PSALM 68:7 Votum en seën Psalm 66 : 1 Geloofsbelydenis: Twaalf Artikels Wet: Exodus 20:1-17 (AV 1983) Psalm 38 : 1, 8 Gebed Skriflesing: Psalm 68:1-19 (AV 1983) Teks: Psalm 68 : 7a [= tot by woon ] (AV 1983) Psalm 68 : 3 Preek: God bring eensames in n huisgesin Gebed Kollekte Skrifberyming 27 (12-2) : 4, 5 Seën Skrifberyming 78 (13-3)
2 Het u die kontras gehoor? In hierdie Psalm wat sing van die mag en die majesteit van God, van die geweldige dade waarmee Hy Sy volk verlos het, van die verplettering van Sy vyande, van Sy koningskap oor die konings en koninkryke van hierdie aarde in hiérdie Psalm staan ook hierdie sinne oor die deernis van die Here: - Hý s n Vader vir kinders wat nie n pa of n ma het nie; - Hý s n Beskermer vir vroue wat nie meer n man het nie; - Hý s Een wat gevangenes vrylaat; - Hý s Een wat vir eensames voorsiening maak. Eensames. U weet seker dat baie mense eensaam is, selfs hier in die stad met al sy duisende der duisende mense. Maar God hierdie magtige God Wie se vyande uitmekaar spat as Hy verskyn, voor Wie hulle smelt soos was in vuur smelt Hý sorg vir die eensames: - Hý bring hulle in n huisgesin. Kom ons kyk eers wie die eensames is na wie hier verwys word, en dan na die huisgesin waarin God hulle laat woon. 1. DIE EENSAMES Die eensames van wie hier gepraat word, is in die eerste plek doodeenvoudig mense wat alleen is, mense wat op hulle eie is. Die woord wat hier gebruik word, word ook gebruik vir n enigste kind, n kind sonder boeties of sussies. n Eensame is iemand wat n enigste is - iemand wat nie die normale bande met ander mense het nie; - iemand wat, om watter rede ook al, nie deel van n huisgesin is nie; - iemand wat sonder die warmte van n vriendekring leef; - iemand wat nêrens het om heen te gaan as daar raad of hulp nodig is nie; - iemand wat aan sy/haar eie lot oorgelaat is.
3 Soos n gevangene, byvoorbeeld. In die Hebreeuse taal, waarin Dawid hierdie lied gedig het, is die eerste twee sinne van ons teksvers taalkundig baie nou aan mekaar gekoppel: - God laat eensames in n huisgesin woon - en Hy lei gevangenes uit na vryheid. Waar is daar n groter eensaamheid as dié van n gevangene wat alleen in n sel opgesluit is? Dis een van die swaarste strawwe vir n mens: eensame opsluiting! Ons teks gaan oor sulke soort mense: - mense soos eensame opgesluites; - mense wat in énige soort situasie alleen is, aan jouself oorgelaat Maar ons moet ook dieper kyk na hierdie verskynsel van eensaamheid. In die Bybel leer die Heilige Gees ons duidelik dat ons nood nie net die gewone aardse nood is nie. Eintlik is ons grootste nood ons gééstelike nood: - ons sonde; - ons ongehoorsaamheid aan God; - ons aangebore gebrek aan liefde, of meer nog: ons aangebore haat vir God en vir die mense om ons. En hierdie sondigheid van ons veroorsaak eintlik die ergste vorm van eensaamheid wat daar kán wees: - dat jy tussen ander mense kan wees, maar dan is tog geen band/liefde/omgee tussen jou en hulle nie! Ja, dís wat ons sondes veroorsaak. Omdat sonde in sy wese haat is iets wat jou hatig maak op ander en wat jou haatlik maak vir ander daarom stoot sonde jou nie net van God af weg nie, maar ook van medemense af. Sonde isoleer n mens.
4 Sonde maak dat jy alleen word. En sekerlik sal ons die woorde in ons teks verskraal as ons hier net aan mense wat in die gewone sin van die woord eensaam is, dink. Ons moet hier ook daaraan dink dat baie van die eensaamheid wat ons ly, deur ons gely word omdat ons ander mense met ons sondes van ons vervreem het. Eensames is mense wat alleen is partykeer nie altyd nie omdat hulle sondige mense is. 2. DIE HUISGESIN In die gedagtes van n eensame mens is n huisgesin baie kere die toppunt van liefde en warmte en van nié-alleen-wees-nie. Daar s min dinge wat eensame mense so bewus maak van hulle eensaamheid as wanneer hulle n gelukkige huisgesin saam sien. En nou staan hier: God laat eensames in n huisgesin woon Hoe doen Hy dit? Hy doen dit in die eerste plek met ons gewone aardse eensaamheid op n heel aardse manier: - Hy lei n man en n vrou na mekaar toe, sodat hulle nie alleen deur die lewe hoef te gaan nie, maar die warmte van n huwelik kan beleef. - Hy laat kinders gebore word in n gesin. - Hy gee vir weduwees of wewenaars, of vir geskeides wat weer mag trou, n nuwe lewensmaat. - Hy gee vir bejaardes die voorreg om kinders en kleinkinders te hê wat vir hulle omgee. = Hy maak ons deel van families waar mense met mekaar saamleef en mekaar ondersteun. En nou moet u nie na kinders van die Here wys wat daarna smag, maar nie n lewensmaat kry en deel van n gelukkige gesin en saamlewende familie is of word en sê dat hulle bewyse is dat ons teksvers nie waar is nie. Daar ís sulke kinders van God, maar hulle is die uitsonderings. Hulle is mense met wie God n spesiale pad loop en vir wie Hy dan ook op spesiale maniere sal sorg.
5 Die reël is egter en dis wat hierdie vers ons laat hoor dat God, in die gewone gang van Sy bestuur van sake, vir die eensames onder Sy kinders voorsiening maak deur hulle op een of ander manier in die warmte en liefde van n huisgesin in te bring. Maar hier hou dit nie op nie hier by God se gewone aardse voorsiening vir die gewone aardse nood van eensaamheid nie. Is dit nie juis deel van die evangelie, van die blye boodskap wat die Bybel bring, dat God ook met die diepste oorsaak van al ons eensaamheid ons sondes afreken nie? Hy t mos ons sondes op Sy Seun, Jesus Christus, gelaai. En Hy t Hom die absolute mensverlatenheid en Godverlatenheid, wat God se straf op ons sondes is, in ons plek vir ons laat dra, veral toe Hy aan die kruis gehang het. En elke mens wie se hart nou deur die Heilige Gees so nuutgemaak is dat dit hierdie wonderlike nuus van wat Jesus vir ons gedoen het, aanvaar, is nou n kind van God. En as jy n kind van God is, is jy deel van Sy huisgesin, van die kerk, van hierdie gemeenskap van heiliges waar mense weer regtig mekaar se broers en susters geword het, omdat ons almal deur Jesus kinders van een Vader die hemelse is! En hiér is geen uitsonderings nie. Élkeen wat in Jesus Christus glo, ís deel van hierdie huisgesin van God en kan deel in die warmte en liefde en ondersteuning wat eie aan hierdie gesin behoort te wees. Behoort, want in hierdie gesin behoort sondes ons mos nie meer uitmekaar te dryf nie. Ons is mos nou mense wat bevry is van ons sondes, wat onder andere beteken dat sondes nie meer ons baas is nie. Ons is nou mense wat so deur die Heilige Gees verander word, dat ons ons bes doen om nie meer hatig op mekaar en haatlik vir mekaar te wees nie, want haat dryf mense uitmekaar uit, maar om met mekaar saam te leef as mense wat nou liefhet met daardie liefde wat mense aan mekaar bind! En elke kind van die Here is deel van hiérdie familie.
6 God help nie net met die gewone aardse eensaamheid nie, maar Hy maak ook n plan met die diepste oorsaak van alle eensaamheid die sonde. En die mense wat Hy dáárvan verlos, maak Hy deel van hierdie huisgesin waarvan die bande tot in ewigheid bly. Dis die deernis van die groot en almagtige God, dat Hy eensames in n huisgesin laat woon TOEPASSING Ons moet die Here ook eer en prys vir hiérdie werk van Hom. Hierdie Psalm is een groot oproep om die Here te eer en te loof vir Wie Hy is en vir wat Hy vir Sy kinders doen, onder andere vir wat Hy vir eensames doen. Om byvoorbeeld in die gewone aardse lewe deel van n huisgesin te wees, is nie n vanselfsprekendheid nie dis n geskenk van die Here! En om deel te wees van die hémelse huisgesin, van die gemeenskap van gelowiges watter genade is dit nie! - Ons verdien dit nie. - Ons verdien die ewige eensaamheid van die hel. - Maar ons word met deernis deur God deel van Sy huisgesin gemaak, net omdat Sy Seun dit aan die kruis vir ons verdien her! Al is ons soms in die gewone aardse lewe vir n korter of langer tyd as weduwee of wewenaar of weeskind of ongetroude of geskeide of bejaarde eensaam sonder die normale gesins- of familiebande, dan is ons tog nog altyd deel van die familie wat uit al God se kinders bestaan en wat orals hier op aarde as Christelike gemeentes funksioneer. Ons moet die Here loof, wat al is Hy ook hoe groot en magtig en majestueus tog nie by die eensames verbystap nie. Maar hoor u ook in dit wat ons vanoggend gelees het, nie net die troos en bemoediging nie, maar ook die implisiete aansporing? Wat hier staan, herinner ons ook daaraan dat ons gesinne en ons gemeente dan inderdaad vestings van God teen eensaamheid moet wees.
7 In ons gesinne moet ons vir mekaar omgee. Ons moet mekaar dophou en openhartig teenoor mekaar wees, om so te keer dat nie een lid van ons gesin in die kloue van die eensaamheid en wanhoop wat so dikwels daarop volg, en waarvan hierdie wêreld so vol is, verval nie. Ons moet ons gesinslewe vertroetel as n kosbare gawe wat die Here vir ons gegee het. En ons gemeente dis wat hierdie gedeelte by implikasie ook vir ons vra: ís ons n huisgesin van God? Ons behoort die voorste loopgraaf te wees teen die alleen-wees wat so baie mense in ons wêreld tot drank of dwelms of selfs selfmoord dryf! Hier moet permanent onder ons n warmte wees, wat selfs mense wat uit desperaatheid n keer kerk toe dryf, sal laat sien dat God se gemeente die huisgesin vol liefde is waarna hulle smag! Hier in ons kring moet selfs mense wat deur hulle sondes verstotenes geword het, dit beleef dat medemense hulle weer kan vergewe, dit beleef dat iemand wat deur God skoongemaak is, weer deur ander, wat ook skoongemaak is van húlle sondes, aanvaar word. Besef u wat die geringste blykie van toenadering hier onder ons kan beteken vir iemand wat eensaam is? - n vriendelike groet; - n opskuif om vir die ander een hier in my bank plek te maak; - n opregte belangstelling in die ander een se lewe; - n vriendelike uitnodiging om saam n koppie tee te kom drink Eensame mense beleef sulke klein gebaartjies partykeer as n reuse-blyk van liefde. Ook julle kinders en tieners en jongmense moet julle oë oophou vir n maatjie by die kerk wat vreemd is en wat eenkant staan. Gaan gesels n bietjie met daardie een. Gaan probeer die eenkant-een intrek in die kringetjie van julle klomp wat al lekker tuis is by mekaar.
8 Onthou, in die huisgesin van die Here is ook daardie maatjie jou boetie of jou sussie! Hierdie vers herinner aan die deernis van die Here waarvoor ons Hom moet loof en prys! Maar met hierdie vers roep die Heilige Gees ons ook toe: - wéés dan regtig n huisgesin van God veral vir eensame mense AMEN