OPENBARING 7:9. Votum en seën. Psalm 8 : 1, 2 [vers 1 saam met katkisasiekinders] Geloofsbelydenis: Twaalf Artikels. Wet: Eksodus 20:1-17 (AV 1983/91)

Transcriptie

1 OPENBARING 7:9 Votum en seën Psalm 8 : 1, 2 [vers 1 saam met katkisasiekinders] Geloofsbelydenis: Twaalf Artikels Wet: Eksodus 20:1-17 (AV 1983/91) Psalm 95 : 6 Gebed Skriflesing: Openbaring 7:9-17 (AV 1983/91) Teks: Openbaring 7:9 (AV 1983/91) Skrifberyming 18-1 (9) : 1 Preek: God gee Sy kinders na hierdie lewe alles Gebed Kollekte Skrifberyming 18-1 (9) : 6 Seën Skrifberyming 78 (13-3)

2 2 Wat n gesig hierdie menigte daar voor die troon van God in die hemel met hulle spierwit klere en die palmtakke in hulle hande! wat n gesig! Sal dit nie die wonderlikste wonderlik wees om een van hulle te kan wees nie? Kom ons kyk vanoggend met ons geestesoog deur die bril, wat hierdie Skrifgedeelte vir ons is, na hierdie skare: - na wie hulle is; - na wat hulle het; - na die selfondersoek waartoe hierdie Bybeldeel ons oproep. 1. WIE HIERDIE MENIGTE IS Die mense wat ons in hierdie verse sien, is die gelowiges wat klaar is met hierdie aardse lewe, wat alreeds gesterf het. Die eerste deel van Openbaring 7 1 gaan oor die gelowiges wat nog op hierdie aarde leef en die geloofstryd moet stry en oor hoe die Here elke een van hulle vashou, terwyl hierdie tweede deel van die hoofstuk nou gaan oor die gelowiges wat klaar is met hierdie aardse lewe en stryd. Ons weet dat hierdie mense klaar is met die aardse lewe, omdat vers 14 sê dat hulle uit die groot verdrukking kom. Die groot verdrukking verwys hier nie net na tye waarin daar spesiale vervolging van Christene was en is nie. Dit natuurlik óók, ja, maar nie net dit nie. Hierdie woorde verwys na die héle tydperk waarin die kerk in hierdie wêreld moet leef, die hele woestynreis van God se volk deur hierdie aardse lewe. Om verskillende redes kan alle Christene in n mindere of n meerdere mate hulle lewens op hierdie aarde n lewe van verdrukking noem. o Ons almal beleef allerhande soort aanslae van die duiwel op ons gees en op ons geloof en op die vrede wat ons hierbinne het, byvoorbeeld daardie stemmetjie wat vir jou sê: En waar is jou God nóú? 1 Openb 7:1-8

3 3 En daar s Christene in baie lande van hierdie wêreld wat fisies deur die magte wat die duiwel in hierdie wêreld teen Christene aanhits, vervolg word aangerand word, in tronke gegooi en vergeet word, wreed doodgemaak word. o Alle ware Christene beleef ook hoe hulle eie sondigheid en sondes hulle neerdruk, nie net oor die bitter gevolge wat dit baie kere in hulle lewens het en oor die oorlog wat hier in hulle binneste woed tussen die weergebore kind van God en die ou sondige natuur nie, maar ook omdat dit hulle pla dat hulle hulle God en Here só hartseer maak met hulle sondes! o En dan ly alle Christene ook saam met ander mense onder al die ellendes wat God as gevolg van die mensdom se opstand teen Hom oor die wêreld laat kom. In n sekere sin gaan alle Christene tydens hulle aardse lewe deur die groot verdrukking. Maar die mense wat ons hier in Openbaring 7 sien, is uit die groot verdrukking. Hulle het klaargemaak met hierdie moeilike aardse lewe. En ons weet dat hulle kinders van God is, want hulle het n lang wit kleed aan, wat spierwit gewas is in die bloed van die Lam. Die skarlakenrooi-vlekke van hulle sondes 2 is met die rooi bloed van die Lam van God wat daar op Golgota vir hulle geslag is, spierwit skoongewas. 3 Hulle is dus die mense wat deur die Heilige Gees daartoe gebring is om dit gelowig te aanvaar dat die Here Jesus aan die kruis vir hulle ook gesterf het, dat Hy so die straf op hulle sonde vir hulle gedra het, en dat hulle dus weer met God versoen is en nie na hulle dood die ewige straf van God hoef in te gaan nie, maar die hemelse vreugde daar by hulle Here. Daar s geen twyfel nie: - hierdie ontelbare menigte is die gelowiges wat klaar is met hulle aardse lewe, van die eerste gelowiges van die mensdom af tot dié wat die afgelope week gesterf het. Wat het hierdie mense daar? 2 Sien Jes 1:18 3 Treffende beeldspraak: wit gewas in die rooi bloed van die Lam

4 4 2. WAT HULLE HET Hulle het hoe kan n mens dit anders saamvat? álles. Net dit wat ons in hierdie paar verse gelees het, is al heeltemal te veel om in een preek te behandel. Lig dus maar net enkele hiervan uit. In die eerste plek het hierdie mense bewustheid. Gelowiges wat alreeds gesterf het, is nie in een of ander slaaptoestand of bewusteloosheid tot Jesus eendag weer kom nie. Hulle siele wat daar is, is ten volle bewus van waar hulle is en van die volmaaktheid wat hulle beleef hulle is dan aktief besig met die verering van God wat hulle van sonde en dood verlos het! Wáár is hulle? Hulle is daar waar die troon van God is, in daardie hemel waarheen die Lam, die Here Jesus Christus, veertig dae na Sy opstanding uit die dood uit, opgevaar het, daar waar Hy aan die regterhand van God sit. Hulle is daar waar God op die troon van die ganse heelal sit, en waar Hy omring is deur die gerubs en die serafs en die ander engele en deur die vier-en-twintig ouderlinge en die vier lewende wesens. Hulle is daar by hulle hemelse Vader en by die Here Jesus, wat Sy lewe vir hulle gegee het. Hulle is tuis, klaar met die reis deur die woestyn van die aardse lewe, in die Vaderhuis waar hulle plek vir hulle gereed gemaak is. Hulle sing nie meer Psalm 42:1 (berymd) nie: wanneer sal k, na swerftog en benouing, God weer sien in klare~aanskouing? want hulle sién Hom nou!

5 5 God gee dit vir hulle om bewustelik daar by Hom in die hoogste hemel te wees. En Hy gee vir hulle daar die grootste moontlike vreugde en saligheid soos dit op verskillende maniere in hierdie gedeelte beskryf word. In vers 9 staan hier byvoorbeeld dat hulle palmtakke in hulle hande het. In die wêreld van destyds was palmtakke n teken van oorwinning en van feesviering. o As n koning en sy soldate die oorlog gewen het en van die slagvelde af terugkom by hulle mense, dan het hierdie opgewonde, bly, feesvierende menigte hulle ingewag met palmtakke in hulle hande. o Mense met palmtakkke in hulle hande is dus mense wat bly is en wat feesvier, omdat hulle gewen het, omdat hulle vryheid verseker is, omdat hulle nou in vrede kan lewe. Hierdie mense wat ons in hierdie verse sien, se lewe is nou n nimmereindigende oorwinningsfees! Ook in die laaste twee verse word vir ons iets beskryf van die vreugde en die saligheid wat hulle geniet: Hulle sal nie meer honger en nie meer dors kry nie; die son sal hulle nie brand nie en n hittegloed ook nie, want die Lam wat in die middel van die troon is, sal hulle herder wees en hulle na die fonteine met die water van die ewige lewe lei; en God sal al die trane van hulle oë afvee. Om hierdie sinne te verstaan, moet u aan mense dink wat te voet deur n woestyn reis. Dink aan die son wat jou daar wil dood brand, aan die hitte wat jou uitmergel, aan die feit dat daar in n woestyn nie kos vir mense is, of water om te drink nie, die enigste strome wat daar loop is die strome trane wat jy huil oor al die swaarkry daar. Maar die mense wat ons in hierdie verse sien ly nie meer honger en dors nie. Hulle kom niks kort nie. Die son en die hitte verniel hulle nie meer nie. Alles wat hier op aarde die lewe moeilik en sleg gemaak het, is nou weg.

6 6 Elke traan (staan hier letterlik) word deur God uit hulle oë uitgevee. Hulle gaan nooit weer huil nie - nie oor pyn nie; - nie oor dierbares wat hulle moet begrawe nie; - nie oor teleurstellings en terugslae nie; - nie van magteloosheid nie; - nie oor sondes wat hulle gedoen het nie; - nie oor wat ander mense van hulle sê of aan hulle doen nie. Hulle gaan letterlik nooit weer een traan huil nie! Hulle is nou salig. Hulle is nou gelukkig met volmaakte hemelse geluk daardie geluk wat nie eers meer een druppeltjie bitter by het nie; daardie geluk wat nooit weer gaan ophou nie. En daar kan nog baie meer gesê word oor die vreugde en heerlikheid waarin hulle daar lewe. Byvoorbeeld oor die feit dat hulle saam met n ontelbare skare medegelowiges en saam met miljoene der miljoene engele die Here daar onophoudelik dien wat n erediens! Daar kan ook nog verwys word na die heerlike eenheid van die ryke verskeidenheid van nasies en stamme en volke en tale daarbo. Daar kan verwys word na die aangrypende feit dat hulle daar ook n Herder het, n Lam dié Lam wat ook n Herder is en wat sorg dat hulle altyd by die fonteine van God se liefde die soet water van die ewige lewe drink. Hierdie mense het álles. God gee hulle álles. Het julle kinders al gedink hoe wonderlik dit sal wees om eendag hemel toe te gaan? - om daar by die Here te wees; - om te sien hoe alles daar lyk; - om daar deur Jesus self gehelp te word; - om daar te wees waar daar nooit weer iets gaan gebeur wat vir jou sleg sal wees of wat jou sal laat huil nie.

7 7 As jy n kind van die Here is, dan gaan jy eendag soontoe. Daardie dag wat jou lyf doodgaan, gaan jou siel (= jý) dadelik na die Here toe daar in die hemel, waar die Here jou dan ook so baie gelukkig gaan maak, soos wat hierdie mense is van wie ons vanoggend in die Bybel gelees het. TOEPASSING Die vraag wat ons onsself by ons selfondersoek voor volgende week se nagmaal moet afvra, is dít: - gaan óns ook eendag daar wees? Dis n vraag wat ons móét vra, want daar s byvoorbeeld mense wat sê Here, Here, maar wat nie doen wat God vir hulle sê om te doen nie; en sulke mense (so het Jesus self gesê) gaan nie eendag daar wees nie. 4 En dis n vraag omdat daar mense is wat die Here met hulle lippe dien, maar hulle harte is ver van Hom af: 5 - hulle sê altyd op die regte plekke Ja ; - hulle sing saam in die kerk, hulle bid, hulle praat lekker saam oor al die kerklike kwessies; - maar hier binne in hulle harte is dit koud; - daar waar ander mense hulle nie sien nie, is daar geen teken van n band met die Here nie. En dis n vraag wat ons onsself moet afvra omdat daar mense is wat dink dat hulle stewig op pad hemel toe is, terwyl daar tog hierdie een boesemsonde is waarvan hulle net nie kan loskom nie; en as dit die geval is, kan jy nie by Jesus bly nie, soos daardie ryk jongman van wie Jesus gesê het dat hy een ding kortkom. 6 Hy moes sy boesemsonde los! En dis n vraag, omdat daar mense is wat op die uiterlike dinge vertrou: - dat hulle lidmate van n kerk is, gedoop is, belydenis van geloof afgelê het; - hulle betrokkenheid in die kerk: hulle werk en dien net waar hulle kan; - hulle ampsdraer-wees; 4 Mat 7:21 5 Jes 29:13 6 Mark 10:20-21

8 8 - hulle stiptelike nagmaalbywoning; - hulle gereëlde dankoffers die Here sal mos nie sulke mense hel toe stuur nie! Maar intussen is hulle soos Paulus voor sy bekering was: - voor in die ry as dit by hierdie uiterlike dinge kom; 7 - maar hy t Jesus Christus nog nie ontmoet nie! Gaan ons eendag van daardie mense wees vir wie God daar in die hemel alles gee? Gaan ék (= elkeen van ons persoonlik) eendag daar wees, of mislei ek myself gruwelik deur te dink dat ek daar gaan wees, terwyl my hart die Here nie regtig ken nie? Daar s net een manier waarop enige mens daar kom: - gaan was jou klere jou vuil hart en jou sondige lewe in die bloed van die Lam. En as jy dít gedoen, dan sal jy wéét dat jy eendag uit die groot verdrukking in daardie heerlikheid sál ingaan dis hoe die Gees van die Here met n mens werk AMEN 7 Filip 3:4 e.v.