Teenoor Christus kan n mens nie neutraal staan nie

Transcriptie

1 SKRIFLESING: Matteus 12:22-32 TEKS: Matteus 12:30 TEMA: Teenoor Christus kan n mens nie neutraal staan nie Psalm 149 : 1, 2 Skrifberyming 8 (5-3) : 2 Psalm 84 : 6 Psalm 118 : 14 Skrifberyming 78 (13-3) Ook: Sb 44 (15-8) : 1

2 2 Ons is deesdae baie bewus van die verskillende godsdienste wat daar in die wêreld is: - die Christelike, die Islamitiese, die Boeddhistiese, die Hinduïstiese, ens. En (word daar patykeer gesê): - ons moet maar hierin berus, want hoe kan mense van een godsdiens vir mense van n ander godsdiens sê dat hulle verkeerd is? - ons moet die wêreld sien as n groot plaas waarin daar n klomp kampe is en in elke kamp n klompie skape van dieselfde boer; - daar s n Christen-kampie en n Islam-kampie en n Hindu-kampie; - en die beste wat ons kan doen, is dat elkeen maar net sy eie kampie probeer reghou; - dalk sal die boer ons almal eendag weer in dieselfde kamp sit! Maar die Boer van hierdie plaas sê anders. Die Here Jesus sê dat daar net twee kampe onder die mense is: - dié wat aan Sy kant is - en dié wat teen Hom is. Daar s nie eers n kamp vir mense wat neutraal is nie, want teenoor Hom kan jy nie neutraal wees nie! Dis die kern van wat vanoggend vir u gepreek word en dis iets wat elke jongmens moet weet voordat jy as belydende gelowige die wêreld ingaan: - teenoor Jesus Christus kan n mens nie neutraal wees nie. Gee aandag aan drie sake: 1. dat dit in hierdie Skrifgedeelte oor die stryd tussen God en Satan gaan; 2. waar mense in hierdie stryd kan staan; 3. wat dit prakties vir ons beteken. 1. DIE STRYD TUSSEN GOD EN SATAN Hierdie gedeelte gaan oor hierdie stryd. Ons het gelees van n demoonbesetene wat blind en stom was. Toe die Here Jesus hier op aarde was, was daar baie gevalle van demoonbesetenheid. Dit was asof die duiwel, toe die koninkryk van God naby gekom het, ook sy mag wou wys.

3 3 Toe die Seun van God mens ook word, toe stuur die duiwel ook sy trawante, die bose geeste, om in mense in te vaar 1 en so vir Christus te probeer teenstaan. Hier waar die Here Jesus met n demoonbesetene te doen het, het ons as t ware hierdie twee ryke teenoor mekaar: die ryk van God en die ryk van Sy teenstander, die duiwel. Dis natuurlik n baie ongelyke stryd. Die ryk van God wen maklik. Hier staan doodeenvoudig: Jesus het sy gebrek genees, sodat hy weer kon praat en sien. 2 Jesus dryf die demoon uit en wen so ook hierdie veldslag in die stryd tussen God en Satan soos wat Hy elke keer gewen het as Hy met demoon-besetenes te doene gekry het. Hy laat die koninkryk van God onkeerbaar kom! Om die beeld van vers 29 te gebruik: - die Here Jesus het daar in die woestyn al toe Hy die Satan se versoekings weerstaan het, die sterk man (Satan) vasgebind; - en nou beroof Hy Satan; - deur hierdie man gesond te maak, haal Jesus hom uit Satan se huis uit en bring Hy hom in die huis van God in. Ons het in hierdie gedeelte met die stryd tussen God en Satan te doen, n stryd waarin die Koning van die lig maklik die koning van die duisternis oorwin. Hierdie oorlog is vandag nog aan die gang. Maar nie so asof die finale uitslag van hierdie oorlog nog in die weegskaal is nie. Toe die Here Jesus aan die kruis gesterf het en uit die dood opgestaan het en in die hemel opgevaar het en daar aan die regterhand van die Vader gaan sit het as die Een aan Wie alle mag in die hemel en op die aarde behoort, toe is daar al duidelik gewys wie wen. Die duiwel en sy magte is klaar die nekslag toegedien. 1 Dis die naaste wat hy daaraan kan kom om die vleeswording van die Seun van God na te aap. 2 Mat 12:22

4 4 Die deel van oorlog wat nou gevoer word, is net bedoel om die vyand se laaste loopgrawe skoon te maak. Maar nou moet u nie n fout maak nie: - uit sy laaste loopgrawe veg die duiwel nog verbete; - hy s soos n gekweste leeu wat met sy laaste krag nog soveel as moontlik wil verskeur! 3 Die stryd is gewen, maar die oorwinning moet nog afgerond word en daarom is daar vandag nog in die wêreld n stryd tussen die ryk van God en die ryk wat die Satan probeer bou. 2. WAAR MENSE IN HIERDIE STRYD KAN STAAN n Mens kan (in die eerste plek) téén Jesus wees in hierdie stryd, aan Satan se kant, soos die Fariseërs van wie ons hier lees. Hulle sê, teen hulle beterwete in, dat die oorwinning wat die Here Jesus hier met die krag van die Heilige Gees behaal het, die werk van Beëlsebul,die duiwel self, is. Hulle t van beter geweet, want dis mos belaglik om te sê dat die duiwel teen homself stry, en hulle was slim genoeg en godsdienstig kundig genoeg om te weet dat hulle onsin praat. Teen hulle beterwete in noem hulle Jesus Christus en die Heilige Gees se werk duiwelswerk. En dís wat lastering teen die Heilige Gees is: - om doelbewus, willens en wetens, teen jou beterwete in, die werk van die Heilige Gees aan die duiwel te gaan toeskryf; - dis om openlik aan Satan se kant te gaan staan. n Mens kan téén Jesus Christus wees. n Tweede moontlikheid is dat n mens in hierdie stryd aan Christus se kant kan wees. Hoe is n mens aan die Here Jesus se kant? In die eerste plek deur in jou binneste te erken dat Jesus van Nasaret die Here is, die Seun van God en dus self God, 3 Vgl ook 1 Pet 5:8

5 5 jou Verlosser en Koning. Jy erken hier in jou binneste dat n mens in dit wat Hy gesê het, die stem van die hemelse Vader hoor en dat n mens in dit wat Hy gedoen het, die krag van die Heilige Gees sien. In die tweede plek is n mens aan Sy kant deur dit wat jy hier binne glo oor Hom, ook openlik te bely soos wat julle vandag gedoen het. Jy gaan staan aan Sy kant deur te sê: - Hý is my Here en Verlosser ook En dan is n mens in die derde plek aan Sy kant deur openlik te gaan lewe volgens Sy Woord: - deur jou oral soos n volgeling van Jesus te gedra; - deur Hom saam met Sy ander dissipels te dien, deur te lewe as deel van Sy kerk; - deur saam te werk om vir Hom nog skape bymekaar te maak; - deur die dinge van die Here in hierdie wêreld te bevorder en die dinge van Satan teen te gaan; - deur in hierdie geestelike stryd aan Sy kant te veg! Terywl ons praat van aan-sy-kant-wees, onthou tog die goeie nuus: - wie aan Christus se kant is, wen saam met Hom hierdie stryd. As jy aan Sy kant is, word al jou sondes vergewe en word die houvas wat die bose op jou ook gehad het, deur die kragtige werk van die Heilige Gees gebreek en wag daar vir jou, as hierdie aardse stryd verby is, die lewe saam met die Here in die ewige vrede. En daarom is dit so n wonderlike geskenk wat vir ons gegee is: - om in Jesus te glo; - om mense te wees wat aan Sy kant n plek gekry het. Dis die tweede moontlikheid: n mens kan mét Christus wees. Wat nou van n derde moontlikheid: neutraal wees? - eers nog n bietjie wag voor ek betrokke raak in hierdie stryd; - eers nog n bietjie dinge uitkyk voor ek finaal besluit waar ek staan; - net eers al my persoonlike ideale verwesentlik voor ek my gewig regtig by die Here ingooi;

6 6 - net nog so n rukkie toeskouer wees voor ek regtig inspring Hierdie moontlikheid bestaan nie. Hierdie stryd het nie toeskouers nie, net deelnemers. Jesus sê: Wie nie aan My kant is nie, is teen My. In die stryd tussen die Vors van die lig en die magte van die duisternis, is daar nie drie kante nie, maar net twee: - jy s mét Christus, openlik, aktief; - of jy s téén Hom. Nie net mense soos hierdie Fariseërs, wat hulle willens en wetens aan Satan se kant gaan skaar het, of mense wat valse godsdienste beoefen nie, maar ook mense, selfs sogenaamde Christene, wat nog nie doelbewus voluit aan Jesus se kant gaan staan het nie, is teen Hom. Neutrales, pawiljoensitters, is teen Hom. Uitstellers is teen Hom. Mense wat nog hulle eie belange voorop stel, is teen Hom. Mense wat nog besig is om sake deur te kyk, is terwyl hulle dit nog doen, in die verkeerde kamp! Alle mense wat nie met hulle woorde en dade openlik en aktief die saak van die Here in hierdie wêreld bevorder nie en nie aktief die leuens en die bose invloed en planne van die Satan en sy trawante teëgaan nie, bevorder die Satan se saak. As jy niks doen as jy sien dat n slang iemand gaan pik nie, dan help jy mos eintlik die slang! Met hierdie uitspraak verdeel die Here Jesus Sy plaas net in twee kampe: - die kamp van die mense wat met hulle harte en lewens aan Sy kant staan; - en die kamp met al die ander, wat wissel van dié wat Hom openlik haat tot by dié wat in die waan leef dat hulle toeskouers kan bly. 3. PRAKTIES TOEGEPAS

7 7 Dis eintlik maklik om hierdie gedeelte in ons lewens van elke dag toe te pas. En ons moet dit ook almal doen as deel van ons selfondersoek voor ons volgende week DV kom nagmaal vier. Hierdie uitspraak van Jesus stel ons voor die vraag: - is ek regtig aan die Here Jesus se kant? En hierdie vraag kan nou opgedeel word in sub-vragies, byvoorbeeld: - hoe goed ken ek die Bybel, die boek van Jesus Christus? n Soldaat wat nie sy generaal se plan ken nie en wat nie weet watter opdragte die generaal gegee het nie en wat nie gewaarsku is teen die vals inligting wat die vyand gaan versprei nie en wat nie hoor as die generaal sy soldate moed inpraat nie en wat geen moeite doen om hierdie dinge uit te vind nie aan wie se kant is hierdie soldaat nou eintlik? n Onkundige soldaat in die eie linie, help eintlik die vyand se saak! En hierdie uitspraak van die Here Jesus stel ons voor die vraag: - is my lewe van elke dag dié van iemand wat aan Jesus se kant leef? Gooi jy jou gewig by die Here in - deur altyd eerlik te wees? - deur doelbewus vriendelik en liefdevol te probeer wees? - deur onbesproke sedelike standaarde? - deur jouself te beheers al word jy uitgetart? So n tussen-in mens, wat nou nie áltyd so eerlik is nie en wat nou nie eintlik bekénd is as n vriendelike mens nie en wie se taal en gesprekke mense maar laat wonder oor jou Christenskap is eintlik n vyand in die klere van n Christen-stryder! En hierdie uitspraak van die Here Jesus stel ons voor die vraag of ons ons regtig voluit by die Here se kerk skaar? Dit wat die Here Jesus hier sê ( wie nie saam met My die skape bymekaarmaak nie, jaag hulle uitmekaar), is kerk-taal. Om aan Christus se kant te wees, hou in dat jy aan die kerklike lewe sal deelneem: - saam dien;

8 8 - saam bid; - saam werk; - saam offer; - saam die boodskap versprei, om al hoe meer mense na die Here en na Sy kerk toe te bring; - saam stry teen louheid en afvalligheid en dwalinge. As jy hierin laks is en hierdie kerk-dinge nie van harte en getrou saam doen nie, is jy deel van die agteruitgang van die kerk en tel jou gewig by die vyand se kant! As julle wat vanoggend belydenis van geloof afgelê het, dink dat julle nog eers n bietjie gaan wag voordat julle regtig ernstig gaan raak oor godsdiens en oor Christenskap en oor sulke dinge ek sal later daarby kom, dan is jy in die verkeerde kamp, al het jy watter mooi dinge vanoggend gesê en belowe Aan Christus se kant of teen Hom waar is u? Vir elkeen van u wat met genade van Bo in die regte kamp is, hierdie aansporing: - bly daar! - hou vol op hierdie wenpad! - die beloning maak dit deur en deur die moeite en die stryd en die offers werd! En vir dié van u wat dalk met n skok besef het dat u eintlik al die tyd nog in die verkeerde kamp was: - erken dit voor die Here; - en smeek Hom dat Hy u, voordat Hy die hekke finaal sluit, na die regte kamp op Sy plaas toe sal bring daardie kamp waar die weiding geil is en die water soet AMEN