JAKOBUS 5: Votum en seën. Psalm 138 : 1. Geloofsbelydenis: Nicea. Wet: Eksodus 20:1-17 (AV 1983/91) Skrifberyming 26 (9-1) : 3, 4.

Transcriptie

1 JAKOBUS 5:14-15 Votum en seën Psalm 138 : 1 Geloofsbelydenis: Nicea Wet: Eksodus 20:1-17 (AV 1983/91) Skrifberyming 26 (9-1) : 3, 4 Gebed Ps 121 : 3, 4 Skriflesing: Jakobus 5:13-20 (AV 1983/91) Teks: Jakobus 5:14-15 (AV 1983/91) Preek: Die Here genees baie siekes deur gebede te verhoor Gebed Kollekte Psalm 103 : 2 Seën Skrifberyming 78 (13-3) Ook: Ps 6 Ps 32

2 2 Siektes speel n baie groot rol in mense se lewens, veral in ouer mense se lewens. Maar in die wintermaande met al hulle siektes is ons almal maar al te bewus van siekwees. En siekte is sleg. - Dit maak jou liggaamlike bestaan onaangenaam. - Dit ontwrig jou lewe. - Dis selfs partykeer n kwaai toets vir jou geloof, veral as jy nie dadelik gesond word nie. Vanoggend vra ons die vraag: - hoe moet ons as gelowiges siekte hanteer? - wat wil die Here hê moet ek doen as siekte my plattrek? Die antwoord gee die Heilige Gees hier deur Jakobus baie konkreet soos wat hierdie hele brief van Jakobus is vir ons. Hy sê vir ons wat die sieke moet doen, en wat die ouderlinge moet doen, en wat die Here sal doen. Kom ons kyk nou na elkeen van hierdie sake, om so te leer dat die Here baie siektes genees wanneer Sy kinders bid. 1. WAT DIE SIEKE MOET DOEN Hier word drie dinge genoem wat die sieke self kan en moet doen: Eerstens moet die sieke self tot die Here bid oor sy/haar siekte. Dis tog hoe hierdie Bybeldeel begin: - As daar iemand onder julle is wat swaar kry, moet hy bid. 1 En uit die verband is dit duidelik dat die swaarkry waaroor dit hier gaan, in die eerste plek siekte is, ernstige siekte. Orals in die Bybel lees ons hoe siekes die Here aanroep. 2 Hy t ons dan geleer: Roep My aan in die dag van benoudheid, 3 wat sekerlik ook geld vir die benoudheid van siekte. 1 Vers 13 2 Pss 6, 38; Jes 38:2; Mat 20:30-31; 3 Ps 50:15

3 3 Dis die eerste wat n siek gelowige moet doen: bid self. Die tweede is dat hierdie sieke die ouderlinge van die gemeente moet laat kom. 4 Die bedoeling is nie dat die sieke ál die ouderlinge van hulle gemeente moet laat kom nie dis prakties onmoontlik in n groot gemeente! maar dié ouderling(e) onder wie se sorg hierdie sieke val. In ons tyd sal dit die wyksouderling wees, of die predikant, wat ook maar n soort ouderling is. En dit kan regtig enige een van die twee wees. Predikante se gebede weeg nie meer as ander ouderlinge se gebede nie. 5 Deur die ouderlinge te laat kom, erken die siek lidmate die plek wat die Here aan die herders van Sy gemeente in die lewe van Sy kinders gegee het. En deur die ouderlinge te laat kom, wys die siek lidmate ook dat hulle verstaan dat hulle deel van die Here se gemeente is en dat hulle siekte ook die gemeente raak. 6 Let op dat die inisiatief vir hierdie siekebesoeke deur die ampsdraers eintlik van die sieke af moet kom. Die sieke behoort die begeerte tot so n besoek te hê en dan die uitnodiging en oproep daartoe tot die ampsdraer te laat uitgaan. Dis die tweede wat die sieke moet doen: die ouderlinge laat kom. En die derde wat die sieke moet doen, wanneer dit ter sprake is, is om die sondes wat met hierdie siekte verband hou, te bely. 7 Daar s natuurlik nie by alle siektes n direkte verband tussen die siekte en bepaalde sondes nie: - Job was byvoorbeeld wonderlik vroom, en tog het die Here toegelaat dat hy siek word. 8 - En die blind-gebore man van wie ons in Joh 9 lees, se blindheid het niks met sondes van hom of van sy ouers te doen gehad nie so het Jesus self gesê. 9 4 Vers 14 5 Die predikant sal nodiger wees as daar sake met die sieke bespreek moet word wat die spesiale leergawes van die herder-en-leraar vereis. 6 Vgl bv 1 Kor 12:26 7 Verse Job 2:4-7 9 Joh 9:3

4 4 Maar partykeer is daar wel n verband tussen n siekte en bepaalde sondes in n mens se lewe: - dink aan iemand wat siek word omdat hy hom uit geldgierigheid oorwerk; - dink aan kwale wat mense kry as gevolg van alkohol- of dwelmmisbruik, of ooreet; - dink aan mense wat aan vigs ly, omdat hulle onsedelik lewe; - en die Here kan enige siekte stuur as Sy tugtiging daar waar mense Hom vergeet en Sy diens verwaarloos en Sy gebooie nie nakom nie. 10 En waar die sieke besef dat sy/haar siekte verband hou met bepaalde sondes in sy/haar lewe, moet hierdie sondes eerlik en opreg bely word - voor die Here natuurlik; - maar waar dit nodig is en gepas is, ook voor die ouderlinge en selfs voor ander gelowiges. Dis wat die Here sê wat siek kinders van Hom moet doen: - self bid; - die ouderlinge laat kom; - en waar dit nodig is sondes bely. 2. WAT DIE OUDERLINGE MOET DOEN Wat nie hier gesê word nie, maar altyd veronderstel word as dit gaan oor hierdie voorgangers in die gemeente, is dat die ouderlinge inroepingswaardig moet wees, m.a.w.: - die sieke moet vertroue hê in die ouderling; - die ouderling se gewone herderlike versorging en toesig oor hierdie lidmaat moet so wees dat hierdie lidmaat die ouderling werklik as n gesant van die Here ken, as iemand wat van die Here besondere geestelike krag en gawes gekry het. As die sieke dan nou die ouderling roep, moet die ouderling ook drie dinge doen: Eerstens behoort hy te gaan. Dis een van die take van n herder, dat hy siek skape moet help so lees ons in die Bybel Sien bv Deut. 28:21-22; 1 Kor. 11:30 11 Bv Eseg 34:4; Sag 11:16. En as die Here Jesus dit van alle gelowiges verwag om siekes te besoek (Mat. 25:36), hoeveel te meer dan nie van hulle wat as voorbeelde in die gemeente moet optree nie!

5 5 Die ouderling moet gáán as hy huis toe of hospitaal toe geroep word: En dan moet hy vir die sieke bid: - bid vir genesing; - bid vir vergewing van die sondes wat die sieke dalk sou bely het; - en as die Here dit op n stadium duidelik maak dat Hy nie nou hierdie siekte wil wegvat nie, dan moet hy bid dat daardie sieke krag sal kry om hierdie kruis gelowig en blymoedig te kan dra. Die Here wil nie net hê dat die sieke self, persoonlik, tot Hom moet bid en dat ander lidmate vir siekes in die gemeente voorbidding moet doen nie, maar Hy wil ook hê dat Sy gestuurde dienaars in die teenwoordigheid van die siekes vir hulle sal bid. En hierdie gebed is die hoofdoel van hierdie siekebesoek. Die ouderling kom nie om sy medemenslikheid te wys of om te adverteer hoe goed hierdie kerk se sisteme funksioneer nie, maar om die Here aan te roep vir hierdie mens in nood. En die siekes moet ook nie die besoek net wil hê as n soort versekering dat hulle darem nog in tel is by die ouderlinge of by die predikant nie, maar omdat hulle in hulle siekte hulle hulp van die Here verwag en daarom Sy voorskrif dat hulle die ouderlinge moet inroep om vir hulle te bid, uitvoer. Die ouderling moet kom en vir die sieke kom bid. En dan moet die ouderling (hoor ons hier) die sieke met olie salf onder aanroeping van die Naam van die Here. Hierdie gebruik van destyds het twee moontlike verklarings: o Dit kon n soort van n simboliese versekering wees dat die Here hierdie sieke sal seën. In ons tyd word n sieke gewoonlik met die voorlesing van n gepaste Bybelvers van die Here se hulp en bystand verseker. o Maar hierdie salwing met olyf-olie spesifiek, kon ook n verwysing na die gebruik van medisyne wees.

6 6 Olyfolie was destyds baie gebruik vir sy medisinale waarde. 12 Dan beteken met olie salf dat daardie ouderlinge die beskikbare geneesmiddels van destyds moes gebruik; wat dan in vandag se taal beteken dat ouderlinge lidmate sal aanmoedig om die middels wat die Here tot ons beskikking stel, te gebruik: - gaan dokter toe en fisioterapeut toe en na ander mense toe wat jou op medies-verantwoorde maniere kan help; - en gaan apteker toe en gebruik die medisyne wat beskikbaar is. En dit alles onder aanroeping van die Naam van die Here: - ook wanneer ons van dit wat die mediese wetenskap bied, gebruik, moet ons die Here aanroep, want sonder Sy seën sal dokters en medisyne ons nie kan help nie. 13 Ouderlinge wat uitgeroep word, moet vir die siekes gaan bid ook vir seën op die mediese hulp wat hulle kry, en hulle uit die Woord uit van die Here se troue liefde verseker. 3. WAT DIE HERE SAL DOEN Die Here sal as antwoord op die gebed(e) die siekes gesond maak én waar dit ter sprake is en bely is hulle sondes vergewe. Die sondevergifnis sal ons altyd kry sonder uitsondering. Die Woord van die Here laat daaroor geen twyfel nie: - waar mense hulle sondes eerlik bely, omdat hulle deur die Heilige Gees oortuig is van hulle skuld, sál die Here hulle vergewe; 14 - daarvoor het die Here Jesus Sy lewe gegee as n betaling van ons sondeskuld; - Hy waarborg vergifnis vir almal wat hulle sondes bely en hulle op Sy genade verlaat. En is dit nie uiteindelik wat regtig saak maak nie: dat jou sondes vergewe word? Sondevergifnis altyd! Die genesing van siekte kry God nie altyd sonder uitsondering nie. 12 Vgl. bv. gelykenis van barmhartige Samaritaan Luk. 10:34 opvallend dat juis Lukas, die dokter, hierdie gelykenis weergee 13 Ons moenie eers begin bid as die medisyne nie werk nie, maar ons moet van die begin af die middels biddend gebruik Joh 1:9

7 7 Die meeste van die tyd wel. Dink n bietjie hoeveel siektes daar elke jaar in hierdie gemeente is, en van verreweg die meeste van hulle word ons in antwoord op ons gebede gesond gemaak! En daar kom n ewigheid wanneer die Here al ons gebede om genesing sal verhoor, en ons liggame volmaak vernuwe sal wees, vry van al die siektes waaraan ons in hierdie lewe gely het, vir ewig volkome gesond! Maar die Here maak nie nou al alle siekes gesond nie. Die Here het redes waarom Hy Sy kinders soos ons op verskillende plekke in die Bybel lees vir n korter of langer tyd met n siekte laat leef. 15 En by baie van Sy kinders gebruik die Here n siekte om hulle uiteindelik uit hierdie lewe uit in die heerlikheid daar by Hom in te lei. Hierdie sinnetjie: die Here sal die sieke gesond maak, veronderstel dus dit wat die Heilige Gees op ander plekke in die Bybel ook leer: - dat Hy gesond sal maak as dit Sy wil is. Ons gebede om genesing is nie soos n knoppie wat jy druk en dan kry jy altyd presies wat jy vra nie. Maar in verreweg die meeste gevalle dis wat hierdie sinnetjie sê en wat ons ervaring ons leer maak die Here Sy kinders gesond wanneer daarvoor gebid word. En dit is Hý wat gesond maak, selfs al was daar n dokter betrokke en het jy medisyne gedrink, en het jou liggaam se terugvegvermoë n rol gespeel. 16 Dis alles instrumente wat die Here kan gebruik, maar waarsonder Hy ook, as Hy wil, jou gesond kan maak! Siekes moet die ouderlinge laat kom. Die ouderlinge moet kom en vir hulle bid. En die Here sal vergewe wanneer nodig en gesond maak. Dit geld ook vir julle kinders: 15 Vgl; bv Job 2:3-7; 2 Kor 12:7-9; 2 Tim 4: Selfs al het die Here iemand met die gawes van gesondmaking na jou toe gestuur, bly dit Hý wat jou genees.

8 8 - as julle siek is, moet julle nie net julle medisyne drink nie, maar julle moet ook vir die Here vra om jou gesond te maak dis die heel belangrikste; - en pappa en mamma moet ook vir jou bid; - en as jy baie siek is, wil die Here hê dat julle ouderling of julle predikant ook vir jou moet kom bid. En amper altyd sal die Here jou dan weer gesond maak TEN SLOTTE As ons ernstig siek word of siek bly, moet ons nie kop verloor en allerhande vreemde dinge begin doen nie, soos om alle dokters en medisyne af te skryf en al jou hoop op hierdie of daardie wondermiddel te stel, of om agter mense aan te hardloop wat beweer dat hulle die gawe van genesing het nie. Ons moet maar net doen wat die Here hier deur Jakobus vir ons sê. Ons moet ons hulp in alle swaarkry, en daarom ook in siekte, by die Here soek, by Hom vra en laat vra vir wat ons nodig het, ons genesing van siektes en vergewing van sondes van Hóm verwag. En kyk net wat die Here dan nie alles deur die siekte van gemeentelede bereik nie: - dit stimuleer die ouderlingamp en die onderlinge meelewing van gelowiges; - dit laat mense bid: die sieke, die ouderlinge, ander gelowiges wat daarvan hoor; - dit lei tot bekering by siekes wat gesondig het en dit besef en hulle skuld bely; - dit skep vir die Here die geleentheid om Sy mag in genesing te wys en Sy genade in vergifnis van sondes, of om Sy krag te wys waarmee Hy mense die beproewing van siekte gelowig laat deurstaan. As jy aan al hierdie dinge dink wat uit siek-wees kan voortvloei, dan besef n mens dat selfs siekte n seën kan word AMEN