TEKS: 1 Samuel 1:15 HK 46. Voor die hemelse Vader stort Sy kinders hulle harte uit wanneer hulle bid.

Transcriptie

1 SKRIFLESING: 1 Samuel 1:1-20 TEKS: 1 Samuel 1:15 HK 46 TEMA: Voor die hemelse Vader stort Sy kinders hulle harte uit wanneer hulle bid. Psalm 145 : 1, 10, 11 Psalm 50 : 8, 11 Psalm 102 : 1 Psalm 142 : 1, 3, 4 (melodie Ps 134) Skrifberyming 78 (13-3) Ook: Ps 31 :13 Ps 61 : 1, 4 Ps 62 : 5 Ps 143 : 1

2 2 Wanneer ons die Onse Vader behandel, is ons eintlik leerlinge aan die voete van die Here Jesus in die vak Gebed. Wie kan ons beter leer as Hy? - As mens was Hy self die volmaakte voorbeeld van n bidder. - En as God is Hy die Een wat gebed moontlik maak en wat ons beveel om te bid en is Hy Self die Een tot Wie ons bid! Kom ons leer dan by Hom nie om n eksamen deur te kom nie, want al die geestelike eksamens wat ons moes deurkom, het die Here Jesus klaar vir ons geslaag maar om regtig te kan bid, om kinders van die hemelse Vader te kan wees wat regtig hulle harte voor Hom uitstort. Want dis die gebedsles wat ons vanoggend leer: - voor die hemelse Vader stort Sy kinders hulle harte uit wanneer hulle bid. Kom ons kyk in detail na twee sake: 1. voor Wie ons ons harte uitstort; 2. wat dit is om jou hart voor Hom uit te stort. 1. VOOR WIE (ons ons harte uitstort) Ons moet ons harte in gebed voor die hemelse Vader uitstort. Die hemelse Vader Die wonderlike van hierdie gebed wat die Here Jesus vir ons geleer het, is dat Hy ons daarmee nie net sekere woorde en sinsnedes gee wat ons in ons gebede kan gebruik nie, maar dat Hy ons in die proses ook n hele klomp ander dinge oor gebed leer, byvoorbeeld - waaroor gebed eintlik gaan; - hoe ons gebedsprioriteite moet lyk; - wat in ons harte behoort te leef wanneer ons bid, soos bv wanneer Hy sê dat ons God ons Vader moet noem.

3 3 Want die oomblik as jy Vader sê, behoort jy te dink aan die grote wat die kleintjie liefhet en wat geen moeite spaar om hierdie kleintjie te versorg en te beskerm en te troos en te leer en te help en reg te help nie. En moet nou nie, wanneer u bid, dink aan onvolmaakte aardse vaders nie. As ons God ons Vader noem, dan moet ons aan vaderliefde, aan ouerliefde, in sy volmaakte vorm dink. - As selfs sondige aardse vaders nie vir hulle kinders slegte dinge sal gee nie, hoeveel minder sal God dit doen. 1 - En as hier op aarde dalk tog die amper-onmoontlike kan gebeur dat n ma haar baba vergeet sal dit tog nooit gebeur dat God een van Sy kinders vergeet nie. 2 - En as sy pa en ma hom sou verlaat (sê Dawid), 3 dan sal die Here hom onder sy sorg neem. Dink aan volmaakte, onfeilbare Vaderliefde, die liefde van die pa wat die verlore seun, na alles wat hy aan die pa gedoen het, nog steeds tegemoet hardloop toe hy terugkom en hom omhels en soen! 4 As Jesus ons dan leer om God as ons Vader aan te spreek, dan leer Hy ons daarmee die les dat gebed is om as kleintjie na die liefdevolle groot Een toe te gaan, die Een wat jou liefhet met n liefde waarvan die beste ouerliefde op hierdie aarde maar nog net n flou afskynsel is. En daarom is gebed iets wat jy met vertroue kan doen. Na n volmaakte Vader gaan jy nie met twyfel en wantroue toe nie, maar met die sekerheid dat jy by Hom sal kry wat vir jou goed is In gebed is ons besig met ons Vader. Ons Vader wat in die hemel is. 5 1 Mat 7:11 2 Jes 49:15 3 Ps 27:10 4 Luk 15:20 5 Dat Hy in die hemel is, beteken nie dat Hy beperk is tot die hemel nie. Selfs die hoogste hemel (het Salomo gebid by die inwyding van die tempel 1 Kon. 8:27), kan Hom nie bevat nie. Dis maar net so dat daar in die hemel Sy grootheid en majesteit helder en duidelik gewys en gesien word.

4 4 Ons mag dit nie vergeet nie: hierdie volmaakte Vader van ons is ook verbysterend groot en hoog. Hy s in n totaal ander kategorie as enige iemand anders wat daar is. Hy s groot ver bo ons begrip. Wat verstaan ons van Iemand - wat elke oomblik oral teenwoordig is? - wat alles van alles en almal weet? - wat net kan sê, en daar s n wêreld so oneindig ryk en kompleks soos dié waarin ons ons bevind? - wat die magtige nasies en die geweldige ruimtes en alle engele en bose geeste met die minste van Sy kragte vashou en beheer? En soos die woorde ons Vader ons leer om met kinderlike vertroue en vrymoedigheid tot God te bid, so moet die woorde wat in die hemel is, ons leer om ook met heilige ontsag en respek vir God tot Hom te bid. Jy moet jou woorde voor Hom tel, (sê die Prediker 6 ), want Hy s in die hemel en jy op die aarde Voor Wie stort ons ons harte uit wanneer ons bid? Voor ons Vader wat ons eindeloos liefhet en wat ook die grote God van die hemel en die aarde is. Die ons waarvan nou die hele tyd gepraat word, is natuurlik die kinders van God. As jy iemand is wat nog nie in jou hart aangegryp is deur die oortuiging dat diehere Jesus Christus die enigste Een is wat jou van jou sonde en al die ellende wat dit veroorsaak, kan red nie, as die Heilige Gees jou nog nie só verander het dat jy wegdraai van jou ou sondepaaie nie, as jy nog maar rustig in jou sondes voortlewe sonder om jou ernstig aan God en Sy gebooie te steur, dan s jy mos nie n kind van God nie en dan s God nie jou Vader nie, 6 Pred 5:1

5 5 maar dan s jy op die pad waar jy Hom gaan ontmoet as die onverbiddelike Regter ook oor al jóú misdade teen Hom en teen medemense, dan s jy n mens wat moet wakker skrik en die Here moet soek terwyl Hy nog te vinde is Dis God se kinders wat hulle harte in gebed voor Hom as hulle Vader in die hemel uitstort. 2. WAT DIT IS (om jou hart uit te stort) Hoe lyk n gebed van n mens wat God as die volmaakte Vader en as die almagtige God ken? Dis n gebed (in die taal van ons teksvers gesê) waar jy regtig jou hart voor Hom uitstort. Die Here het in Sy Woord vir ons voorbeelde van sulke gebede laat opteken, soos hierdie een van Hanna. Dit het sleg gegaan met Hanna. o Sy was in die verskriklike situasie om een van die twee vrouens van n man te wees n situasie wat nog altyd teen die wil van die Here was, maar wat so algemeen voorgekom het dat Hy dit vir n tyd lank selfs by Sy volk geduld het. o En in hierdie onnatuurlike situasie was sy toe ook nog beproef gewees met kinderloosheid, iets wat, behalwe vir die leemte en pyn wat dit in elk geval in n vrou se lewe veroorsaak, in daardie tyd ook nog as n soort skande beskou is en wat met gruwelike liefdeloosheid deur haar man se ander vrou, Peninna, uitgebuit is. o Ons het gehoor van die effek wat dit op haar gehad het: - sy t daaroor gehuil; 7 - sy wou nie eet nie; 8 - sy was bitter bedroef en het bitterlik gehuil; 9 - sy was beswaard in haar gemoed diep terneergedruk; 10 7 Vers 7 8 Vers 7 9 Vers Vers 15

6 6 - sy praat van haar baie sorge en verdriet. 11 Sy was n mens in nood! Sy was, in vandag se taal gesê, moedeloos en depressief. En toe gaan bid sy daar by die heiligdom, lank, uit haar binneste uit; sy vorm die woorde met haar mond maar sê hulle nie hardop nie, terwyl haar trane onkeerbaar stroom. En in haar gebed vra sy soos n kindjie dat die Here haar swaarkry sal sien en aan haar sal dink en haar nie sal vergeet nie en in haar lewe die wonder sal laat gebeur dat sy n seuntjie kan hê. Sy doen n beroep op die Here se vaderlike jammerhartigheid en vra dat Hy as die Een wat alles kan doen, sal ingryp en help. Sy bid tot haar Vader wat in die hemel is. Sy stort haar hart voor Hom uit. Dís hoe die Heilige Gees haar hier haar gebed laat beskrywe. ek het my siel voor die aangesig van die HERE uitgestort. Sy t haar siel, alles wat in haar hart is, haar hele lewe as t ware, voor die Here uitgestort. Sy t haar kinderloosheid, met al die hartseer en pyn wat dit meegebring het en wat op hierdie stadium die groot saak in haar lewe was sy t niks daarvan teruggehou nie, maar dit voor die Here uitgegooi soos wat n mens water uit n emmer sou uitgooi. Is dit nie n aangrypende definisie vir gebed nie? - Wat is dit om te bid? - Dis om jou hart voor die Here uit te stort! 11 Vers 16

7 7 En moedig die aanspreekvorm wat die Here Jesus ons vir die gebed leer, nie juis dít aan nie om met kinderlike vertroue op God se Vaderliefde en se hemelse almag jou lewe voor Hom oop te gooi nie? Dis die eerste les wat die Here Jesus ons leer met die gebed wat Hy ons gegee het: - dat gebed is om na die goeie en die grote God toe te gaan; - dat, wanneer jy jou hart uitstort, jy dit doen voor Hom wat met Vaderoë sien en weet en verstaan en wat in staat is om enige iets te doen. Voor die hemelse Vader stort Sy kinders hulle harte uit wanneer hulle bid. Sal julle kindertjies dit ook onthou? As jy bid, kan jy vir die Here alles vertel wat jou pla. En Hy luister as n mens dit vir Hom vertel, want Hy s mos n Vader wat baie, baie lief is vir ons. En Hy sal ons met enige iets kan help, want daar s niks wat die Here nie kan doen nie! TEN SLOTTE Ken u ware gebed hierdie gebed waar n mens met die trane wat loop die verhaal van jou lewe voor die Here uitstort? Dit maak nie saak wat die verhaal is nie - of dit n verhaal van hartseer is; - of van siekte; - of van armoede; - of van depressie; - of van sondes wat jy gedoen het en wat jou lewe verwoes het; - of van lewensdrome wat nie vervul is nie; - of van kinderloosheid; - of van n lewensmaat wat nooit opgedaag het nie; - of van talente wat jy nie kon ontwikkel nie; - of wát ook al party mense sal in hierdie hart-uitstort-gebed iets spesifieks van die Here vra, soos Hanna, terwyl ander maar net in die algemeen sal vra vir krag en troos en vrede.

8 8 Ken u hierdie hart-uitstort-gebed? Dis nie n gebed wat n mens sommer gou-gou in n minuut aframmel nie. Dis ook nie elke gebed van ons wat so intens soos hierdie een van Hanna sal wees nie. Maar iets van die gees van so n hart-uitstort-gebed moet in elke gebed van ons wees. Dis tog een van die lesse wat die Here Jesus ons leer as Hy ons leer dat gebed is om na jou Vader toe te gaan, die grote God in die hemel By hoeveel Christene wat nog met baie onrus en onvrede in die hart loop, is dít nie dalk die oorsaak nie? - hulle het nog nooit geleer om hulle harte voor die Here uit te stort nie. As n mens dit geleer doen het, sal jy n ander mens wees. Hier staan van Hanna, ná haar gebed, maar nog vóór sy geweet het hoe die Here haar gaan antwoord, hierdie wonderlike sinnetjie: - haar aangesig was anders sy was nie meer bedruk nie. 13 Maar dis mos soos die Here Sy apostel laat skryf het: maak in alles julle begeertes deur gebed en smeking en met danksegging aan God bekend. En die vrede van God wat alle verstand te bowe gaan, sal oor julle harte en gedagtes die wag hou in Christus Jesus. 14 Voor hulle Vader, die ewige en almagtige God, stort Sy kinders hulle harte uit wanneer hulle bid, en kry vrede, uiteindelik selfs ewige vrede AMEN 12 Vers 18 AV 1933/53 13 Vers 18 AV Flp 4:6-7