min getuienis ; met ander woorde God het vir ons te min gegewens gegee om ons te oortuig dat Hy regtig bestaan. En dan is daar ook nog die mense wat agnostici genoem word, wat sê: - omdat niemand regtig kan bewys dat God bestaan of regtig kan bewys dat Hy nié bestaan nie, moet die vraag of Hy bestaan, maar onbeantwoord bly; - en dan gaan leef hulle asof Hy nie bestaan nie! En n mens hoef nie wyd te lees om agter te kom dat die geloof aan die bestaan van God al hoe meer openlik en aggressief, ook deur Afrikaanssprekende mense in ons land, aangeval word nie. Een van die ligstrale wat ons in die Bybel op hierdie kwessie kry, is dié van Matteus 16:4. 3. DIE LIG VAN DIE WOORD Die gesprek of debat oor die bestaan van God kan op baie maniere benader word. n Mens kan met jou menslike verstand daaroor gaan redeneer. En op hierdie vlak hoef Christene glad nie vir ateïste terug te staan nie. Teen elkeen van die ongeloofsargumente wat netnou genoem is, kan baie sterk argumente aangevoer word. 4 So asof hulle orals in die ruimte was, terwyl hulle eintlik nog net maar net in die die eerste millimeter van die kilometer-grootte ruimte gereis het. 5 Vgl Blanchard: Does God believe in atheists? bl 164. So asof wetenskaplik die een en al van menslike kennis van die werklikheid is.

5 5 Jy kan byvoorbeeld vir iemand wat net wil glo wat hy kan sien, vra of hy glo dat Napoleon bestaan het, waarop enige redelike mens tog ja sal antwoord al het jy hom nie self gesien nie! En vir mense wat God wetenskaplik wil bewys, kan n mens vra: - met watter teleskoop of mikroskoop wil jy n Wese wat geestelik bestaan sien? - op watter skaal wil jy Hom weeg? - met watter liniaal wil jy Hom meet? - met watter wiskundige formule wil jy Hom probeer vasvat? Ons het nie die wetenskaplike instrumente waarmee ons die Een wat bo en buite Sy skepping is en heeltemal anders bestaan as enige iets of iemand wat ons ken, kan bewys nie. Om te sê dat ons God met ons instrumentjies en met ons bietjie kennis moet bewys, is soos om vir iemand te sê dat jy net sal glo dat daar olifante bestaan as hy vir jou een op n teelepel sal bring! En vir dié wat sê: te min getuienis, kan ons een van die ander groot wetenskaplikes wat die mensdom gehad het, Blaise Pascal aanhaal, wat deurdring na die kern van die probleem as hy sê: - Die getuienis van God se bestaan en van Sy gawe is meer as oorweldigend, 6 maar dié mense wat aanhou dat hulle God nie nodig het nie, sal altyd redes vind waarom hulle niks daarvan wil weet nie. 7 Ons kan verstandelik met ateïste redeneer. Ons kan hulle ook spitsvondige antwoorde gee. Ons kan byvoorbeeld vir hulle sê: - die feit dat jy Iemand (God) nog nie ontmoet het nie, beteken nie dat Hy nie bestaan nie! - of: jy kan net sê dat God nie bestaan nie as jy álles weet; want as jy nie alles weet nie, is een van die dinge wat jy nie weet nie, dalk die feit dat God bestaan! 8 Maar kom ons leer liewer by die Here hoe Hy hierdie soort aanvalle hanteer het. 6 En dis n wetenskaplike wat dit sê! 7 Vry weergegee. Vgl Blanchard bl Vollediger klink hierdie argument só: As jy wil sê dat God nie bestaan nie, moes jy te alle tye geleef het (want wie sê dat Hy nie in vroeër tye Sy bestaan duidelik geopenbaar het nie). En jy moes al orals gewees het (want wie sê Hy s nie op een van die plekke waar jy nog nie was nie?). En jy moet alle feite ken (want wie sê een van die feite wat jy nie ken nie, is die feit dat God wel bestaan en/of die bewyse daarvoor?). Blanchard bl 196

6 6 En dan s dit baie duidelik dat Hy Hom nie deur mense laat manipuleer het om op aanvraag wonders te doen en bewyse van Homself te gee nie. Hier was dit n groep Fariseërs en Sadduseërs wat Jesus kom versoek het deur te wil hê dat Hy vir hulle n teken uit die hemel moet gee. Hulle wou een of ander bewys hê wat duidelik van God af kom, wat hulle sal oortuig dat Jesus is wie Hy sê dat Hy is. Dat hulle nie opreg was nie, hoor ons by Markus wat sê dat hulle met Jesus kom redeneer het. 9 Die Heilige Gees laat Matteus skryf dat hulle Jesus versoek het, met ander woorde: - hulle daag Jesus as t ware uit om Homself te bewys op die manier wat hulle wil hê Hy moet; 10 - en as Hy nou nie volgens hulle reëls saamspeel nie, sal dit dan wys dat Hy nie is wie Hy sê dat Hy is nie! En wat doen Jesus? Hy weier om volgens húlle reëls te speel. Want Hy ís wie Hy gesê het dat Hy is en die wonderwerke wat Hy onder die volk gedoen het, het dit mos alreeds duidelik gewys! Hy ís God ook, en God is nie mense se speelbal wat moet spring wanneer hulle praat nie, maar die Een wat self besluit hoe en wanneer en aan wie Hy sal wys wie Hy is. Hy noem hierdie Fariseërs en Sadduseërs n slegte en owerspelige geslag. Dat hulle sleg is, beteken dat hulle doelbewus boos is, teen God en Sy waarheid. En dat hulle owerspelig is, beteken dat hulle ontrou is aan God en met godsdienstige sienings wat nie waarheid is nie, flankeer. Hoe moedswillig hulle hulle doof en blind hou vir die waarheid wat Jesus vir hulle kom wys het, 9 Mark 8:12 10 Vgl ook Ps 78:19; Mat 4:5-7

7 7 blyk uit die feit dat hulle in staat is om uit verskynsels in die natuur, allerhande afleidings te kan maak, maar as dit by geestelike sake kom, is hulle kamstig dom 11 en moet hulle op spesiale maniere gehelp en gelei word. En daarom weier Jesus om aan hulle vermetele versoek, dat Hy Homself met n teken uit die hemel aan hulle moet bewys, te voldoen. Hy (so sê Hy) sál aan hulle n teken gee, maar op Sy tyd. Die teken wat hulle sal kry, is die teken van die profeet Jona. Dit verwys so weet ons uit ander dele in die evangelies na Sy dood en Sy opstanding uit die dood uit: - soos Jona drie dae en nagte in die vis was (en lewendig daar uit gekom het), so gaan Hy drie dae en nagte in n graf wees; 12 - net drie en dan gaan Hy lewendig daar uitkom! Wat sal duideliker as Sy oorwinning oor die dood wys dat Hy regtig God is? Dis dan ook duidelik uit ander gegewens in die Nuwe Testament dat Jesus se dood en veral Sy opstanding uit die dood uit, die spilpunt is waarom die hele evangelie draai: - as Jesus nie uit die dood opgestaan het nie, val alles plat; 13 - as Hy wel uit die dood uit opgestaan het, ís Hy werklik God 14 en is alles wat Hy van Homself gewys en gesê het, die waarheid dan ís Hy elkeen wat in Hom glo, se Here en Verlosser! Die verskriklike was natuurlik dat die teken van Jona, wat die Here Jesus gegee het, nie deur die mense wat niks van Hom wou weet, aanvaar is nie. Vir Sy dissipels was Sy opstanding op die derde dag na Sy kruisdood die heerlike bevestiging van alles wat Hy vir hulle van Homself gesê en gewys het, maar die ongelowige Jode het hulle harte teen Hom verhard en selfs die Romeinse wagte omgekoop om oor die gebeure van daardie opstandingsmôre te lieg! 15 Jesus maak nie die uitdagende ongelowiges se monde met n magtige wonder uit die hemel, wat Hy maklik kon doen, stil nie, 11 As mense in ons tyd so getrou en intensief soos wat hulle die natuur bestudeer, die Bybel (bv) gaan bestudeer, sal hulle onder die indruk van die betroubaarheid daarvan kom. 12 Bv Mat 12:40 13 Vgl bv 1 Kor 15: Ook Hand 17: Rom 1:4 15 Mat 28:11-15

8 8 omdat Hy God is, wat self besluit oor Sy openbaring van Homself aan mense. En Jesus doen ook nie n magtige wonder uit die hemel nie, omdat dít nie mense wat nie wil glo se harte gaan verander nie. Die wonders wat die Here Jesus gedoen het toe Hy hier op aarde was, was onmiskenbare tekens dat Hy God en Here is, en tog het soveel mense wat dit gesien het of daarvan gehoor het uit ooggetuies se monde, nié geglo nie, en hulle óf blindelings daarteen verset óf ander verklarings vir wat gebeur het, gegee. 16 Om nog bewyse te gee vir mense wat geestelik blind is, help nie. Die probleem is nie die bewyse nie, maar die blindheid van die mense! Die Here wys ongelowiges se uitdagings om Homself te bewys af, maar gee n teken wat vir Sy kinders die mense wie se geestelike blindheid deur die wedergeboorte wat die Heilige Gees bewerk, weggevat is duidelik Sy Goddelike krag en Sy liefde vir hulle wys. TOEPASSING Natuurlik bestaan God. En as jy dit met jou hart glo, sien en beleef jy die duisende oorweldigende bewyse daarvan in die skepping, in die gang van jou lewe, in die wêreldgeskiedenis, in die letters van die Bybel op elke bladsy. Jy kan nie dink hoe iemand dit nie kan glo nie as jy deur Petrus en Johannes se oë op daardie Sondagmôre in Jesus se leë graf inkyk. En jy kan nie verstaan hoe Iemand Hom kan haat nie as jy by Hom, wat vir jou gesterf en opgestaan het, die sin van die lewe en die ware lewe self, wat tot in ewigheid aanhou, gekry het. En dan wil jy nie meer met mense wat God se bestaan ontken, redeneer nie, 16 Vgl bv Joh 11:46-53; Mat 9:34; 28: Vgl ook Luk 16:31. Uiteindelik lees ons ook in die Bybel dat daar mense is wat weet dat hulle met die lewende God te doen het, en Hom tog so sal haat dat hulle hulle dan nog steeds teen Hom sal bly versit (bv Openb 16:9, 11, 21.

9 9 en jy wil hulle nie met spitsvondighede klop nie, en jy wil hulle weglei van hulle belaglike uitdagende houdinkie teenoor God, en jy wil hulle van die spykermerke in die hande en voete van die lewende Here vertel en van wat dít vir hulle ook kan beteken AMEN