Winterskoft

Transcriptie

1 Winterskoft Frysk Selskip FIER FAN HÛS Apeldoorn Súnt e jiergong Febrewaris

2 ferieningsblêd fan it 49e jiergong nr 2 Okt FRYSK SELSKIP FIER FAN HUS yn Apeldoorn Ynhâld 1 Fan de foarsitter 2-3 Fan de bestjoerstafel 4-6 Algemiene ledegearkomste 7-8 Bûsboekje 8 Kritemeilibjen 9-13 Grutte jûn 14 novimber Fan eigen hoarnleger It pronkjuwiel Kritereiske 20 maaie Myn doarpke De nije boeketafel De turfroute 35 Polderhoofdkanaal Gleonhjitte dei en 52 De âlde boekekream 51 Kontaktpersoanen 53 Kolofon Fan de redaksje 57 1

3 Ut e Pinne Fan de foarsitter Henk de Boer Nei in prachtich simmerskoft sit ik no tsjin in griemerige rein oan te sjen. t Is no in wiete boel, mar kreas waar om even it foarwurd foar de earste Pinne fan it nije winterskoft te skriuwen. Fan t simmer binne wy op e nij yn e kunde kommen mei in hoeke fan Fryslân. Wy ha twa wiken mei ús caravan op in camping stien fuort by ús âlde wenstee. Wy stiene op camping De Singelhof op de Gordyk en yn e augustusmoanne ha wy trije wiken yn Reahûs, fuort by Snits bivakkearre, in hoeke fan it Heitelân dêr t wy noch net sa bekend wiene. Dat is no wol oars! Wy ha d r withoefolle kilometers fytst en ik moat no earlik sizze, dat jo yn dy hoeke tusken Snits, Boalsert, Ljouwert en Harns poerbêst fytse kinne. Moaie fytspaden en de wyn moatte jo mar op e keap tanimme! Oankommend jier bestiet ús Krite Fier fan Hûs 115 jier..! In respektabel tiidrek, wêryn de Krite foar in soad Friezen om Utens fan grutte betsjutting west hat. De tiden feroarje, wy binne mobyl wurden en foar de nijkommers yn de omkriten fan Apeldoorn leit Fryslân hjoed de dei suver neist de doar. Oan d oare kant ûntkomt ús Krite, krekt as oare ferienigings, ek net oan de individualisearing fan de tsjintwurdige maatskippij. Nije leden komme d r suver net mear by. De fraach komt dan op: Hoelang sille wy it as Krite noch úthâlde? Mei dit probleem is it bestjoer op dit stuit noch net drok dwaande. Wol is it bestjoer yngeand dwaande om in moai jubileumwinterskoft-programma gear te stallen. Oan t no ta slagget dat bjusterbaarlik goed. Yn ús kritebrief ha jimme al it ien en oar lêze kinnen en sûnder mis stiet d r noch mear oer de wurklist yn dizze Pinne. Hichtepunt wurdt, der is gjin mis op, de jûn fan de Okt

4 Ut e Pinne 19e maart mei it stik De Feteranen mei Freark Smink en Joop Wittermans. Hoe t wy ús jubileum fierder noch fiere, moat noch útwurke wurde en dêr hearre of sjogge jim de oankommende moannen mear oer. Wy sille it jubileum net ûngemurken foarby gean litte Spitigernôch binne troch ferstjerren ús wer in tal leden ûntfallen, in proses der t nea gjin ein komt en it sil ek trochgean as wy sjogge nei de gemiddelde leeftiid fan ús allegearre Sûnt d ein fan it ôfrûne winterskoft bestiet de krite Wageningen net mear. t Is de tredde krite dy t de lêste pear jier gjin besteansrjocht mear hie. It Frysk Boun om Utens, de koepelorganisaasje fan bûtenkriten, is no dwaande om in takomstplan op te stellen.it wurdt Plan 23 neamd, om t it Boun yn jier hopet te bestean. It doel is om dat jubileum yn elts gefal te heljen. Alle oansletten Kriten binne útnoege om op 3 oktober mei inoar te oerlizzen oer de takomst fan it Boun. Ien fan de agindapunten fan it plan is om fan alle friezen yn ús lân it adres te bemachtigjen..foaral yn dy omkriten wêr t gjin krite mear bestiet, besiket it Boun adressen te sammeljen. Sa dwaande wol it Boun safolle mooglik frysktaligen berikke om dizze minsken op e hichte fan de Bounsaktiviteiten te bringen. It sammeljen bart op basis fan frijwilligens. Ek in oprop oan ús Pinnelêzers: kinne jo minsken fan Fryske komôf, dy t harren adres trochjaan wolle, jow dat dan troch oan ús skriuwster Froukje van Laar. Ik winskje jo en ús op e nij in bjusterbaarlik moai Kritewinterskoft en sjoch jim graach op ús feestjûnen en de Kritemiddei yn febrewaris. Okt

5 Ut e Pinne Fan de bestjoerstafel Froukje van Laar Sa stadichoan wurdt it wer tiid om de bestjoerstafel út de opslachromte te heljen en klear te setten. It moaie waar kriget hjir en der al wat hjerstichs en der ferskynt hast eltse dei wol in mail mei nijs fan de skriuwer fan it Frysk Boun om Utens, Kees v.d. Beek, op myn kompjûter. It giet de lêste tiid mei nammen oer de takomst fan it Boun. Yn syn foarwurd hat foarsitter Henk de Boer it hjir al even oer. Yn de kritebrief stie, foar sa fier 't klear wie, al it ien en oar oer it winterskoftprogramma en yn elts gefal alle datums fan de jûnen en middeis. Hjirûnder sil ik it foar alle wissichheid nochris op in rychje sette. Fierder wie ik ek wer in pear wike yn Wierum fansels en ik kin't net litte, der moat ik jimme earst mar wer even wat oer fertelle. Twa wike wie ik wer even Wierumer mei de Wierumers yn myn fakânsjehûske oan de Ternaarderwei en ik ha my net in minút ferfeeld. Hjir der even yn, dêr even byprate oan de wei, of op 'e treppen fan de dyk en sa no en dan in ritsje nei kunde yn de oare doarpen, dy't je, boppe op 'e dyk, allegeare lizzen sjogge yn 'e fierte. Mei wat freondinnen makke ik yn Marrum in moaie tocht lâns it Waad yn in âlde bus. Underweis waarden der opnamen makke troch in filmploech út Dútslân en boppe de bus fleach in "drone" mei. De bussjauffeur en in gids ha ús ûnderweis ek in protte ferteld. It wie allegeare tige nijsgjirrich! Jierren ferlyn wie ik der wolris earder west, mar it Fiskershúske yn Peasens- Moddergat stie ek op myn programma. Yn Peasens en Wierum stean sawat deselde monuminten op 'e dyk en beide Okt

6 Ut e Pinne doarpen betinke dêrmei de fiskers dy't op see bleaun binne. Yn museum "it Fiskershúske" kinne jo alles oer dy rampen en de beide floaten te witten komme. Ik fûn it hiel moai om der alles wer even te besjen. Underweis kamen wy ek lâns in steapel fiskerstruien. In pear jier lyn waard der in boek útjûn mei foto's en breidpatroanen fan fiskerstruien út alle fiskersplakken fan Nederlân. De Wierumer fiskerstruien stiene der ek yn en sa n trui soe ik dus wol even breidzje tocht ik. Der kaam neat fan, gjin geskikte wol, de kleur net goed, ensf. Letter seach ik op tillevyzje Fryslân in frou oant wolspinnen foar, jawol, sa'n trui en no leine dy hjir te keap! Doe't bliek dat se my allegearre te lyts wiene, koe ik de oare deis, nei in tillefoantsje nei Dokkum, weromkomme foar in ôfspraak mei de spinster/breister om my de maat te nimmen. Sa bin ik ûnderwilens de grutske besitster fan in Wierumer fiskerstrui, model "Jacob Akkermans" en lit dat no de pake wêze fan Renske, in buorfamke dat eartiids tsjinoer ús winne en no, yn Dokkum, ek meibreidet oan de "Waddenwol Fiskerstruien". Ik ha har opbelle en nei in lyts oerke "werom yn 'e tiid", har beloofd om it oare jier oan te kommen en ja, it kin hast net oars, dan moat ik der dochs mar wer even hinne, nei myn Wierum... Foar wa't de kritebrief net mear fine kin, komt hjir noch even it winterskoftprogramma sept Kritemiddei Wy begjinne om oere, harkje nei dhr. de Jong, dy't fertelt oer "It ûleprojekt", spylje in pear potsjes bingo en, net te ferjitten, we prate gesellich even "by", dêr yn de Duiker. Okt

7 Ut e Pinne 30 sept gearkomst mei de kontaktpersoanen De gearkomst begjint om oere, foarôfgeand oan de Kritemiddei, dus ek yn de Duiker en de wurklist wurdt noch tastjoerd. 14 nov Grutte jûn It selskip "Hy en Sy" spilet, yn Ugchelens Belang, "Alles op Oarder", in muzykfoarstelling. Mear hjiroer fjirderop yn de Pinne. 8 jan Nijjiersbesite De nijjiersbesite, mei wer in lekker miel en dizze kear ek mei de muzykgrûp 'Wiltsje fan Peasens" foar nei't skoft. t Is wer yn Ugchelens Belang. 13 febr. 2016, oere, Grutte middei We sykje noch wat moais foar dizze middei yn Ugchelens Belang 19 maart Grutte jûn Op dizze jûn opnij in Pier 21 produksje. It sukses fan "De Emigrant" fan foarich jier smakke nei mear en op ús lêste grutte jûn bringt Freark Smink, dizze kear tegearre mei Joop Wittermans, it stik "De Feteranen" by ús yn Ugchelens Belang op 'e planken! Wy winskje jimme in noflik kritewinterskoft en sjogge der tige nei út om eltsenien wer te moetsjen! Okt

8 Ut e Pinne Algemiene Ledegearkomste, Froukje van Laar In koart ferslach Iepienjen Foarsitter Henk de Boer iepent de gearkomst en hjit sa'n 40 (eare)leden wolkom. De wurklist wurdt goedkard en ynkommen stikken binne der net. It wie in goed kritejier neffens de foarsitter. De beide jûnen fan febr. en maart binne hiel goed besocht (120 en 130 pers.) De earste jûn mei Bauke fan der Woude hie mear besikers fertsjinne. It wie in noflike jûn. Troch stjergefallen, mar ek troch opsizzen fan it lidmaatskip, giet it ledetal stadichoan efterút. Yn gedachten binne wy even by ús kritemeilibster Tineke de Glee. It is foar har net altyd mear mooglik om op ús gearkomsten te kommen. Thús is se noch mei fan alles en noch wat foar de krite dwaande. Alderwenst betinke wy dan de leden dy't nei de foarige gearkomst ferstoarn binne. Meidielings Foarsitter fertelt oer it foarnimmen fan it FBoU om, nettsjinsteande it weromrinnen fan it oantal leden, it hûndertjierrich bestean fan it Boun yn 2023 te heljen en te fieren. Der wurdt neitocht oer in plan om safolle mooglik Friezen om Utens, dy't gjin lid binne, per mail te benaderjen en op de ien of oare wize te binen oan it Boun. Okt

9 Ut e Pinne Op 3 okt. is der in gearkomst om it út te wurkjen. Wy sille ús oer "Plan 23", sa't it neamd wurdt, ek noch beriede. Foarsitter Henk de Boer is ôfgeand, mar is op e nij ferkiesber en bliuwt, by libben en wolwêzen, yn elts gefal noch fjouwer jier ús foarsitter. "Earje en wurdearje" Henk de Boer fertelt oer de spjeldsjes mei it embleem fan de krite. It is de bedoeling om leden dy't 30, 40, 50 jier of langer lid binne te betinken mei sa'n spjeldsje. We stelle dit no út oant de kommende Kritemiddei. De foarsitter sprekt fierder syn wurdearring út foar de Pinneredaksje: Klaas Abma,Theun Ruim en de kontaktpersoan drukker - redaksje, Bero Postma. Omfreegjen Nei in fraach fan Tjalling Beetstra beslute wy om, neist it kritespjeldsje, it blomke yn eare te hâlden. Hjirnei slút de foarsitter de gearkomst en harkje wy nei de hear Jacob Bijlsma út Broeksterwâld, de natuerambassadeur, net allinne fan Dantumadiel, mar fan hiel Fryslân. Okt Bûsboekje 30 sept Gearkomste kontaktpersoanen 01 nov. Fryske tsjerketsjint Hoog Soeren 14 nov. Grutte jûn om oere 8 jan. Nijjiersbesite om oere 13 febr. Grutte middei om oere 19 mrt Grutte jûn om oere 15 april Ledegearkomste om oere

10 Ut e Pinne Kritemeilibjen Tineke de Glee Yn it foarste plak wol ik alle kriteleden betankje foar alle bliken fan meilibjen dy t wy krigen hawwe. Blommen,kaarten, tillefoantsjes, besites en net te ferjitten de moaie kaart fan Marjolein Bastin mei alle nammen derop fan dyjingen dy t op de ledegearkomste oanwêzich wienen. It hat ús tige goed dien. Op de ledegearkomste is al ferteld dat mefrou Marijke Uilkema ferstoarn is, mar dernei hiene wy noch fjouwer stjergefallen. Dat binne: Wietske Deelstra- Schreiber Fo Toering Slump Jaap Miedema Joop Zijlstra Meardere leden hawwe yn it sikehûs lein of binne ferhuze nei in ferpleechynrjochting. Wy hawwe besocht om oan alle leden oandacht te skinken fia in kaart, in tillefoantsje of in besite mei in blomke. Ús kontaktpersoanen hawwe tige meiholpen. Hja binne de eagen en earen fan ús krite. Ek Sietske Stegenga en José Bonder hawwe har part dien. Okt

11 Ut e Pinne Kritemeilibjen Tineke de Glee Op 7april 2015 is ferstoarn Marijke Uilkema Steenbeek yn de âldens fan 81 jier. Hja wenne de lêste jierren yn fersoargingshûs Wilhelmina. Nei in pear wiken fan siikwêzen is hja fredich stoarn. Yn famylje rûnte is ôfskie fan har nommen. Wy winskje har bern en bernsbern sterkte. Op 7 maaie is stoarn Wietske Deelstra- Schreiber yn de âldens fan 85 jier. Hja hat jierren te krijen hân mei in baktearje yn har skouder en letter ek yn de heup, mar hja hâlde de moed der yn. Yn Randerode is hja goed fersoarge. Doe t ik har moete yn Ugchelen, wie hja tige bliid dat hja wer te boadskipjen koe en hja rôp my al fan fierren! Hja wie wol in hiel lyts wyfke wurden. De bern en bernsbern winskje wy sterkte. Mannich kritelid is skrokken fan de rouadvertinsje yn de Apeldoornse krante fan it ferstjerren fan Fo Toering. Sy is de frou fan ús âld foarsitter Lammert Toering. Wy hawwe Fo Toering kennen leard as in golle, bliere en soarchsume frou. Nei in striid tsjin in slimme sykte, dy t hja net winne koe, is Fo yn de âldens fan 72 jier op 1 juny stoarn. Hja is op 8 juny op Heidehof te hôf brocht. Wy betsjûgje ús ynlikmeilibjen mei Lammert, de bern en bernsbern. Okt

12 Ut e Pinne Us earelid de Jaap Miedema is op 18 july yn de âldens fan 87 jier ferstoarn. Jaap Miedema wie al in skoft de âlde Jaap net mear. De slimme sykte Alzheimer hie him te pakken en yn it lêst ek noch in tumor. Jaap wie ien fan de earste gearstallers fan ús krite krante:,,út e Pinne. De earste jierren waard de Pinne troch him stinsele en mei help fan meardere kriteleden yn elkoar setten en ferparten ûnder de leden. Letter koe de Pinne drukt wurde en waar troch de kontaktpersoanen by de leden brocht. Jaap wie in kritysk en skerpsinnich tinker. Hy wie myn learmaster en ik ha hiel goed mei him gearwurkje kinnen. Jaap en Aafje wienen altyd yn it spier foar de Krite. Sels yn de fakânsjes strûnden hja noch Fryslân ôf op siik nei âlde Fryske boeken. It gearstallen fan ús tinkboek: Twa kanten útsjen wie in hiel wurk, mar mei Yme Meintema en Teake van der Schaaf is it in hiel moai boek wurden. It is in foarbyld wurden foar it grutte tinkboek fan it Fryske Boun om Utens. Syn frou, bern en bernsbern sille him misse. Wy winskje harren sterkte. Okt

13 Ut e Pinne Op 31 july is nei in slimme sykte ferstoarn Joop Zijlstra yn de âldens fan 81 jier. Hy en syn frou Aly wienen dit jier 50 jier lid fan ús krite. Joop wie in markante persoanlikheid en hat in soad foar de mienskip dien en is der foar ek beleane: hy is ridder yn de oarde fan Oranje-Nassau wurden. Joop en syn frou wienen trouwe leden en hawwe net faak in kritegearkomste oerslein. Wy sille him misse, mar syn frou en bern misse him it meast. Wy winskje harren sterkte en hoopje dat hja de kreft krije om dit ferlies te dragen. Joop Zijlstra is op 7 augustus te hôf brocht op it stjerkhôf oan de Ramsbrugwei yn Wenum. * * * It kritemeilibjen stelt it op priis dat ús leden omtinken jaan oan sykte en oare ûngemakken fan elkoar en it ús witte litte. Derfoar tige tank. Okt

14 Ut e Pinne Tankbetsjûging Bestjoer en leden fan ús Krite wol ik, ek út namme fan myn bêrn en bêrnsbêrn, tiege tank sizze foar it meilibjen yn 'e koarte tiid fan siikte en nei it ferstjerren fan myn leave frou, ús soarchsume mem en grutske beppe Folkje Toering Slump Fo It hat ús goed dien dat safolle minsken ús sterkte, krêft en moed tawinsken. It wie ús ta grutte treast! Lammert Toering Okt

15 Ut e Pinne Grutte jûn 14 novimber Froukje van Laar Fan't maitiid kaam der in mailtsje of in beltsje, ik wit it net rjucht mear, út Mantgum: Wy ha wat moais sjoen sei Yme, wy binne nei Hy en Sy west en dy spilen Alles op oarder en dat is wat foar jimme! Wy direkt belje fansels en nei wat hin en wer praten (Hy en Sy wiene noch net faak de provinsje út west) kaam it klear. "Thús" ha se in protte sukses, sjoch it ynternet der mar even op nei. It bestjoer is ek tige benijd... In koarte ynhâld: It is tiid om de souder ris goed op te rêden. Der leit fierste folle âlde rommel dêr boppe. Mar in souder opromje is noch sa maklik net. Der moat goed oer neitocht wurde, want mjitte is witte. Alles sil no op oarder en werom nei de basis. En tink der goed om, want foar'tst it witst bringt dat âlde guod dy werom nei it ferline en dêr hat net ien wat oan! Alles op oarder is in muzykfoarstelling oer de feroarings yn de hjoeddeiske maatskippij en wat dat mei ús docht. It iene is noch mar amper útfûn en dan wurdt der al wer wat oars betocht. Hoe moatte wy dat byhâlde? Okt

16 Ut e Pinne Okt

17 Ut e Pinne GRUTTE JÛN SNEON 14 NOVIMBER oere doarren iepen om oere kofje mei oranjekoeke stjit klear! YN UGCHELENS BELANG Boogaardslaan 81, 7339 AN Ugchelen till "HY EN SY" SPYLJE ALLES OP OARDER Okt

18 Ut e Pinne SPUL EN SJONGEN: GREETJE WIERSMA- DE GROOT HETTE VAN DER WAL MUZYKALE BEGELEIDING: BERT PONJEE (GITAAR) JELMER VAN DER WAL (BASGITAAR) PIET COMMANDEUR (AKKORDEON KLAAS DE JONG (DRUMS) REZJY: WOUTER VAN DER WAL TEKSTEN: HETTE VAN DER WAL OANT SJEN Okt

19 Ut e Pinne Fan eigen hoarnleger Yme Meintema Yn e ôfrûne tiid is ús ek wer in tal nommele Friezen ûntfallen. Dêrom begjinne wy dit stikje mei harren nammen te neamen. Yn Firdgum wie dat de skilder Jan Murk de Vries (95). Hy wie in bewogen man die vorm gaf aan het onzegbare, sa stie yn de Ljouwerter Krante. De tekst fan de advertinsje wie Hij verlaat degene die hij lief heeft om te ontmoeten degenen die hij liefhad. Een foarkear voor gewoane minsken sa sei deselde krante fan Romke de Leeuw ( ). Hy wie in grut toanielspylder yn Fryslân. Hy hat net allinne in protte rollen spile by Tryater mar ek yn films as Het teken van het beest en De Dream sloech er foar master op. De Ljouwerter Krante neamde John Eskes ( ) in Uniek talent. John Eskes was een ongelooflijk veelzijdig muzikant. Hy begeliede in protte ferneamde artysten op e planken yn en bûten Fryslân. By myn witten hat er ek wol yn Apeldoarn west. Roerganger Koarnjum overleden stie boppe it berjochtsje yn de LC by it ferstjêren fan Reitse Ketellapper (70). In tige bekend riedslid yn Ljouwerteradiel (Stiens). Eigenzinnig, vasthoudend, messcherp, soms spelend op de bal én de man, moderne zeepkistredenaar, in man van het volk, sa skreau de Leeuwarder Courant by syn ferstjerren. Hy spriek altyd yn in mingeling fan Liwarders, Bildts, Nederlânsk en Frysk. Fryslâns âldste hâldt it lykwols folle langer út as boppeneamd tal. De Dokkumer Eelke Bakker waard yn july 105 jier. De Okt

20 Ut e Pinne man is noch goed by de pinken. Gjin rollator, gjin bril en gjin gehoarapparaat. Fierders wennet er noch allinne. Itensiede docht de man ek noch sels en hy yt griente út eigen tún. Bakker is berne yn Ballum op t Amelân. Loek Braakhekke - de mem fan de bekende kok Joop B. - waard koartlyn ek al 105 jier. Sy wennet yn Hylpen. Der kamen mar leafst santich man op har jierdei. Joop hie dat efkes foar har regele. Yn Snits wennet Johannes van der Meulen (102). Hy kaam yn de Ljouwerter Krante omdat hy 85 jier lid wie fan de FNV. Hy is it âldste fakbûnslid fan Nederlân. Hy bliuwt syn klup trou oan t syn dea. Dat hoort zo. Leo Vogels (92) út Tsummearum wie fan t jier foar de 83-ste kear op de PC yn Frentsjer. Dit jier wienen der foar it earst kúpstuoltsjes op de PC. Se sieten fansels bêst. No, wol aardich, net? Sa wie de miening fan Vogels. De namme is Klein, mar syn wurk is grut, sa stie der boppe it stikje yn de LC. It gie oer Frits Klein (90), de tekener fan Gurbe en Loltsje yn de Ljouwerter Krante by it nijs fan de dei. Yn 1952 begûn it mei allinne Gurbe yn de Friese Koerier by it waarberjocht fan Hans de Jong, alle dagen. Reden fan it stikje wie in útstalling oer Klein syn wurk yn it Frysk Lânboumuseum yn Earnewâld. Fan it Italiaanske stedtsje Montecelio is in tekening fûn fan de bysûndere tekener M. C. Escher. Net elkenien sil witte dat Maurits Cornelis fan oarsprong in Ljouwerter wie en mar leafst 449 tige bysondere printen makke hat. Okt

21 Ut e Pinne De yn Spannum wenjende Claudy Jongstra krige koartlyn de Vredeman de Vriespriis. De provinsjale priis krige se foar har wurk foar de Denkkamer, in romte yn it eardere Natlab fan Philips yn Eindhoven. Fan har wurk wurdt sein Een idioom dat zo eigen is dat niemand bij haar in de buurt komt. Se makket fan de wol fan har eigen skiep mânske keunststikken dy t yn wrâldferneamde gebouwen hingje of lizze. Anna Cornelia van Gogh ( ) wenne fan 28 febrewaris 1872 oan t 28 april 1874 yn de Grutte Tsjerkstrjitte yn Ljouwert. Se wie leerlinge fan de Frânske kostskoalle foar famkes. Aardich om te witten. Brecht de Vries, 25, dochter fan de bekende sjoernalist en skriuwer Sietse de Vries, sil de haadrol spylje yn e film oer it boek De Smearlappen fan Anne Wadman. Hy skreau it boek rom in heale iuw lyn yn fjouwer dagen. It boek wie doe tamelijk schokkend. Nei sân jier stilte is Suver Nuver efkes werom. Se spylje Casino Royale dat oer de absurditeit fan jild giet. Sa as bekend bestiet it mimetrio út de Amsterdamkse Friezen Dette Glashouwer, Peer van den Berg en Henk Zwart. Daniel Craig fan Casino Royale James Bond Okt

22 Ut e Pinne It pronkjuwiel Theun Ruim Op ien fan ús reizen nei Thailân wie Anke ús reisliedster. Foar har skieding hie hja in jier of tsien yn de haadstêd Bangkok wenne en koe har dêrtroch aardich mei de Thaise taal rêde. Doe t wy yn de njoggentiger jierren mei har yn e kunde kamen, wenne hja yn Assen. Anke gong yn die tiid geregeldwei nei Thailân om foar de saneamde Derde wereld-winkels yn te keapjen. Har hannel bestie foar it mearpart út tekstyl, lapkeguod en klaaiïng, mar hja kocht ek gebrûksfoarwerpen, dêr t yn ús lân wol belangstelling foar wie. Oan d ein fan sa n reis waard har hannel yn de haven fan Bangkok yn t skip laden en nei ferrin fan tiid út Rotterdam wei nei de winkels yn ús lân brocht. Om de kosten fan har reizen wat te ferleegjen, naam Anke altyd seis reizgers mei en eltsenien koe ynskriuwe op har saneamde`textielreizen. Sa stiene wy op in stuit mei ús sânen op it âlde fleanfjild fan Bangkok: Anke mei twa Drinten, twa Grinzers en twa Friezen-om- utens. Op it parkearplak fan de lofthaven stie in Thaise man mei in lyts buske op ús te wachtsjen. De koffers waarden op t dak fan it buske laden en yn in twa-trije-trije opstelling sieten wy noflik yn ús ferfiermiddel foar de neiste trije wiken Earst brocht ús sjauffeur ús nei it hûs, wêr t Anke earder wenne hie. Dêr die it bliken, dat sjauffeur Mai-Son en syn frou de hierders fan de wenning wiene. Tegearre soene Anke en Mai ús Thailân sjen litte! Okt

23 Ut e Pinne It waard foar ús in bjusterbaarlike fakânsje. Dwers troch Thailân reizgje sûnder de lúkse fan de bekende reisorganisaasjes. Sa wie it fan tefoaren ôfpraat en sa wiene wy ek op reis gongen. Trije wiken sa ticht as mooglik tusken it folk libje, by harren ite, drinke en sliepe, fier fan de toeristyske trekplasters. De doarpsminsken koene bytiden Anke wol, omdat hja ferskate kearen yn t jier yn it doarp lâns kaam foar hannel. In soad minsken stiene by t begjin fan it doarp al op ús te wachtsjen. De tam-tam wurke op it plattelân tige by tige..! Tsjin har gewoante yn, om gjin toeristyske drokte op te sykjen, makke Anke in útsûndering foar de wrâldferneamde Bridge over the River Kwai.Sadwaande kamen wy op d ein fan in reisdei oan yn Kanchanaburi, in plak oan de rivier mei in oarlochs-tsjerkhôf, in museum en de nije, stiennen brêge. D âlde oarlochsbrêge, foar it grutste part in bam-boe-konstruksje, bestiet al lang net mear. De brêge, dy t yn de film brûkt waard, is neibouwd op it eilân Sri Lanka. Yn Kanchanaburi krigen wy ûnderdak yn in ienfâldich guesthouse, dat op peallen boppe de Kwai-rivier bouwd wie. As wy mei in amerfol wetter it húske trochspielden, foel it ôffal, troch in gat yn e flier, streekrjocht yn it rivierwetter! Nei iten gongen wy mei ús fjouweren, twa Drinten en twa Friezen, in eintsje te kuierjen. Drok pratend oer ús aventoerlike reis, stiene wy ûnferwachts foar in grut gebou, wêr t feestfierd waard. Nijsgjirrich rûnen wy in eintsje de grutte hal yn en gluorken efkes troch in iepensteande doar de feestseal yn. In freonlike portier noedige ús út en foardat wy d r erch yn hienen, sieten wy as bysûndere gasten neist de seremoanjemaster fan it skoalfeest! neiste Pinne. Okt

24 Ut e Pinne KRITEREIS 20 MAAIE 2015 Lutske Stienstra De kearnploech fan Fier fan Hûs stie moai fan tefoaren yn e startblokken bij Malkenschoten. Dêr moast de reis oangean, want allinne yn dy útbuorren stean net sa n soad auto s, dat der gjin bus mear bij kin. Op de bus stie: Effe Weg en net: Betuwe Express. Prima, want fan in oare reis wit ik, dat de sjauffeurs dêre tagelyk stjoere kinne en fan in stik papier lêze en fertelle. Dizze sjauffeur hiet fan Alex. Oan syn praat te hearren kaam hij út de Arnhemmer regio. Het is een reuze fees gewees en kaarsrech, sa praatten ús evakuees dêrwei ek. It wie Alex syn bedoeling net, dat Teun baas wie oer de mikrofoan. Bij Warns lykwols skuorde de reislieder de sjauffeur it apparaat út e hân om te fertellen hoe t wij de Hollanners ferpletteren yn Alex hie der blykber gjin ferlet fan om it dêroer te hawwen. De stimming yn de bus siet der goed yn, al hiene wij dy moarns in beste dreun krigen mei it nijs, dat Trijntje Oosterhuis, klaaid yn in ballonbroek, útskeakele wie Okt

25 Ut e Pinne foar it songfestival. Begrutlik, foaral omdat sij noch in gewoane namme hat. Meikoarten hearre wij oars net as: ús Lars, ús Lev, ús Patricia en ús Myrthe. De bus sette útein nei Ens, dêr koe it gebakruiljen wer oangean, spitigernôch gjin hazzenút derby. Fierder nei Hylpen, wer ite fansels en doe nei it reedridersmuseum. It makke hiel wat los bij de reizgers, it die tinken oan de tiid, dat it noch frear. De bus is ideaal foar ien dy t kampioen ferdwalen is, men hoecht net om it paad te sykjen. Dat sa kamen wij maklik fan Hylpen fia de Galamadammen nei de Fluessen foar de wenstige boattocht. Ûnderweis de omkriten wat besjen: yn de doarpen kreaze dokes foar de glêzen, soms dûbele. Alex pleage ús net mei jengelmezyk yn e bus, dat der koe praat wurde. Oer de bernsbern (sorry, de lytsbern), de auto en de caravan. It praat koe trochgean bij it trijegongemiel yn Biddinghuizen. It reiske is in geunstige gelegenheid om mei alderhande lju bij te praten. Neidiel fan al it iten wie, dat ik wat blastich waard en dat de baskule der de oare deis in kilogewicht bij ha moast. Op de weromreis hiene wij in tebeksetter: Wies wie heas en sadwaande waard it reiskriteliet net ynset. It wie in domper, mar evensagoed kinne wij diskear ek weromsjen op in prachtreis. Okt

26 Ut e Pinne Okt

27 Ut e Pinne Okt

28 Ut e Pinne Okt

29 Ut e Pinne Foto Wies Ruim Okt

30 Ut e Pinne Okt

31 Ut e Pinne Myn doarpke - Easterbjirrum Theun Ruim Ut e Mieden wei, nei de kant fan e seedyk liket it silhûet fan t âlde doarp wakker noch gelyk. De toer mei de Sint Joris op e spits, 43 meter heech, waaksum as in hoeder, rjocht en dreech. Ut en troch geane wy nei de Bjirmen op besite, mar moatte dan ûnhjirmlik op e tosken bite! Ferskriklik wat is t hjir no oars nei goed 60 jier De tiid hâldt hjir ek gjin skoft, seit in bewenner súver blier. Jimme tinke dat de tiid hjir stilstien hat, mar minsken sis ik jim, hjir is wier ek hielwat bard. De modderdiken binne breed asfaltearre en d âlde buorren is bjusterbaarlik modernisearre. De bewaarskoalle yn e buorren is ta doarpshûs ferboud en ús mienskip brûkt it yn tiden fan feesten en as min rout. Us middenstân: bakkers, slachters en winkelman der bestiet hjoed de dei gjin ien mear fan. Wy winkelje yn e supermerk, hjir fuortby yn e stêd, mear kar en oer t generaal goedkeaper as op t eigen mêd. Yn ús doarpke, fuortdaliks nestele tsjin de see rydt no in pear kear wiiks de wein fan de S.R.V. Okt

32 Ut e Pinne Sneins gong eartiids ús doarpsfolk nei de grutte of de lytse tsjerke, mar hjoed de dei, dat sille jo sneins fuortdaliks merke, binne wy Samen op weg of Mei-elkoar op paad! Ien doarpsdominy Hoe is t mooglik yn ûs doarpke oan it Waad. De feart, nei en troch ús doarp, wie in libbensier foar frachten turf, ierappel-en bitepreammen, jier op jier. Winterdeis mei sterk iis de feart út, it leafst nei de stêd. De doarpsbern skarrellen efter in stoel foarsichtich op t eigen mêd. As bern rûnen wy fan t doarp lâns de Fiskersfeart nei t Waad, trije plankenbrêchjes oer en fierder oer it wite skillepaad. t Heechhout oer de Dwersfeart bestiet al lang net mear. Nei de see leit no n asfaltdyk foar it moderne ferkear. Steande op e ferhege, feilige seedyk, swalkje myn eagen oer t lân en freegje k my of: Wat is hjir foar bjusterbaarliks oan e hân? Nei rjochts in grut wynmoune-park tsjin de Slachtedyk en nei lofts, de Kleasterkant op, in grut bakte-bintjes-fabryk. De stêd of it doarp út ús feinte/fammejierren bestiet al lang net mear, mar de konfrontaasje mei de feroarings docht bytiden wol sear. Hawar wy libje hjoed en besykje mei de tiid mei te gean. De tiid hâldt gjin skoft en de klok blykt ek yn t Heitelân nea stil te stean. Wurkstik Akte Frysk l.o Okt

33 Ut e Pinne De nije boeketafel Froukje de Wilde Foarich jier hie ik it boek Sweltsjes fan Gaast skreaun troch Theunis Piersma kocht. Fan t simmer sieten der foar it earst sweltsjes ûnder it oerdak en sûnder dat ik der erch yn hie, wie der al in nêst makke. In pear wiken dernei sieten der fjouwer lytse pykjes mei de kopkes boppe it nêst om har hinne te sjen en te roppen om michjes. Op in goeie, of eigentlik in minne dei, wie ien fan de piken út it nêst fallen. It koe noch net fleane en it tenei komme wie gjin probleem. De ljedder neist it nêst en it pikje foarsichtich op syn plakje bij de oare trije setten. Se sieten wer parmantich neist elkoar of der neat foarfallen wie. Nei in pear wiken wie it safier: de alderearste flecht! Noch net te fier fan hûs en dan mei faasje werom nei it betroude adres. De earste wike sieten se jûns wer op in rychje yn it nêst. Op dit stuit hawwe se in twadde broedsje ek wer mei fjouwer piken, No der net genôch michjes mear binne, freegje ik my ôf se de krêft ha om de drege reis nei Afrika te meitsjen. It is ûnwis. Ik ha ferskate kearen foar ynformaasje oer de sweltsjes it boek fan Piersma der op neislein en bin wat dat oanbelanget wizer wurden. Nei al dizze ynformaazje wurdt it tiid om de nije boeken fan bekende, mar ek minder bekende skriuwers, ûnder jimme oandacht te bringen. - Allegearre snie, misdied roman, fan Meindert Bylsma. Hy wie leraar Nederlânske taal in Harns. In fermaaklike misdiedroman oer de moard op in biljertende ûnderhâlds monteur. 14,95 Okt

34 Ut e Pinne - Iistiidspoarren yn Noard en East Fryslân fan Evert van Ginkel. De âldste boaiem fan Kollumerlân. Hij rekonstruearret in izich lânskip en lit sjen hoe t de natuer him hjir ûntwikkele hat. It is diel sân út de rige Archeologie yn Fryslân. 14,95 - Plysjeman Ale Alema fan Jan Schokker Plysjeman Ale Alema rekket betize yn de leafde en yn de misdied. 19,50 - Wyn Dit is de fiifde roman fan Hilde Talsma - Flammen en brekber binne ek fan har hân De earste echte skûtsje roman. Fris en tagonklik en it brûst foar de kop. It ferhaal hâldt jo yn de besnijing. 18,50 - It ferdielde libben, romantyske oarloch reportaazje, fan - Sjoerd P. Hoekstra Benammen oarloch pakt minskes oan en slingert har yn in oar libben, der t se net op tared binne. Fan trije minsken komt t ferhaal foar it ljocht. 20,00 - Syn striid syn tiid fan Willem Schoorstra Utjûn yn Fiif hûndert jier nei de dea fan grutte Pier Gerlofs ferskynt no in magistrale roman oer syn libben, syn striid en syn tiid, sa likernôch oan it ein fan de midsiuwen. In perioade fol ramp en miswier, earmoed en strideraasje. Gaos hearsket op it snijflak fan âlde en nije tiid. Yn sprinkeljende taal sketst Schoorstra it portret fan in man dy t syn lot net ûntrinne kin. 17,50 Okt

35 Ut e Pinne - Kadoboek Jo krije de Fryske Bommel by oankeap fan 10,00 op de earste Grutte Jûn Jarich Hoekstra en Harke Bremer ha al earder Bommelferhalen oerset. Sy hawwe no DeVergelding ferfryske. It is in ferhaal oer de útfining fan it jildapparaat yn finansjeel nuodlike tiden. In tema dat oanslut bij de aktualiteit fan hjoed-de-dei! It BÛSBOEKJE 2016 It tema is suvel mei foto s fan âlde suvelfabryken, siswizen oer suvel, lân fan kij, molke, tsiis en boerebûter. De priis is 7,00. Op de kritemiddei kinne jo it boekje ynsjen en it ek bestelle. Dizze siswize stiet û.o. yn it bûsboekje: Geduld dwaan, sei Eabele en sette de molke-amer ûnder it hokling. Noch graach jimme oandacht foar it neikommende. E-boeken binne oer it algemien goedkeaper as de papieren boeken. Om der in yndruk fan te krijen, komme hjir inkele foarbylden: De brieven oan ús mem fan Akke van der Meer yn swartdruk 17,50 as e-book 8,50. Completen Marga Claus Littenser merke 14,00. Wy fan de boeketafel wolle graach witte of jim nocht ha oan dizze foarm fan lêzen. Wy meitsje dan in lyst fan de e-boeken. In e-book kinne jim dan ek by ús bestelle/keapje. Oant sjen op de krite middei Tine Klaver en Froukje de Wilde Okt

36 Ut e Pinne Sjoch siden 36 en 37 Okt

37 Ut e Pinne Polderhoofdkanaal Henk de Boer Tafallich makken wy op woansdei 1 juli de wer-iepening fan it Polderhoofdkanaal yn Nij Beets mei. Wy stiene mei ús caravan op in camping op e Gordyk doe t wy liezen dat dit histoaryske feit syn beslach krije soe. De slûzen oan wjerskanten fan it Polderhoofdkanaal waarden yn 1966 dimpe mei sân, nei dat it kanaal sûnt 1873 tsjinst dien hie as ôffierwetter foar turf en molkbussen en foar de oanfier fan dong en terpierde foar it fruchtber meitsjen fan it lân. Dat transport waard oernommen troch frachtweinen en tractoaren. Yn 1973 waard d r foar it earst oer praten om it kanaal alwer befarber te meitsjen. It soe dus goed 40 jier duorje, foar dat dit werklik it gefal wêze soe. Yn 2003 waard d r in begjin makke mei de wer-iepening. Tsjinstanders krigen it lykwols foar elkoar om fia in rjochtsaak it wurk stil te lizzen, omreden dat rûn it Polderhoofdkanaal de streekte Waterroofkever libbe. It miljeu fan dizze krobbe soe fersteurd wurde troch de rekreaasje-boaten dy t dy tsjinstanders dêr ferwachtten en troch de skipfeart soe it wetter ek fertroebelje De rjochter joech úteinlik de tsjinstanders gelyk en joech de gemeenten Opsterlân en Smellingerlân de opdracht te soargjen foar kompensaasje fan it miljeu, dat ferlern gean soe foar de krobben. Dy kompensaasje is d r kommen: 12 hektare wettergebiet en 13 kilometer natuer-freonlike wâlbeskerming. Njonken it reparearjen fan de beide sluzen, binne d r ferskate grutte en lytse brêgen oer it kanaal realisearre. Okt

38 Ut e Pinne De totale kosten fan it projekt binne sa n 17,3 miljoen euro. Krapoan 10 miljoen euro kamen út Provinsjale en Europeeske fûnsen. De oare kosten binne troch de gemeenten Opsterlân en Smellingerlân tegearre opbrocht. Begjin 2004 joech de rjochter grien ljocht om mei it wurk fierder te gean en sûnt 1 juli 2015 is it 7,5 kilometer- lange- kanaal wer befarber û.o. as ûnderdiel fan de saneamde Turfroute. De iepening, in histoarysk barren, waard bywenne troch hûnderten belangstellenden. De iepeningshanneling waard útfierd troch de boargemaster fan de gemeente Opsterlân. Hja liet twa histoaryske, houten skippen, it skûtsje Aebeline en it steatejacht Johan Friso de Súderslus by Nij Beets ynfarre. Dêrnei foer in lang lint fan histoaryske skippen nei de Noardenslus by De Veenhoop. Wy binne tegearre dizze roete mar op e fyts del gien. Okt

39 Ut e Pinne Gleonhjitte dei - aardige minsken! Ary Meintema Wy moasten freed 7 augustus nei in begraffenis yn Apeldoarn. Wy hierden dêrfoar in auto: tsjerke, hôf en rousintrum leine noch al in ein fan elkoar. Healwei njoggenen de doar út, moai op 'e tiid by de tsjerke. Nei it ôfskie rieden wy, op myn oanstean, nei in hiel rêstich parkearterreintsje fuort by Vaassen, hearlik skadich ûnder hege beammen. Ik fûn dat Yme him no earst mar efkes deljaan moast, foar dat wy ús wer yn it smoardrokke freedsferkear weagen. Spesjaal dêrfoar lei der al in kessen klear yn de auto. Nei in grou healoere wiene wy wer útrêsten. Ik hie ûnderwilens noch wat betocht: fuort by, oan de râne fan de Gortelse heide stie altyd in iiskarre, dêr moasten wy mar efkes lâns. It siet der groatfol en de karut wie grut. Leave santjin, ik fûn it suver in probleem! Mar myn kar aardbeien/cheese cake!!!, wie alderhearlikst. En it útsjuch oer de heide, in hiel lichte pearse glâns deroer, wie wiid en moai. Op nei de snelwei. Tusken Heerde en Hattum begûn it ôfgryslik te stjonken yn de auto en der kaam wat grize stoom ûnder de kap wei. Wy wiene handich oan 'e kant en der út! Mar der wie eins neat te sjen en alle ljochtsjes en meters diene it neffens Yme ek prima, dat wy gongen fierder, ik mei 't swit yn 'e hannen en klear om der út te springen! Oare kant Swolle, op in parkearterrein, wer efkes kontrolearje: neat te rûken of te sjen. Mar wy wiene amper in eintsje fierder: wer stoom, wer stank en no wie der ek in meterke dat fierste fier útsloech, dat wy stiene yn in omsjuch yn 'e berm, mei foarbyrazend ferkear. Belje nei Hertz yn Ljouwert, lokkich wie de frou dy't Yme wol koe (wy hiere dêr faker) noch krekt net fuort, it wie kertier oer Okt

40 Ut e Pinne fiven. Sy soe it regelje en sei mei soarch: knipperljochten oan, gefaretrijehoeke efter de auto en sels efter de fangrail! Perfoarst net yn 'e auto! No, de earste beide opdrachten hiene wy sels al betocht, de tredde wie dreger, want der wie gjin fangrail, allinne in brede greppel fol stikels! Grôtfol stikels! Foar Yme gjin probleem, dy hie sokken oan, mar ik wie op bleate fuotten yn sandalen en ek noch in rok oan! Ik sil jimme de tillefoantsjes besparje,want jo hawwe net binnen in kertier in helper, mar ik moat noch wol efkes wat kwyt oer de aardige minsken: Der stoppe in auto op 'e parallelwei: in jonge man: Hebben jullie al gebeld? Ja, dat wie klear. Ik moet even een boodschap doen, ben zo terug en dan breng ik water. Twadde auto, jongeman, Hebben jullie al gebeld en sa stoppe auto nr 3, fakânsjeminsken, in famke efteryn, alhiel ynboud tusken grutte tassen en sliepsekken, mei deselde fraach. Se woene der wol efkes wis fan wêze dat sokke âlde lju noch wat by de tiid binne, sa leaf! Nûmer twa fertelde ús ek dat der grif gau in bergingsauto komme soe, want men woe sa'n auto graach sa gau mooglik fan 'e dyk ha. Jongeman ien kaam werom mei: twa reiten stuollen, twa glêzen en in flesse wetter!!! Wat sieten wy dêr moai: twa bermtoeristen yn 'e gleone sinne en auto's en frachtweinen, net te min! Hoe hiene we sa'n moai plakje fûn! Om koart te gean: wy stiene dêr goed fiif oere en de berger kaam kertier oer seizen oan. Hy naam kontakt op mei de haadfestiging fan Hertz, fertelde dat er de auto nei Swolle brocht en frege wat er mei ús oan moast. No, dêr moast "menear Hertz", dy't oars al op syn minst in oere fan ús bestean ôf wist, noch efkes oer tinke. No, wy moasten doch mei nei Swolle, dat hy hie de tiid noch om dêr oer te tinken!! side 52 Okt

41 Ut e Pinne Okt

42 Ut e Pinne Okt

43 Ut e Pinne Eetkamer Potjandorie is het adres voor een gezellig etentje. Neem plaats aan één van de huiselijke tafeltjes en wij verzorgen u een sfeervolle avond. Onze Hollandse en Italiaanse gerechten serveren wij in gloeiend hete potjes en pannetjes zodat u rustig van uw eten kunt genieten! tegen inlevering van deze advertentie krijgt u als u Okt Wy binne net de grutste en wis ek net de goedkeapste. Wat wy wol beweare: Wy hawwe in grut assortimint tsjin reedlike prizen. Jo moatte mar ris komme te sjen!!! Schubertlaan 20 H.J. STEGEMAN 7333 CV Apeldoorn Till margrietbloemen@vbw - groenplein.nl Webssite:

44 Ut e Pinne Okt

45 Ut e Pinne Okt

46 Ut e Pinne Van Kouswijk - Jansen vof Voor al uw tuin - en straataanleg * Verkoop alle soorten bestratingsmaterialen * Alle voorkomende sloop - en bouwwerkzaamheden * Caravanstalling * Grafstenen en aanleg Zutphenseweg 4/B (N345) 7382 AL Klarenbeek (De Kar) Tel.: Okt

47 Ut e Pinne Okt

48 Ut e Pinne Okt

49 Ut e Pinne Okt

50 Ut e Pinne Okt

51 Ut e Pinne Ek in advertinsje pleatse yn de Pinne? Skilje Bero Tillefoan: Okt

52 Ut e Pinne De âlde boekekream Jaap Wiersma en Sjoerd de Glee De opbringst op de lêste grutte jûn wie 58,95 en op de jiergearkomste 25,50. Dizze kear in oare âlde boekekream, as oare kearen. Jimme sille wol sjen werom. Wy ha in protte boeken krigen,wer fan it wetter jo yn de mûle rint. Allegeare boeken fan Rink van der Velde. De houn sil om jim bylje. Gjin lintsje foar Homme Veld stra. De Heidenen. Rjochtdei op de skieding. Ien foar t ôfwennen. Foroaring fan lucht. Joun healwei tolven. Forliezers. Pake Sytse Stjerrendewier heite. Chamsien. Mozazayk fan it libben Rink van der Velde. It gouzzeroer. De Lange jacht. Bearenburger ferhalen. De ôfrekken. In fin mear as in bears De Kroechferhalen. De bêste fryske ferhalen. Sa wie t sawat. Alde Maaie. It is myn sizzen net. Omnibus Rink van der Velde om utens. No sà. De nacht fan Belse madam. Vanavond half twaalf. De kleine kolonie. Kruidenbitter,kroegverhalen. Fan Hylke Speerstra twa boeken; It wrede Paradys. Yn de boer syn tiid. Hawwe jo âlde Fryske oer,skilje ùs en wy rêde ùs dermei. Boeken te bestellen by: Jaap Wiersma S joerd de Glee Okt

53 Ut e Pinne Ferfolch fan side 39 Gleonhjitte dei - Aardige minsken Wy sieten al oan 'e kofje, doe wie "menear Hertz" blykber noch altyd net út e rie en de berger frege him ôf wat hy no mei dy beide âlde minsken oan moast. Ik wie al út 'e rie, wy wiene allebeide skjin oan ein, ik woe Yme sa absolút net efter it stjoer fan in ferfangende auto ha, wy gongen mei de trein. Us berger wie sa aardich om ús nei it stasjon te riden en sa kamen wy jûns om healwei tsienen oan yn Mantgum, út 'e liken en dat wiene wy de hiele sneon ek noch. Men belibbet wat mei sa'n auto! PS. Yme most mei it kessen ûnder de earm de trein yn. Okt

54 Ut e Pinne Kontaktpersoanen: Dhr J. Nieuwland 2e Johannastraat CE Apeldoorn Dhr H. Dethmers Loseweg DB Apeldoorn Mefr. J.W. Dijkslag R. de Beerenbrouckstr LP Apeldoorn Mefr. C.L. Hoekstra-de Boer Lavendelstraat PA Apeldoorn Dhr H. van der Meulen Asselsestraat 107e 7311 EG Apeldoorn Dhr L. van der Meulen De Parkelaar JC Ugchelen Dhr H.E. Sprietsma Loolaan 41/ AD Apeldoorn Mefr. S. Stegenga-Schilstra Texandrilaan HP Apeldoorn Dhr L. Toering Wim Helderlaan CR Apeldoorn Dhr H. van Veen/ Apeldoorn Mefr. Blanken Dhr B. Postma J. de Grootstraat GN Apeldoorn Dhr/Mefr. Wiersma Waagmeesterhoeve RZ Apeldoorn Mefr. T. Groeneveld - Faber Sleperserf JS Eerbeek Mefr. T. de Jong - Roelenengweg BB Van der Meulen Voorthuizen Mefr. T. Lukkes - Veersma Rijksstraatweg MK Twello Okt

55 Ut e Pinne Kontaktpersoanen ferfolch Mefr. A. Huisman - Westra Verdistraat PX Zutphen A. Roorda - Kooistra acobus Meijlinkstraat SM Deventer Kolofon: Snypsnaren op de Grutte jûnen: Jannie de Vries Eareleden: Vroukje v.d. Nieuwendijk - Steneker Lammert Toering Aafje Miedema - Loonstra FRYSK SELSKIP FIER FAN HUS APELDOORN Ynlage foar in jier 10, -. Betankje allinne skriftlik en foar 1 novimber by de skriuwster Op 1 novimber wurdt it lidmaatskip automatysk mei in jier ferlinge. Bankrekken ING bank nr: NL98INGB Okt

56 Ut e Pinne IT LEDEJILD KIN ALLINNE MAR OERMAKKE WUR- DE OP DE ING-REKKEN! De skathâlder Sikke Klaver Krite - meilibjen: Tineke de Glee Pieter Puypeplein CV Apeldoorn Sietske Stegenga Texandrilaan HP Apeldoorn José Bonder Arbeidstraat CT Apeldoorn It kritemeilibjen wol graach op e hichte hâlden wurde fan sykte, ûngemak en jubileums. Dan kinne wy meilibje troch in tillefoantsje, in kaartsje of in besite. Redaksje: Theun Ruim Kruizemuntstraat 104, 7322 MA Apeldoorn E - mail: ruim.the@upcmail.nl Advertinsjes: Bero Postma J. de Grootstraat 20, 7311 GN Apeldoorn Foarmjouwing: Klaas Abma Drukker: Repro Apeldoorn Okt

57 Ut e Pinne Bestjoer: Foarsitter: Henk de Boer De Wezeboom HP Brummen Skriuwster: Froukje van Laar Rentmeesterstedeweg DA Eerbeek Skathâlder: Sikke Klaver Breenberghstraat 18 2e Foarsitter: Bero Postma Akwisiteur: J. de Grootstraat JT Deventer GN Apeldoorn Lid en Saakje Kingma ferlotting: Bachstraat BS Eerbeek Lid en Hennie Wiersma gastfrou Waagmeesterhoeve RZ Apeldoorn Lid: Lammert van der Meulen De Parkelaar JC Ugchelen Gearkomstplakken: Bronkerk De Duiker Ugchelen, Hoenderloseweg 10, 7339 GH Koster: Marinus van Ditzel Ugchelens Belang Ugchelen, Bogaardslaan AN Beheerder: Gerlof van den Heuvel Okt