1 PETRUS 5:10 DL 5:1, 3, 8

Transcriptie

1 1 PETRUS 5:10 DL 5:1, 3, 8 Votum en seën Psalm 91 : 1, 7 Gebed Skriflesing: 1 Petrus 5:1-11 (AV 1983/91) Belydenis: DL 5:1, 3, 8 Teks: 1 Petrus 5:10 Psalm 138 : 4 Preek: God bewaar Sy kinders enduit Gebed Kollekte Psalm 20 : 1, 2, 7 Seën Skrifberyming 78 (13-3) Ook: Ps 121 Sb 10 (5-4) : 5, 6

2 2 Ook hierdie oortuiging van Gereformeerde Kerke word op allerhande maniere bevraagteken: - die oortuiging dat iemand wat eenmaal n werklike kind van die Here geword het, dit vir altyd sal bly; of om dit in die taal van die Dordste Leerreëls te sê: - die oortuiging dat die heiliges sal volhard. Die duiwel haat hierdie oortuiging, want hy gun ons nie die troos daarvan nie. Daar s mense wat dit nie verstaan nie, en dit belaglik voorstel, asof ons glo dat mense wat eenmaal kinders van God geword het, nou maar verder net so sleg en so sondig soos hulle wil kan lewe, want hulle sal mos nou outomaties vir altyd kinders van die Here bly! Daar ís dalk ook mense wat hulleself Christene noem, wat rustig aangaan met sondes wat hulle doen, met hierdie soort redenasie in hulle agterkoppe. En dan was daar ook nog altyd dwaalleraars (soos byvoorbeeld die mense wat die Remonstrante genoem is in die tyd toe die Dordtse Leerreëls opgestel is) wat die Bybelse leer van die volharding van die heiliges só voorstel dat dit uiteindelik tog maar weer van die mens se eie pogings afhang of hy gaan volhard of nie 1 en so God se genade na die tweede plek toe skuif en die troos van hierdie volharding van die heiliges vernietig. Ook die waarheid oor die volharding van die heiliges is van baie kante af onder skoot. Maar dit ís waarheid, want dit word in die Bybel (byvoorbeeld hier in 1 Pet 5:10) geleer dat God Sy kinders, die uitverkorenes, enduit in die geloof bewaar. Kom ons luister vanaand na hierdie troos. Ons gaan eers kyk waarom hierdie oortuiging bevraagteken word en dan na die troos wat in ons teksvers vervat is. 1. WAAROM VOLHARDING VAN HEILIGES BEVRAAGTEKEN WORD. Daar s niemand wat beweer dat nie een gelowige enduit sal bly glo nie, maar daar s baie mense wat twyfel of ál die kinders van die Here tot die einde van hulle lewe in Hom sal bly glo. 1 Vgl bv DL VD 5:1-4

3 3 Hoekom twyfel mense daaraan? Omdat kinders van die Here gedurig nog sondig en partykeer selfs vir n hele tyd lank in hulle lewens in sekere sondes verval. Dis genoeg om n mens te laat wonder of al die kinders van die Here dan wel as ware gelowiges hulle aardse lewens gaan voltooi, nie waar nie? Dink net: hier s n mens (of so kom dit voor) - wat deur die Vader uitverkies is en tot geloof in Jesus gebring is; - wat deur die Here Jesus van alle sondeskuld bevry is; - in wie se binneste die Heilige Gees oorgeneem het en die klipharde sondaarhart met n hart wat weer kan en wil liefhê, vervang het en by wie Hy n nuwe manier van lewe laat begin kom het 2 en híérdie mens sondig nou weer of nog steeds! Hoe kan dit wees? Of dink aan die geestelike paadjie wat die meeste van ons geloop het: - van kleins af n verbondskind; - grootgeword met die Bybel en in die kerk; - op n stadium openlik bely: ek glo! en plegtig belowe: ek gaan vir die Here luister. En nou is híérdie onse se lewens alles behalwe modelle van geloof en gehoorsaamheid, nou sukkel híérdie mense om die versoekings op die pad te weerstaan, nou val hierdie mense party kere sommer in skandelike sondes! Hoe kan dit wees? Dink byvoorbeeld aan Dawid, die digter van soveel pragtige Psalms, wat n ander man se vrou vat en hom laat vermoor. En dink aan Petrus, wat n rots moes wees, wat na drie jaar se feitlik dag-en-nag-saam-met-jesus-wees, te bang is om teenoor n slavinnetjie te erken dat hy Jesus volg. Hoe kan dit wees? 2 n Regverdig-, weergebore-, bekeerde- en heilig-gemaakte mens.

4 4 God se kinders sondig nog. Hulle t álmal nog n stryd teen die bose. Die Heilige Gees laat Petrus hierdie stryd teen die bose hier beskryf as n lyding n lyding wat gelowiges dwarsdeur die wêreld het. 3 Ons wil so graag anders wees: - ons wil graag die sondes uit ons lewens weghê; - ons wil so graag rêrig heilige mense wees, voorbeelde van kragtige geloof en van selfopofferende liefde en van spierwit reinheid in hierdie sonde-vuil wêreld. Maar as ons die goeie wil doen, dan doen ons as ons ons oë uitvee jou werklikwaar weer die kwaad! 4 En die kwaad doen ons so maklik, so vanself, terwyl dit n hele stryd is om die goeie maar net te begin regkry! God se kinders sondig nog steeds. En hierdie feit laat n mens nie net partykeer wonder of sulke mense ooit régtig kinders van die Here geword het nie, maar dit maak ook n ander vraag by ons wakker: - kan hierdie sondes wat ons doen, ons nie dalk só vasvat dat ons van die Here losraak en eendag verlore gaan nie? - kan die duiwel en ons eie sondige natuur en al die versoekings in die wêreld mense wat kinders van God is, nie dalk uit Sy hande uitruk nie? Die werklikheid van die sondes van kinders van God, maak die vraag wakker of elkeen wat eenmaal n kind van God geword het, dit wel enduit gaan bly. Die onheilighede van heiliges laat ons twyfel aan hulle almal se volharding 2. DIE TROOS VAN TEKSVERS Hierdie vers bevat n belofte van die Here, n versekering. Nie, soos die ander Afrikaanse vertaling dit weergee, maar net n wens nie, 3 Vers 9 4 Rom 7:15, 19, 21

5 5 maar n toesegging: - God sál! - Hy sal ons nie hierdie stryd laat verloor nie. - na die kort tydjie van lyding (soos wat die geestelike stryd hier genoem word), sál God nog steeds Sy goeie werk aan ons doen. Hy word hier genoem: God wat alle genade gee Alle genade - die begin-genade en die aanhou-genade; - wedergeboorte-genade en die volharding-genade. Hy wat ons geroep (soos hier staan) om deur ons verbondenheid met Jesus deel te hê aan die ewige heerlikheid wat Hy gee - Hy sal ook sorg dat ons by daardie heerlikheid uitkom; - Hy sal ons anderkant die geestelike slagvelde van hierdie lewe weer oprig en moedig, sterk en standvastig maak. Hy sal ons oprig. Hierdie woord beteken dat Hy ons volmaak sal maak, al sal ons ook hoe gehawend uit die stryd uit kom. Die Griekse woord wat hier gebruik is, is ook die woord wat gebruik word vir die herbouing van n skip wat deur n storm op die see beskadig is, of vir die herstelwerk wat n visterman aan sy stukkende nette doen. God sal ons so herstel en herbou dat ons volmaak sal wees. En Hy sal ons moedig, sterk en standvastig maak. Hierdie drie woorde se betekenis is so naby aan mekaar dat Petrus waarskynlik nie met elke woord iets anders wil sê nie, maar met n opstapeling van terme een spesifieke saak baie sterk wil beklemtoon: - dat God ons sal laat bly staan: sterk, vas, stewig; - ons sal nie deur die storms van sondes van val en stry om op te staan en van worstel om koers te hou uit Sy hand geruk word nie; - Hy sal ons dwarsdeur dit alles laat kom en ons daarna regop en vas laat staan kinders van God vir altyd! Petrus, wat deur die Heilige Gees gebruik is om hierdie vers vir ons te gee, is self n Voorbeeld van hierdie vashou-werk van die Here.

6 6 Sy lewe was ook een van val en opstaan en weer val en weer opstaan. o Op n stadium wou hy Jesus mos van die kruis af weghou, soveel so dat Jesus vir hom moes sê: Moenie in my pad staan nie, Satan 5 o En daar was die verskriklike nag in sy lewe toe hy Jesus drie keer gruwelik verloën het! 6 o En dan moes Paulus hom later weer ernstig vermaan, omdat hy (Petrus) nie sterk genoeg by die waarheid gestaan het nie. 7 n Mens kan jou indink met watter oortuiging Petrus ons tekswoorde van vanaand gedikteer 8 het. Vir hom was hierdie sin nie net teoretiese verkondiging van n waarheid wat aan hom geopenbaar is nie, maar dit was ook sy persoonlike ervaring: - die Here bring jou ander kant uit; - Hy gee altyd weer opstaan-genade en aanhou-genade. Het die Here Jesus dan nie van Sy skape, Sy volgelinge, gesê nie: Ek gee hulle die ewige lewe, en hulle sal in alle ewigheid nooit verlore gaan nie. Niemand sal hulle uit my hand ruk nie. 9 En op grond van hierdie versekering van Jesus en op grond van dit wat hier in ons teksvers staan en op grond van soortgelyke uitsprake op ander plekke in die Bybel, 10 bely die kerk van die Here die volharding van die heiliges. Al gaan dit met stampe en stote, deur val en opstaan en partykeer selfs deur growwe sondes heen, sál die ware kinders van God, die uitverkorenes, die mense wat Jesus Christus as hulle Redder gevind het, nie verlore gaan nie. 5 Mark 8:33 6 Mark 8: Gal 2: Vgl 1 Pet 5:12 9 Joh 10:28 10 Bv Luk 22:32; Joh 17:15; Rom 8:31-32; 1 Kor 1:8; 1 Tes 3:13

7 7 God bewaar Sy kinders enduit. Iemand het gesê dat ons eintlik nie moet praat van die volharding van die heiliges nie, maar van die volharding van God met die heiliges, want dis Hý wat sorg dat hulle enduit Syne bly. En nou sou ons nog lank kon praat oor die feit dat hierdie waarheid dat God ons enduit sal bewaar ons nie laat voel dat ons nou maar allerhande sondes kan gaan doen nie, maar ons net nog liewer vir die Here maak en nog gretiger om vir Hom te lewe en om teen die duiwel te stry soos ons in hierdie hoofstuk opgeroep word om te doen. 11 En ons sou kon wys op die feit dat dit n kind van die Here nie minder bang vir sonde maak as jy weet dat die Here jou tog in Sy troue liefde weer deur die proses van berou en bekering en vergifnis daaruit sal lei nie. Enige een wat al in die Bybel gelees het watter ellendes kinders van die Here met hulle sondes oor hulleself gebring het, en enige een wat al byvoorbeeld in Psalms 32 en 51 gelees het watter sielewroeging n kind van God wat in sonde geval het, kan hê. en enige een wat weet dat elke sonde van jou die Heilige Gees hartseer maak, sal bang wees vir sonde, sal jou met alle mag teen die suigkrag daarvan versit, sal so ver as moontlik daarvoor weghardloop! Maar kom ons bly vanaand net by die kern: die Here sal Sy kinders enduit bewaar. TOEPASSING Hóór u die troos? Rondom ons in al ons geestelike stryde en spartelings en insinkings en valle, is daar die keer-muur van God se liefde vir ons. Hoe sukkel ons nie baie kere met ons geestelike swakhede nie! Hoe teleurgesteld is ons nie kort-kort weer omdat ons Christelike lewe maar net nie kan word soos dit behoort te wees nie! 11 Verse 8-9

8 8 Hoe moedeloos word ons nie as ons weer terugval in n sonde wat ons gedink het ons klaar oorwin het! En dan laat die Heilige Gees ons in n vers soos hierdie hoor: maar Gód - ék val en ék misluk en ék kan nie; - maar Gód Hý misluk nie; Hý hou my vas; Hy tel my weer op en maak my heel en laat my regop en vas en stewig staan! Rondom die verlore seun (onthou u die gelykenis? 12 ) was daar die onsigbare magneetveld van sy Vader se troue liefde waar buite hy nie kon gaan nie, al het hy gedink dat hy kon gaan net waar hy wou! Eenmaal n kind van die Here, áltyd Sy kind. Elke uitverkorene en dit beteken ook elkeen in hierdie kerkgebou vanaand wat Jesus Christus regtig liefhet sál die genade van volharding kry. Só goed is die Here vir ons AMEN 12 Luk 15:11 e.v.