Each & Ear. Utjefte fan de Feriening Freonen fan Omrop Fryslân. Yn dit nûmer û.o.: Foarsittersprakkesaasjes. Tsien fragen oan Piter Tjeerdsma

Transcriptie

1 31e jiergong nûmer 1 maart 2015 Each & Ear Utjefte fan de Feriening Freonen fan Omrop Fryslân BEAR BOELOE IS JIERDEI! Yn dit nûmer û.o.: n Foarsittersprakkesaasjes n Tsien fragen oan Piter Tjeerdsma n Ledegearkomste op 1 april 2015 n Bear Boeloe is jierdei n Nijs fan de Omrop n Boatreis Freonen fan Omrop Fryslân

2 IN NIJ JIER As jimme dit boekje iepenslaan, falt seker de minsken dy t al lang Freon binne jimme grif op dat der gjin redaksjewurdsje mear fermelde stiet. Fan no ôf fine jimme op dizze side wol it kolofon, sa as wenst, mar fierder... ja, sis it mar! Nei oanlieding fan de reaksjes op de enkête fan ferline jier wolle wy ús blêd ris wat oppoetse, in tal Freo nen hie dat by de suggestjes ek oankaarte, mar dêr hawwe wy wat goede ideeën foar nedich! Wat de folsleine útkomst fan dy enkête oanbelanget, dêr komt noch in gearfetting fan. Us foarsitter hopet dêr op de jiergearkomste op 1 april o.s. KOLOFON Freonen fan Omrop Fryslân: Suderkrúswei 2, 8938 AP Ljouwert Telefoannr.: (allinnich woansdeis oere) Op ynternet: freonen@omropfryslan.nl Ledebydrage min. 9, yn it jier Banknûmer NL09 RABO (û.f.f. postkoade of lidnûmer) It lidmaatskip wurdt oangien foar minimaal ien (kalinder)jier en wurdt stilswijend fuortset oant it foar 1 desimber skriftlik opsein wurdt. Omrop Fryslân: Postbus 7600, 8903 JP Ljouwert Telefoannr.: Op ynternet: Redaksje Each & Ear: Agatha Hijlkema, Geartsje Fokkema en Nynke Bosgra. Each & Ear ferskynt 4x yn t jier Omslach: Grafyske ôfdieling Omrop Fryslân Foarmjaan, printwurk en ferstjoeren: Caparis Grafysk Sintrum Jagtlustweg 2, It Hearrenfean mear oer te fertellen. Mar miskien binne der no al Freonen mei goede ideeën foar bygelyks in nije rubryk, in oare yndieling, neam mar op. Jimme kinne ús maile: freonen@omropfryslan.nl of op woansdei belje nei de frijwillichsters Ans en Gea fan 10:30 oere oant 14:30 oere op tel. nr.: In brief skriuwe mei fansels ek. Jo kinne jo opmerkings dan rjochtsje oan: Freonen fan Omrop Fryslân, Postbus 7600, 8903 JP LJOUWERT. Wy hoopje op in protte reaksjes. n Agatha Hijlkema FREONEN SYKJE FREONEN Bring in nije Freon oan en nim har of him mei nei ús gesellige jiergearkomste mei in hapke en drankje of noegje dy Freon út foar it reiske op 20 of 21 maaie. Jo krije dan as tank in moaie skriuwmap fan ús kado. Mail jo namme en jo lidkoade (stiet op jo adresstikker), en de namme en it adres fan de nije freon nei: freonen@omropfryslan.nl of stjoer in briefke nei: Freonen fan Omrop Fryslân, Postbus 7600, 8903 JP Ljouwert. Belje kin ek fansels. Tel. nr.: , allinnich woansdeis fan 10:30-14:30 oere. (It lidmaatskip kostet 9,00 yn t jier, yngeande 2016). Graach oant sjen by ien fan ús aktiviteiten. Agatha Hijlkema 2

3 FOARSITTERSPRAKKESAASJES Op âldjiersdei waarden de Freonen troch de Omrop wer yn de gelegenheid steld om minsken út te noeg jen lid fan de feriening Freonen fan Omrop Fryslân te wurden. Dat hat ús wer tsientallen nije leden oplevere, tige wolkom allegearre! Tagelyk krige ik dy middei de kâns om foar de kamera ôfskie te nimmen fan Anneke Sikkema, ús frijwillichster dy t nei 17 jier trouwe tsjinst no in punt efter har karriêre set hat. Foar har (en ek foar ús) dochs wol in emosjoneel momint. Sa t jimme witte, hat der yn de ôfrûne simmer in enkête yn Each & Ear stien, wêryn t nei allerhanne saken ûndersyk dien waard en dêr hawwe jimme manmachtich op reagearre. Foar ús as bestjoer is it in tè drege put om dêr de goede konklúzjes út te heljen en dêrom hawwe wy in pear studinten fan de Stenden Hegeskoalle frege, har dêr ris oer te bûgjen en ús advys te jaan. Ik hoopje dat wy jimme op e jiergearkomste (woansdei 1 april o.s.!) dêr mear oer fertelle kinne. As je lid binne fan in organisaasje, kin it wêze dat je fia in soarchfersekerder, sa as bygelyks De Friesland, gebrûk meitsje kinne fan in kollektiviteitskoarting. Yn desimber hat bliken dien dat wy as Freonen ek yn dy rige fan De Friesland neamd wurde, ferskate (nije) leden ha ús dêr opmerksum op makke. No wolle wy as bestjoer perfoarst net dat ús adresse bestân troch in kommersjele partij brûkt wurdt. Dêryn binne wy hiel prinsipieel! Wy hawwe al ris earder sa n fraach krigen en dêr hawwe wy doe ek nee op sein. Hoe t it no kin dat wy dochs neamd wurde by De Friesland, witte wy net, mar wy sille alle war dwaan om ús fan dy list ôf te krijen. t Is mar dat jimme dat even witte. Utsein âldjiersdei wie desimber om noch in oare reden in drokke moanne foar de Freonen. Dat kaam troch de aksje foar de itensbanken dy t yn it libben roppen wie troch alle regionale omroppen yn Neder lân. Us Omrop die dêr uteraard ek oan mei en dat hawwe wy witten! Nei de oprop fan ús frijwillichsters Ans en Gea, melde in grut tal leden har oan om mei te helpen. Hûnderten, ja tûzenen doazen moasten yn ûntfangst naam, en yn stellings te plak set wurde. Dagenlang hawwe wy dêr manmachtich mei dwaande west. De grutte studio wie op in bepaald stuit grôt fol, dat doe gie alles op pallets nei de redaksjerûmte fan de Omrop. Op t lêst koene se harren dêr de kont hast net mear keare! Mar it hat fertuten dien. Der is foar sa n , oan boadskippen oanlevere! En nei dy twa wiken moasten al dy pallets wer út de redaksje rûmte weihelle wurde. Nei de jierwiksel kamen de frijwilligers fan de itensbanken om alles nei harren eigen opslachrûmten te bringen. Elts dy t meiholpen hat: tige tank foar jimme skreppen! Ta beslút: Op 15 jannewaris kaam it be rjocht dat ús Omrop wer in nije haad redakteur beneamd hat: Klaas Geert Bakker. (Sjoch ek Efkes foarstelle... op side 15.) Hy sil op 1 april oansteande, hjir oan it wurk gean. Wy hoopje mei him in like goede gearwurking te krijen as mei syn foargonger, Diederik Bonarius. De hear Bakker hat Fryske âlden, ha ik begrepen, dat mei ús Fryske taal sil it fêst wol goed komme. Trouwens: ik hearde dat hy yntern no al KGB neamd wurdt... En as lêste: yn dit nûmer fan Each & Ear stiet in hiel soad ynformaasje oer ús jiergearkomste fan 1 april oansteande. Ik hoopje dat jimme dat lêze én komme! Want wy binne in fer iening en dy moat it ha fan aktive, meilibjende leden dy t op in demokratyske wize it belied fan it bestjoer mei foarm jouwe! n Andrys de Blaauw 3 Foarsitter Andrys de Blaauw

4 IPAD NEI BAKKEFEAN De ipad fan de bel-aksje op âldjiersdei 2014 giet nei Bonne van den Bos út Bakkefean. Hy wie al folle langer fan doel om lid te wurden fan de Freonen, mar it wie der noch noait fan kaam. De Voedselbankaksje fan de Omrop, dy t ek wol in bytsje fan de Freonen wie, hie by him alle stipe. Op âldjiersdei stie de radio wer oan en doe t mei it beljen útein setten waard, is de died by it wurd kaam. De stjoerder stiet trouwens alle dagen foar it grutste part op de Omrop ôfstimd. Sneontemiddeis mei Geert van Tuinen is wol in hichtepunt, sa fynt Van den Bos. Muzyk is ek fan belang, benammen koarmuzyk, want hy is al 46 jier lid fan in koar yn Easterwâlde en mei dêrom wol in echte muzykleafhawwer neamd wurde. Op de kompjûter is hy ek wol thús, mei de ipad sil it dêrom ek wol slagje! Jûns komt de televyzje oan mei it nijs fan Omrop Fryslân en Bynt, dat wurdt net in dei oerslein yn de romme wente yn Bakkefean. Wol soene de plakken, eastlik fan Drachten, om him wol wat mear yn byld komme meie. n Sjerp de Jong De lokwinsken fan skathâlder Sjerp de Jong as hy de ipad oerlanget oan de winner, de hear Bonne van den Bos. LEDE-ADMINISTRAASJE De measte âlde, mar ek de nije Omropfreonen hawwe tasein, fia automatyske ynkasso harren lidmaatskipsjild oer te meitsjen en dêr binne wy tige bliid mei. It bedrach dat jo betelje, is begjin maart wer troch ús ynkassearre. Der binne ek freonen (980) dy t sels it ledejild oermeitsje. Wolle jo dat foar 1 maaie o.s. dwaan. Graach u.f.f. jo lidnûmer (of jo postkoade) en namme, op banknûmer NL09 RABO Nei 1 maaie ferstjoere wy dan eventueel in rekken oan de freonen dy t noch net betelle hawwe. Wy wolle graach 4 fia de mail de rekkens ferstjoere, om papier- en portokosten te beheinen. As jo dit jier in rekken fia de post krije en jo hawwe wól in -adres, wolle jo dat dan oan ús trochjaan? Graach u.f.f. jo lidnûmer (stiet op de adresstikker) op freonen@omropfryslan.nl Der binne ek minsken dy t alle jierren yn desimber al foarút betelje foar it nije jier. Wy fersykje jo freonlik om dat mei yngong fan 2016 pas yn jannewaris te dwaan!! Ien en oar om finansjele betizing foar te kommen. Alfêst tige tank. n Ans Tamminga en Gea Bouma

5 PROGRAMMA JIERGEARKOMSTE 1 APRIL 2015 (Nim dizze Each & Ear mei nei de gearkomste) It programma sjocht der sa út: 18:00 18:30 oere: ynrin (ûntfangst) 18:30 19:15 oere: sop en broadsjes ite Lykas foargeande jierren sil it broad sjeiten opfleure wurde troch akkordeonmuzyk en sang fan Herman Peenstra. Dizze muzykdosint út Hijum hat nei syn konservatoariumoplieding belutsen west by ferskate folksmuzyk ensembles en -projekten. Hy spilet ek yn it ensemble RemoliNo. Om 19:30 oere begjint it saaklike part fan de jiergearkomste mei de folgjende wurklist: 1. Iepening en wolkom. 2. Meidielings en ynkommen stikken. 3. Ynbring fan de direksje fan Omrop Fryslân. 4. Ferslach jiergearkomste fan 26 maart 2014 (stiet yn dizze Each & Ear). 5. Jierferslach 2014 (stiet yn dizze Each & Ear). 6. Finansjeel oersjoch 2014 en begrutting 2015 (stiet yn dizze Each & Ear). 7. Ferslach fan de kaskommisje. 8. Beneaming nije kaskommisjeleden. 9. Bestjoerswiksel: Ofgeand en net werkiesber: Sybren van der Vliet; Noch iepensteande fakatuere: gjin nije kandidaat foar beneaming. (Tsjin)kandidaten kinne harren opjaan by de foarsitter oant 1 april 19:30 oere. 10. Omfreegjen. 11. Sluting saaklike part fan de gearkomste. SKOFT Nei it saaklike part sil Karen Bies in bydrage leverje. Karen Bies is sûnt septimber 2012 ien fan de twa fêste presintatoaren fan Hjoed. Yn 1993 begûn sy as radioferslachjouwer by de nijsredaksje fan Omrop Fryslân. Sy hat dêrnei har karriêre fuort setten as presintatrise en ferslachjouwer foar eftergrûn programma s as Omnium, De Koperen Tún, Buro De Vries en foar live-programma s. Karen: Ik wol my graach ûntwikkelje as TV-makker, net allinnich as presintator, mar ek yn it meitsjen fan reportaazjes. As tv-makker moatte jo tsjintwurdich in soad kinne: fragen stelle, de kamera betsjinje, somtiden mei in telefoan (mojo) in item filmje. Dan it item sa goed as klear foarmontearje, dêrnjonken in item foar radio leverje en in berjocht en foto s op ynternet sette. Yn de gearkomste sil Karen fertelle oer ferskate ûnderwerpen dy t in tv-makker dwaande hâldt. In jiergearkomste om net te fersitten! Wol opjaan foar 25 maart o.s. (sjoch bon op side 23) JIERGEARKOMSTE Sybren van der Vliet 5 Karen Bies

6 FERSLACH FAN DE JIERGEARKOMSTE OP 26 MAART Wolkom Us foarsitter Andrys de Blaauw hjit eltsen ien wolkom en wol graach begjinne mei in applaus foar Herman Peenstra, dy t wer de muzyk fersoarge hat by it brea-iten. Us trije frijwillichsters krije ek wer in applaus en in blomke foar de organi saasje fan dizze jûn, mar benammen foar al it wurk dat sy foar de Freonen dogge. Der is in bysûnder wolkom foar direkteur Jan Koster, haadredakteur Diederik Bonarius en Wim Brons, alle trije fan Omrop Fryslân, en foar ús nije leden dy t jûn foar it earst op in ledegearkomste binne. As men de media folget, wit elk dat Omrop Fryslân yn swier waar sit. De besunigings hingje harren as in tsjustere wolk boppe de holle. Ferline jier is der noch in petysje mei sa n hantekenings oanbean oan de Twadde Keamer mar it is noch hieltyd ôfwachtsjen wat der no krekt út de politike koker komt. It lêste nijs dêroer hoopje wy aanst fan de hear Koster te hearren. De foarsitter komt noch efkes werom op ús trije frijwillichsters. It ôfrûne jier ha der petearen mei harren west, ûnder lieding fan twa bestjoersleden fan de Freonen. No t de feriening sa grut wurdt komt der ek mear wurk op de frijwillichsters ôf. Dan is it in goede saak dat it tusken de froulju en it bestoer dúdlik is wa t wat docht, en wa t wêr ferantwurdlik foar is. It bestjoer is ferantwurdlik foar de gong fan saken en de frijwillichsters soargje foar de útfiering. De petearen hawwe yn goede harmony plakfûn en sille yn de takomst in ferfolch krije. Net allinnich it groeiende ledetal mar ek it nije administraasjeynkassosysteem freget earst wol ekstra omtinken. Lâns dizze wei op e nij in oprop oan de leden om safolle mooglik in automatyske ynkasso-opdracht ôf te jaan foar it beteljen fan it ledejild. Dêrnjonken hawwe de frijwillichsters noch in soad wurk fan it organisearjen fan de boatreiskes en de kulturele jûn mar it binne wol aktiviteiten dy t altiten tige slagje. Sy hâlde dêrneist it ferkear yn e gaten, en dêr sitte betiden bysûndere berjochten tusken. Bygelyks dat fan in lid dy t betanket om t der tefolle omtinken jûn wurdt oan Cambuur, of in lid dat opseit om t der in ferslachjouwer fan Omrop Fryslân by de wintersport yn Sotsji is, net wittende dat dat JIERGEARKOMSTE 6

7 yn gearwurking is mei oare regionale omroppen. Mar der is ek in binnenkaam fan immen dy t sá entûsjast oer de programma s fan de Omrop is, dat hy foar 100,00 jierliks lid wurde wol fan de Freonen. Dêr dogge je dan graach al dat wurk foar! Yn ús karbrief fan de Freonen ha wy it befoarderjen fan de Fryske taal heech stean mar wy moatte dat ek sels trochjaan oan ús omjouwing en dan benammen oan de bern. Yn de deistelling fan de LC mei as ûnderwerp: De Fryske plaknammen, wurdt lykwols warskôge dat de flam net yn e panne slaan moat, krektlyk as destiids by Kneppelfreed. Nei t de foarsitter noch even hifket oft elts akkoart is mei it pleatsen fan foto s fan dizze jûn op Facebook, ferklearret hy de gearkomste foar iepene. 2. Meidielings/ynkommen stikken Berjocht fan behindering: mefr. R. Tichelaar. Ynkommen stikken: foar dizze gearkomste gjin ynkommen stikken. 3. Ynbring fan de direksje fan Omrop Fryslân De hear Koster kriget as earste it wurd. Hy is tige ynnommen mei de goede opkomst en hy jout oan dat de Omrop wiis is mei de Freonen, dêr t se in soad stipe fan krije. It is swier waar by de Omrop. Reorganisaasje, ynleverje, ynkrimpe, mar der binne ek wol opklearrings oan e loft, der komme dit jier bygelyks gjin twongen ûntslaggen en hooplik kin dat in pear jier sa bliuwe. Mar de lanlike besunigings en de (mooglike) yntegraasje mei de NPO freget fan alle regionale omroppen wol dat de broekriem noch mear oanhelle wurde moat, de regionale omroppen gea ne fan 25 miljoen nei 17 miljoen jierliks en dat giet dan fan Lanlik wurdt lykwols ús taal wol as tige wichtich besjoen en dat is posityf nijs. Om op de besunigings yn te spyljen kinne je ek sels wat dwaan, sa as gearwurkje mei de omroppen fan Grinslân en Drinte, en dan benammen yn de stêffunksjes en yn de technyk. Betingst is dat de redaksje dan wol yn Fryslân bliuwt, wêrtroch ek tagelyk de Fryske taal goed ta syn rjocht komt. In twadde mooglikheid is om gear te wurkjen mei de Fryske media, û.o. de kranten en de lokale omroppen. Op dy wize kinne je ek besykje om yn gearwurking mei de provinsje de Fryske sjoernalistyk oerein te hâlden mar dat is miskien wol in trajekt fan jierren. Moarn komt it rapport fan de Rie fan Kultuer út, sy sjogge de yntegraasje mei de lanlike omrop net sitten, en hawwe leaver dat de regionale omroppen der bûten bliuwe. Omrop Fryslân sil altyd meitinke wolle oer in goede oplossing en Jan Koster bliuwt dêr optimistysk oer. Der komme noch in tal fragen út de gearkomste: Kinne de Friezen om utens ek wat dwaan sy stypje Omrop Fryslân wol, en skriuwe ek nei de Twadde Keamer. Kinne oare selskippen wat dwaan dat dogge se faaks al fia de Friezen om utens. Kin der ek gebrûk makke wurde fan de lokale omroppen der binne lytse, mar miskien ek in trijetal grutte lokale omroppen, en dêr kin mei gearwurke wurde. Op e kamping yn Stienwyk gjin (goede) ûntfangst Omrop Fryslân dat sil gearhingje mei it kabelpakket fan de kamping, en miskien hat men dêr wol satellyt-ûntfangst (waar-ynfloeden). JIERGEARKOMSTE 7

8 Dêrnei kriget Diederik Bonarius it wurd: Hy giet earst efkes de seal yn om in tal fragen te stellen oer de nije programmearring op de radio/televyzje fan Omrop Fryslân. It docht bliken dat der alle dagen wol nei de Omrop harke en sjoen wurdt, net elkenien fynt alles moai mar oer it jinge dat harren ynteresse hat, binne se wol tefreden. Op televyzje wurdt foaral sjoen nei Hjoed, HEA! en Bynt. Bonarius jout oan dat de Omrop aloan dwaande is om werkenbere programma s te meitsjen. As oanfolling dêrop binne sy fan doel in ûndersyk yn te stellen nei de tefredenheid fan de Freonen oer de programma s fan de Omrop, en wat der noch mear libbet by de leden. Neffens de haadredakteur kin de miening fan harkers en sjoggers goed bydrage oan de gearstalling en ynfolling fan de programmearring. De gearkomste stimt der mei yn dat sy útnoege wurde foar dat ûndersyk, en meikoarten hearre wy dêr mear fan. Jan Koster en Diederik Bonarius wurde betanke foar harren ynbring, sy krije in blomke oerlange en dat alles wurdt mei applaus ûnderstreke. 4. Ferslach jiergearkomste 20 maart 2013 It ferslach wurdt sûnder op/oanmerkings goed kard en fêststeld. 5. Jierferslach 2013 It ferslach wurdt sûnder op/oanmerkings goed kard en fêststeld. 6. Finansjeel oersjoch 2013 en begrutting 2014 Sawol it finansjeel ferslach oer 2013 as ek de begrutting foar 2014 roppe gjin fragen op. Beide wurde goedkard en fêststeld. 7. Ferslach kaskommisje De hear H. van der Meer docht út namme fan de kaskommisje ferslach. Hy hat mei de hear Meulman kontrôle dien, alles wie dúdlik en kompleet, en hy stelt foar om ús ponghâlder desjarzje te ferlienen. Dat wurdt mei applaus ûnderstreke. 8. Beneaming nije kaskommisjeleden De hear A. Kaper ferlit de kaskommisje, en wurdt tank sein foar syn wurk. De hear H. van der Meer út Drachten draait noch in jier mei, en it twadde kaskommisjelid wurdt de hear J. Meulman út Burgum. As reserve wurdt beneamd de hear R. Valk út Ljouwert. 9. Bestjoerswiksel Der binne gjin (tsjin)kandidaat-be stjoersleden oandroegen foar dizze gear komste. It is tenei de bedoeling dat in nij (kandidaat-)bestjoerslid in skoftke meidraait sadat wy oer en wer sjen kinne hoe t it foldocht. Tuskentiids ôfgeand is Willem Berg (jûn net oanwêzich); der is gjin nije kandidaat. Yn de fakatuere fan Greta Beetstra (ferline jier ôfgien) wurdt as kandidaat bestjoerslid foarsteld Douwtzen Hoekstra-de Vries. Sy wurdt mei grut applaus beneamd as bestjoerslid. Ofgeand en wer ferkiesber foar syn tredde termyn is Klaas Annema; dat wurdt ek mei applaus troch de gearkomste befêstige. Ofgeand en net wer ferkiesber is Kees Lanting (hy hat trije sittingsterminen hân). De foarsitter wol út namme fan alle Freonen Kees tanksizze foar alle tiid en ynset dy t hy stutsen hat yn it bestjoers- en redaksjewurk. Kees hat sa n 13 jier de (ein)redaksje hân fan Each & Ear. Yn dy tiid is der in soad feroare, lês: ferbettere. Fan in gewoan blêd binne JIERGEARKOMSTE 8

9 wy no oergien nei in kleurich en moai yndield eksimplaar. Foar it ynleverjen fan kopij hie Kees altyd in strakke planning en hy wie ien fan: Ofspraak is ôfspraak. Ut namme fan allegearre kriget hy in bliuwend oantinken (pinne OF), in kadobon en in bosk blommen. Fan de gearkomste kriget hy noch in grut applaus. 10. Omfreegjen en sluten H. van der Meer: kin ik Facebook ek fia ynternet krije jo moatte jo dan earst wol oanmelde (mar dat docht er leaver net). D. Veenstra: hy freget nochris omtinken foar geef Frysk, te faak heart hy (ek by de Omrop) noch Friesland, wylst it offisjeel al lang Fryslân is. H. van der Vliet: de kwaliteit fan it Frysk moat wol bliuwe, en der is ek ferskil tusken Grins (stêd) en Grinslân (provinsje). Bonarius jout noch oan dat Omrop Fryslân graach in foarbyld foar de Fryske taal wêze wol, en dat sy alle dagen op e nij oan ferbettering wurkje. SKOFT Wim Brons (Omrop Fryslân) Wim jout oan dat hy sûnt 1992 by de Omrop wurket en de lêste jierren dwaande west hat mei de nije opset fan de muzykredaksje. Foarhinne gie dat mei LP s, kassettebantsjes en CD s yn 8 bakjes. Om it jier 2000 hinne is der in software programma kaam foar it útsykjen fan de muzyk. Der sitte 8843 lietsjes yn dat elektroanyske bestân, mear as by oare stjoerders en it is muzyk út ferskate desennia. Der sitte ek 1439 Fryske lieten yn dy t geskikt binne om hearre te litten. Deis wurde der sa n 280 lieten draaid, wêrfan likernôch 20-25% Frysktalich is. Meastentiids wurdt de muzyk sa n 4 dagen yn t foar gearstald, wêrby t de kompjûter sa siket, dat der net op deselde tiden en dagen itselde liet draaid wurdt. Sommige lieten komme wol faker op in dei foarby, mar dan binne dy meastentiids oanfrege troch harkers, bygelyks by Muzyk yn Bedriuw en yn de sportprogramma s op sneons en sneins. Der moatte ek BUMA/ Stemra-rjochten betelle wurde foar dy lieten mar dy opjefte giet automatysk fia dat kompjûterprogramma. Der binne noch wat fragen: Kin der moarns ek wat jazz/kopermuzyk draaid wurde dat sit by Douwe Heeringa op snein yn syn programma. Wêrom nachts gjin oarstalige lietsjes de kar hat west om nachts Fryske muzyk te draaien. Nachts wurde ek de shanty- en oare koaren mist dat lêste sit by Prelude op snein. Der is net folle ynstrumintaals oerdei, wylst der genôch pop-achtige korpsmuzyk is as it muzyk is mei sjongen, komt it dochs tichterby ús. Wim is tige entûsjast oer de muzyk en alles dêromhinne en soe der noch wol in skoft oer fertelle kinne mar de eintiid fan e gearkomste hellet him yn. De foarsitter betanket Wim foar syn útlis wy koenen sa ris even efter de skermen sjen en in idee krije wat der barre moat ear t de muzyk by ús thús te hearren is. Wim kriget in presintsje en in blomke oerlange en de gearkomste jout him noch in grut applaus. De foarsitter slút de jûn, winsket ús wol thús en graach oant sjen. n Sybren van der Vliet skriuwer JIERGEARKOMSTE 9

10 JIERFERSLACH 2014 It kalinderjier 2014 hat in feroaring brocht yn de gearstalling fan it bestjoer. Wy ha yn ús jiergearkomste ôf skie naam fan Kees Lanting, wylst Willem Berg al mei yngong fan 01/01/2014 út it bestjoer gien wie. Kees hat him jierrenlang ynsetten as einredakteur fan Each & Ear. Yn ien kear twa man der út mar der kaam in frou foar yn it plak. Yn de per soan fan Doutzen Hoekstra hawwe wy der wer in nij bestjoerslid by. Op dit stuit ha wy lykwols noch wol faka tueres foar ús bestjoer. It bestjoer lit de nije kandidaat earst in pear moanne meidraaie sadat wy fan beide kanten oanfiele kinne hoe t it foldocht. Andrys de Blaauw hat yn t plak fan Greta Beetstra in sit nommen yn de Kommisje Fryske Reklamepriis. Wy fine it dochs wol wichtich dat der út it bestjoer wei in kontaktpersoan is foar boppeneamde kommisje. Yn de lêste bestjoersgearkomste fan dit ferslachjier hat it bestjoer in spegelpetear ûnder de leden hâlden. Dat heart moai mar it is eins net mear as: Hoe sjogge wy ús sels as bestjoerslid (persoanlik), wat binne ús ambysjes en hoe funksjonearje wy as tiim? De einkonklúzje wie: De bestjoersleden geane mei niget nei de gearkomsten en fine dat wy in moaie groep ha. Elts kriget tiid en romte om syn stânpunt nei foarren te bringen, en as der oer in ûnderwerp oars tocht wurdt, kin it ek lije om dat te uterjen, sûnder efterôf skeve gesichten te krijen. Wa wol no net yn sa n bestjoer meidraaie? Yn dit ferslachjier hat it bestjoer sân kear byinoar west en yn maart hawwe wy ús jierlikse lede gearkomste hân. Each & Ear Trochdat Kees Lanting ôfgeand wie as bestjoerslid, wie mei yngong fan dit jier de einredaksje fan Each & Ear al yn hannen fan Nynke Bosgra. Sa as wy sjen kinne hat ús blêd dêr yn kwaliteit net fan te lijen hân. Mei har kollega-redaksjeleden Agatha en Geartsje hat sy der wer foar soarge dat wy dit jier Each & Ear wer fjouwer kear op e tiid yn de brievebus hienen. Wol is der konsta tearre dat der in spanningsfjild/oerlaping is tusken it foarwurd fan de redaksje en de foarsittersprakkesaasjes. De redaksje sil har beriede hoe t sy dêr, yn oerlis mei ús foarsitter Andrys de Blaauw, yn de takomst mei omgean sil. Der moat alle kearen wol in ynspanning levere wurde om it blêd aktueel te hâlden, en fan ynformaasje te foarsjen, dy t út it eachpunt fan de Freonen en de Omrop wei, wichtich is foar ús leden. Dit jier is der ek sjoen nei de besoargings-tariven en hoe t dêr noch fierder op besparre wurde kin. Nei in oantal priisopjeften fan oare besoarch-bedriuwen binne wy ta de konklúzje kaam dat de eventuele besparring by in oar bedriuw net opweaget tsjin de goede en praktyske kontakten dy t wy mei Caparis hawwe. Boppedat hat it sosjale aspekt by Caparis ek meiweage yn de beslútfoarming. Jildsaken Us ponghâlder Sjerp de Jong hat de finânsjes goed ûnder kontrôle, jo kinne it finansjeel ferslach efkes trochnimme. De ING-bankrekkens binne ferfallen en wy draaie no allinnich mei RABObankrekkens. It lede-administraasjesysteem (Davilex) is no goed op streek en soarget der foar dat sawol it tal JIERFERSLACH 10

11 leden as ek it ynbarren fan it stipersjild no goed ferrint. De stân fan saken kin op elk momint daliks yn byld brocht wurde. Jo fine ien en oar werom yn it finansjeel oersjoch 2014 en de begrutting foar Kontakten mei de Omrop Krekt as ferline jier hat ek dit kalinderjier direkteur Jan Koster fan Omrop Fryslân net op besite west by ien fan ús bestjoersgearkomsten. Yn it spegelpetear fan it bestjoer kaam wol nei foarren dat wy de kontakten mei de Omrop fersterkje wolle om sa ek mear ynformaasje fan harren kant te krijen. De Freonen hienen wat jild tasein foar de oanpassing fan it mediakafee, mar dizze oanpassing giet net troch. It be stjoer hat besluten om it taseine bedrach mei de tiid oars te besteegjen. Dat komt om t wy as Freonen de Omrop graach stypje wolle, mar ek om t wy goede relaasjes hawwe mei de meiwurk(st)ers. Wy wolle har ek dizze kear wer tank sizze foar it feit dat wy altyd gebrûk meitsje kinne fan ferskate fasiliteiten. Leden en aktiviteiten Us frijwillichsters hawwe it ôfrûne jier wer in soad wurk ferset. Sawol yn it gewoane administrative wurk, as ek by it regeljen fan útstapkes en de kulturele jûn. De twa útstapkes mei de boat yn maaie, wienen wer in súkses. De belangstelling foar de kulturele jûn yn oktober mei meiwurking fan Auke Zeldenrust oer syn boek: Dorp achter tralies, en op muzikaal mêd fan De Fersyskrivers wie wat minder as earst ynskatten wie. Lykwols waard it in tige slagge jûn. Op âldjiersdei hat der yn it radio- en televyzjeprogramma De Fryske Top 100 wer in aksje west om it ledetal omheech te bringen. Om it noch wat spannender en moaier te meitsjen wienen der ek prizen te winnen, sawol foar de nije, as ek foar besteande leden. Mei de ynset fan ferskate minsken binne der sa n 265 nije leden bykaam. Dat is wer in moai resultaat mar it docht ek bliken dat sommige leden harren al wer nei it earste jier útskriuwe litte en dat is tige spitich. Yn dit jier ha der ek wer petearen west tusken bestjoer en frijwillichsters. Dat wurdt fan beide kanten as posityf ûnderfûn en it is in fersterking fan de bân tusken bestjoer en frijwillichsters. Yn de rin fan dit jier hearden wy dat Anneke Sikkema oan de ein fan 2014 ophâldt as frijwillichster. Jierrenlang hat sy dit wurk dien, en wie sy mei it gesicht fan de Freonen en de Omrop. Op ferskate wizen is de tank foar har wurk al nei foarren brocht. Net allinnich sy, mar ek de oare twa frijwillichsters wolle wy tank sizze foar al it wurk dat sy foar de Freonen en it bestjoer dogge. Oare saken De Freonen binne fertsjintwurdige yn in oantal kommisjes, bygelyks: Kommisje Fryske Reklamepriis, Ried fan de Fryske Beweging en de NK-EBLT (Nederlânske Kommisje Europeesk Buro foar Lytse Talen). Boppesteande ynstellings sette harren yn foar de Fryske taal en kultuer mar hâlde ek omtinken foar it besteansrjocht fan Omrop Fryslân. De Kommisje Fryske Reklamepriis hat dit jier drok dwaande west om in nije opset te meitsjen foar de ferkiezing fan de bêste Fryske reklame, sawol foar radio as ek televyzje. Nei in grut tal gearkomsten en it útwurkjen fan ferskate ideeën, binne sy der net yn slagge om dat te realisearjen. De beskikbere finânsjes wienen net tarikkend foar in JIERFERSLACH 11

12 trochstart yn in nij jaske. It beslút is fallen om der hielendal mei te stopjen. Dat is tige spitich om t it jierren lyn yn it libben roppen is troch de Freonen en de Ried fan de Fryske Beweging. Der is dit jier troch it bestjoer meilifte op in enkête fan Omrop Fryslân, om foar ús eigen part ynsjoch te krijen wat der libbet by de Freonen oer harren feriening. De wichtichste saken binne û.o.: Hoe kinne wy mear jongeren by de Freonen belûke, hoe kinne wy mear Freonen op de lede gearkomsten krije en hoe kinne wy Each & Ear ferbetterje. Der binne in soad reaksjes op kaam, dy binne bondele en geane mei boppesteande fragen nei de Stenden Hegeskoalle. Dêr binne minsken yn oplieding dy t dat soarte fan opjeften graach útwurkje wolle. Wy wachtsje yn spanning ôf mei hokker plannen as de studinten komme. Der is troch it bestjoer in fraach by de Omrop dellein, nei t der sinjalen binnen kamen dat it webstek fan de Omrop twatalich (ek Hollânsk) wurde soe. Wy ha útlis krigen mei in tal dúdlike útspraken: Op radio en televyzje bliuwe wy allinnich it Frysk brûken as fiertaal. Minsken dy t ynterviewd wurde, kieze lykas no ek al sels de taal wêryn t sy antwurdzje wolle en allinnich as sy it Frysk wier net fersteane, geane de ferslachjouwers oer op it Nederlânsk. Dat linige gebrûk fan de taal sil ek yn de takomst sa bliuwe. Wy bliuwe altyd in Frysktalige stjoerder, dat sil net feroarje! Omrop Fryslân jout dus absolút it Frysk net op. As bestjoer kinne wy libje mei dat antwurd mar wy hâlde de finger oan e pols. Mids desimber hat in grut tal Freonen har yn Fryslân ynset om iten yn te sammeljen foar de Voedselbank-aksje, in inisjatyf dat kaam fan alle regionale omroppen yn ús lân. By it sortearjen fan alle goede jeften wienen sy dêrfoar yn gearwurking mei in protte meiwurkers fan de Omrop, dagenlang yn aksje yn it gebou oan de Jupiterweg. It bestjoer hie besletten dat ek de Freonen dêr in bydrage oan leverje soenen, sadat der in tsiental pakketten foar de itensbank op dy lokaasje oanlevere binne. Bestjoer FOF It bestjoer bestie yn 2014 út de folgjende leden: Dhr. A. de Blaauw foarsitter / Komm. Fryske Reklamepriis Dhr. S. van der Vliet skriuwer Dhr. S. de Jong ponghâlder Mefr. G. Fokkema algemien bestjoerslid en redaksje Each & Ear Mefr. N. Bosgra algemien bestjoerslid en redaksje Each & Ear Mefr. A. Hijlkema algemien bestjoerslid en redaksje Each & Ear Dhr. K. Annema 2e foarsitter/ NK-EBLT / Ried fan de Fryske Beweging JIERFERSLACH Mefr. D. Hoekstra algemien bestjoerslid n Sybren van der Vliet Skriuwer 12

13 FINANSJEEL OERSJOCH 2014 EN BEGRUTTING 2015 Balâns Resultaat Banken ING rekken RABO Betelrekken RABO Leden RABO Aktiviteiten Rabo Bedriuwssparrekken Banken Foarderings 591 *) 415 Skulden **) 888 Eigen fermogen ======== ========= ======== Oersjoch ynkomsten en útjeften Begrutting Resultaat Begrutting Ynkomsten Ledejild , ,00 Utjeften E & E printsjen E & E besoargjen Bestjoerskosten Jiergearkomste Personielskosten Portokosten Lidmaatskippen PR-kosten Algemiene kosten Unfoarsjoen Rinte/bankkosten Bydrage Omrop Aktiviteiten Ekskurzjes ***) 350 Kulturele jûn ***) Resultaat ======== ========= ======== *) Dit is noch te barren rinte oer 2014 **) Dit binne ûnkosten foar de PR âldjiersdei, noch te beteljen lidmaatskip en bankkosten 2014 ***) Hjir giet it om it saldo fan de ynkomsten en de útjeften fan de aktiviteiten 13

14 TALJOCHTING FINANSJEEL OERSJOCH 14 Yn 2014 binne der wer in tal saken útfierd troch de frijwillichsters en it bestjoer. Dat hat bytiden ek finansjele gefolgen. It wie it earste jier wêryn t alle banksaken troch de Rabo bank fersoarge waarden. De minimale ledebydrage is ek it ôfrûne jier wer gelyk bleaun, nammentlik 9,00. In protte leden betelje wol mear, dat wurdt troch ús tige wurdearre. De bydrage kin ek yn 2015 gelyk bliuwe. Sawat 60 persint fan it ledetal hat der mei ynstimd om it ledejild fia in ynkasso-opdracht te beteljen. Dat skeelt yn de kosten en nimt gâns minder tiid fan ús frijwillichsters yn beslach. Us reserve/ fermogen is aardich heech sadat op langere termyn gjin ferheging fan de kontribúsje te ferwachtsjen is. Wat de útjeften oanbelanget: De kosten foar Each & Ear drukke swier op de begrutting. Lyk as it foarige jier is der in splitsing fan de kosten fan printsjen en besoargjen makke. Benammen de lêstneamde kosten binne heech en rinne ek yn it nije jier wer fierder op. Yn 2014 hat it besjoer sjoen nei in oare drukker en besoarger, mar nei in ferliking tusken trije oanbieders wiene de ferskillen ferhâldingsgewiis net sa grut dat ta in oare drukker en fersprieder besletten wurde moast. Ek it sosjale akspekt fan de hjoeddeiske drukker hat dêrby de trochslach jûn om by deselde te bliuwen. By fierder tanimmende kosten kin yn de takomst op e nij oerwage wurde, te feroarjen. De post ûnfersjoen is belêste omdat der in komputer mei Windows 8 oanskaft is. By de post bestjoerskosten hearre ek de kosten fan de redaksje Each & Ear. As it kin, wurde de gearkomsten fan bestjoer en redaksje op deselde middei hâlden. By de lidmaatskippen is in bedrach fan 1.000,00 net útjûn. Dat komt omdat de Fryske Reklamepriis 2014 net útrikt is. Yn 2013 is dat ek net bard. Dat bedrach fan 2013 (ek 1.000,00) dat wy dêrfoar reservearre hiene, ferfalt dêrom no. Wy witte op dit momint (noch) net wat de plannen foar de takomst binne foar dy priis. De personielskosten falle dit jier leger út, dat hat as reden dat der no twa, yn plak fan trije frijwillichsters aktyf binne. De post rinte/bankkosten (baten en lesten) wurdt alle jierren lytser. Krekt as by josels wurde de bankkosten (lesten) heger, wylst de rinte (bate) leger wurdt. De troch de frijwillichsters organisearre aktiviteiten joegen wer in lyts finansjeel posityf resultaat. Dat wie noch ferskillend by de boatreiskes en de kulturele jûn. Op de boatreiskes stie in posityf saldo, op de kulturele jûn moast der nochal wat jild by. Yn it bestjoer wurdt neitocht oer de kulturele jûn. It tal beteljende dielnimmers wie 62. De ledebydrage dy t foar reiskes en jûn frege waard, wie lykwols tige skaplik, mar it tal leden dat meidocht oan in aktiviteit is fan te foaren dreech yn te skatten. Yn de begrutting foar 2015 is rekken hâlden mei sa n 3300 leden dy t yn trochsneed 10,00 de man/frou betelje. Foarsichtich genôch wat minder as ferline jier. Al earder hat yn in jiergearkomste oan e oarder west dat alle jierren in bydrage jûn wurde kin oan in projekt fan de Omrop. Yn 2015 wol it bestjoer dêrfoar in bedrach fan maksimaal 3.000,00 útlûke. Foar dy útjefte freget it bestjoer in apart mandaat neist de begrutting. Oare posten binne op grûn fan de kosten fan it ôfrûne jier sa goed as mooglik is, ynskatten. n Sjerp de Jong skathâlder Sjerp de Jong

15 IN MOAIE TOP 100 DEI, EK FOAR DE FREONEN Sûnt in pear jier slute de Freonen op âldjiersdei oan by de Top 100 dei fan Omrop Fryslân. Wy hâlde op dy dei in ekstra ledewerfaksje. En 31 desimber 2014 wie wer in moaie Top 100 dei. Op sa n dei berikke wy hiel wat (potinsjele nije) Freonen. De folgjende sifers tsjûgje fan it dûbele sukses fan dy dei: 100 Fryske Lietsjes :-) útbrochte stimmen 75 nije leden foar de Freonen Hast minsken folgen de Top 100 op televyzje, hoefolle minsken dat allinne op e radio dienen is net bekend, dy sifers wurde net mjitten oer ien dei Mear as minsken folgen de Top 100 op âldjiersdei fia ynternet ynstjoerde foto s, SMS-kes, 579 tweets, 125 mailtsjes sifers mei tank oan Wim Brons en Jitske de Hoop Iris Kroes yn it belpanel foar de Fryske Top 100 Foto: Remco de Vries 15

16 NIJS FAN DE OMROP EFKES FOARSTELLE: Klaas Geert Bakker, de nije haadredakteur fan Omrop Fryslân Je verstaat toch Fries?, zei mijn omke Jouke toen ik als 10-jarige bij hem en muoike Sietske in Menaam logeerde. Ja hoor, ik versta alles. Aan het ontbijt vroegen ze me of ik ierdbeien op mijn brood wilde. Werkelijk geen idee wat ze bedoelden, dus voor de zekerheid maar stellig nee gezegd. Gelukkig had omke Jouke me door, kreeg ik toch die boterham met aarbeien en had ik een nieuw Fries woord geleerd. Ik ben vaak verhuisd in mijn leven en vind het dan ook lastig te zeggen waar ik vandaan kom. Maar Friesland was er altijd. Beppes en pake en heel veel andere familie. Mijn vader komt uit een gezin met twaalf kinderen, bij mijn moeder hadden ze er vijf. Ik heb me dan ook altijd Fries gevoeld. Wat is er dan mooier dan in Friesland aan de slag te kunnen als haadredakteur van de Omrop. NIJS FAN DE OMROP Vroeger had ik geen idee wat ik wilde worden, dus werd ik maar journalist. Dat heeft goed uitgepakt, ik vond het leuk en bleek het ook een beetje te kunnen. Mijn eerste schreden in mijn journalistieke carrière zette ik bij Radio Oost. Daarna volgden de Tros, Wereldomroep, RTV Noord-Holland en RTV Rijnmond. Ik heb gewerkt als verslaggever, redacteur, sociaal- economisch redacteur, eindredacteur en adjunct-hoofdredacteur. Mijn grote passie buiten de journalistiek is basketbal en ik kan ook aardig darten. Schaatsen uiteraard ook, één van de hoogtepunten uit mijn carrière was overigens het verslaan van de Elfstedentocht 1997 voor de Wereldomroep. Ik woon samen met Jacqueline en heb twee dochters: Rosalie (19) en Liselotte (17). Klaas Geert Bakker 16

17 IN NIJ LUD OP OMROP FRYSLAN RADIO It is jo fêst al opfallen: sûnt begjin maart is it lûd op ús fertroude radiostjoerder oars. In oantal nije programma s, guon deselde stimmen, wat oare tiden. Nije jingles en iepenings tunes, mear muzyk, minder nijsblokken. Mar de wichtichste feroaring: wat der yn de mienskip bart, klinkt mear troch yn de programma s op Omrop Fryslân Radio. Jacob Stelwagen set moarns útein op syn fêste plak tusken 6.00 en 9.00 oere, mar yn in folslein nij programma: Fryslân fan e moarn. It programma bringt mear fariaasje en in grutter ferskaat oan ûnderwerpen wurdt besprutsen, mei Jacob as gesprekslieder. Om 9.00 oere giet Arjen Overmaat troch mei Muzyk yn Bedriuw, ek deselde man op itselde plak en de namme fan it programma bliuwt. Dêr t it oars it meast draaide om de muzyk fan de list dy t it bedriuw fan de dei gearstalde, hearre wy no ek wat mear oer it bedriuw sels en wat de meiwurkers dwaande hâldt. Wat wurdt der bygelyks besprutsen by de kofje-automaat? Muzyk yn Bedriuw mei Arjen Overmaat, alle wurkdagen fan 9.00 oant oere Tusken de middei is it programma in oere koarter wurden, Tiete Sijens praat ús tusken tolven en ienen by oer alles dat der yn de provinsje bart en draait dêr geskikte muzyk by. Dit nije programma hjit: No yn Fryslân. De Hite Hei komt werom, it media-oersjoch krijt in plakje en it nijs fan de dei bepaalt de toan fan it programma. Aktuele diskusjes en de miening fan de harkers kleurje dy toan op ferdivedearjende wize yn. Om oere hearre jo in folslein nij programma. Geert van Tuinen presintearret Geert yn de Middei : in ynteraktyf programma dêr t help yn de breedste sin fan it wurd sintraal by stiet. Elkenien kin in fraach by Geert dellizze, Geert siket nei it antwurd. Binne jo bygelyks op syk nei in âlde leafde, hawwe jo advys nedich by in stikkene brommer of sykje jo it missende teekopke yn in kolleksje? Freegje it Geert yn de Middei. De freedtemiddei bliuwt foar Willem de Vries, mei live bands en muzikanten yn Noardewyn Live. Nei 14 jier omswalkjen yn de provinsje as ferslachjouwer foar radio en televyzje, krijt Harm Weistra no in fêst plak op Omrop Fryslân Radio mei it programma Weistra op Wei. Wylst wy tusken en oere ûnderweis binne fan wurk nei hûs, de ierdappels op it fjoer sette of mei de bern nei muzykles fleane, praat Harm Weistra ús by mei it lêste nijs en jout hy ús tips om der op út. Dêr draait hy noflike muzyk by, sa t wy dat fan him kenne fan de programma s Dat wie doe en Snein yn Fryslân. It waar mei Piet Paulusma bliuwt op fêste tiden te hearren en ek nei seizen jûns is der neat feroare op e radio. Radio Froskepôle, De Jûn fan Fryslân en De Dei foarby, binne noch altyd te hearren. Yn it wykein is der wol wat feroare want no t Geert it troch de wike drok hat, hat hy syn fêste plak op sneontemiddei ferlitten. Dat plak wurdt ynfolle troch in oare goede bekende, Diana de Groot. Omrop Fryslân Radio, ôfstimd op dy. NIJS FAN DE OMROP 17

18 Wat is jo dream foar Fryslân? Dy kinne jo no kwyt by Omrop Fryslân, want dit jier pakke wy it mei de Steateferkiezings en de Wetterskipsferkiezings ris hiel oars as oars oan. Wat is no eins de essinsje fan de Steateferkiezings, wêr giet it echt oer? Krekt, oer de takomst fan Fryslân. Omrop Fryslân komt dêrom dit jier mei it tema Dreamen foar Fryslân om te ûntdekken wat de Friezen no eins foar takomst sjogge foar Fryslân. Mei dit tema wurde ûnbekende en bekende Friezen oproppen om harren ideaalbylden fan Fryslân mei-inoar en mei ús te dielen. Fan febrewaris ôf binne de dreamefangers fan Omrop Fryslân al yn de dreamauto op en paad om sa folle mooglik Friezen te freegjen wat harren dream foar Fryslân is. Sa sille ferskate politisy fertelle oer harren driuwfearen, politike stânpunten én harren dreamen foar Fryslân. By de Wetterskipsferkiezings komme de dreamen ek werom. Underweis troch de provinsje wurde op snein 15 maart ek de (wetter)dreamen fan Friezen garre. Dy snein stiet Omrop Fryslân de hiele dei stil by de Wetterskipsferkiezings. De DREAMEN FOAR FRYSLAN 20 JIER BEAR BOELOE Hoera, Bear Boeloe is jierdei! It berneprogramma Bear Boeloe bestiet dit jier 20 jier. Helena de Boer is de tekeneresse en skriuwster, Leny Dijkstra en Feije van der Meer dogge de stimmen, Feije docht ek de rezjy. Bear Boeloe syn jierdei wurdt yn 2015 ûnder oaren fierd mei gebakjes, nije ôfleverings en in tentoanstelling. Nei oanlieding fan 20 jier Bear Boeloe, is de rige tiisdei 13 jannewaris begongen mei seis wiken lang, spiksplinternije aven 18 NIJS FAN DE OMROP mobile studio ferhuzet nei de seedyk by it Woudagemaal op e Lemmer foar de spesjale útstjoering: In dei op it wetter. Omrop Fryslân wurket gear mei de Ljouwerter Krante ûnder de namme: Fryslân Kiest. Op 17 maart is der in mienskiplik debat en fia de webside fryslankiest.nl bringe de Fryske media it nijs om de Steate ferkiezings hinne yn wurd en byld. Fierder hat René Koster tusken 2 en 16 maart alle wurk dagen tusken en oere in petear mei in politikus. Op de dei fan it petear ferskynt yn de Ljouwerter Krante ek in ferhaal oer dy persoan. It debat op 17 maart en fansels ek de ferkiezingsjûn op 18 maart yn it Provinsjehûs binne live te folgjen op radio, televyzje en ynternet. Op de ferkiezingsdei sels steane de ferkiezings de hiele dei sintraal fansels en de dei dêrnei sjogge wy wiidweidich werom op de útslaggen op de radio en jûns yn in live útstjoering op televyzje. Alles oer de ferkiezings en Dreamen foar Fryslân is te finen fia de spesjale side op de website fan de Omrop: Fansels binne dêr nei de ferkiezings ek de útslaggen te besjen.

19 toeren fan dizze bear en syn freonen. Fan 15 oant en mei 18 april is der in offisjele feestwike ta eare fan Bear Boeloe syn jierdei. Yn dy wike traktearret Bear Boeloe al syn lytse fans. Bern kinne by de bakkerijen yn Fryslân in spesjaal Bear Boeloe-gebakje ophelje. De bakkerijen wurde fersierd mei flaggen, posters en in fotoboerd fan Bear Boeloe dêr t de bern mei op e foto kinne. Om it jubileum fan Bear Boeloe noch ekstra te fieren, hat de keunstkommisje Helena de Boer frege om de nije útstalling foarm te jaan. De geastlike mem fan it earste Fryske berneprogramma docht dat troch eigen wurk sjen te litten. Dêrneist hat se trije keunstners frege dy t har ynspirearje litte troch Bear Boeloe en syn freonen, sa as Sipke Begjin maaie is de Frysktalige thriller Bak te sjen op Omrop Fryslân Televyzje. It ferhaal is basearre op it boek mei deselde titel fan Sietse de Vries. De haadrol wurdt spile troch Joop Wittermans en de muzyk is komponearre en spile troch Syb van der Ploeg. De film duorret like lang as in spylfilm en wurdt yn trije dielen útstjoerd op Omrop Fryslân Televyzje. It ferhaal Bak giet oer sjoernalist Sjerp Bak fan de Ljouwerter Krante dy t nei in fikse rûzje VDD-riedslid Remco Beets fermoardet yn syn obsternatens. Bak sjocht gjin oare útwei as it lyk fuort te moffeljen. Dan kriget Bak op de redaksje de opdracht om ferslach te dwaan fan de moard en him te ferdjipjen yn it libben fan riedslid Beets. Hy begjint in grut ûndersyk nei Beets en dêrút docht bliken dat it riedslid mei mear dwaande wie as allinnich de polityk... KEUNST MEI BEAR BOELOE BAK, de film de Stikelbaarch en Janny de Poes. Dy keunstners binne: Tamme Hansma, Sipco Feenstra en Reinier Knol. De eksposysje wurdt 1 maaie iepene en sil likernôch in healjier yn it gebou fan Omrop Fryslân te sjen wêze. n De Keunstkommisje: Piter Zwart, Hugo Bosgraaf, Marijke de Boer en Antine de Hoop Kin Bak de wierheid fia de krante dochs te fluch ôf wêze? Hoe pakt de plysje it ûndersyk nei de fermoarde Beets oan, en wat is de rol fan wethâlder Geke Jensma? Sjoch foar de antwurden op 4, 5 en 6 maaie nei de film Bak op Omrop Fryslân Televyzje. NIJS FAN DE OMROP 19

20 TSIEN FRAGEN OAN... Piter Tjeerdsma 1. Wa is Piter Tjeerdsma? Wêr bisto hikke en tein? Ik bin ien fan de seis bern fan Ale en Tryn út Burgum. Dêr, op e Nijstêd, bin ik hikke en tein. Us heit wie meubelmakker en wurke earst as timmerman. Letter hiene se in eigen meubelstoffearderij yn Garyp. Us mem die de winkel en it postkantoar. Ik wenje no yn Grou mei Reintsje Miedema en soan Hessel (17). Us dochter Jetske (24) wennet yn Utrecht. 2. Hasto earst ek noch oare saken by de ein hân foardatst by Omrop Fryslân kaamst? Ja, ik ha op e sportakademy yn Grins sitten, mar dat wie net myn ding. Doe t ik in baantsje by it parseburo fan Klaas Jansma en Arjen Terpstra krije koe, bin ik yn de sjoernalistyk rûgele. 3. Hoe bisto by Omrop Fryslân telâne kommen? Op in dei yn 1979 wie sawat de hiele redaksje fan it radionijs siik, Klaas Jansma en oare freelancers koene ek net. En sa kaam it dat ik myn earste radioreportaazje makke. Oer de belbus fan Eksmoarre. Der gong technysk fan alles mis mei de Nagra (de bânrecorder fan doe) mar it slagge. Ik moat it bantsje noch ergens ha. 4. Ik wit noch út it ferline datst troch dyn bûtenlânske reizen ferslach diest foar Omrop Fryslân, wie dat privee of foar de Omrop? Ut hokker lannen kamen dyn ferhalen wei? It wie in miks fan privee en Omrop. Ik woe graach de wrâld sjen. Troch ûnderweis reportaazjes te meitsjen koe ik dy dream finansiere. Ik bin yn de hjerst fan 1982 ôfset mei in fleantúch mei 160 Fryske kij foar Koeweit. In hichtepunt wie in live-útstjoering út Tel Aviv wei mei Fryske VN-militêren. Harren âlders sieten yn de studio yn Ljouwert. In jier letter, nei in reis troch 16 lannen dy t einige yn Japan, wie k wer thús. Ik mocht deroer fertelle yn it programma It reade Ear fan Gryt fan Duinen. Nei ôfrin frege se my oft ik wol wer ris wat foar de radio dwaan woe. Sa wie ik in pear wike nei dy wrâldreis wer foar de Omrop yn t spier. Myn earste opdracht wie in reportaazje oer Hotel Van der Werf op Skier. Wat hà wy ek moai wurk, tocht ik, doe t ik op e boat siet Do hast der ek in skoft út west fanwege sykte, wie it ek dreech om wer werom te kommen by de Omrop en bist dêrtroch ek minder wurkjen gien? Sterker: Ik kwakkelje noch hieltyd mei de sûnens. Wat mei de nieren. Nefrotisch Syndroom, in saneamde auto ymmún sykte. It wie oer, mar fan t simmer is it wer begongen. De behanneling, mei in soarte fan overdosis prednison helpt gelokkich, mar it is wol in oanslach op myn lichem en kondysje. Ik wurkje dêrom no even wer wat minder. Soms heale dagen, soms wat langer. Gelokkich wurkje ik by in bedriuw dat hiel goed mei sokke saken omgiet, want ik ha der eins mar in pear moanne folslein foarwei west. En ik moat sizze dat it wurk my der wol mei trochskuord hat. Op it stuit bin ik de medisinen oan it ôfbouwen en mei in bytsje gelok bin ik dizze simmer wer hielendal better want sa n Nefrotisch Syndroom kin ek wer oergean en hoecht dan ek net wer werom te kommen. Ik fiel my no al in stik better as in healjier ferlyn en ha goede hope dat it goed komt. 6. Hast altiten deselde funksje hân binnen Omrop Fryslân? Ik bin begongen as freelancer foar de radio en ha doe fan alles dien, fan de tsjerkerubryk oant it fuotbalferslach, live-reportaazjes, dokumintêres en redaksje- en presintaasjewurk. Piter Tjeerdsma

21 Yn 1986 krige ik in fêste baan by wat doe de edukative ôfdieling neamd waard. Dêr waard eksperimintearre mei tekeningen en byld. It waard lanlik útstjoerd fia Ned. 2. Ik woe graach by de televyzje hie ek al ris wat ûnderfining opdien by Van Gewest tot Gewest en by dy edukative ôfdieling seagen wy kânsen om echte televyzje te meitsjen. Dat wie it begjin fan wat no Fryslân DOK is. En dat ús dokumintêres noch hieltyd ek lanlik útstjoerd wurde op NPO2 (sneons 15.30, sneins oere) is fansels unyk. 7. De lêste tiid sjogge wy op Omrop Fryslân Televyzje, dokumintêres fan Fryslân DOK, dêr tsto faak de einredakteur fan bist. As it programma ôfrûn is komt der yn byld: dat de sjoggers reagearje kinne op de dokumintêres dy t faaks wol wat losmeitsje en somtiden ek bêst wol emosjoneel binne. Komme dêr in protte reaksjes op en wat dogge jimme dêr dan fierder mei? Ja, wy krije op alle útstjoerings wol reaksjes. Net steapels, mar der binne altyd mails, telefoantsjes of soms ek noch hânskreaune brieven. De measte reaksjes binne posityf en in inkelde kear kritysk. Wy reagearje safolle mooglik op alles, want wy binne der o sa wiis mei as minsken meilibje en meitinke mei Fryslân DOK. 8. Is it wurkjen by de Omrop in protte feroare, ferlike mei de tiid doe tst der útein set bist? Ja en nee. Technysk is der in hiel soad feroare it giet makliker en flugger. In live-ferbining mei Eagum wie yn de begjintiid in hiel o-heden, mar no is it deistige praktyk. De ynhâld is lichter fan toan en soms ek wat oerflakkiger as earder. Der wurkje ek folle mear minsken as yn de begjintiid doe wie it mear in famylje, no is it folle saakliker. Mar wat gelyk bleaun is, is de belutsenheid fan de meiwurkers dy t noch altiten mei like folle entûsjasme dwaande binne mei de ferhalen fan de mienskip dêr t se yn libje. 9. Hast noch nije ideeën foar de takomst dêr tst dy sterk foar meitsje wolst? Wolsto noch lang trochgean? Jawis! En de list wurdt earder langer as koarter. Om in pear dingen te neamen: wy binne dwaande mei plannen foar in lange dokumintêre oer it Fryske hynder; der binne ideeën foar in rige oer de skiednis fan de Fryske popmuzyk, in rige oer de oarloch, in film oer Gysbert Japicx, in rige oer Fryske wittenskippers en in projekt mei korpsen, en sa kin ik wol trochgean. Minsken sizze wolris, is it net lestich om altyd wer wat te betinken? Nee, der binne altyd mear ideeën en plannen as útstjoerings (en jild). Sa sit ik noch wol ris wat te stinnen op in ferfolch fan Sjoch, dêr leit wat op e dyk, it poëtyske filmferhaal dat ik mei poppespiler Feike Boschma makke. Mar in moaie filmyske plattelâns-krimi, basearre op wier barde Fryske ferhalen, liket my ek wol wat om te meitsjen. Je moatte dreamen hâlde, no? 10. Hoe sjochst de takomst, yn it bysûnder foar Omrop Fryslân en ek yn it algemien? De media, en benammen radio en tv, sitte yn swier waar. Ynternet hat de media-wrâld bot feroare. We sitte yn in soarte fan oergongstiid en it is noch net helder hoe t it krekt komt. Ik sjoch foaral kânsen, want op it mêd fan nijs, eveneminten en ferhalen lykje ynternet en omroppen elkoar goed te finen. En dat binne krekt saken dêr t Omrop Fryslân goed yn is. Al kin it altiten better fansels. Mei it meitsjen fan moaie ferhalen, ferteld yn de taal fan dizze tiid en mei de middels fan dizze tiid, past ek Fryslân DOK goed yn de nije takomst. It soe moai wêze at we mei Fryslân DOK de kommende jierren útgroeie ta in soarte fan firtueel moetingsplak foar minsken dy t nocht oan moaie Fryske dokumintêres hawwe. Dus ja, ik bin optimistysk oer de takomst, ek yn it algemien trouwens. De fragen binne steld troch Lyda Veldstra út Grou. Liket dit jo ek wol wat? Doch dan mei, jo hoege der net iens foar op en paad. Mail jo fragen foar ien fan de Omropmeiwurkers nei freonen@omropfryslan.nl mei as ûnderwerp: Freegje Mar en de namme of funksje fan de meiwurker. 21

22 UTSLACH KRYSTPUZEL Sa n 200 Freonen hawwe de puzel út it krystnûmer fan Each & Ear makke en ynstjoerd. Diskear hat Engelien Bouwman, 1e priis: In abonnemint fan in jier op de Friesland Post (beskikber steld troch Van der Let & Partners Identity fan It Hearrenfean): Fam. J.G. Hofstra, Feanwâlden. 2e priis: 2 kaarten foar Thúsfront fan Tryater foar freed 20 febrewaris (beskikber steld troch De Lawei, Drachten): Frou W. de Haan, Mantgum. dy t de aksje foar de Voedselbank organisearre hat, de fiif priiswinners lutsen. De gelokkigen binne: 3e priis: 2 kaarten foar Het Dwaallicht fan Toneelgroep Het Volk foar freed 6 maart (beskikber steld troch De Lawei, Drachten): Frou T. Spoelstra, Snits. 4e en 5e priis: in weardebon fan 25, - (beskikber steld troch Poiesz): Frou G. Zoethout-Bosgraaf, Burgum en Frou D. Haringa, Aldegea. De oplossing wie Elke freon is wolkom by de FOF. Us lokwinsken foar de priiswinners, dy t ûnderwilens harren priis krigen hawwe. Farre mei partyskip De Harmonie út Drachten Ut ûnderfining witte wy dat de Freonen graach mei in skip it wetter op geane. Dêrom hawwe wy dizze kear twa middeis de boat fêstlein: op woansdei 20 maaie en tongersdei 21 maaie o.s. n Geartsje Fokkema-Elgersma Der kinne sa n 125 minsken op in middei mei. De ekskurzje duorret fan oant likernôch oere. De kosten binne 16,00 de man/frou, ynkl. kofje/tee mei wat lekkers, in hapke en drankje. Opjaan kin oant 24 april o.s., mei de bon yn dit boekje op side 23 of fia de mail: freonen@omropfryslan.nl. Mei it moaie partyskip De Harmonie ferkenne wy fan Drachten út, it Fryske wetter. Wy stappe op De Loswâl yn Drachten op en farre dan rjochting Earnewâld. It is oan de skipper wêr t wy fierder hinne farre. Hy hat in moaie tocht foar ús yn e holle. 22

23 OPJEFTE BOATREISKE MEI DE HARMONIE Ik jou my op foar: (graach oankruse) o woansdei 20 maaie o tongersdei 21 maaie of o makket neat út hokker dei mei... persoan(en) Kosten : 16,00 p.p. Dat is ynkl. kofje/tee mei wat lekkers, in hapke en in drankje. Wy fersykje jo, om tagelyk mei it opjaan, it ferskuldige bedrach à 16,00 p.p. oer te meitsjen op NL53 RABO fan: Feriening Freonen fan Omrop Fryslân, û.f.f.: Reiske In wike fan te foaren krije jo neier berjocht fan ús oer û.o. tiid, opstapplak, parkeare ensfh. Namme:... Adres:... Postkoade:... Wenplak:... Telefoan:... Mailadres:... OPJEFTE JIERGEARKOMSTE FREONEN OP 1 APRIL 2015 Graach sa gau mooglik opstjoere, mar foar 25 maart 2015 nei: FERIENING FREONEN FAN OMROP FRYSLAN Postbus 7600, 8903 JP LJOUWERT Opjaan fia de kin ek: freonen@omropfryslan.nl Ik jou my hjirby op foar de jiergearkomste fan 1 april mei... persoan(en). o.jimme kinne op my/ús rekkenje mei sop en broadsjes (ynrin fan oere ôf) o ik/wy kom(me) allinne foar it saaklik part (begjint om oere) (graach oankruse wat fan tapassing is) Namme:... Adres:... Postkoade:... Wenplak:... Telefoan:... Mailadres:... Wolle jo dizze bonnen leaver net út Each & Ear knippe? In kopytsje meitsje (litte) en dat opstjoere kin ek! 23

24 Caparis Grafisch Centrum ONGEKEND VEELZIJDIG CAPARIS GRAFISCH CENTRUM Caparis Grafisch Centrum produceert een breed scala aan drukwerk voor een grote verscheidenheid aan opdrachtgevers. Wij bieden een totaalpakket: ontwerp, dtp, drukwerk, afwerking en bezorging. Dat doen we turn key en binnen de afgesproken termijn. Behalve grafische know how hebben we ook kennis van opslag, logistiek en mailingservice. CAPARIS Grafisch Centrum Jagtlustweg AV Heerenveen Postbus AH Heerenveen T (0513) F (0513) E grafisch@caparis.nl I