2 TIMOTEUS 4:7. Votum en seën. Psalm 18 : 1. Geloofsbelydenis: Twaalf Artikels. Wet: Exodus 20:1-17 (AV 1933/53) Psalm 25 : 3. Belydenis van geloof

Transcriptie

1 2 TIMOTEUS 4:7 Votum en seën Psalm 18 : 1 Geloofsbelydenis: Twaalf Artikels Wet: Exodus 20:1-17 (AV 1933/53) Psalm 25 : 3 Belydenis van geloof Psalm 121 : 2, 3 Gebed Doop volwassene Psalm 103 : 6 Skriflesing: 2 Timoteus 4:1-8 (AV 1933/53) Teks: 2 Timoteus 4:7 (AV 1933/53) Preek: Wat eintlik saak maak Gebed Kollekte Skrifberyming 10 (5-4) : 5, 6 Seën Skrifberyming 78 (13-3)

2 2 Sal julle nie ook dít wil kan sê aan die einde van julle lewe nie? Want dis wat hierdie woorde is, woorde aan die einde van die apostel Paulus se lewe. Hierdie is die laaste brief wat hy geskryf het, en hierdie is van die laaste sinne in hierdie laaste brief: - hy t nou klaar vir Timoteus gesê hoe hy wat Timoteus is in die gemeente van die Here moet werk; - en nou skryf hy n paar persoonlike sinnetjies neer. En hierdie sinnetjies gaan nie oor bysake nie, maar oor kern-dinge. As n mens by die einde van jou lewenspaadjie kom, dan hou jy jou nie meer met bysake op nie, dan dink jy en praat jy en skryf jy oor wat regtig saak maak. Dis dan wat vandag se preek wil uitlig: dit wat eintlik saak maak. Probeer hierdie paar woorde onthou: die dag toe jy belydenis van jou geloof afgelê het, het die preek gegaan het oor wat eintlik in hierdie lewe saak maak. En kom ons ander hoor hierdie preek as n vraag wat ons by ons selfondersoek voor die nagmaal vir onsself moet afvra: - is óns in ons lewens besig met dit wat eintlik saak maak? Wat is dit wat eintlik saak maak? Die Heilige Gees laat Paulus drie dinge noem: 1. dat die goeie stryd gestry word; 2. dat die wedloop klaargemaak word; 3. dat die geloof behou word. 1. DAT DIE GOEIE STRYD GESTRY WORD Die lewe is in baie opsigte maar n stryd. Dis n stryd om kos en klere en geld te hê, om gesond te wees en te bly, om jou verhoudings met medemense te laat werk, om jouself teen misdadigers te beveilig.

3 3 Julle het ook al iets van hierdie stryd begin agterkom, dat dit partykeer maar n stryd is om jou skoolwerk op peil te hou, om jou ouers tevrede te stel, om vriendskappe te laat werk. Maar die belangrikste stryd wat ons in hierdie lewe het, is die stryd wat ons as gelowiges het, die stryd - om die Bybel te ken en reg te verstaan; - om die Here se waarheid uit te ken tussen al die vervalsings daarvan in hierdie wêreld; - om jou eie aangebore onverskilligheid oor godsdiens te onderdruk en entoesiasties te wees oor die dinge van die Here; - om versoekings te vermy en skoon te lewe soos Hy wil hê; - om die verskillende pligte wat die Here verskillende kinders van Hom gee in Sy kerk en koninkryk, te doen en reg te doen en getrou te doen; - om die teenstand spot, vyandigheid, ens teen jou geloof in die Here reg te hanteer. Dis n stryd. Die apostel noem dit die goeie stryd - n stryd wat hy self ook moes stry as apostel en as kind van die Here; - n stryd waartoe hy Timoteus al in sy eerste brief aan hom aangespoor het, toe hy vir hom gesê het: Stry die goeie stryd van die geloof 1 Dis n stryd wat n gelowige mens nie kan vermy nie, want die hele wêreld is mos net in twee kampe verdeel: dié vir Christus en dié teen Hom; en as jy aan Sy kant is, gáán jy hierdie stryd moet stry, want die ander kant die duiwel en sy magte en mense voer n oorlog teen hierdie kant van Christus! 2 en as jy nie teen hulle stry nie, gaan hulle jou wen en saamvat op hulle pad, wat uiteindelik in die ewige donkerte van die hel inloop Dis iets wat régtig saak maak: of jy in jou lewe die goeie stryd stry. n Tweede wat regtig saak maak, is dat die wedloop klaargemaak word. 2. DAT DIE WEDLOOP KLAARGEMAAK WORD 1 1 Tim 6:12 2 Openb 12:17

4 4 Vir elke kind van Hom het die Here n wedloop wat jy vir Hom moet hardloop, take waarvoor Hy jou in Sy wêreld wil gebruik, plekke wat Hy wil hê wat jy vir Hom moet volstaan. Paulus gebruik by n ander geleentheid hierdie selfde woord wat hier met wedloop vertaal is as hy oor die werk wat die Here vir hom gehad het, praat. Hy sê daar: Maar ek bekommer my glad nie [oor verdrukkinge wat vir hom voorspel is] en ek ag ook my lewe vir myself nie dierbaar nie, sodat ek met blydskap my loopbaan kan volbring en die bediening wat ek van die Here Jesus ontvang het, om kragtig te getuig vir die evangelie van die genade van God. God het vir ons elkeen n wedloop, n loopbaan. Verstaan dit mooi: dis nie net mense wat soos Paulus buitengewone opdragte van die Here af gekry het, wat n Christelike loopbaan het nie. Ons elkeen moet ons hele lewe, orals waar die Here ons laat gaan, al die verpligtinge wat op ons pad kom sien as n loopbaan vir die Here: - my skoolwerk; - my studie; - my beroep; - my huwelik; - ouerskap; - betrokkenheid by skole of kultuurorganisasies of politieke partye; - verantwoordelikhede wat ek in die kerklike lewe kry. 3 Ek moet dit alles doen soos wat die Here my in Sy Woord leer om daardie soort dinge te doen. Ek moet in dit alles geleenthede sien om van die Here te getuig en om aan ander mense liefdesdiens te verrig en om kwaad wat op daardie lewensterrein ingesluip het, te bestry. 4 Al die take en roepings wat ons as Christene in die kerk en in die wêreld en in ons eie lewens het, is ons elkeen se loopbaan, se wedloop. Wat Paulus nou hier sê, is dat hy sy wedloop voleindig het, bedoelende klaar gemaak het; 3 Wat van geslag tot geslag kan verskil, vgl bv 1 Kron 28:3, 6 4 HK 12:32

5 5 - hy t nie begin maar toe iewers langs die pad opgehou nie; - hy t al die rondtes gehardloop. Dis nie vanselfsprekend dat mense wat goed wegspring in hulle Christelike loopbane enduit gaan volhou nie. o Ons lees byvoorbeeld in die Bybel van koning Saul, wat mooi begin het, maar toe toe later die Here se wedloop gelos het en sy eie paaie begin loop het. 5 o En ons lees van Judas Iskariot, wat een van die twaalf apostels was, en saam met die ander deur Jesus opgelei is, maar hom toe aan die duiwel oorgegee het en die Here Jesus verraai het. 6 o En ons lees in vers 10 van hierdie hoofstuk van Demas, wat eens op n tyd n getroue medewerker van Paulus was, maar hom toe in die steek gelaat het omdat hy die wêreldse dinge liefgekry het. o En ons sien dit so baie in die kerk: - jongmense, wat soos julle vandag belowe om goeie kinders van die Here en getroue lidmate van Sy kerk te wees en dan net uitsak en verdwyn en los van die Here en van Sy kerk raak; - ander lidmate, wat met groot entoesiasme ampsdraers word of op ander maniere by dienswerk in die kerk betrokke raak en hulle dan, na net so n paar rondes, as gevolg van die moeite of teleurstellings of belangstelling-verloor of wat ook al, aan die wedloop onttrek. Die begin van enige wedloop is spesiaal, maar wat régtig saak maak, is of jy die wedloop gaan voltooi. Die oorwinnaarskroon, wat al die voltooiers van hiérdie wedloop kry, kry jy net by die wenpaal, by die eindpunt van hierdie baan, sodat dit saak maak of jy die wedloop voltooi of nie. Die derde wat eintlik saak maak, is 3. DAT DIE GELOOF BEHOU WORD Dit gaan hier nie oor geloof verkry nie, maar geloof behou. 5 1 Sam 15:23b 6 Joh 13:2

6 6 Julle, én die ander gelowiges hier, hoef mos nie nog geloof te kry nie julle hét dit mos! Dis dan wat julle netnou (en u op n vorige dag en datum al) gesê het, bely het, dat die Heilige Gees hierdie vaste vertroue in jou geplant het dat die Here Jesus ook vir jou sondes aan die kruis gely het en ook jou skuld met Sy dood betaal het en ook vir jou die dood oorkom het deur lewend uit die graf op te staan. En nou pak ons die goeie stryd en ons Christelike loopbaan aan met hierdie geloof wat vir ons gegee het. Maar die stryd is hard. En die wedloop is taai. En daar s langs die pad baie aanvalle op ons geloof en baie versoekings om liewers ander paadjies te loop. En geloof lyk partykeer so nutteloos iets wat jou eintlik niks in die sak bring nie! Kyk net na Paulus hier: - na n lewe van geweldige opofferings en van die getrouste diens denkbaar, sit hy in n dodesel en wag vir sy teregstelling! Geloof behou is glad nie so vanselfsprekend nie. En tog, as n mens glo, sien jy mos dwarsdeur die harde stryd en die taai wedloop en die aanslae op jou geloof alles wat die Here belowe het vir dié wat Hom liefhet. Wie glo, sien die ewige lewe wat wag. Wie glo, sien anderkant die dodesel die ewige heerlikheid, waar vir elke gelowige n plek gereed gemaak word. Maar wie sonder geloof klaarmaak, is n mens sonder n plek daar, en daarom n mens sonder enige vooruitsig. En daarom maak dít regtig saak: - of jy in die geloof, wat vir jou gegee is, bly lewe; - of jy aan die einde van die pad sal kan sê: ek het die geloof behou As die Here se apostel daar naby die einde van sy aardse lewe n paar sinne skryf oor dit wat regtig saak maak, dan sê hy:

7 Ek het die goeie stryd gestry; ek het die wedloop voleindig; ek het die geloof behou. 7 As die drie keer se ek het dit dalk laat klink asof Paulus gedink het dat hy hierdie dinge met sy eie krag reggekry het, kan ek u verseker dat dit nie so is nie. Sy briewe is vol daarvan dat hy weet dat alles wat hy kon doen en kon regkry, net met die krag en die genade van die Here was. 7 Hy t Jesus geken, wat duidelik vir al Sy volgelinge gesê het: - sonder My kan julle niks doen nie. 8 As jy nog dink dat jy hierdie dinge self sal kan regkry, sonder die hulp van die Here waarvoor ons aanhoudend moet bid, dan het jy nog nie genoeg katkisasie gehad nie! TEN SLOTTE Julle gaan DV baie dinge in julle lewe wat voor julle lê, aanpak en probeer en doen. Sal julle onthou dat nie alles wat n mens doen en kan doen, ewe belangrik is nie? Daar s selfs dinge in hierdie lewe, wat n mens kan doen en wat nie verkeerd is nie, maar wat nie regtig saak maak nie. En jy moet nou al die lewe aanpak met hierdie onderskeid tussen dit wat regtig saak maak en dit wat nie so belangrik is nie, in jou kop, anders gaan jy gou-gou vasgevang raak in allerhande goed wat eintlik vir jou niks beteken nie. Dink n bietjie en dis n vraag vir ons almal: - as n mens eendag naby die einde van jou lewe kom en terloops, dit gebeur nie altyd eers as n mens 80 jaar oud is nie! wat gaan dan regtig saak maak? Gaan dit dan nog belangrik wees - hoeveel rekords jy op die sportveld laat spat het? - hoeveel hoog jy die suksesleer in jou werk geklim het? - watter motor jy gery het en watter huis jy in gebly het? - hoeveel lekker tye jy gehad het of misgeloop het? - hoe lank jy nog mooi jonk gelyk het? 7 Bv Rom 11:36; 1 Kor 15:10; 2 Kor 3:5; Flp 2:13; 8 Joh 15:5

8 8 Gaan dít nie eerder dan regtig saak maak nie: - of jy in die groot wêreldstryd aan die regte kant gestry het? - of jy dit wat die Here jóú wedloop as Christen gemaak het, klaargemaak het? - of jy die geloof in Jesus Christus behou het? Die Here wil hê dat ons ons in ons lewens veral moet besig hou met dit wat eintlik saak maak, van jongs af al. Vat dan vandag hierdie sinnetjies uit die Here se Woord saam. En as julle dan in julle lewe daar kom waar mense verskil oor standpunte en optredes, onthou dan dat ons die stryd aan die goeie kant moet stry. En as jy moeg raak vir die moeite en offers wat die Christelike wedloop van jou vereis, of vir die teenstand wat ons baie kere in die wedloop as n Christen kry, onthou dan dat ons hierdie wedloop nie net n entjie moet hardloop nie, maar moet klaarmaak, anders gaan jy nie die oorwinnaarskroon kry nie. En as jy dink aan wat jy graag as die laaste sin van jou lewe sal wil sê, onthou dan híérdie een: ek het die geloof behou. Dís wat eintlik saak maak. Dís wat vir ewig saak maak. AMEN