JOHANNES 10:10b-11. Votum en seën. Skrifberyming 34 (2-2) : 1. Gebed. Skriflesing: Johannes 10:1-21 (AV 1983/91) Teks: Johannes 10:10b-11 (AV 1983/91)

Transcriptie

1 JOHANNES 10:10b-11 Votum en seën Skrifberyming 34 (2-2) : 1 Gebed Skriflesing: Johannes 10:1-21 (AV 1983/91) Teks: Johannes 10:10b-11 (AV 1983/91) Psalm 32 : 4 Preek: Die goeie Herder gee ware lewe in oorvloed Gebed Kollekte Psalm 23 : 1 Seën Skrifberyming 78 (13-3)

2 2 Dis van die bekendste beeldspraak in die Bybel, waar die Here voorgestel word as die Herder en Sy kinders as Sy skape. Watter gedeelte in die Bybel is bekender as Psalm 23: Die HERE is my herder? Dis ook beeldspraak wat direk met ons harte praat, want wie voel nie partykeer soos n skaap wat n herder nodig het nie - so weerloos; - so hulpeloos uitgelewer aan wrede diere; - so honger en dors vir water en weiding wat jou regtig sal voed? Sonder beeldspraak gesê: wie van ons ken nie die verlange na die ware lewe nie, na daardie lewe wat meer as hierdie alledaagse geploeter is? Die goeie Herder dís wat ons hier hoor gee hierdie ware lewe in oorvloed vir Sy skape. Dis wat vanaand gepreek word: die goeie Herder gee ware lewe in oorvloed. Kom ons kyk eers wat hierdie sinne ons sê van wie Jesus is, en dan na wat dit ons vertel van wat Hy vir ons kom doen het. 1. WIE HY IS Onthou u dat die Heilige Gees Johannes n hele paar van hierdie Ek-is uitsprake van die Here Jesus laat opteken het, byvoorbeeld: - Ek is die brood van die lewe 1 - Ek is die lig vir die wêreld. 2 - Ek is die ware wingerdstok 3 en hier dan: - Ek is die goeie herder? 4 En met elkeen van hierdie Ek-is uitsprake maak Jesus dit baie duidelik wie Hy eintlik is. Vat byvoorbeeld hierdie uitspraak: Ek is die goeie herder. 1 Joh 6:35 (AV 1933/53) 2 Joh 8:12 3 Joh 15:1 4 Joh 10:11, 14

3 3 Psalm 23 sê: Die HERE is my herder. Die naam HERE wat daar gebruik word, is die spesiale Naam waarmee God Hom aan Israel bekend gemaak het in Hebreeus die naam Jahwe: - Sy verbondsnaam; - die Naam wat Sy volk daaraan herinner dat hy die God is wat met hulle n verbond gesluit het, waaraan Hy vir altyd getrou sal bly. Jahwe is die gelowige se herder. En onthou u Jesaja 40:10-11? 5 - die Here HERE sal sy kudde laat wei soos n herder; Hy sal die lammers in sy arm vergader en aan sy bors dra; die lammerooie sal Hy saggies lei. Die troue Verbondsgod is Israel se herder! As Jesus dan hier vir die mense sê: Ek is die goeie herder, dan sê Hy duidelik daarmee: - Hy is die HERE Jahwe; - Hy is die troue Verbondsgod van Israel. Kan u dink watter wonderlike troos was hierdie uitspraak vir die mense wat Jesus gevolg het? Dis hulle Hére wat by hulle is! En watter waarskuwing was hierdie uitspraak by implikasie nie vir die Jode wat niks van Jesus wou weet nie? Dis God, die Verbondsgod van Israel, wat hulle besig was om te verwerp! Maar hierdie uitspraak vertel nog meer van wie Jesus is. In die Ou Testament is baie beloftes van God oor die Messias wat sou kom en wat die ware verlossing vir God se volk sou bewerk, opgeteken. Een daarvan is in Esegiël 34, waar die Here die mense wat Sy volk geestelik moes versorg, uittrap oor hulle ontrou; en dan is Sy oplossing hiervoor: - Ek gaan vir hulle net een herder aanstel, en hy sal vir hulle sorg. 6 En as Jesus dan nou sê: Ek is die goeie herder, dan sê Hy daarmee: 5 AV 1933/53 6 Eseg 34:23

4 4 - Ek is die herder wat God vir julle belowe het; - Ek is die Messias; - Ek is die ware Verlosser! Met een kort sinnetjie sê die Here Jesus baie duidelik wie Hy regtig is: - Hy s die Messias, die beloofde Verlosser! - Hy s die getroue Verbondsgod Self! Wat het Hy hier op aarde kom doen? 2. WAT HY KOM DOEN HET Hy het gekom (so sê Hy hier) sodat Sy skape die lewe kan hê, en dit in ooorvloed. En wat Hy hiermee bedoel, word duidelik uit die twee vergelykings wat Hy hier tref (verse 1-5 en 7-16) tussen die goeie Herder en die slegte herders. Eintlik praat Hy nie eers van slegte herders nie, want iemand wat die skape nie reg versorg nie, is glad nie die naam herder werd nie. Jesus noem hulle diewe, rowers, huurlinge. Hoe tree húlle op? o Hulle kom nie by die hek van die skaapkraal in nie, maar hulle klim skelm-skelm aan die agterkant oor die muur van die kraal, 7 want hulle kom mos nie om die skape te versorg nie, maar om hulle te steel en te slag en uit te roei. 8 o En as hulle daar in die veld by die skape is, maak hulle soos n tipiese huurling. n Huurling is iemand wat gehuur is om die skape op te pas, wat dus nie regtig belang by die skape het nie, maar hulle net oppas vir die geld. 9 So n huurling gaan mos by die geringste teken van gevaar, byvoorbeeld as n wilde dier soos n wolf die skape bedreig, alles net so los en weghardloop; - want wat gee hy om? - dis nie sý skape nie; - as die wolf n klomp van hulle verskeur wat daarvan? 7 Joh 10:1 8 Joh 10:10a 9 Vgl die verskil tussen n job en werk-as-roeping.

5 5 - as hý maar net veilig is! Maar hoe maak die regte Herder? o Hy gaan by die hek van die skaapkraal in 10 openlik. Hy t niks om weg te steek nie. Hy s mos die Herder wat goed kom doen aan die skape! o En Hy roep Sy skape op hulle name en lei hulle uit. 11 In so n skaapkraal van destyds het daar baie kere n hele paar skaaptroppe saam oornag. En (so word daar vertel) in die oggend kon enige een van die herders van daardie troppe maar net by die hek gaan staan en roep, en dan sou sy trop, wat sy stem ken, omdat hulle dag vir dag saam met hom in die veld is, opstaan en na hom toe kom, terwyl die ander troppe hulle nie aan sy stem steur nie. In elk geval het hierdie herders van destyds hulle skape so goed geken, dat hulle vir elke skaap n naam gehad het, net soos wat ons deesdae vir ons troeteldiere name gee. Hierdie herder het dus by die hek gaan staan en elkeen van sy skape by die naam geroep, en hulle dan uit die kraal, waar hulle veilig oornag het, uitgelei en hulle na die plekke toe gevat waar daar vir hulle water en weiding was. o En anders as wat n mens deesdae sien, dat diere aangejaag word, het die herders van destyds voor hulle skape uitgeloop. Hulle t nie die skape voor hulle uit gedryf nie, maar self voorgeloop om te kyk waar dit vir die skape veilig is om te loop en waar die beste water en weiding is. Kan u dan verstaan hoekom die skape só n herder gewillig gevolg het? Vers 4: en die skape volg Hom, omdat hulle sy stem ken. 10 Joh 10:2 11 Joh 10:3

6 6 Oor hierdie skape wat die stem van hulle herder geken het daar is al op plekke waar herders hulle skape so goed geken het soos wat hier beskryf word, geëksperimenteer: - daar s vir n vreemdeling die klere van die herder aangetrek; - en dan t hierdie vreemdeling die skape geroep asof hy die herder van die skape is; - en wat gebeur het, is dat die skape só deurmekaar en bang geword het dat hulle probeer weghardloop het! Soos Jesus sê: Hulle sal nooit n vreemde volg nie maar van hom af weghardloop, omdat hulle nie die stem van vreemdes ken nie. 12 Dít doen die goeie Herder: - Hy ken elkeen van Sy skape; - Hy roep hulle na Hom toe; - Hy lei hulle weg van die gevare af; - Hy vat hulle na plekke toe waar daar oorgenoeg water en weiding is. En Hý (sê Jesus hier van Homself) is hierdie goeie Herder wat hier beskryf word. Wat die herder in hierdie gelykenisse vir Sy skape is en doen, dit is en doen die Here Jesus vir mense. Hy roep mense wat geestelik weerloos en hulpeloos en koersloos en honger en dors is, na Hom toe. Hy lei hulle met Sy beloftes en Sy bevele, weg van die geestelike gevare, na daar waar daar water en kos vir hulle siele is. Hy gee vir hulle die lewe in oorvloed: - die lewe wat nie net in tydsduur oneindig langer as ons kort aardse lewetjie is nie; - maar wat ook in sy inherente aard, in watter soort lewe dit is, oneindig beter en mooier is as die lewe wat ons hier op aarde ken; - die lewe wat hierdie aardse geploeter by verre oortref; - die werklike, eintlike lewe; - die ewige lewe; - die lewe met n hoofletter L! Jesus is die goeie Herder wat gekom het sodat mense hiérdie lewe kan hê. 12 Joh 10:5

7 7 Ons kan mos nie twyfel dat Hy die ware Herder is nie; want Hy s die Herder wat nie gevlug het toe die grootste denkbare gevaar gedreig het nie dat Sy skape verlore kan gaan! Hy t daardie gevaar vír hulle trotseer. Hy s die Herder wat bereid was om te sterf toe dit Sy skape kon red. Hy s die Herder wat self soos n weerlose Lam geword het in die plek van Sy kudde n Lam wat na die slagpale van Golgota gelei is om daar geslag en geoffer te word, sodat baie mense se sondes vergewe kan word en hulle die lewe as n kind van die Vader in die hemel kan kry, die lewe in oorvloed! Die goeie Herder ons God en ons Verlosser, die Messias gee die ware lewe in oorvloed! TOEPASSING Hoor u vanaand die stem van die goeie Herder? Hy roep ons elkeen met hierdie Skrifgedeelte op die naam hierdie woorde gaan mos by elkeen van ons persoonlik se ore in. Kom (sê Hy), jy wat so weerloos is jy wat vanself hulpeloos en magteloos is, nie net teenoor al die bose magte in die wêreld nie, maar ook teen die verskriklike toorn en oordeel van God teen die sondes waaraan jý ook skuldig is, jy wat partykeer so sonder koers aansukkel, jy wat moedeloos gesoek is en nie kan vind waarna jy soek nie, jy wat honger is vir brood wat nie op hierdie aarde gebak word nie en vir water wat nie uit n aardse fontein of rivier kom nie, jy wat smag na die werklike lewe,

8 8 daardie lewe wat baie meer is as dit wat jy nou het, kom (sê Hy), Ek sal jou na die water en die weiveld toe vat waar jy die kos vir die ware lewe kry; Ek sal jou na daardie lewe in oorvloed toe vat, daardie lewe waar jy God ken en n band met Hom het; daardie lewe waar My Gees in jou woon die Gees wat liefde en gehoorsaamheid bewerk en nie meer n gees wat die sonde liefhet nie; daardie lewe waar jy regtig vrede in die hart het, al gaan jou aardse paadjie dan partykeer deur diep en donker klowe; daardie lewe wat anderkant dood en graf uitmond in n lewe in die ewige heerlikhede wat God vir ons belowe het. kom (sê Hy), volg Mý vir die lewe in oorvloed! Hoor u die stem van die goeie Herder? Herken u Sy stem? Daar s ander stemme in hierdie wêreld wat u ook roep en wat allerhande dinge belowe as jy maar net van Jesus se pad af sal wegdraai! Pasop vir die huurlinge: - hulle lyk baie kere net soos herders; - en hulle praat baie kere asof hulle herders is; - maar die lewe waarnatoe hulle jou lok, is eintlik die dood. Vlug vir die vreemdes! Daar s maar net een goeie Herder, dié Een wat Sy lewe vir ons afgelê het Jesus Christus. Volg Hom.

9 9 En dit doen n mens met n mond wat bid en met n kop wat die Bybel ken en met n hart wat God se Woord as die waarheid aanvaar en met voete wat Sy pad loop en hande wat Sy werk doen. Wie die goeie Herder volg, sal lewe, wáre lewe, in oorvloed hê AMEN